被譽為亞洲最有份量嘅天主教神職人員 、 #緬甸 #樞機主教 #貌波 日前撰文，指人大強推《港版國安法》嚴重侵犯香港嘅自治同自由，並以文革為鑑，指出當時嘅宗教信仰自由「被殘暴地摧毀」，加上法例中「顛覆」、「分裂」、「與外部勢力連結」等罪名定義過於 #空泛模糊 ，宗教信仰自由喺不久嘅將來必定同其他自由一樣遭受打壓，表示「我們必須從過往慘痛的經驗中汲取教訓」。

佢仲指出香港過去一年嘅抗爭活動大部分和平， #超過九千名抗爭者被捕 ，但就無一警員被控告使用不合比例嘅武力，認為抗爭者同警務人員都同樣應該依法受審，並呼籲各界為今日嘅香港祈禱，希望中國同香港嘅領導人尊重佢哋曾經向香港人許下嘅承諾，保障大家嘅人權同自由。

Link