❗️«Дапамажыце дамагчыся іх вызвалення!» Amnesty International запусціла акцыю тэрміновай дапамогі палітзняволеным вясноўцам

Міжнародная арганізацыя Amnesty International просіць дапамагчы вызваліць вясноўцаў — звярнуцца да беларускіх уладаў з патрабаваннем неадкладнага вызвалення Алеся Бяляцкага, Валянціна Стэфановіча, Уладзіміра Лабковіча і ягонай жонкі Ніны.

📍Нагадаем, праваабаронцы былі затрыманыя 14 ліпеня падчас скаардынаванай атакі на беларускую грамадзянскую супольнасць.

🆘Amnesty International просіць неабыякавых дапамагчы вызваліць вясноўцаў. Для гэтага трэба:

✍️Спампаваць, раздрукаваць, падпісаць і адправіць зварот з патрабаваннямі Amnesty па звычайнай пошце.
💻Або скапіяваць тэкст звароту і адправіць па электроннай пошце.

Тэкст звароту і адрасы 👉 bit.ly/2TsEcCV

Палітзняволены Андрэй Скурко — у СІЗА на Валадарскага. Ён моцна схуднеў, блізкія непакояцца за яго здароўе

Кіраўнік аддзела рэкламы і маркетынгу «Нашай Нівы» Андрэй Скурко 13 дзён правёў у жудасных умовах на Акрэсціна: без матрацаў і падушак, без зменнай вопраткі, без сродкаў гігіены, без перадач ад сваякоў (іх прынялі, але не перадалі), піша @nashaniva

У 2017-м годзе ў яго быў дыягнаставаны дыябет 1 тыпу. Андрэй інсуліназалежны, чатыры разы на дзень ён павінен рабіць уколы. Супрацоўнікі Акрэсціна прынялі ў сваякоў інсулін, але захоўвалі яго няправільна: на парозе душнай камеры. Каб інсулін не губляў свае ўласцівасці, яго трэба трымаць у халадзільніку пры тэмпературы +2°С — +8°С. Цяпер родныя Андрэя непакояцца, што інсулін мог проста сапсавацца, а ён крытычна неабходны арганізму.

Таксама Андрэю трэба некалькі разоў на дзень правяраць глюкометрам узровень цукру ў крыві. Прылада ў Андрэя ёсць, але ў ёй сядае батарэя. Сваякі будуць перадаваць новую.

Вялікая праблема з харчаваннем. Дыябетыкам паказана дыета з дазаваннем вугляводаў. Але ўсе 13 сутак, паколькі на Акрэсціна не аддалі Андрэю перадачу ад родных, ён быў вымушаны спажываць тое, што было — а гэта адны вугляводы. Вельмі мала мяса, поўная адсутнасць гародніны, вітамінаў.

Апроч таго, Андрэю паказана фізічная актыўнасць, паколькі арганізм у гэты час выпрацоўвае інсулін. На волі ён стараўся хадзіць у дзень 7 тысяч крокаў, рабіць гэта ў камеры няпроста.

Некалькі чалавек, якія бачылі ўчора і заўчора Андрэя, падкрэслілі, што ён моцна схуднеў і кепска выглядае.

Следству вядома пра стан здароўя Андрэя. Нягледзячы на гэта было прынята рашэнне змясціць яго ў СІЗА.

Генеральная пракуратура пацвердзіла выдачу Аляксея Кудзіна Беларусі

«Генеральная пракуратура Расійскай Федэрацыі задаволіла просьбу Генеральнай пракуратуры Рэспублікі Беларусь аб выдачы Кудзіна Аляксея Аляксандравіча, 1984 года нараджэння, для прыцягнення да адказнасці за супраціў супрацоўніку органаў унутраных спраў і іншай асобе пры выкананні імі абавязкаў па ахове грамадскага парадку, спалучаны з ужываннем гвалту, па ч. 2 арт.363 Крымінальнага кодэкса Рэспублікі Беларусь».

Нагадаем, учора апеляцыйны суд у Маскве пакінуў у сіле рашэнне аб выдачы беларускага спартоўца Беларусі, нягледзячы на тое, што Еўрапейскі суд па правах чалавека забараніў экстрадыцыю Аляксея, спаслаўшыся на пераканаўчыя довады ягонай абароны.

⚡️⚡️⚡️У Беларусі +8 новых палітвязняў.

Гэта Мікіта Ганчароў, Вадзім Жылінскі, Арцём Клімчук, Дзмітрый Князеў, Дзмітрый Панько, Максім Шатохін, Сяргей Пацукевіч і Ігар Гантавы.

Хто гэтыя людзі і чаму праваабарончыя арганізацыі лічаць іх справы палітычна матываванымі 👉 bit.ly/2W0GY3a

Спіс усіх палітвязняў Беларусі 👉 bit.ly/306kkW9

«Справа студэнтаў адкрыла бацькам, якія нашы дзеці класныя».

16 ліпеня быў вынесены прысуд па так званай «справе студэнтаў». У выніку 12 чалавек атрымалі ад 2 да 2,5 гадоў калоніі. «НН» паразмаўляла са сваякамі і блізкімі асуджаных пра тое, як яны перажылі 8 месяцаў невядомасці і чаму, на іх погляд, маладых людзей павінны былі апраўдаць.

🔹«Ксюша — дзяўчына з абвостраным пачуццём справядлівасці, таму, безумоўна, яе прысуд расстроіў. На судзе раскрыўся адзін з яе моцных бакоў — талент публічных прамоваў. Спадзяюся, словы з яе прамовы з’явяцца аднойчы ў падручніках».

🔹«Для мяне «справа студэнтаў» — пра тое, як дзяржава свае памылкі перакладае на іншых. Бо калі яна як інстытут працавала б добра, то сама намагалася б выпраўляць іх, брала б на сябе адказнасць».

🔹«Мы камунікавалі са сваякамі на судзе і ўсе апісвалі падобнае адчуванне: нібыта мы прыйшлі паназіраць за прадстаўленнем. Пастаноўкай, дзе даўно зразумелы фінал, і мы проста губляем час».

Міністэрства юстыцыі хоча ліквідаваць Беларускі ПЭН-цэнтр

Ведамства звярнулася ў Вярхоўны суд, піша @PENBelarus

⚡️«Супрацоўнікі адбіраюць грошы, а потым прыходзяць з чэкамі». Відавочца распавяла пра тое, што адбываецца ў ЦІПе на Акрэсціна

«З некаторых часоў у ЦІПе на Акрэсціна супрацоўнікі адбіраюць з асабістых рэчаў арыштаваных наяўныя беларускія грошы без дазволу іх уладальнікаў. Праз пару дзён у камеру прыходзіць супрацоўнік з чэкамі на тую суму, якую яны канфіскавалі, і кажа, што «гэта за харчаванне». Пры вызваленні чалавеку выдаюць рахунак на аплату за харчаванне ўжо за вылікам канфіскаванай сумы. Але згодна з заканадаўствам, арыштаваны ў праве ў добраахвотным парадку аплаціць харчаванне на працягу месяца».

🔹Чытаць цалкам: https://telegra.ph/vernite-dengi-07-22

Заўтра адбудзецца разгляд скаргі на меру ўтрымання праваабаронцы Валянціна Стэфановіча

Разгляд пройдзе ў 15:00 у судзе Партызанскага раёна. Нагадаем, зараз праваабаронца знаходзіцца ў СІЗА на Валадарскага.

Два гады «хатняй хіміі» – за абразу Чамаданавай

32-гадовага мінчука Артура Суворава прызналі вінаватым у абразе прэс-сакратаркі МУС Вольгі Чамаданавай. Нібыта мужчына пакінуў каментар да публікацыі з фота Чамаданавай, які ўтрымліваў «абразу, выказанную ў непрыстойнай і грубай форме: слова “пропагандистская” і мат».

Чамаданава была ўпэўненая, што каментар зневажальны і пакінуты выключна ў сувязі з яе дзейнасцю. Яна выказала пажаданне, каб грошы за маральную кампенсацыю абвінавачаны перавёў у асацыяцыю дапамогі дзецям з інваліднасцю: яна пакінула яму права агучыць суму, якую ён можа пералічыць. Артур адказаў, што гатовы пералічыць дзве тысячы рублёў.

Падрабязнасці 👉 bit.ly/3iDFB25

❗️Асуджаных па «Справе студэнтаў» прызналі «схільнымі да экстрэмізму»

Усім ім у СІЗА выдалі дакумент, што яны пастаўленыя на ўлік як «схільныя да экстрэмізму і іншых дэструктыўных дзеянняў».

Гэты статус азначае больш жорсткае стаўленне ў месцах пазбаўлення волі, больш частыя праверкі камер, кайданкі падчас усіх перасоўванняў.

Для «схільных да экстрэмізму» немагчыма ўмоўна-датэрміновае вызваленне і змякчэнне прысуду.

❗️Стала вядома, што 22 ліпеня ўлады ліквідавалі шэраг грамадскіх арганізацый:

🔻 «Цэнтр прававой трансфармацыі»
🔻 «Офіс еўрапейскай экспертызы І камунікацый»
🔻 «Human Constanta»
🔻 Цэнтр экалагічных рашэнняў
🔻 Цэнтр развіцця эфектыўнай камунікацыі «Жывая Бібліятэка»
🔻 Медыяплатформа «Имена»
🔻 Youth Labor Rights
🔻 European Youth Parliament
🔻 Цэнтр «Еўрапейскі Дыялог»
🔻 Press Club Belarus
🔻 Інфармацыйна-культурніцкі цэнтр ІніцыАрт (Наваполацк)
🔻 Сацыяльна-інфармацыйная ўстанова «ТаймАкт»
🔻 Нацыянальны моладзевы савет «РАДА»
🔻 Офіс па правах людзей з інваліднасцю
🔻 Цэнтр даследаванняў і прагнозаў развіцця «Еўрапейскі дыялог» (дырэктар — Анатоль Лябедзька)
🔻 Офіс прасоўвання ініцыятыў
🔻 Арт Сядзіба
🔻 Цэнтр рэгіянальнага развіцця ГДФ
🔻 Цэнтр урбаністычных праектаў і ініцыятыў «Прастора»
🔻 Майстэрня сацыяльнага кіно

Спіс абнаўляецца

Журналіста «Першага рэгіёну» Гардзіевіча напярэдадні прысуду за абразу Лукашэнкі шпіталізавалі

Драгічынскі журналіст інтэрнэт-выданьня «Першы рэгіён» Сяргей Гардзіевіч на 23 ліпеня чакаў вынясення прысуду, але 22 ліпеня ён страціў прытомнасць. Яго паклалі ў шпіталь.

Нагадаем, Сяргея абвінавачваюць у абразе прэзідэнта і паклёпе, а таксама ў абразе двух міліцыянтаў у чаце. Сваю віну журналіст не прызнаў.

Падрабязнасці 👉 bit.ly/3iFcGe3

Мінскі райвыканкам ліквідаваў сацыяльна-культурную ўстанову развіцця беларускай мовы і культуры «Мова Нанова»

Пра гэта паведаміў Глеб Лабадзенка

Спіс арганізацый, якія былі ліквідаваныя ўчора 👉 bit.ly/2UFDfrx

Стала дакладна вядома, па якім артыкуле затрыманы журналіст «Белсату» Ігар Ільяш

Ён з’яўляецца падазраваным па ч.1 арт. 342 КК («Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх»).

Сёння суд разглядаў скаргу на затрыманне Ільяша, але пакінуў яе без задавальнення, піша @belsat

❗️На 13:10 вядома пра больш чым 40 ліквідаваных арганізацый грамадзянскай супольнасці:

🔻«Цэнтр прававой трансфармацыі»
🔻«Офіс еўрапейскай экспертызы І камунікацый»
🔻«Human Constanta»
🔻Цэнтр экалагічных рашэнняў
🔻Цэнтр развіцця эфектыўнай камунікацыі «Жывая Бібліятэка»
🔻Медыяплатформа «Имена»
🔻Youth Labor Rights
🔻European Youth Parliament
🔻Press Club Belarus
🔻Інфармацыйна-культурніцкі цэнтр ІніцыАрт (Наваполацк)
🔻Сацыяльна-інфармацыйная ўстанова «ТаймАкт»
🔻Нацыянальны моладзевы савет «РАДА»
🔻Офіс па правах людзей з інваліднасцю
🔻Цэнтр даследаванняў і прагнозаў развіцця «Еўрапейскі дыялог» (дырэктар — Анатоль Лябедзька)
🔻Офіс прасоўвання ініцыятыў
🔻Арт Сядзіба
🔻Цэнтр рэгіянальнага развіцця ГДФ
🔻Цэнтр урбаністычных праектаў і ініцыятыў «Прастора»
🔻Майстэрня сацыяльнага кіно
🔻«Мова Нанова»
🔻"Бізнес школа ІПМ"
🔻Установа "Гарадское развіццё", займалася тэмай здароўя мужчын у Беларусі
🔻«Тэрыторыя правоў»
🔻Кансультатыўна-асветніцкая ўстанова па ахове прыроды «Экаасяроддзе»
🔻Асветніцкая ўстанова «Сацыяльныя інтэрвэнцыі»
🔻Інфармацыйна-асветніцкая ўстанова «Амарока»
🔻Рэгіянальны цэнтар экспэртызы «Экадэмія»
🔻Культурна-асветніцкая ўстанова «Садзейнічанне культурнаму развіццю гарадоў»
🔻Культурна-асветніцкая ўстанова «Крэсы»
🔻Культурна-асветніцкая ўстанова па працы з насельніцтвам і самаразвіцці «Агульная Будучыня»
🔻Інфармацыйна-асветніцкая ўстанова «Пенсійны выпадак»
🔻Цэнтр сацыяльнай дапамогі і падтрымкі груп рызыкі «Стымул да поспеху»
🔻Прыватная інфармацыйна-асветніцкая ўстанова «Ноктуам»
🔻Прыватная культурна-асветніцкая ўстанова «Веданта вада»
🔻«Магілёўскі моладзевы цэнтр»
🔻Сацыяльна-асветніцкая ўстанова ў галіне гісторыка-культурнай спадчыны «Уновіс-ФОРУМ»
🔻Прыватная культурна-асьветніцкая ўстанова «Гендэрны адказ»
🔻Праваабаронча-асьветніцкая ўстанова ў галіне экалягічных і маёмасных правоў «Ваколіца»
🔻Прыватная культурна-асьветніцкая ўстанова «Лідэр новай эпохі»
🔻Цэнтар аматараў жывёл «ЛАВБРЫЛ»
🔻Культурна-асьветнiцкая ўстанова «АСЕТ»

Спіс абнаўляецца 👉 bit.ly/2UFDfrx

Сярод іншых, сёння была ліквідаваная інфармацыйна-кансультацыйная ўстанова «Тэрыторыя правоў».

Яна адкрылася ў 2018 годзе і бясплатна прадстаўляла праваабарончым арганізацыям і ініцыятывам, а таксама іншым арганізацыям, якія займаліся абаронай уразлівых груп, пляцоўку для правядзення круглых сталоў, семінараў, сустрэчаў, дыскусіяў на тэму правоў чалавека.

📸 Дзесятая Нацыянальная прэмія беларускіх праваабаронцаў 2018 года

Спіс арганізацый, якія былі ліквідаваныя 👉 bit.ly/2UFDfrx

Крымінальную справу супраць Ігара Казмерчака спынілі

Нагадаем, аршанскі актывіст і рэдактар незалежнага сайта orsha.eu быў падазраваным па крымінальнай справе паводле артыкула 341 (апаганьванне будынкаў і псаванне маёмасці). У межах гэтай справы 8-га ліпеня ў Ігара Казмерчака правялі ператрус, забралі аргтэхніку, а яго самога змясцілі на 72 гадзіны ў ізалятар часовага ўтрымання.

Пра тое, што справа спыненая, актывіст даведаўся з ліста, дасланага з міліцыі. Такі самы ліст атрымалі рэгіянальны актывіст з рйцэнтра Дуброўна Міхаіл Чамурака і, верагодна, аршанец Раман, з якім Ігар пазнаёміўся ў ІЧУ падчас трохсуткавага зняволення. Усе трое былі затрыманыя ў межах адной і той самай справы і правялі за кратамі па 72 гадзіны, паведамляе Радыё Рацыя.

❗️Затрымалі фатографку Ксенію Галубовіч падчас здымак у дзіцячым хоспісе.

Пра гэта @novychas паведамілі відавочцы.

Upd. Дома ў яе адбываецца ператрус. Пра гэта яна паведаміла сябрам.

Аператыўна паведаміць пра затрыманне можна ў нашым тэлеграм-боце 👉 @viasna_bot

⚡️"Чаплялася за адзенне супрацоўніка". Мінчанку арыштавалі за непадпарадкаванне ў момант, калі яе рукі былі за спіной у кайданках

23 ліпеня ў судзе Цэнтральнага раёна разглядзелі справу 57-гадовай Марыны Петражыцкай. Яе справу вёў суддзя Дзмітрый Карсюк.

Па пратаколу Марыну затрымалі 22 ліпеня ў 21:05 на тэрыторыі Цэнтральнага РУУСа. Яе абвінавацілі ў непадпарадкаванні супрацоўнікам міліцыі, бо нібыта яна ўпіралася нагамі і чаплялася за адзенне супрацоўніка. Жанчына з пратаколам не пагадзілася, бо яна сцвярджае, што ў 21:15 яна была яшчэ ў будынку КДБ на вул. Казлова, 6, куды яе прывезлі пасля ператрусу дома. Яна звяртае ўвагу суда, што наогул не магла аказваць непадпарадкаванне, бо ўвесь час яе рукі былі за спіной у кайданках.

На допыце сведка-міліцыянт заявіў, што "ім паступіла інфармацыя аб магчымам удзеле Марыны ў несанкцыянаваным масавым мерапрыемстве". Ён сцвярджае, што пры затрыманні прадставіўся і назваў жанчыне прычыну.

Пытанне адвакаткі наконт даты і часу "магчымага ўдзелу ў мерапрыемстве" суддзя Дзмітрый Карсюк зняў.

Дыялог суддзі са сведкай:
– Ва што была апранутая Петражыцкая?
– Як і зараз: у блузку ў кветачкі і ў штаны чорнага колеру.

🤡Падчас працэсу сведка-міліцыянт апрануў балаклаву і кепку. Перад адказам на пытанне адвакаткі было чуваць, як сведке нехта (!!!) падказваў:
– Петражыцкая была ў кайданках?
– (выразна чуваць "пасля") Гэта было пасля таго, як яна аказала непадпарадкаванне.

Па словах самой Марыны, да службовай машыны, на якой яе адвезлі ў РУУС, яе суправаджаў маёр КДБ, а кайданкі знялі толькі ў будынку РУУСа. Сведка ж гэта адмаўляе, бо ён не бачыў на месцы затрымання супрацоўніка КДБ і не памятае, што па тым адрасе знаходзіцца будынак КДБ.

⚖Адвакатка падчас працэсу заявіла адвод суддзі, бо ён прама ці ўскосна зацікаўлены ў выніку справы. Але суддзя Карсюк, вядома, адхіліў яго. У выніку, суддзя пакараў Марыну Петражыцкую 15-сутачным арыштам.

Фатографку Ксенію Галубовіч павезлі на Акрэсціна пасля ператрусу на кватэры. За што яе затрымалі – не вядома.

Крыніца: @belsat

‼️Ніна Лабковіч выйшла на волю

Нагадаем, да юрыста «Вясны» Уладзя Лабковіча і дырэктаркі аб'яднання інвестараў Angels Band Ніны Лабковіч раніцай 14 ліпеня прыйшлі з ператрусам прадстаўнікі ДФР, пасля чаго Уладзя і Ніну арыштавалі.

Дома ў іх заставаліся трое непаўнагадовых дзяцей.

Уладзь Лабковіч застаецца за кратамі.