雖然講嚟極權都係唔會聽唔會改，依個時勢我哋亦都無嘢可以攞嚟同佢哋談判，但係唔想鬱埋喺個心度，所以航陣僅此向政府、機管局及一眾航空業者表達以下意見：

1. 打唔打針同食唔食藥係人權，係病人權益，係醫德問題，利用任何手段威迫利誘都唔符合文明地區嘅固有價值觀；

2. 正如日前歐洲商會所講，依家歐美各國都視疫苗為減低重症或死亡嘅措施，而無法杜絕感染；反觀現時政府同機管局嘅收緊措施更顯缺乏邏輯；

3. 打針應屬個人風險考慮，就如MPF咁，退休保障係好事，唔代表要強迫所有人投資落進取嘅高風險基金，要俾保本基金人哋揀...

4. 如果政府認為機場員工嘅工作環境係高風險，咁點解唔將武肺列為職業病？！我哋航陣上年二月一早已經要求你封疫區關嚟保障機場員工同社區喇～

5. 如果政府同公司認為有高染病風險，點解唔好似其他職業病(例如肺積塵、職業性失聰、輻射病)咁，由公司/政府免費幫員工檢測？！請問依家有邊種疾病係要員工自費檢查先可以返工？？點解武肺會有特別做法？政府相關做法令谷針意圖欲蓋彌彰！

6. 呼籲公司同員工坐低討論應對方法。唔打針而導致身體唔適合擔任某個工種，呢個情況同工傷一樣，唔係即時解僱嘅理由，我哋認為有可能涉及歧視。

認同請分享。完。

#航空同業陣線 #HKASA #航空 #工會
＿＿＿＿＿＿＿＿＿＿＿＿＿＿＿＿

▸ fb.me/hkasalliance
▸ instagr.am/hkasalliance
▸ +852-94327585 (WhatsApp+Signal only)
▸ hkaviationstaffalliance@gmail.com