بعد فترة من الوقت هتلاقى نفسك مش زعلان على  العلاقات اللى خسرتها ولا على الحاجات اللى مش عارف تحققها ولا  على الناس اللى خذلتك  ، اكتر حاجة هتزعل عليها هى عمرك اللى ضاع في اختيارات غلط، في الطرق اللى مش عايزة تنتهى ومبقاش ينفع ترجع لاولها، على مجهود سنين اترمى في الارض مقابل ولا حاجة. 

كلنا attractive جداً و نتحب ومرغوب فينا .. أكيد مش من كل الناس لكن من type منهم متوافق معانا ..

بس هل بعد كل الإنبهار بتاع المرات الأولى ولمعان العيون والموسيقى اللي في الخلفية .. لما تعرفونا بجد .. هتفضلوا بتحبونا ؟ ولا كل حاجة هتطفي وهنبقى عاديين جداً بشكل يخليكم عايزين تهربوا وتروحوا تدوروا على لمعان حد تاني؟

لما تعرفوا اللي مرينا بيه وظروفنا ومشاكلنا اللي محدش يعرفها
لما تعرفوا مخاوفنا والـ insecurities اللي ممكن تكون مش منطقية ،، هتطمنونا ساعتها ولا هتضحكوا علينا ؟ هتهربوا ولا هتفضلوا جنبنا ؟

لما تشوفوا عيوبنا وتلمسوها .. هتتفهموا ؟

عامة.. محدش بيفضل يلمع للأبد .. وكل ما بتقرب كل ما بتبدأ تشوفه انسان مش ملاك عليه هالة ومبهر ..

بس ساعتها أنت اللي بتختار تشوفه بعيون بتلمع .. بعيون الجمال الحقيقي ، بعيون التقدير والإحترام والرحمة والتفهم ..

انت اللي بتختار تؤمن بيه لما هو حتى بيفقد الإيمان بنفسه ..

انت اللي بتختار إنسانيته على مثاليتك الزايفة ..
عمرنا ما هنبقى مثاليين .. لكن ممكن نفضل حلويين في عيون اللي بيحبونا للأبد ...

"سبب هوس الرجال بتحقيق الإنجازات في حياتهم هو أن لا أحد يعبأ مطلقاً بالرجال... بمن فيهم غالبية الرجال. أقصى ما يمكن أن تناله كرجل لتشعر بأن أحدهم يهتم بشأنك، هو أن تقوم بأشياء تعود عليه بالنفع. المعنى الضمني لدور الرجل كمُعيل هو أن لا أحد يحبه لذاته، بل يحبه الناس فقط لما يستطيع إنجازه. الحب الحقيقي نادر للغاية. فقط يستغل أغلب الناس بعضهم البعض بشكل عملي. الرجال لا قيمة أصيلة لهم. نحن نُقدر النساء والأطفال لمجرد وجودهم في حياتنا. ولهذا فإن المرأة العادية أكثر قيمة من الرجل العادي. ولا سيما في مجتمع يُفضل النساء على الرجال. ولهذا فإن الجدالات النسوية التي ينصب تركيزها على المساواة تُعد من قبيل القاذورات الفكرية. لا أحد يهتم إلا بالناجحين فقط. النجاح ليس خياراً في حياة الرجال. بل مسألة حياة أو موت. ولكنه لايزال خياراً في حياة النساء. إذا فشلت امرأة في عملها أو دراساتها الأكاديمية، يمكنها ببساطة أن تتوقف عن المحاولة وتصير أماً. وحينها ستظل مرغوبة لذاتها. ولكن من يهتم برجل فاشل؟ لا أحد على الإطلاق. بالطبع إذاً سيتفوق الرجال على النساء دوماً في أعلى قمم المجتمع. لأنهم مضطرون لذلك. ولكن على الناحية الأخرى، فإن الرجال غير الناجحين لا يحظوا حتى بالحد الأدنى من التعاطف أو المعاملة الإنسانية اللائقة. إنهم الطبقة المستضعفة التي لا يراها أحد. وأنتم يا أوساخ تستهزأون بهم بكل عجرفة".

في تعاملي مع الأشخاص في حياتي أنا عندي قواعد بسيطة يمكن بسببها الناس اللي في حياتي بتشوفني شخص سهل و مريح في التعامل و جزء من الحاجات دي الحقيقة سببلي أذي و لكن أنا مرتاح في أغلب علاقاتي باللي حواليا :

- أنا مابتخطاش مساحتي مع أي حد أياً كان هو ايه حتى لو في علاقتي بطفل صغير

- بعرف أسمع الناس و أشاركها احساسها مهما كان اللي بيحكوه حتى لو بسيط و مش بحكم على حد إطلاقاً

- أنا يكفيني تماما احساس التقدير يوصلني من شخص وقفت جنبه

- بعتذر لو غلطت و ماعنديش مشكلة في ده خالص

- أحياناً بستنى من الناس إنهم يفهموني و يفهموا امتى اني مش قادر أسمع أو أحكي زي ما أنا متفهم بس اكتشفت إن ده صعب و إني بس اللي بعمله في علاقتي

و الحقيقة بالرغم من سهولة و بساطة علاقتي بالناس إلا إن نادراً لما حد يفهم جزء معين في شخصيتي، أو أحس إن حد قالي جملة مختلفة تأثر فيا بشكل ما، حتى أي كلام لطيف بيتقالي من أشخاص عابرة أو في حياتي ساعات مش بستوعبه و بحس إني لازم أردله الكلام ده لأني ماتعودتش أن حد يقولي كلام جميل مختلف، أنا اللي دايما بعمل ده و أي كلام بقوله لشخص ف بيكون من قلبي و حاجة خاصة بيه هو بس.

أسوأ حاجة في العلاقات البشرية، لما تكون شايف شخص ظريف جداً، وتكون حابب تتعرف عليه، وتجمعكم الأقدار فعلًا، وتكون البداية مثالية جداً جداً، وتبدأ تنسجه في خيالك ومستقبلك.

بعدين تبدأ الظروف تتدخل، ويبدأ كل واحد يستتقل عيوب التاني، فتبدأ الخلافات، ويحصل العتاب عشان المركب تمشي، وتتفاجئ إن العتاب الأول بيتكرر، مرة، اتنين، عشرة، هنا بقى بتدرك إن الرحلة دي مش بتاعتك.

كل اللي بيقهرني بس، إزاي الناس بتتغير كدة؟ وإزاي مبيلاحظوش فعلاً تغيرهم؟ وإزاي تحول القناعات بالسرعة دي، من مجرد شخص ظريف نفسك تتعرف عليه، لشخص مهم يكاد يكون من ركائز يومك، لغريب، بيتحط في قايمة البلوكات، أو مبقاش له مسمى.
نفس فكرة إنك تبقى واقف شايف البحر ظريف، لحد ما تقرر تعوم، وتتعمق، فتلاقي نفسك بتغرق، بعدها هتفضل طول حياتك خايف تكرر نفس التجربة، وهيفضل البحر بالنسبالك مخيف.

ميزة إنك تفضل السكوت في أي قعدة هي إنك بتبقى مركز زيادة عن اللازم واللي حواليك مابيبقوش واخدين بالهم من وجودك أصلا… بأحب اتمشى ف دماغ الناس اللّي حواليا ، أعرف بيفكروا ازاي و جواهم ايه ، اسلوبهم ، معاملتهم .. باتفرج للآخر خالص .. و كل ما بتكون الصدمات أقوى ، كل ماببتسم في نفسي جدا وأعرف إن أكتر حاجة عملتها صح في حياتي إني مابقتش رغاي زي الأول في حياتي الواقعية.

رمضان كريم كل سنة وانتوا طيبين

فيه ناس طول ما أنت أقل منهم هتبقى ملاك في عينهم .. مجرد ما تبقى أحسن في أي حاجة هيطلعوا فيك كل العِبَر .. ماتخّلوش حد يحبطكم .. بالتجربة وبالمعاشرة إحنا عايشين وسط مجتمع 90 % منه بيطلعوا عُقدهم وكلاكيعهم على أي حد يشوفوه مبسوط أو ناجح أو مكبر دماغه.. ده حتى الضحكة بقت بتتحسد وبيتلام عليها.. استمتعوا بإنجازاتكم البسيطة حتى لو غيركم شافوها تافهة.. إحنا مش هنعالج الناس، ولا هما هيخفوا.

بعد ما بتعدي فترة الانبهار بتاعت البدايات و السحر اللي في عنينا بيروح و تبدأ مرحلة ما قبل التوازن اللي هي بالنسبالي اهم مرحلة في العلاقات بجميع أشكالها

المرحلة اللي فيها كل شخص بيظهر بشكله الكامل، روحه الحقيقية اللي مش مذوقاها دلقة البدايات اللي بتدهولنا على وشنا، بتبدأ الستاير تسقط و العيوب تبان بشكل واضح .. بتقدر تزيح كل ال Blur اللي كان على تكوين الشخص ده و تشوفوا طباع بعض اللي غالبا انتوا الاتنين بتتفاجئوا بيها بعد الايام الوردية اللي عيشتوها في الاول و تبدأ نظره ال " ايه ده انت انسان عادي اهو و عندك موود و آراء و هتوجع دماغي ولا ايه" .. و خناقات و مشاكل و غيرة و قريفة و تقلب مزاج و زعيق و صلح و ups and downs لحد ما كل حاجة تبقى واضحة و كل طرف يعرف احتياجات الاخر و المسافات تتقرب

بيبقى قدامك طريقين يا ت take the risk و تتقبل الشخص ده زي ما هو بعيوبه و روحه و حياته و طريقة تفكيره و لون قلبه و تبقى مستعد تاخد خطوة الاستقرار معاه يا اما بتستكفى باللي شوفته اللي طلع مش هيتناسب معاك و ده ميعيبكش في شئ ولا يخليك بني آدم وحش ب أي شكل.

لو حصل و اختارت انك تكمل الطريق اللي بدأته بعد ما لقيت بمواقف كتير و اختبارات اكتر و وقوع سلالم قد كده و اختارت انه يستاهل المعافرة، بتوصل لأصعب مرحلة و أحلاهم انك خلاص بتعرف تاخد نفسك من الجري اللي كان في أول كام شهر من العلاقة، بتقدر تتقبل و تستوعب انت و هو كم التنازلات اللي هتقدموها لبعض في مقابل انكوا تبقوا سوا و انتوا الاتنين راضيين و مرتاحين و على قلبكوا زي العسل و صابرين و متفهمين و متفاهمين

في الوقت ده مفيش حاجة بتكون سهله مهما كان باين للي بره اطار العلاقة، مش سهل ابدا ان اتنين مختلفين في حاجات كتير يتقبلوا اختلافاتهم و يتنازلوا عن حاجات و عن أشخاص إلى آخره لمجرد انهم يحافظوا على علاقة تدوم سنين في سلام، مش سهل ان حد يحافظ على المودة بعد سنين بيخترقها الصراع الفطري الإنساني بتاع الزهق و الملل التغير و تقلب القلوب

كل علاقة عشان تستمر هتحتاج مجهود و تنازلات كتير جدا .. كل حاجة هتستهلك مننا و ايام كتير من عمرنا هتضيع و احنا بنحاول نوصل لنقطة الاتزان اللي ترضينا و ترضيهم..


عشان كده لازم تفكر كويس في اختيارك و تعيد تفكير مرة و اتنين و عشرة و تتفهم احتياجاتك و طبيعة مشاعرك عشان تقدر تدخل علاقة سوية وصحية .. لازم توزن كل خطوة بالعقل عشان متجيش بعد كام سنة تكتشف انك ضيعت عمرك على الناس الغلط و ساعتها لا الوقت هيرجع ولا الندم هيهون عليك اللي ضاع منك.

‏كل عام وأنتم بخير وسعادة

من اصعب القرارات اللي ممكن تاخدها فى حياتك انك تقرر تقطع علاقتك بحد كنت بتحبه اكتر من نفسك لمجرد انك تحافظ على كرامتك وتبطل تعرف عنه اى حاجه او حتى تهتم لتفاصيله ، هو قرار صعب وفيه تحدى مع نفسك شويه بس مش اغلى من كرامتك واحساسك انك شخص كويس وتستحق تتحب وتتعامل معامله احسن من كدا وميبقاش فيه زيك كتير في حياتهم ..

لازم تعرف ازاي تفرق بين شخص بيحبك وشخص بيحب اللي بياخده منك؛ في شخص بيحبك كده زى ما انت راضى بيك فى كل حالاتك بيحاول علشانك وهو حابب ده من جواه لكن التانى ضامنك ضامن وجودك ضامن انه مهما ادالك فوق دماغك هتفضل موجود هو مش بيحبك هو طمعان فى حبك بس بطريقة كلها قلة قيمة وكإن اللى بتعمله علشانه ماهو إلا حق مكتسب.

‏محدش هيحس بوجعك، للأسف كل اللي هيعرف إن عندك مشكلة هيقولك إن هو كمان زيك والدنيا كلها مشاكل وهيعلي عليك بكل الطرق الممكنة عشان يقلل من مشكلتك، وأزمتك هتفضل تافهة في عين الشخص اللي ممرش بيها، عشان كدا أنا ضد إن الواحد يعري نفسه ويبين ضعفه قدام أي حد، إجمد كدا وشيل شيلتك لوحدك.

الحقيقة إن الحياة صعبة.. صعبة جدا.. مجهدة.. حتى لو أنت مبسوط أو راضي.. صعبة.. مرهقة جدا.. وأي حد هيقولك غير كدا.. he is selling something .

الحاجة الوحيدة اللي بتهون مشقة الحياة هي مشاعر "الحب" و "الحنية" و "الاهتمام" و "الرعاية" من الأهل و الأصدقاء و الأحبة.. أي إنسان بيواجه الحياة يوميا من غير ما يلاقي المشاعر دي معرض لكل الأمراض النفسية الممكنة.. الشيء الوحيد اللي بيحمي الإنسان من الانهيار هو "الشعور بالحب" و بأن وجوده مهم.

Keep looking after each other everyday, every single day

نركز في الجملة دي كويس اوي " انت مينفعش تخلي حد يحبك من خلال انك تدي له زيادة من حاجة هو اساسا مش مقدرها "

مشكلة كارثية في بعض البشر و سبب مهم في بؤس و شعور الانسان بإحتقار عميق تجاه ذاته هي " عدم تقدير قيمة النفس " إن الانسان مش حاسس قد ايه هو غالي و مهم عنده نفسه.

الموضوع مش في العلاقات العاطفية بس ، إنما حتى في علاقات العمل او حتى على مستوى العلاقات الإجتماعية البسيطة .. لازم الانسان يكون مدرك كويس ان اي مشاعر إهتمام او مسؤولية او إلتزام بيطلعها لأي حاجة او شخص ، لازم تكون طالعة و هي معروفة قيمتها و محسوب قدرها ! لازم يكون واعي جدا هو بيصرف من طاقته و نفسيته لأية و لمين ؟! و إلا يبقى هو أول واحد بيرخص منها و يرميها علي الأرض .. يبقى هو اول واحد مسؤول عن إهدارها ..

فالصدمة بتحصل في اللحظة دي ، لما بعد وقت كبير من الغفلة يلاقي نفسه صارف مجهود و إهتمام و مفيش مردود للكلام دا ! فيتأثر و ينهار و يعيش في الدايرة المفرغة بتاعة " انا اتلعب بيا ليه؟!" ، " هو ليه الناس عملت فيا كدة ؟! " ، " هو ازاي الناس شايفاني قليل كدا ؟!! " ..إلخ

في جملة عظيمة بتقول : ‏"في النهاية ستدرك أنك لم تكن تطلب الكثير، لكنك كنت تسأل الشخص الخطأ. "

فالقصة كلها ، الانسان واقف فين من حياة الاشخاص و الحاجات اللي حواليه ! فيه ناس كتير جريت و تعبت و سهرت و في الاخر طلع كل دا عشان وهم ، و تكون المشكلة كانت عندهم في الاساس ، انهم اتعموا بمشاعرهم و هرموناتهم عشان كانوا عاوزين يحسو بحاجة مش حقيقية! .. و يتقال لهم في الاخر هو حد طلب منكم تجروا او تتعبوا او تسهروا؟! .. و الحقيقة إن فعلا محدش طلب ..

فالانسان ميقدرش يخفي الإستغلال من العالم ، بس على الأقل يقدر يمنع انه يكون في حلقة إستغلال .. بأنه يكون صادق و أمين مع نفسه .. يكون مسؤول فعلا على مشاعره و معنوياته .. يعز كل حاجة فيه و يعيش بقناعة أكيدة إن محدش حيقدره و يعرف قيمته قبل ما هو يقدر نفسه و يعرف قيمتها.

الحياة أريح لما بنبطل نتوقع ونحاسب الناس على توقعتنا دي، أنا بقيت أسأل الناس دايركت كده أنت أي حاجة بتريحك أكتر إيه الأنسب لك ده بيبسطك أكتر ولا ده، الدنيا أسهل حقيقي لما بتكون كل حاجة مباشرة وواضحة ولما بنبطل نقيس الحاجات بمعاييرنا احنا لأن كل واحد وله طباعه وشخصيته اللي مش بالضرورة تكون هي هي عندك تقدير الاختلاف بينا واحترامه مريح وفعل إنساني نبيل جدا وبتوفر جهد وبتخلي كل حاجة في محلها احنا مش عايشين في قوالب محددة.

عارف ايه أغرب حاجة ممكن تحطك تحت ضغط و تفسد كل علاقاتك و بعديها ممكن تدمر حياتك.. هو استمرار انتظارك لأشياء أنت متخيل أنها لازم تحصل من ناس بيشاركوك جزء كبير من حياتك. و لما ماتحصلش تبدأ تعبر عن غضبك و حزنك و كمان رفضك للنوع ده من العلاقة و تبدأ حياتك تتحول لحياة مملة و كئيبة و طبعا أنت شايف إنهم هم السبب .. فتبدأ دون أن تشعر أنك تسقط كل أحزانك عليهم كما لو كنت عاوز تنتقم منهم لأنهم افسدوا حياتك.. و طول الوقت بتوجه لهم اتهامات مباشرة أو غير مباشرة بأنهم مكانوش يستاهلوا كل الحب و الاهتمام اللي كان موجود .

أنت في الحقيقة استسهلت و نسيت إنك مش لوحدك محور الكون .. أنت نسيت أنك كمان لازم تدي و إنك علشان تلاقي مشاعر جميلة من حد أنت بتحبه لازم يكون عندك حاجات قصادها ..مش بس أنت اللي كويس و الناس مش بتقدر .. انت كمان كتير مش بتقدر و في الحقيقة الشعور ده أفسد عليك كل اللحظات الجميلة اللي كنت ممكن تلاقيها مع ناس بتحبهم لأنك كنت عايش في عالم افتراضي متخيل فيه إنك البطل الوحيد لروايته.

طبعا محدش يبقى عاوز يعترف إنه فاشل.. و بيبقى عاوز يرمي أسباب فشله على أي طرف .. و هنا ده بيبقى الطريق الحقيقي ل إدمان الفشل . كل العلاقات في الدنيا مينفعش فيها فكرة هات و خد .. لأنها مش شركة .. أنا ضحكت لك يومين فأنت لازم تضحك لي يومين .. أنا كنت لطيف معاك النهاردة فيبقى لازم تكون لطيف معايا بكرة.. لأ .. العلاقات أخد و عطا بس مش بالمسطرة .. أنا ممكن يكون عندي القدرة على العطاء النهاردة و بكرة محتاجلك أو ممكن أكون محتاجلك شهور و معنديش حاجة اقدر اديهالك ..

متحسبوش علاقتكم بالناس بالمسطرة .. و اعرفوا أن أي فشل انت فيه و أي حزن انت بتعيشه انت السبب رقم واحد فيه… و لو عندك حد بتحبه أمسك فيه اوعى تسيبه.. و حاول تديه كل اللي تقدر عليه..

أجمل حاجة في اللي بنحبهم انهم اعطونا القدرة على العطاء.

غيرت لينك الجروب واللي مش عارف فكرة الجروب هي المشاركة يعني لو حد حابب يحكي حاجة مضايقاه ل Strangers او مشاكل بتواجهه
ولو حد يقدر يساعد بحاجة او حتى يكون Good listener دا هيبقى عظيم
https://t.me/+lV_7m5p1SW4xOGU0

‏كتير من ضحايا الAbuse بيفضلوا موجودين عشان مستنيين لحظة يحسوا فيها بالسيطرة ، يعني مثلا أنه بيخونها بس بعد كدا بييجي يترجاها تسامحه.. أو أنه بيسيبها كتير بس بعد شوية يرجع يجر كلام.
انت كشخص حاسس بالإهانة بتبقى مستني لحظة تحس فيها انك لك اليد العليا ف العلاقة، ‏او أن اللي قدامك مايستغناش عنك ، بس لحظة القوة دي عمرها مابتستمر و بعدها بتيجي انكسارات أسوأ.
كتذكرة: سيبوا العلاقات دي حتى لو ماخدتوش لحظتكم دي، اخرجوا منها عشان بردو مش هتكسبوا.
مش لازم التاني يركع قدامكم و انتوا ترفضوه. الشخص اللي أساء معاملتك عمره ما هيتغير ، ‏It's never gonna work out عشان الشخص التاني شخص سيء، ايوة فيه كدا، فيه ناس مؤذية ف العلاقات دا طبعها و فيه ناس بتبقى عارفة أنها مؤذية و انك ماتستاهلش و ممكن يقولوها في وشك و بردو بيستمروا في دا.
انقاذ نفسك من كل دا اهم شيء الوقت مش انك تاخد validation من أشخاص مؤذية ، ‏الحقيقة أن عمرك ما كنت مسيطر ، حتى اللحظات اللي كنت فاكر انك متحكم فاللي قدامك، هو كان متحكم فيك و عارف أنه قادر يخليك جنبه بالطريقة دي و عارف مفاتيحك كلها و بيستغل ده ، العلاقة دي كلها هزيمة و احسن حاجة تعملها في حق نفسك انك تمشي.

غيرت لينك الجروب واللي مش عارف فكرة الجروب هي المشاركة يعني لو حد حابب يحكي حاجة مضايقاه ل Strangers او مشاكل بتواجهه
ولو حد يقدر يساعد بحاجة او حتى يكون Good listener دا هيبقى عظيم
https://t.me/+lV_7m5p1SW4xOGU0