#手足投稿
好多時見到有channel諷刺，呢咁多個月以嚟，去旁聽嘅好似來來去去都係嗰二三十人，然後其他人一個二個就淨係話自己要返工返學，冇時間去旁聽。

坦白講，未開始做旁聽師嗰陣，要返工真係冇乜可能偷到時間去法庭。只有本身識嘅手足可能要鎖，先諗盡辦法試吓可唔可以走盞，去送佢哋一程。就算近排放大假，開始個個星期去旁聽，都想盡量寬人律己，避免情緒勒索。諗住每個人都有佢嘅難處，做好自己就算。

但係呢次，我真係忍唔住，真係好嬲。

幾千人排隊，仲要排足成日，就係為咗睇佢哋心目中認為價值觀同自己接近嘅mirror；另一邊廂，有channel話今日啲法庭case，最壞情況係可能有超過20個手足要鎖。然後仲有手足今日上庭，係要自己一個獨自面對。如果返工返學冇時間花半日去法庭旁聽，咁用廿幾個鐘去排隊追星就有時間？好心呢啲人咪再話自己係黃啦（如果有的話），我聽見就想嘔呀！好在自己不嬲唔鍾意mirror嘅啫，同你哋一個陣營，我都覺得恥與為伍囉屌撚你哋班老母！

#亦是admin心聲
#感謝有心手joke🥺

#手足投稿

今朝區域法院有其中一位12港人判刑及認罪答辯，依家個庭連一半都未滿。隔離動漫展就多人到乜撚咁。
唔好淨係識攞張卡片打卡，做返啲應該做嘅嘢啦

🥇TVB傑出維穩獎 – 深水埗的士撞人案

【📆 日期：2019年10月6日】
【📃 事件：的士剷上行人路】
【⚔️ 維穩技：系統性選擇性報導】

2019年10月6日，示威者為反對《禁蒙面法》，喺港島、九龍發起「反極權反緊急法大遊行」，下晝大約五點幾，有示威喺長沙灣一帶聚集，一架喺人群之中嘅的士突然加速剷上行人路，衝向人群，並撞傷途人/示威者，事件被人清晰拍到並於互聯網上流傳。之後，其他示威者將司機拖出打至頭破血流，的士亦遭到破壞。一齊對比下當日TVB同其他傳媒點樣報導🥊

《東方日報》
下晝六點幾出稿，以「的士剷上行人路撞傷2途人，司機被拖落車圍毆」為題，並附上互聯網上嘅的士撞人片段[1]

《立場新聞》
下晝六點出稿，以「的士突加速衝上行人路撞傷途人，示威者「私了」司機至頭破血流」為題，約45分鐘後補上互聯網上嘅的士撞人片段[2]

《有線電視》
根據10月6日新聞片段，有線先播放警察喺現場嘅說法，即有暴徒喺欽州街及長沙灣道一帶嚴重傷害一名的士司機，再播放的士司機嚴重受傷、的士被破壞嘅片段，之後引述現場人士說法，指的士司機曾經撞人先至被打，最後以互聯網上嘅的士撞人片段結尾[3]

《無綫電視》
當日大部份時間只係提及的士剷上行人路（字幕寫「上了行人路」），之後的士司機被示威者拖出圍毆，無提及的士撞傷人，亦無引用網絡片段，其他嘅資訊主要引用自警方

⚔️【以下解釋咩叫「系統性選擇性報導」】
其實傳媒用網片、問行家借片係普遍做法，但係TVB偏偏就例外，寧願唔報導都堅持唔用網片，因為用網片前一定要「確定影片嘅真實性、完整性及釐清版權問題」，變相成為「選擇性報導」嘅藉口，以下係《立場新聞》之前專訪TVB記者嘅節錄[4]：

//除了直接插手，對於播出新聞的操作亦有間接手法，「例如唔可以用網片」，另一名記者 W 稱。W 解釋，反修例運動示威遍及全港，單一傳媒機構根本不可能全面覆蓋所有關鍵片段，「唯有靠網片、其他傳媒補位。」

借用網片、向其他傳媒「借片」，在反修例期間其他機構很常用，但 TVB 另有一套標準，就是網上片段「必須」確定出處、拍攝者和事發經過，非必要亦不會向同行「借片」//

以上文章為 #手足投稿 ，本專頁僅負責校對及審稿。

#手足投稿
今次除咗係牆外人嘅考驗，亦係對牆內人嘅考驗

極權知道邊堆人係唔會跪，而家就用呢個措施去針對。
今次係咪真係要跪呢，要視乎牆內人。

不過最好每個拜山group都要有一個人係啪咗，至少可以處理一下啲日常嘢物資嘢，但嗰個人要承受到好大嘅工作量。
（有人話可以揾代客探監啲人發下國難財？）（連鼠admin插嘴：寧願啪針死都唔要俾佢哋發國難財）
如果大家都未跪，可以試下揾熟人，同牆內人溝通下，睇下佢願唔願意俾個唔熟嘅人入物資。

視像就算啦，邊有咁易，但都可以試下，但有心理準備可能要你印張醫生紙副本證明你唔啪得。
（但而家已經冇咩醫生肯冒險出紙）

最重要係同牆內人溝通，要知佢挨唔挨到有段時間唔見面，令未啪針嘅牆外人可以生存到最後一刻先啪（但呢個唔係短期內避到嘅事，涉及到幾年十幾年）
⭐️所以主導權在牆內人手中，未來剩返兩星期要好好溝通。

如果佢挨唔到，牆外人唯有跪，而家就去預約啪針（好爆），記得交代定身後事。
（所以點解咁憎啲主動啪針撚，主動幫忙推動極權，可能真係有啲人挨到雙方唔見，但就因為啲啪針撚間接令到本來未必要死嘅人都死埋）

#手足投稿
（為強調重點，admin已多手加上感嘆號）

你好啊，我係初凝芝茶店主佢哋嘅朋友。想解釋一下，係業主嗰邊話唔再租俾佢哋。

一開始話「唔想租比有刑事嘅人」‼️但係其實當時仲係死約，業主話唔再租嘅話其實係違約需要賠償。
業主話係店主佢哋違約在先，話當時合約有一條係「唔可以喺舖頭張貼任何標語廣告/宣傳」‼️

其實係好唔合理，周圍嘅舖頭都有宣傳嘅poster，業主一開始又冇出聲，去到而家先話佢哋違約，需要退租。
嗰陣我哋諗住清走/賣咗佢哋啲工具，包括雪櫃、冰機等，但係業主唔俾我哋清走，要求將嗰啲工具留返喺舖頭入面，先會變到佢而家話「有生財工具」‼️
按金方面，業主扣咗佢哋1.5個月租金，話係清潔費，但係明明佢咩都唔使清。

講到呢度，想大家知道業主係咩人，佢大概就係睇在店主佢哋遇到呢啲事，屋企人都唔會再想花時間，或者錢同佢地坳舖頭嘅問題，所以先會咁樣🥲
見到佢哋話即租即用，有生財工具，真係好嬲🥲

#手足投稿
我係一個被判入勞教中心嘅手足，近日終於出冊。

出冊唔夠兩個星期，對家就起訴我，清算一宗前年被捕嘅案件，係同網絡罪行有關。

運動沉寂之時，就是清算的開端，香港人，肯記得我哋嘅初衷未？
我冇後悔過行出嚟對抗極權，但係依家香港人倒退到，覺得追星係抗爭，真係好撚心灰，點解付出咗咁多青春血汗都喚唔醒香港人？

如果大家得閒，就去法院陪吓上庭手足啦。
我當時上庭不害怕被關進牢龐，只因一路上希望有咁多位嘅陪伴。
希望在於人民，改變始於抗爭，希望大家可以堅守初心。

#手足投稿
2020年5月4日，首宗暴動罪手joke認罪，當時全個香港充斥住一句「點解要認罪」，至今你仍會說出這句嗎？
https://t.me/youarenotalonehk_live/4654
https://t.me/youarenotalonehk_live/5146
https://t.me/hk20212022/29317
https://t.me/realtimenewsbroadcasts/33533
#0612金鐘 冼(22)判監四年
「香港人要掙扎」

#手足投稿
新增咗新patreon
https://www.patreon.com/BeYourLight

#手足投稿
新增咗新patreon
https://www.patreon.com/BeYourLight