ធនាគារ អេស ប៊ី អាយ លី ហួរ បានរៀបចំកម្មវិធីប្រកួតបាល់ទាត់ពានរង្វាន់ ធនាគារ អេស ប៊ី អាយ លី ហួរ សម្រាប់កុមារ និងយុវជនឆ្នាំ ២០២៤ ដែលមានអាយុក្រោម១៧ឆ្នាំ ដោយសហការរៀបចំជាមួយ សាលាបង្វឹកបាល់ទាត់ Soltilo Familia Soccer School Cambodia ដែលបង្កើតឡើងដោយ លោក កៃស៊ូកិ ហុនដា (Mr. KEISUKE HONDA) ។ ក្រុមបាល់ទាត់កុមារ និងយុវជន ដែលមកពីសាលារៀនអន្តរជាតិ និងក្លឹបបាល់ទាត់កុមារជាច្រើននៅរាជធានីភ្នំពេញ ចំនួនជិត៤០០នាក់ បានចូលរួមក្នុងកម្មវិធី កាលពីថ្ងៃអាទិត្យ ទី២៨ ខែមេសា ឆ្នាំ២០២៤ កន្លងទៅនេះ។

ព្រឹត្តិការណ៍ដ៏សំខាន់នេះ ជាការលើកទឹកចិត្ត និងជាការជួយលើកស្ទួយ ក្នុងវិស័យកីឡាបាល់ទាត់ក្នុងព្រះរាជាណាចក្រកម្ពុជា ដែលជា កិច្ចការងារសង្គមមួយរបស់ធនាគារ អេស ប៊ី អាយ លី ហួរ ក្នុងការផ្តល់ ត្រឡប់ទៅកាន់សហគមន៍យើងវិញ។

#SBILYHOURBank #SoltiloFamiliaSoccerSchoolCambodia #SBLYHOURBankCUP2024 #KidsAndYouthsTournament #sportsector #communitylove

គណៈគ្រប់គ្រងទាំងអស់ របស់ ធនាគារ អេស ប៊ី អាយ លី ហួរ បានចូលរួមផ្តល់សេវាអតិថិជនដោយផ្ទាល់នៅតាមបញ្ជរធនាគារ កាលពីថ្ងៃទី២៦ ខែមេសា ឆ្នាំ២០២៤ នាពេលកន្លងមក ដើម្បីផ្សារភ្ជាប់ទំនាក់ទំនងការយកចិត្តទុកដាក់ និងការផ្តល់តម្លៃដល់អតិថិជនទាំងអស់ ដែលតួនាទីនេះមិនមែនផ្តល់ដោយបុគ្គលិកដែលបម្រើសេវាអតិថិជនផ្ទាល់នៅតាមបញ្ជរធនាគារតែមួយឡើយ។ ការផ្តល់សេវាអតិថិជន គឺជាការងាររបស់យើងទាំងអស់ដោយរាប់តាំងតួនាទីជាសន្តិសុខ បុគ្គលិកអនាម័យ រហូតដល់គណៈជាន់ខ្ពស់របស់ធនាគារ និងជាពិសេសទៀតនេះគឺ ដើម្បីចូលរួមអបអរសាទរ ទិវាពលកម្មអន្តរជាតិ ១ ឧសភា ឆ្នាំ២០២៤ ផងដែរ។
កម្មវិធីនេះមានការផ្តល់កិត្តិយសចូលរួមពីសំណាក់ លោក ជា ផល្លារិន អគ្គនាយក ធនាគារ អេស ប៊ី អាយ លី ហួរ រួមជាមួយគណៈគ្រប់គ្រងទាំងអស់ អញ្ជើញមកបម្រើសេវាអតិថិជនដោយផ្ទាល់ជូនដល់អតិថិជនដែលមកប្រើសេវានៅតាមបញ្ជរធនាគារ ប្រកបដោយការគោរព រួសរាយ រាក់ទាក់ និងការយកចិត្តទុកដាក់ខ្ពស់បំផុត ដែលបានប្រារព្ធឡើងនៅ សាខារាជធានីភ្នំពេញ និងតាមបណ្តាសាខានៅជាប់រាជធានីភ្នំពេញ របស់ធនាគារ អេស ប៊ី អាយ លី ហួរ។