《TVB藝人廣告商 - SunPlay戶外防曬💙》15 May

1.［派嬲／派Like］自己揀😡👍🏻
2.［留言］話畀商家聽你會否幫襯💬🛍️

【曼秀雷敦（樂敦）】
https://www.facebook.com/mentholatumhk
https://pili.app/pg/4i9eiJ00u

▌主演《雙生陌生人》但收視只得13.5點嘅 #湯洛雯，最近接咗 #SunPlay、#PolaHK 兩個廣告，不過前者竟然當我哋「大台」藝人係臭四😡

▌SunPlay係 #曼秀雷敦 嘅戶外防曬產品，最近搵咗TVB湯洛雯同ViuTV嘅Ivy So、Marf合作宣傳，但曼秀雷敦官方FB、IG出嘅宣傳Post全部都係ViuTV，湯洛雯個版本鬼影都唔見，極度大細超🙄 大度收視就算衰極都有十幾點，而ViuTV就連零頭都追唔上，TVB藝人點解要受呢種屈辱😤

———————————————
【‼#TVB 廣告商名單‼】
https://bit.ly/TVBAdData 👈🏻

今個禮拜TVB收視繼續跌，新劇收視一套慘過一套，綜藝收視無起息，《聲生不息》收視等同普通綜藝。

1️⃣ #馬德鐘 主演嘅《#雙生陌生人》接住《金宵大廈2》播映，首週收視13.5點（約87.7萬觀眾），可能係TVB史上最差紀錄，但要注意，呢套劇唔係《金宵2》、《刑偵日記》呢種「燒腦劇」，而且呢兩套劇首週收視都無咁慘（分別為18.8及17.5點）。

* 有網民補充，2021年劇集《AI智能愛人》首週收視為12.3點，比《雙生》更差，但當時時值東京奧運，播映時間曾改至22:15 - 23:15。

早前《香港01》預測，此劇有女神 #湯洛雯 同演技派 #賴慰玲 坐陣，有望挽回觀眾，結果成為燈神。

《雙生陌生人》由 #象牙世家、#海馬牌 贊助，呢兩間公司幾乎係「TVB劇集贊助鐵膽」。

2️⃣ 從來沒有贊助嘅《#食腦喪B》收視續跌至15.8點(-0.8)。

3️⃣《#三餸一湯》收視跌至11.9點(-1.3)。一年前，TVB大股東、共產党員黎瑞剛曾批評TVB煮食節目太多，下達「限廚令」，後尾又因為收視不振而解禁，小編好期待董事會下一個「最高指示」係咩嘢。

《三餸一湯》贊助商包括 #同心堂、#天上野、#TGC煤氣爐具、#美味棧 及 #長城牌。

4️⃣《#聲生不息》第三週收視跌至15.2點(-1.6)，但好彩有6,700萬湖南觀眾彌補返。

5️⃣ 疫情高峰期間，《#東張西望》周日收視試過谷到上28點，但港人「放監」之後，同時段收視跌到17點，相差整整11點。

▌由 #馬德鐘、#湯洛雯 主演嘅《#雙生陌生人》第二週收視維持13.5點（約88萬觀眾），無升無跌，但無綫已經決定「止蝕」，由25集剪成20集，有指做法係為咗提早迎戰ViuTV套劇集《冥冥之中》，小編唔認同，因為曾志偉先生話友台節目題材偏門，收視又得4點，根據威脅唔到堂堂「大台」。題外話，如果Cut咗集數，無綫會唔會退返20%廣告費畀贊助商 #象牙世家、#海馬牌？

▌偏門題材劇集《#食腦喪B》終於播完，全劇平均收視為16.5點。呢套劇雖然以喪屍為題材，但絕對唔適合喪屍愛好者，入面嘅演員整白塊臉就當係喪屍，動作滑稽，化妝求其，相信係為咗避免嚇親觀眾，不過亦搞到定位不倫不類。劇情方面，香港被喪屍攻陷，但完全無提及警察、解放軍嘅存在，令人十分出戲，難道編劇係想帶出「政府無能，民間自救」嘅訊息？

▌綜藝方面，平日節目及周日嘅《#聲生不息》收視稍有回升。喺英格蘭足總盃播映前夕，無綫搞咗個《球迷派對》，收視僅有7.7點，但成功接到好幾個贊助商，包括富臨旗下嘅 #ChiMac 炸雞、#美味棧、#巨浪大切、#怡寶，以及私下拎客戶物業去做按揭嘅 #康業信貸快遞。 圖片取自《明周》