😍 د جـنـت لار 😍

مسلمان باید څنګه ژوند وکړي؟

۲ـ برخه.

د اسلام دین له عقائدو، عباداتو، نېکو اعمالو، ښایسته اخلاقو او اوچتو آدابو څخه عبارت دی، کله چې یو څوک اسلام ومني او ووایي، چې زه مسلمان یم نو باید په بشپړ ډول اسلام و مني، په سورة بقره کي ارشاد دی:
يٰٓأَيُّهَا الَّذِينَ ءَامَنُوا ادْخُلُوا فِى السِّلْمِ كَآفَّةً وَلَا تَتَّبِعُوا خُطُوٰتِ الشَّيْطٰنِ ۚ إِنَّهُۥ لَكُمْ عَدُوٌّ مُّبِينٌ.
#ژباړه: ای مؤمنانو! تاسي په هر اړخيز ډول په اسلام کښي ننوځئ او د شيطان پيروي مه كوئ، چي هغه ستاسي ښكاره دښمن دى.
اُدْخُلُوْا فِی السّلِمِ کَافَّةً..
سلم د سین په زور او زیر سره دوې معنی وي لري، یوه معنی صلح او بله معنی اسلام او دلته د جمهورو صحابه کرامو او تابعینو په نزد دوهمه معنی (اسلام) مراد ده.
(ابن کثیر) کافة په معنی د جمیعا او عامة راځي دلته دا لفظ په ترکیب کي حال واقع سوی دی، چي دوه احتمالونه لري، اول: دا د ضمیر د ادخلو څخه حال سي او دوهم: دا چي د اسلام په معنی کي د سِلم څخه حال ومنل سي، نو په مخکي صورت کي به معنی دا سي، تاسي پوره پوره په اسلام کي داخل سئ، یعني: لاس، پښه، غوږونه، سترګي، زړه او دماغ ټول د اسلام په دائره کي داخل کړئ، داسي نه، چي څه اندامو اسلام منی او څه یې نه منی.
په دوهم صورت به معنی دا سي، چي تاسي په مکمل ډول په اسلام کي داخل سئ.
دا سي نه، چي د اسلام څه احکام منی او څه یې نه منی.
کله چي د اسلام د ژوند د مکمل نظام نوم دی کم، چي په قرآن او سنت کي بلل سوی دی، هغه که عقائد، عبادات، نکاح، معاملات، معاشرت، حکومت، سیاست، تجارت او کار کسب سره تعلق وي دا ټول مکمل اسلام بلل کیږي.
#نوټ: دا هغه خلکو ته خبرداری دی، چي یواځي په مسجد او عبادت کي اسلام ګڼي، لکه دوي چي د معاملاتو، معاشرت، حقوقو او معاصر ضرورتونو څخه اسلام جلا بولي، نو دا د دوي ناخبرې ده او د مکمل اسلام څخه غفلت دی؛ بلکي اسلام موږ ته هرڅه واضح بیان کړي دي.
نن زموږ عادت ګرځېدلی، چي د مسلمانۍ دعوه کوؤ خو د اسلام له ارکانو، اعمالو، اخلاقو او عاداتو څخه بې خبره یو او ورڅخه په شا کیږو، دعوه یو ډول کوؤ او عمل بل ډول، دا د مؤمن شأن نه دی، کله چې مسلمانان سوؤ نو
لازمه ده چې په بشپړ اسلام عمل وکړو.

جاري ده..

31 viewsمـحـسـین مـسـبیح, 03:22