【與其信謠言，不如先FC】

近日有地區人士指 #長宏邨 #宏心樓 有確診個案，又指 #宏正樓 有疑似個案。

但子健想同大家講：

香港政府從2022年2月7日起，已經取消公布個案編號、確診日期、感染患者居住大廈等資料，目前政府只會公布感染患者曾經到訪地點。我哋無辦法得知有關個案何時感染，如果你聽到有人同你講那幢樓有人中招，只能當謠言看待，因為無他們無辦法引證，亦不宜未經住戶同意公開相關病情。而今日（2月11日）早上十點子健再同房屋署確認，他們亦沒有收到相關通知。目前政府公開關於宏心樓疫情資訊，見於 #衛生防護中心 的陽性檢測個案曾到訪大廈名單：

https://www.chp.gov.hk/files/pdf/building_list_chi.pdf

#圍封與強測
至於幾時 #圍封 同 #強制檢測，政府亦無公布相關原則，以往我哋會從確診個案居住地點及污水樣本推敲為何安排有關措施，不過照呢幾日情況睇，有關準則可能又修改了。

#為何長亨居民未獲派自我檢測套裝
另外我哋問咗民政署，問點解 #長亨邨 居民沒有獲發 #自我檢測套裝。民政署回覆部門會按風險評估向有關居民安排檢測。換言之根據民政署嘅講法，政府評估長亨邨住戶可能存在隱形感染嘅情況比較低。🤷🏻‍♂️
至具體污水化驗數據，如病毒量測量，我哋亦未見政府公開有關資料。

我哋成日都講與病毒共存，政府口講清零，但現實上政府目前政策正正係同病毒共存，大家都冇聽過感染流感會有編號吧。

我哋能夠做嘅，就係做好自己，平常心面對。大家做好個人衛生，保持社交距離，有唔舒服食藥同睇醫生。其他嘅，例如疫情資訊，政府講幾多我哋就聽幾多；防疫安排，且看有何公報吧。