▌#胡鴻鈞 演唱會2021喺上個禮拜順利舉行，但有眼利網民就發現，最終定案嘅演唱會海報唔見咗「Citi 獨家呈獻」字眼，反而換成兩間Facebook加埋都唔夠200 Like嘅 #SCH醫美 同 #中天信貸。今次係繼TVB「聲·夢飛行」演唱會之後，第二次有贊助商離奇消失，不過CitiBank最尾有無畀到贊助費就無從得知喇。

▌2021年10月19日，無綫曾派代表到灣仔警察總部報案，稱遭到網民網絡欺凌，據稱事件導火線係源於胡鴻鈞演唱會嘅贊助商（#CitiBank）收到嬲嬲，於是TVB主席許濤下達報警處理嘅命令，但事件發生後，唔單止 #TVB 陷入公關災難，連胡鴻鈞、CitiBank嘅形象亦被拖累。