بيوم القيامة رب العالمين مارح يعوف الرجال يدخل الجنة بدون حساب تحت حجة ( هو رجال وانت مرية)!!

مجتمعنا الغبي نشر هالفكرة هاي

رجال يسولف ويضحك وي مرية نكوله يابة حرام لا عادي
ترضى اختك هيج تتصرف يكول لاااا اني رجال وهي مرية!!

سَيِّدي لَعَلَّكَ عَن بابِكَ طَرَدتَني وَعَن خِدمَتِكَ نَحَّيتَني…💔

احس وفاة العلوية عقيلة السيد المرجع
قلبت الموازين واعادت لفت النظر لاهمية المرأة بالاسلام
بالوقت الي الاغلب صار ياخذ فكرة ع انو الدين قيّد المرأة، الدين دفن المرأة، الدين ماخلّى هوية للمرأة خلاها عبدة للرجل وفقط للخدمةووو…

نشوف اليوم الدين وين وصل هالسيدة العظيمة، ونشوف شلون دورها بيّنت نتيجته بأولادها واحفادها بحيث تربيتها صنعت ناس ناجحين اكاديميا وعلماء كبار فقهيا ونتيجة لافعالها العظيمة طلعت الاف الناس تشيعها بدون ماتعرف حتى اسمها! والوزارات ودول عزّت السيد المرجع بوفاتها… وهي مرية لا بيوم شفناها طلعت على قناة تلفزيونية ولا على موقع تواصل ولا انسمع الها صوت ولا انشافت!! بس كدرت تخلق اثر عظيم الها بهالدنيا وتأدي واجبها على اتم وجه.



فهنيئا الها والله يحشرها مع امها الزهراء سلام الله عليها والله يرزقنا ونكون على خطاها…

ولا تُبعِدني مِنكَ يا نَعيمي وَجَنَّتي، وَيا دُنيا يَ وَآخِرَتي ….


مناجاة المريدين🌿

فَأَسَرَّها يُوسُفُ فِي نَفْسِهِ

السلام عليكم

خلي احجي هنا افضل من بقية البرامج

كلنا ملچومين ع السيد وكلنا گلوبنا محترگة ع الصار ويصير وكلنا منكسرين و منعرف شلون نعبر عن حزننا..

بس اسمحولي انتقد تصرف من بعض اخواتنا واتمنى الي تقرا كلامي منهم تقراه وكأنه نصيحة وتنبيه من اخت اقل منهم🩵

فكرة انو تدخلين لحضرة المعصومين تصرخين وتهوسين وتقرين اهازيج بصوت عالي وبصراخ وتسوين هوسات يم قبر الامام حيل صعبة والله…!

يعني تخيلي الامام موجود وانت كاعد تصرخين بوجهه؟؟

تخيلي مكان مزدحم بالملائكة وبيه امام معصوم ( يسمع كلامي ويرد سلامي) انت تصيحين بحضرته.. مو تحسين هالشي صعب شوي؟

اولا من ناحية انه
يَا أَيُّهَا الَّذِينَ آمَنُوا لَا تَرْفَعُوا أَصْوَاتَكُمْ فَوْقَ صَوْتِ النَّبِيِّ وَلَا تَجْهَرُوا لَهُ بِالْقَوْلِ كَجَهْرِ بَعْضِكُمْ لِبَعْضٍ أَن تَحْبَطَ أَعْمَالُكُمْ وَأَنتُمْ لَا تَشْعُرُونَ

والمعصومين هم من نسل النبي يعني نفس القاعدة


اني اعرف نيتچ طيبة واعرف گلبچ محروگ بس هالتصرف بيه قلة احترام لحضرة الامام لان حتى العلماء يوصونا اذا قريتوا دعاء او اي ذكر اقروه بصوت ناصي احتراما للامام

ثاني شي احنه مو وحدنا بالحضرة والقاسم بينا وبين اخوتنا الزوار مجرد حاجز بسيط ومو عالي!! يعني الصوت ينسمع بوضووح فضيع والهوسات يحسوها وماترهم هيج تصرف تتصرفيه كدام الزلم!

اني شايفة بفواتحنا العادية اهلنا ميخلونا نطلع لشارع خاف رجال يشوفنا ولا يخلون مرية يطلع صوتها لان المرية المعروف عنها الهدوء والوقار امام الاجانب..

واخر شي اخياتي اكيد مطلعات ع محاضرات السيد واكيد شايفات الهدوء الفضيع من الحضور بالوقت الي هو كاعد يتناقش وياهم بيه.. فيمكن حتى لو هو موجود مارح يرضى بهذا التصرف…

واخر شي
احنه نطمن نفسنا ونبرد گلوبنا بـ
( اللـه بالســـاحة)♥️

اللَّهُمَّ صَلِّ عَلَى مُحَمَّدٍ، وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ، وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، وَبَارِكْ عَلَى مُحَمَّدٍ، وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ، وَعَلَى آلِ إِبْرَاهِيمَ، فِي الْعَالَمِينَ إِنَّكَ حَمِيدٌ مَجِيدٌ..