巴基斯坦主流Delta變種毒株 離奇隱形播港
打科興食海底撈23歲寵物店女 無源頭感染
陳肇始認「好奇怪」 籲市民縮短買年貨時間

被世衞總幹事譚德塞和香港食衞局長陳肇始形容為「海嘯」的Omicron變種COVID-19病毒，疑在本地社區隱形擴散。政府收緊社交距離，禁止晚市堂食至年初三，亦取消年宵花市。陳肇始呼籲市民，即使要外出辦年貨，「嘗試盡量將個時間減短囉」，紓緩擠塞；重申要減少人流，避免大型聚集，希望短痛過後，年初四可放寬社交距離。

可惜，一波未平，一波又起；已打2針中國科興疫苗、與眾友聚餐油麻地海底撈的23歲銅鑼灣寵物店Little Boss售貨女，被驗出感染Delta變種COVID-19毒株，惟感染源頭不明。陳肇始直認「我哋都覺得好奇怪佢係Delta」；衞生署衞生防護中心傳染病處主任張竹君承認，這反映社區有Delta隱形傳播鏈。

理大分析寵物店女的病毒基因，發現她感染Delta AY.127毒株。張竹君指，此毒株在巴基斯坦較流行。而寵物店女的病毒基因，與12月23日從巴基斯坦經中東抵港的33歲女子（個案12567）最相似，但仍有多達17處基因差異，反映對方並非感染源頭。

衞生防護中心與漁護署已到患者任職的寵物店，採集環境樣本，並調查其感染途徑，是否與荷蘭進口的寵物有關連。

#陳肇始 #Delta #Omicron #海嘯 #科興 #海底撈 #寵物 #年貨 #巴基斯坦 #變種病毒 #COVID19 #channelchk #譚德塞 #世衞 #vaccine #tsunami #農曆新年 #CNY #ChineseNewYear #荷蘭 #年宵 #花市 #理大 #基因 #油麻地 #銅鑼灣 #張竹君 #社交距離 #晚市堂食 #疫苗

Little Boss新患者病毒基因有異 動物傳人機會「大咗好多」
元朗i love rabbit倉鼠籠驗出病毒 初確者曾到旺角分店

Little Boss兩位客人及其家人患者的病毒基因，與早前確診的23歲女店員（#13047）經基因排序後發現有4個突變分別，相信由其他途徑傳播機會較大，又指是動物傳人的機會，比起直接人傳人的機會「大咗好多」。

漁農自然護理署已去了30多間寵物店採集樣本，而當中於i love rabbit元朗店中的倉鼠籠找到陽性樣本。張竹君表示，這意味着出現動物感染人類的機會大增。

而今日確診的17歲、居於觀塘凱滙3座的男患者雖然同樣是Delta變種病毒，但經過理大全基因分析結果，發現與第13047號個案（23歲女店員）不同。加上患者沒有接觸動物或飼養寵物的經歷，仍需要搜尋感染源頭，亦擔心社區有隱性傳播鏈。張竹君指，相信是因為動物基因不一樣，而社區或已有不同傳播鏈，透過動物互相傳播之後，再傳染給人類，故此個案為動物傳人的機會，比起直接人傳人的機會大得多。

另外，今日多一名30歲女性初步確診者曾於1月4日到訪旺角i love rabbit。她指涉事i love rabbit寵物店的職員要檢疫，而店內動物則由漁護署安排和決定。張竹君呼籲市民若上月22日後購買過倉鼠，要儘快做檢測，但同時不要棄置倉鼠，因會引起其他公共衞生問題。

#channelchk #倉鼠 #殺鼠令 #LittleBoss #小動物 #張竹君 #Delta #疫情 #iloverabbit

26歲傳銷男染Delta 發病播毒10日2求診都冇驗
傳染2樓上住戶及1同事 靠污水強檢始揭中招
專家不排除病源來自新買倉鼠或寵物店

黃大仙豪苑1座E室單位，疑因U型隔氣彎管乾涸，加上抽氣扇負壓，令樓下1戶染疫居民所散發的Delta變種COVID-19病毒，因煙囪效應經屎渠或天井向上傳播，感染樓上2戶居民。政府按專家建議，撤離全棟E室居民。

播毒的26歲男住戶，任職街頭傳銷；1.15起咳、流鼻水和頭痛，發病10日期間曾於1.18和1.22求診，但都沒檢測，結果除傳染2名樓上住戶，更感染1名同事。直至近日因區內污水驗出病毒，他1.23按要求強檢，始揭中招，

這名男住戶向衞生署報稱，今年12月初在旺角通菜街的I Love Rabbit寵物店，購入倉鼠在家飼養。衞生防護中心傳染病處首席醫生歐家榮指，政府在該店的環境樣本驗出病毒，不排除男子到店購買倉鼠時，倉鼠已受感染。

政府專家顧問袁國勇亦指，現階段不排除該男子任何感染途徑，包括對方購買倉鼠後，曾否再到有關寵物店購買飼料，因而受感染。他又相信，即使確認該男子早在12月初已購入倉鼠，但亦不用將「殺鼠令」的劃線期限，由以「12.22後抵港」再推前，因更早抵港的倉鼠即使已染疫，現時已康復。

特首林鄭月娥主持行政會議前見記者，亦主動提及此個案。她指，如果這名人士早一些檢測，又意識到自己飼養的倉鼠，染疫和播毒風險較高，並呈報漁護署，政府就可能早些截斷其傳播鏈。

#Omicron #變種病毒 #COVID19 #疫情 #Hamster #倉鼠 #channelchk #Delta #袁國勇 #衞生署 #歐家榮 #寵物店 #殺鼠令 #旺角 #通菜街 #ILoveRabbit #黃大仙 #豪苑 #垂直傳播 #煙囪效應 #傳銷 #U型隔氣彎管 #負壓 #強檢 #抽氣 #污水渠 #天井 #林鄭

荃灣花園榮華閣現垂直傳播 患者居高層5號單位
黃大仙髮型屋兼職及訪客染疫
葵馥苑警察宿舍29歲女源頭不明

截至今日零時，本港新增124宗陽性個案，93宗屬本地，包括6宗源頭不明。葵涌邨再多33宗相關個案，包括15宗為逸葵樓居民，1宗逸葵樓保安個案，4宗映葵樓居民，10宗夏葵樓居民個案來自4單位，而旭葵樓、翠葵樓及雅葵樓各有一居民染疫，葵青區累計錄276宗個案。

荃灣花園榮華閣一名確診居民，與早前確診的#13340居同一大廈，而且是較高層的5號室單位，衞生防護中心傳染病處主任張竹君懷疑是否有垂直傳播，中心會派員到場調查。

另外，昨日源頭不明的#13370，患者於鳳凰新邨新型象髮型屋工作，髮型屋今日亦多一名兼職員工確診（#13481），另一個案#13480曾到訪，三人均屬L452R，即Delta變種病毒株，但未有清晰源頭，張竹君指可能相關，呼籲近日曾到訪人士盡快檢測。

6宗源頭不明個案包括：
※36歲男子，居元朗Grand YOHO第2座，於觀塘道One Pacific從事會計。患者於1月16日從上海抵港，23日發燒，張竹君稱，相信個案在本地感染的機率較高
※62歲男子，在黃金海岸遊艇會任職司機，早前亦有確診者於黃金海岸任廚師，兩人不相識及無接觸，可能曾使用同一洗手間，當局要求消毒及有關人士檢測
※41歲女士，居於筲箕灣愛東邨愛平樓，威爾斯親王醫院精神科專科門診護士
※75歲男子，居於黃大仙上邨達善樓，已退休，驗出L452R變種病毒，即疑屬Delta變種。張竹君表示，留意到黃大仙有傳播，有機會社區有感染情況，呼籲區內居民自願檢測。
※40歲男子，在何文田恒生銀行上班，住大埔白石角雲匯1期
※29歲女子，居於住葵馥苑安葵閣警察宿舍，患者1月23日在檢測中心採樣，其後結果呈陽性

#channelchk #Delta #黃大仙 #荃灣花園 #垂直傳播 #確診 #初步確診

比較新冠肺炎原病毒株、新冠病毒變異毒株Delta與Omicron嘅病徵！注意個人衞生，#只想和你身體健康，#人冇事先可以做世界冠軍

btw, 心情低落係因為啲病毒定係因為鐵腕清零呀

#Omicron #Delta #武漢肺炎 #病徵 #變種病毒 #支那病毒 #支共禍患 #CCPvirus #NeverTrustCCP #全黨死清光 #chinaliedpeopledied

至少4廈垂直播毒須撤離 其中2廈更涉橫向傳播
葵涌紀律部隊宿舍多1高層戶染疫 全棟同座向隔離

本港1.31新增92宗COVID-19病毒陽性個案，本地佔80宗。其中13宗無源頭，繼續遍佈九龍新界；2宗疑是Delta變種，都住在九龍東；10宗疑是Omicron變種；1宗暫未能分類。另外，本港暫時錄得約95宗初步陽性個案，包括安蔭邨聖公會林護長者之家護理員，院友或須撤離。

👉葵馥苑安葵閣紀律部隊宿舍
所有08室撤離
（原撤離部份中層，但高層都中招）

👉慈雲山慈康邨康添樓
1-6樓06室撤離

👉葵芳邨葵仁樓
14樓01-12室撤離（橫向）
14樓以上06室撤離（垂直）

👉彩雲二邨明麗樓
10樓13-17室（橫向）
2-24樓14及15室（垂直共用喉）

👉太和邨翠和樓（未定撤離）
25及26室疑垂直傳播

#紀律部隊宿舍 #葵涌 #垂直傳播 #COVID19 #疫情 #channelchk #omicron #delta

[輸入個案真假難分？　過來人怒揭政府假抗疫真做數！]

#港聞
圖：Meow

武漢肺炎疫情持續兩年，確診個案每日不斷更新，衛生署會將個案區分為本地個案及輸入個案，然而，所謂的「個案」又是否真正的「個案」呢？陳太與丈夫曾於英國確診變種病毒Delta，完全康復返港後竟再度被檢驗出確診，CT值為33.6，即時被送往隔離治療，作為密切接觸者的丈夫則即時隔離，惟陳太體內的IgG抗體超過4萬，相比一般接種疫苗的抗體水平多出數倍。經歷被誤當確診，丈夫無辜住竹篙灣22日後，深深不忿下竭力蒐集證據，向傳媒揭露事件，指控政府「假抗疫，真做數」，提高輸入個案數字將責任歸咎外國人。

完整報道：https://www.whatsnewsmedia.com/7021/10/00/00/

#竹篙灣 #Delta #北大嶼山醫院 #Omicron #輸入個案 #CT值 #通行證 #IgG #IgM #PCR測試 #假抗疫 #真做數

密切接觸者五隻貓貓 樣本呈陽性反應

漁農自然護理署表示，兩隻被交到該署的貓隻，樣本對COVID-19測試呈陽性反應，不過均沒有病徵。個案涉及5隻居於上水的混種短毛貓，由於畜養人為確診個案的密切接觸者，貓隻今日被送到漁護署接受檢疫。漁護署會繼續為該批貓隻進行密切監察及跟進測試。

漁護署提醒養寵物人士要保持良好衞生習慣，例如與動物或其食物及物品接觸前後洗手，以及避免親吻動物，同時要保持家居環境清潔衞生。如果發現寵物的健康狀況出現變化，應盡快尋求獸醫的意見。

#channelchk #檢測 #COVID19 #變種病毒 #疫情 #Omicron #Delta #寵物

【公務員secret】
【長文】我係一名醫護，想同大家探討關於打疫苗呢件事。

第五波疫情爆發以來有1500名確診，只有5名確診者需要接受氧氣治療，一宗Delta個案為危殆，呼籲長者去打針。但你地知唔知其實自從推行疫苗注射計劃以來，有好多中年同埋老年嘅病人或者本身非常健康嘅長者、甚至三四十歲嘅人打完針之後突然入院。佢哋本身冇長期病，但好多都因為急性心臟問題或者器官衰竭而過咗身，而家已經冇新聞去報道，但公立醫院嘅所有醫生護士大家心中有數。當然，作為醫護界一員，我仍然鼓勵大家接種疫苗（雖然事實擺在眼前係打咗三針依然可以感染，只係症狀相對上比較輕微），但懇請各位仲未打針嘅人小心評估定三思閣下對於打疫苗後的健康風險。

另外，香港Omicorn重症率0.3%就係事實，香港Omicorn死亡率0%又係事實。香港大學微生物學系教授袁國勇曾經公開地表示打唔打針係市民嘅自由同選擇，而且人嘅性命係物競天擇(“Survival of the fittest”)，你唔打針又中咗兼且重症入埋醫院最後喪失性命係你嘅個人選擇，點解而家要迫全香港人打針？

請問Omicron幾多單重症？事實係入院係可以唔需要用藥（或者醫生都唔想開藥俾你），訓幾日就可以出院，咁係屋企訓都得（咁當然要睇吓確診者屋企嘅環境因素作決定），但而家係格硬逼輕微症狀或者冇症狀嘅確診者入院然後話影響醫療系統。呢一個星期每一日嘅個案破百，今日甚至超過300宗，局方終於都開口承認話會有應變方案，但原來所謂嘅應變方案係將竹篙灣變成接收病徵較輕嘅確診者，而緊密接觸者就佩戴手帶留喺屋企進行家居隔離，呢一啲就係陳局長所謂迅速嘅應變措施？順帶一提，曾經有做紀律部隊嘅朋友而又被調配去聯絡疫情初期由外地返港進行家居隔離嘅人士，其實有好多帶住手帶嘅人，都可以輕鬆咁將條手帶除低放喺屋企，然後出咗街買嘢食。每當佢哋收到政府人員打俾佢哋嘅電話或者短訊嘅時候，佢哋會一早將已經影好咗屋企嘅相片發送出去，當然政府人員睇到相之後就close File，覺得佢哋都仲係乖乖地留係屋企進行家居隔離。

順帶一提，上年財政預算案，陳茂波成日都話要守住個庫房，但就不停撥款去起大白象工程（港珠澳大橋、高鐵工程、遲啲甚至會有大灣區同埋北部灣都會發展etc)，甚至撥款80億比香港警務處嘅國安部門。明明香港公立醫院醫療系統即使唔係流感高峰期，都瀕臨系統爆煲（仲要唔係一時三刻嘅事情，同埋每日有150個單程證香港人嚟香港之後仲可以成為香港永久居民同你一齊爭公立醫療服務），但到底幾多撥款係真正落到去醫療系統，而落入咗去公立醫療系統之後又有幾多係真係去咗clinical setting同clinical operation，各位公立醫院前線醫生護士大家心中有數。

1) 關於打針方面：
作為醫護界嘅一員，所有急症室、急症室病房、內科、心臟科病房嘅醫生同姑娘都應該好清楚每一個月、每星期甚至每日都有男女老幼嘅市民打完疫苗之後不適入院，好多Cases HA並冇對外公布相關消息。仲有一開始香港政府表示打疫苗係可以防止感染新冠肺炎，但呢幾個月已經清清楚楚咁證明比香港市民睇打咗疫苗並唔可以100%防止感染，所以政府已經開始改口風，表示打針唔係為咗防止感染新冠肺炎，反而係可以減低感染新冠肺炎後嘅病徵及潛在嘅併發症。

2) 關於打疫苗然後放寬社交距離措施：
陳局長曾經講過如果香港有七成人口接種左疫苗，就可以放寬社交距離措施，但事實係而家有八成人口接種左疫苗，佢就突然改口表示要九成香港人口接種左疫苗先至有機會放寬社交距離措施，請問到底有冇任何科學根據去放寬社交措施？

另外，袁國勇教授曾經表示香港政府必須要向以色列政府學習，推行疫苗護照。但係根據《紐約時報》報導，有以色列嘅科學家表示當打第三針或者第四針嘅時候反而會削弱年長族群人體嘅免疫系統，令到你身體更容易感染新冠肺炎。大家再仔細睇一睇以色列當地嘅數據，就可以發現即使有七成嘅以色列人已經接種加強劑，感染率同死亡率不跌反升，以色列政府已經決定取消疫苗護照計劃。袁國勇教授，請您看清楚以色列嘅現實情況，謝謝您！

3) 關於一班政府的抗疫專家：
仲有一班所謂嘅抗疫專家，根本佢地就成日攞住自己嘅Academic或者Professional Entitlement去講東講西，一時又話食肆需要用隔板去阻隔飛沫，但係去到九龍塘又一城望月樓感染群組，就指出用隔板係會阻擋空氣嘅流通，增加感染風險。再之前又話餐廳空氣唔流通，鮮風轉換次數不足，需要餐廳加裝空氣清新機，但係去到九龍塘又一城望月樓感染群組就指出空氣清新機嘅風向流動有助病毒係餐廳之間嘅流動，從而增加其他食客受到感染嘅風險。

仲有，一班專家成日都出動去唔同嘅樓宇檢查結構，有垂直或者橫向傳播，然後要撤離指定單位嘅市民，到底你哋係有啲乜嘢科學根據？你哋每一位所謂嘅抗疫專家每一次都係今天的我打倒昨天的我。想多口講一句，自從2003年沙士淘大花園E座事件，已經講過屋宇排污結構系統甚至劏房問題係會導致病毒傳播影響公共衛生，事隔咁多年，咁多屆香港政府到底有冇真正正視甚至解決呢啲問題，每一個香港人都心中有數。

4) 關於唔同地區污水都呈陽性：
其實全香港唔同地方嘅污水最後都會運送到去一個終極嘅污水收集站，咁如果係咁嘅話咪即係全香港嘅污水都係呈陽性？咁點解唔迫全香港市民做一次全民檢測？（特首之前話香港係冇可能可以模仿大陸嘅禁足措施，但係葵涌邨同埋屯門公共屋村又開始做緊禁足措施同埋強檢，又係今天的我打倒昨天的我😉）

最後我想講，每一類病毒都會有基因變異同埋變種，每一次嘅基因變異會令到該病毒更容易喺人群之間傳播開去，但同時死亡率係會下降，亦可能會成為風土病。#醫護 #Omicron #Delta #covid19 #新冠疫苗 #第三針
提交時間：2022/2/7 上午2:16

出處：
https://www.facebook.com/492354117860377/posts/1383684645393982/ .