▌#網民報料，最近 #匯豐銀行 搵咗邵氏藝人 #岑麗香 拍攝廣告，並且懷疑係因為藍絲早前喺FB投訴匯豐搵太多「黃人」賣廣告有關。早兩個月，匯豐搵咗 #鄭中基 推廣信用卡，吸引咗一班藍友派嬲同批評，留言包括「全部廣告都用黃人，明白嘅」、「匯豐好似專請黃人宣傳的！」、「見到黄人想cut card！」、「收啦，二世祖 !」等。

▌如果以部份藍絲「放諸四海皆黃」嘅原則，匯豐又真係用親都係「黃」嘅，首先 #ViuTV 藝人嘅都要當黃先，造星出身嘅都當黃，黃子華有睇《IT狗》係黃，王菀之撐過何韻詩係黃，仲有受後生歡迎嘅都係黃。網民推斷，匯豐為咗保住藍人市場，於是放多個邵氏藝人落廣告同佢哋交代。

▌以我哋觀察，其實傳統銀行近年真係好少用 #TVB 藝人宣傳（中資除外🇨🇳），但如果以匯豐銀行而言，其實佢近兩年都有同TVB/邵氏藝人合作（#陳豪、#蘇皓兒），雖然唔多但都係有，所以唔敢斷言匯豐係咪受到藍絲壓力，不過有樣嘢我哋係肯定嘅，呢班藍絲派嬲同埋留負評畀匯豐，已經構成咗TVB、文匯報經常掛喺口邊嘅「恐嚇廣告商」罪行，鄭中基俾人 #網絡欺凌，邊個最開心？無綫好似有得益喎！係咪要調查吓幕後有無人唆使同提供資金呢？

【匯豐銀行FB】
https://www.facebook.com/HSBCHK/
https://pili.app/pg/52y3BI4YX

【藍絲派嬲畀匯豐現場】
https://www.facebook.com/HSBCHK/posts/4509487752450875

▌補充資料：
岑麗香目前經理人公司係 #手工藝創作，該公司由 #邵氏兄弟、#王祖藍 及 #曾志偉 擁有。

▌近日《香港01》出咗篇文吹噓登陸抖音、小紅書嘅 #陳豪，稱佢「逆市密密接Job不輸MIRROR」，真係吹水唔使本，雖然陳豪最近接咗yuu代言令佢曝光率大增，接到嘅廣告亦較其他TVB男藝人多，但話「密接Job」、「不輸MIRROR」？太誇張。

▌首先講吓封面張圖，三個廣告分別係 #匯豐銀行、#yuu、中国 #漲樂全球通🇨🇳，但只有yuu同漲樂全球通廣告係呢排接，匯豐嗰幅係2020年舊相。

▌《01》內文則提到，陳豪近年仲接咗「財務公司、健康食品、床褥品牌、健跑活動、航空公司、名錶、銀行、存款App等廣告」[1]，用近年嚟形容係貼切嘅，因為要由2020年開始計起，即係陳豪呢2.5年（28個月）只係接咗大約8個廣告，我幫你數多三個，分別係 #屈臣氏、#阿斯利康 同 #防騙易，即係平均2-3個月先有一個廣告，點樣密接Job、點樣不輸MIRROR呀大佬？

▌據本地傳媒報導，陳豪而家袋緊3,000萬年薪，但相信以上廣告、代言都cover唔返，嚟緊可能要北上吸金先滿足到 #TVB 嘅期望。

【陳豪代言 - Sinomax】
https://www.facebook.com/SinomaxHK/
https://pili.app/pg/X6KvuRX5

———————————
[1] 文中提及嘅陳豪廣告，相信係私下拎客戶物業做按揭嘅 #康業信貸快遞（K Cash）、#Blackmores、#Sinomax、匯豐健跑活動、#GrandSeiko，同埋啱啱提過嘅匯豐同中国華泰證券，至於航空公司係邊間就唔清楚。