Настаўнікі і школьнікі 🇸🇪 швэдзкай гімназіі запісалі відэа ў падтрымку беларусаў ⚪🔴⚪

«Мы падтрымліваем вас, студэнтаў і выкладчыкаў Беларусі ў вашым справядлівым імкненьні да лепшай, дэмакратычнай будучыні».

Таксама школьнікі і настаўнікі напісалі ліст палітзьняволенай журналістцы Кацярыне Барысевіч, якая разам з дачкой раней наведвала іх гімназію.

https://www.youtube.com/watch?v=r8odNz5SShs

⚡️Шаноўныя падпісанты! Дасылайце нам фота і відэа таго, што адбываецца ў вашым раёне, на @SvabodaBelarus_Bot ці на @SvabodaBelarus

Як адзначылі Дзень Волі на Плошчы Пераменаў

Нашыя падпісанты даслалі нам такі прыгожы відэаролік 😎

Менск. На плошчы Якуба Коласа заўважылі шмат спэцтэхнікі.

«Вораг і здраднік нашай дзяржавы». Карпянкоў адрэагаваў на інтэрвію былога падначаленага Лупаносава, які супрацоўнічаў з BYPOL


@tutby_official датэлефанаваўся да Карпянкова і сярод іншага задаў пытаньне які закон парушыў чалавек, асуджаны на 15 сутак за белыя шкарпэткі з чырвонай палоскай. Карпянкоў ў адказ заявіў tut.by «шкада, што вас яшчэ не закрылі» і кінуў слухаўку.

Чытаць далей

🇩🇪 Нямецкія гісторыкі абвінавацілі «Беларусь сегодня» ў падтрымліваньні «антысэміцкіх стэрэатыпаў»

Гаворка пра артыкул Андрэя Мукавозчыка «В полку астапень прибыло. Оно из Дюссельдорфа. Шлимазлы и шнореры»

bit.ly/2Pfukdz

Гэтак на дыскваліфікацыю з Эўравізіі адрэагавалі ў Белдзяржтэлерадыёкампаніі

Старшыня БТ Іван Эйсмант заявіў, што «Гурт «Галасы ЗМеста» увайшоў у гісторыю, і на мой погляд, «Беларусь выйграла Эўравізію».

bit.ly/3tVrN7d

«Хамаватая зухаватасьць». Сын Макея раскрытыкаваў адказ МЗС амэрыканцам

Віталь Макей, сын кіраўніка МЗС Уладзімера Макея, які пакінуў працу ў ведамстве падчас жнівеньскіх падзеяў, напісаў у сваім linkedin, што яму маркотна назіраць апошнія заявы міністэрства:

«Знарочыста хамаватая зухаватасьць ніколі не заменіць аргумэнтацыю і стыль. Наадварот: яшчэ мацней падкрэсьліць пасрэднасьць.

Мне сумна, што мае былыя калегі, да многіх зь якіх я шчыра адчуваю сяброўскія пачуцьці, вымушаныя мірыцца з сытуацыяй, пры якой немагчыма свабодная, стваральная творчасьць. Вельмі хацелася б, каб у гэты ўдушлівы час прафэсіяналы захавалі свае веды, навыкі, досьвед і маральныя арыенціры».

Чытаць далей

«Спачатку чалавека завялі ў аўтазак, а праз 10 хвілін вывелі ў хуткую»
На станцыі мэтро «Пушкінская» працягваюцца затрыманьні.

Менск. На вуліцы Сапёраў, што недалёка ад праспэкту Пераможцаў, стаіць шмат спэцтэхнікі: вадамёты, аўтобусы, «рубяжы» і машыны з калючым дротам 👀

«Ня варта чакаць, што сілавікі «пяройдуць на бок народу» альбо «будуць адстрэльвацца да апошняга патрона»

Кіраўнік праекту Belarus security blog Андрэй Паротнікаў мяркуе, што частыя перастаноўкі ў сілавым блёку сьведчаць, што там «не хапае надзейных кадраў».

Паводле аналітыка, пры пытаньні пра адказнасьць, кожны зь сілавікоў будзе апэляваць да таго, што ён толькі выконваў загад, а вінаваты той, хто гэты загад аддаў.

Чытаць далей

Уладзімер Макей адрэагаваў на камэнтары да адказу амэрыканцам аб падзеле Аляскі

Упершыню з чэрвеня на інстаграме кіраўніка МЗС зьявіўся новы допіс:

«Велізарная колькасьць камэнтароў наконт учорашняе заявы прэс-службы МЗС, пры тым, канстытуцыйная большасьць – пазытыў, гаворыць пра правільнасьць і актуальнасьць пытаньня».

Да допісу Макей далучыў фота сабакі. Раней сын Уладзімера Макея публічна раскрытыкаваў заяву МЗС, назваўшы яе «хамаватай зухаватасьцю».

Наш падпісант паведамляе, што ў раёне Акадэміі навук чацьвёра экіпаваных міліцыянтаў подбегам пацягнулі чалавека ў аўтазак

Людзі на праспэкце Незалежнасьці рухаюцца неарганізавана, адвольна. Міліцыянты перасоўваюцца ў групах па 4 чалавекі.

Міліцыя прыехала ў БДУІР, каб зьняць адбіткі пальцаў з вакна, дзе вывесілі БЧБ ⚪🔴⚪

Як паведамляе тэлеграм-канал «Мірны БДУІР», ва ўнівэрсытэце зьявіліся міліцыянты з адмысловым пакункам 🤦‍♂️

У бок плошчы Бангалор у Менску паехалі аўтазакі.

Палітоляг Арцём Шрайбман пракамэнтаваў заяву МЗС аб падзеле Аляскі, а таксама новы ўзровень палітычнага перасьледу:

«У сёньняшняй атмасфэры ўнутры дзяржапарату ўсе ведамствы мусяць безь перадыху паказваць свой піянэрскі задор».

Журналіста Анджэя Пачобута перавялі ў СІЗА на Валадарскага

Абвінавачаньні зьняволенаму журналісту пакуль не выставілі, яго зьбіраюцца дапытаць у бліжэйшы час.

Дзяячак непрызнанага ўладамі Саюзу палякаў Марыну Цішкоўскую і Ірэну Бярнацкую таксама ноччу прывезлі ў СІЗА на Валадарскага.

bit.ly/3rsLGAL

Менск, на Бангалоры пачаліся першыя затрыманьні. Вуліцу Сурганава на скрыжаваньні з вуліцай Якуба Коласа у бок Бангалор ужо перакрылі.

Яшчэ адна «партыя» спэцтранспарту паехала ў бок плошчы Бангалор.