Xalq dardini o‘z dardidek qabul qilgan hokim!

Ikki oylar oldin qishloqqa borganimda onam uyga mehmon kelishini aytdi. “Kim?” deb so‘raganimda, “bir kampir xola” dedi.
O‘sha kuni uyimizga onam tug‘ilib o‘sgan qishloqda yashovchi, ancha qarib qolgan Qaliya xola ismli ayol keldi. U kishi uyini termit (sariq chumoli) bosib, endi qulab tushish arafasida ekanini, kechasi shamol bo‘lsa tom bosib qolishidan qo‘rqib yashayotganini aytib, yordam so‘radi. Ularning o‘g‘li ham yosh va sog‘lig‘ida muammolari bor ekan.

Vaziyatni tushunib, birinchi o‘rinda Zarbdor tumanining yangi hokimi Bekzod Toshpo‘latov akamizga murojaat qildim. Hokim bova ushbu muammoni tinglab, befarq boʻlmadi, mas’uliyat bilan yondashdi. Avval mas’ullarini yuborib, ikki kun oldin shaxsan o‘zi borib, Qaliya xolamizning uyini ko‘zdan kechiribdi. Holat haqiqatda abgor ekanini ko‘rib, xolamizga yangi uy qurib berishga va’da beribdi. Faqat bunga 3–4 oy vaqt so‘rabdi.

Bu voqea menga yana bir narsani eslatdi: chin rahbar xalq dardiga befarq bo‘lmaydi, har bir murojaatga mas’uliyat bilan yondashadi. Hokim Bekzod akamizning xalq uchun qilgan bu e’tibori va yordami uchun Alloh rozi bo‘lsin!

Nasib qilsa, uy qurilishi jarayoniga o‘zim ham borib, sizlarni ham xabardor qilib turaman.
Shunday xalqparvar, halol, mas’uliyatli rahbarlar ko‘payaversin! 🇺🇿🤲

Telegram 🔨 Instagram
Facebook 🔨YouTube

Ijtimoiy tarmoqlarda maktabdagi “so‘nggi qo‘ng‘iroq” tadbiriga otasining mashinasini haydab kelgani aytilgan o‘quvchini YPX xodimi quvlayotgani aks etgan video tarqaldi.

Telegram 🔨 Instagram
Facebook 🔨YouTube

“Chayladan boshlangan orzular: Komila opaning kuch va sabr hikoyasi”

Ba’zi insonlar bor, ularning hayoti kitob yozishga arzigulik. Bugun biz shunday insonlardan biri — Komila opaning gulchilik issiqxonasiga sayohat qildik.

Komila opa hayotda juda ko‘p qiyinchiliklarni boshidan kechirgan: uysiz qolgan, pulsiz qolgan, bolalari bilan chaylalarda yashagan kunlari ham bo‘lgan. Lekin u taslim bo‘lmadi. Umidini yo‘qotmadi. Har bir kunini mehnat va intilish bilan o‘tkazib, bugun esa u katta tadbirkor, o‘zining zamonaviy gulchilik issiqxonasini barpo etgan ayolga aylangan.

Issiqxonada qadam bosgan har bir joyingizda Komila opaning mashaqqatli yo‘li, sabri va mehnati aks etib turibdi. Har bir gul niholi — bir orzu, bir tilak, bir kuch ramzi.

Ushbu sayohat nafaqat gulchilik dunyosiga, balki insoniy sabr, matonat va mehnatga ham bir sayohat bo‘ldi. Shunday kuchli ayollarimiz borligi bilan faxrlanamiz!
🇺🇿❤️

Sizga ham shunday kuch va sabr tilaymiz! Orzularingizdan voz kechmang!

https://youtu.be/spLDRWWPkUg?si=GQ7qbNrg4xPJMBtd

Telegram 🔨 Instagram
Facebook 🔨YouTube

#SARDOBA_SUV_OMBORI 💧🇺🇿

Qishloqdan Toshkonga qaytishda Sardoba Suv Ombori yonidan oʻtib, ushbu suratni oldim va internetdagi ma'lumotlar asosida ushbu postni tayyorlashga harakat qildim.

Sardoba suv ombori: fojia saboqlari va kelajakdagi rejalar

2020-yil 1-may kuni Sardoba suv ombori to‘g‘onining o‘pirilishi O‘zbekiston tarixidagi eng yirik texnogen falokatlardan biriga aylandi. Oqibatda 6 kishi halok bo‘ldi, 60 mingdan ortiq aholi evakuatsiya qilindi, minglab uylar va infratuzilma vayron bo‘ldi.

Bugungi holat (2025-yil):

Sardoba suv ombori qayta tiklanmoqda. Hozirda omborda 230 million m³ suv to‘plangan bo‘lib, bu hajmni 350 million m³ ga yetkazish rejalashtirilgan.

Tiklash ishlari davomida Rossiya va boshqa xorijiy mutaxassislar jalb etilgan, texnik yechimlar chuqur o‘rganilmoqda.

Ombor atrofida 10,7 MVt quvvatga ega GES qurilishi rejalashtirilgan bo‘lib, bu loyiha Rossiyaning “Silovyye mashiny” kompaniyasi tomonidan amalga oshirilmoqda.


Javobgarlik masalasi:

Sardoba fojiasi yuzasidan 17 nafar mansabdor shaxs jinoiy javobgarlikka tortilgan. Ular orasida buyurtmachi, loyihachi, qurilish tashkilotlari va ekspluatatsiya xizmati vakillari bor.


Savollar tugʻiladi:

Mas'ullar, bu fojiadan saboq oldimikan ?

Sardoba qayta ishga tushirilsa, xavfsizlik kafolatlari bormi?

Qanday qilib bu hududdagi aholi yana ishonch bilan yashashga qaytadi?

Bunga kim javob beradi va javobgarlikning oxiri bormi?

Siz qanday fikrdasiz? Sardoba taqdiri siz uchun muhimmi? Quyida fikrlaringizni qoldiring!

Telegram 🔨 Instagram
Facebook 🔨YouTube

"Dunyo qarzga botyapti..."

Xalqaro moliya instituti ma’lumotlariga ko‘ra, joriy yilning birinchi choragida dunyo qarzi taxminan 7,5 trillion dollarga oshibdi.

Natijada umumiy qarz 324 trillion dollardan oshib, tarixiy rekord darajaga yetdi.

Telegram 🔨 Instagram
Facebook 🔨YouTube

⚡️Endi O‘zbekistonda faqat milliy mahsulotlardan iborat katta savdo markazi bo‘ladi

Faqat milliy mahsulotlar sotiladigan “Mall of Uzbekistan” yirik savdo markazlari ishga tushiriladi. Savdo do‘konlari tadbirkorlarga minimal narxda ijaraga beriladi.

Bu haqda Shavkat Mirziyoyev raisligida o‘tkazilayotgan videoselektor yig‘ilishida ma’lum qilindi.

Shuningdek, to‘qimachilik va charm korxonalariga ehtiyojmand odamlarni ishga olish bo‘yicha 15 foizli me’yor 2 barobar kamaytiriladi. Bundan buyon imtiyoz olish uchun korxonada ehtiyojmand odamlar bilan birga nogironligi bor ishchilar ham hisobga olinadi.

Telegram 🔨 Instagram
Facebook 🔨YouTube