⚡️Мінчука арыштавалі на 15 сутак за фота прапагандыста, якое ён адаслаў блогеру Антону Матольку

У сярэдзіне траўня блогеру Антону Матольку чытач даслаў фотаздымак датычнага да каналу "Жёлтые сливы" Аляксандра Бянько, які стаіць на касе ў краме. Блогер апублікаваў гэтае фота ў сваім тэлеграм-канале.

24 чэрвеня на адным з прапагандысцкіх тг-каналаў з'явілася інфармацыя, што аўтар гэтых здымкаў затрыманы. Пазней у гэтым жа канале паведамілі, што "злачынцу" клічуць Андрэй Антонаў.

⚖Сёння стала вядома, што 28 чэрвеня над Антонавым у судзе Маскоўскага раёна Мінска прайшоў суд па справе за "дробнае хуліганства" (арт. 19.1 КаАП). У выніку, за фотаздымак прапагандыста, які 34-гадовы Андрэй Антонаў адаслаў Антону Матольку, пакаралі 15-сутачным арыштам.