راحت بـ قلبي مثل ماراح حكم الشريف
مراح غرسٍ جرفه السيل .. يوم إنجرف

وإن مال ذاك القوام المنصهر يا لطيف
غصنٍ لاهب النسيم يميل منه طرف

أطيح طيحة قوي ماهيب طيحة ضعيف
طيحة شجاعٍ هزمه الحب لين إعترف .

الطواري كل مطلع صبح .. تسرج قبا
والغلا مثل الشجاع اللي مايثلم سيفه .

تساؤل :
البرود اللي بدون أسباب وش تعريفه ؟

أنت مايحتاج لك خطة ورسم اطبّا
الله اللي راسم زينك كذا من كيفه .

تمنيت العمر وياك لكن للظروف احكام
وانا ربي حكم اني احبك وانحرم منك .

أخاف قحطان مع الايام تدريبه
والله يابيت الفرج ماينقفل بابه

حنا خذينا الحكم والمجد والهيبه
وشلون ماناخذ المحبوب لأحبابه .

وحن قحاطين لي جات السبايا فلول
سلمنا يقصر الفنجال عمن جفل

ننقلب جن واعقلنا يصير مهبول
يفقد العقل وإليا اشفا غليله عقل .

وبنت الردي لايعجبك زينها الجذاب
تراها كما المخيال خيل وتخيالي

ولو شفت حمر خدودها والثمان عذاب
لابدك تمنى ليت . . ماجالك عيالي

ولدها لياشاف اللقاء والملاقا هاب
بخيل ذليلٍ فيه خفخاف وجفالي

اخذ بنت قرمن طيبن ساسها ماعاب
تنومسك بنت الشبل ويجيك اشبالي .

رشيت مسكنها بورد من حنين
من قبل لا أرشه بنيران القهر

ماضرني سجني على أربع سنين
لاني سجين بحبها طول الدهر .

كنت عارف النهاية بس عجبني البداية .

من الرياض العاصمه جيت منساق
جيت المدينة مع وفاة أبن شايق ..

أشّر على ماتبي و اللي تبي حاصل
حتى لو تطلب عيوني .. من عيوني

تقولين وش حدك على طردة المقفين
أنا ماطردت من المقفين كون أنتي .

لابغيت اسج ولا انبسط ساعه
دق قلبي من ورى حدب الأضلاعي

كن من بين الضلوع آلة طباعه
تشتغل لا نمت واقوم مرتاعي

همّ قلبي ما يفرق تجمّاعه
غير جر الصوت والناس هجاعي .

أنت مثل الحياة الفانية بالتمام
عارف إني بخلّيها و حبيتها..

المقابل تنفتح له دواليب القلوب
والمقفّي قلعة الوادرين تودّره .

تراني قصيرك بالخلا مابنيت بيوت
ولاعشت بين المدرسة والبساتيني

ولاني من اللي يعشقون البحر والحوت
ولاني بحب الضعوف لأجل الملاييني .