السلام عليكم و رحمة الله و بركاته

اليوم بنتكلم على موضوع خطيير جدا ‼️

وهوا ان التلقرام في المدة القريبه ولا مرتع للتنظيمات التكفيريه (داعش او القاعده وغيرهم ) هوا لما يفتحوا قناه دينيه ع التيلي مش حيسموا قنواتهم بأسامي تنظيماتهم مرات تلقا واحد مسمي قناته بأسامي يتستروا بيها( مثلا يكتب السلف الصالح وهي القناه لا سلفيه و لاشي) علي اغراضهم الحقيقيه فأول ما يفتح ينشر العلم النافع و الاحاديث و السنن ولاكن لما يوصل ف العقيده تلقا ان عقيدته من عقيدة الجماعات التكفيريه زي شن؟

— يجي يقلك على الي صاير في غزه اليوم ( واحنا اكلنا عارفين ذالك نسأل الله ان يثبت اهلها) فيكلمك ع الجاهد و مش عارف شن
___ بعدها يبدا يطعن ف الحاكم و يكفره و مش عارف شن.

بعدها يجي الشاب او الشابه او حتى الاطفال يقعد يسمع فيه و يراسل و هوا لايدري على شي


تبي ينوصلكم يا خوتي و يا خواتي لما تخش لقناه اعرف شن عقيدتها تأكد ان فعلا القناه سنية سلفيه
هادا كلامي مش تحريض ف القنواة الدينيه لاكن الواحد لازم يعرف وحتا الحساباااات ره مش لازم القنوات بس

بنبعتلكم سكرينات لواحد خش ع الصارح متعي و قعد يتكلم شكله من التنظيمات هادي ( هادا علاش فتحت الموضوع انا)

الحمد لله انا شاب سلفي سني العقيده صار معاي الشي هادا امس بعد صلاة العشاء
فـ انتبهو و تنبهو و نبهو لان هاذه الجماعات تدعي السلفيه وحاشا السلفيه منهم و يدعون انهم يأخذون بعض من اقوال المشايخ مثل ابن باز و ابن عثيمين رحمهم الله و هم والله من باب فتنه الناس والاغترار بأقوالهم .❗️

ارجو منكم جميعا أن تنتبهو جدا جدا وخاصة العوام وليس كل مجتمع اسمه سلفي تدخلو اليه لانهم يستغلو ف اسم السلفيه لـ إغراء الناس وأيضا لـ يتبعوهم

نسأل الله الثبات لنا جميعا 💎