💸 10 mingdan ortiq obunachiga ega blogerlar reklama orqali daromad topganda soliq to‘laydi

Qonun loyihasida inflyuyenser va veb-sayt egasi o‘zining akkaunti, ommaviy hamjamiyati yoki veb-sayti orqali reklama yoki daromad keltiruvchi boshqa faoliyatni amalga oshirishda O‘zbekiston Respublikasi Soliq kodeksiga muvofiq soliqlarni o‘z vaqtida to‘lash ham nazarda tutilmoqda.

Atamalarga ham aniqlik kiritilmoqda. Xususan:

Inflyuyenser — onlayn-platformadagi o‘z akkauntida yoki ommaviy hamjamiyatda o‘n mingdan ortiq obunachiga ega bo‘lgan bloger.

Veb-sayt egasi — veb-saytdan foydalanish tartibini, shu jumladan ushbu veb-saytda kontent joylashtirish tartibini mustaqil ravishda belgilaydigan jismoniy yoki yuridik shaxs.

Telegram 🔨 Instagram
Facebook 🔨YouTube

Alisher Usmonov Germaniyada Lyuksemburgdagi Mediahuis Luxembourg S.A. mediaholdingiga qarshi sudda g‘alaba qozondi, deb xabar bermoqda biznesmenning vakili.

Endilikda ushbu OAV Usmonovni avval ta'kidlaganidek "Dilbar" yaxtasining egasi deb atay olmaydi.

Avvalroq, bir nechta xorijiy OAVlar "Dilbar" yaxtasining Alisher Usmonov yoki uning singlisi Gulbahor Ismoilovaga tegishli ekanini yozgan edi. Biroq keyinchalik ushbu OAVlar o‘z xabarlarini rad etgan — xususan, Germaniyaning DPA axborot agentligi va NDR telekanali.

Alisher Usmonov matbuot xizmatining eslatib o‘tishicha, 2023-yildan beri tadbirkorning advokatlari tomonidan Germaniyada Usmonovga tegishli deb noto‘g‘ri ko‘rsatilgan ko‘chmas mulk va turli mol-mulkka oid ma'lumotlar bergan OAVlarga qarshi 10 ta sud qarori va sud orqali taqiqlar olingan. Usmonovga tegishli deb aytilgan mulklar esa aslida maxsus fondlarga (trastlarga) tegishli bo‘lib, ularni fond boshqaruvchilari boshqaradi.

Shuningdek, "Dilbar" yaxtasining egasi haqidagi yolg‘on ma’lumotlar bu yaxtani tintuv qilish va Gulbahor Ismoilovaga qarshi sanksiyalar joriy etish uchun asos sifatida ishlatilgan.

Telegram 🔨 Instagram
Facebook 🔨YouTube

Yaxshi insonlar bilan yo‘l kesishgani — bu o‘ziga xos baraka.

Bugun onamni uzoq vaqtdan beri qiynab kelayotgan tizza og‘rig‘i bilan Respublika Travmatologiya va Ortopediya ilmiy-amaliy markaziga olib bordik. Ko‘plab davolanish va sanatoriyalar foyda bermagan edi. Nihoyat, o‘z sohasining haqiqiy bilimdoni, tibbiyot fanlari doktori, professor Ilkhom Khujanazarovning qabuliga bordik. U kishi kerakli ko‘riklarni o‘tkazib, juda asosli va ilmiy maslahatlarini berdilar. Oddiy, samimiy va nihoyatda mas’uliyatli inson ekanlar.

Ilhom aka bilan ijtimoiy tarmoqlarda tanishgan edik. Keyinchalik esa, BMB Holding tomonidan tashkil etilgan tadbirda ilk marta yuzma-yuz ko‘rishganmiz.

Yana bir faxrli jihati — u kishi o‘zimizning Baxmal tumanida tug‘ilib-o‘sgan, bugun esa butun respublika bo‘yicha tan olingan mutaxassis. Ana shunday fidokor va bilimli insonlar yurtimizda borligi qalbimizni quvontiradi!
Nasib qilsa ertadan boshlab, Onam kerakli muolajalarni boshlaydilar.

Duo qilib qoʻyinglar, Onajonim ertaroq sogʻaysin! 🤲🤝

Bog‘lanish uchun:
Tel: +998 (97) 710-77-79
Email: ilkhom.ortho@gmail.com

Telegram 🔨 Instagram
Facebook 🔨YouTube

⚡️🇺🇿🇺🇸 Green Card-2025 da eng ko‘p o‘rinni o‘zbekistonliklar qo‘lga kiritdi

Dunyo bo‘ylab 55 ming kishiga beriladigan ushbu lotoreya yutug‘ining 5,5 mingdan ziyodrog‘i o‘zbekistonliklarga chiqdi.

Telegram 🔨 Instagram
Facebook 🔨YouTube

⚡️TEZKOR GIDROMETEOROLOGIK AXBOROT!

14–16-may kunlari O‘zbekiston hududi bo‘yicha issiq ob-havo bo‘lishi kutilmoqda.

14-mayda Qoraqalpog‘iston Respublikasi, Xorazm, Buxoro, Navoiy, Qashqadaryo, Surxondaryo viloyatlarida, 15–16-mayda O‘zbekiston hududining katta qismida havo harorati kunduz kunlari 39–41 darajagacha, janubda va cho‘l hududlarda 42–43 darajagacha ko‘tariladi.

Telegram 🔨 Instagram
Facebook 🔨YouTube

✅O‘zbekiston Xalq demokratik partiyasi fraksiyasi o'zini parlamentdagi muxolifat deb e'lon qildi‼️

Parlamentdagi ko‘pchilik – “Taraqqiyot bloki”ni tuzish to‘g‘risida qaror qabul qildilar. Biz mazkur blokning tuzilishiga e’tiroz bildirmagan holda uning ustuvor vazifalari, shuningdek hukumat dasturi va faoliyatining ayrim yo‘nalishlariga qo‘shila olmaymiz, deydi XDP bayonotida.

Xususan:

– iqtisodiyotda davlat ishtiroki, strategik ahamiyatga ega kompaniyalar ustidan davlat nazoratini saqlab qolishga e’tiborning kamligi, ularni xususiylashtirish qonun darajasida taqiqlanmaganligi;

– raqobatbardosh va bozor mexanizmlari orqali boshqariladigan pensiya tizimiga o‘tish zaruriyatining mavjudligi;

– kommunal to‘lovlari (gaz, elektr va boshqalar) masalasida ijtimoiy himoyaga muhtoj aholini qo‘llab-quvvatlashning istiqbolga mo‘ljallangan aniq strategiyasi ishlab chiqilmaganligi;

– ulushdorlik asosida uy-joy qurish bo‘yicha fuqarolar ulushlarini himoya qilish va kafolatlash tizimining hanuzga qadar yaratilmaganligi;

– aholining daromadiga qarab tabaqalashtirilgan soliq tizimi joriy etilmaganligi (ko‘p mablag‘ topgan, ko‘p to‘lashi lozim tamoyilini qo‘llash lozim), shu jumladan qimmatbaho mol-mulk uchun soliqning (hashamat solig‘i) joriy etilmaganligi;

– farmatsevtika sohasida davlat nazorati sustligi, mahalliy va xorijiy dori vositalari uchun eng yuqori cheklangan narxlar belgilanmaganligi, shu jumladan dori vositalarining reklamasi taqiqlanmaganligi kabi bir qator masalalar partiyamiz elektorati manfaatlariga zid deb xisoblaymiz.

Telegram 🔨 Instagram
Facebook 🔨YouTube

❗️ Mubashshir Ahmad O‘zbekistonga deportatsiya qilindi. Unga nisbatan qamoqqa olish ehtiyot chorasi qo‘llanildi

O‘zbekiston Respublikasi IIV tomonidan xalqaro qidiruvga e’lon qilingan 1974-yilda tug‘ilgan, fuqaro Tursunov Alisher Axmadovich (Mubashshir Ahmad ) joriy yilning 8-may kuni Turkiyada huquq-tartibot idoralari tomonidan qo‘lga olinib, 10-may kuni O‘zbekistonga deportatsiya qilindi.

A.Tursunovning ta’sisligidagi axborot platformalari orqali ijtimoiy tarmoqlarda tarqatilgan ma’lumotlarda, tegishli ekspertiza xulosalariga ko‘ra, O‘zbekiston Respublikasi qonunchiligiga zid axborot mavjud bo‘lganligi sababli, unga nisbatan O‘zbekiston Respublikasi Jinoyat Kodeksining 244 prim 1-moddasi (Jamoat xavfsizligi va jamoat tartibiga tahdid soladigan materiallarni tayyorlash, saqlash, tarqatish yoki namoyish etish) va 244 prim 3-moddasi (Diniy mazmundagi materiallarni qonunga xilof ravishda tayyorlash, saqlash, olib kirish yoki tarqatish) bilan jinoyat ishi qo‘zg‘atilib, qamoqqa olish ehtiyot chorasi qo‘llanildi.

Hozirgi kunda jinoyat ishi doirasida tegishli tergov harakatlari olib borilmoqda.

Telegram 🔨 Instagram
Facebook 🔨YouTube

⭐️ Domlaning mushkuli oson boʻlsin...

Telegram 🔨 Instagram
Facebook 🔨YouTube

❗️ Endi deportatsiya qilingan migrantlardan xarajatlar undirib olinadi

Hukumatning 13-maydagi qarori bilan tashkillashtirilgan tarzda xorijga ishlashga ketib, deportatsiya qilingan fuqarolarni qaytarish bilan bog‘liq xarajatlarni undirish tartibi belgilanibdi.

Unga ko‘ra, endi chet elda mehnat faoliyatini amalga oshirish davrida xorijiy davlatning qonunchilik hujjatlarini buzishi natijasida deportatsiya qilingan fuqarolarga nisbatan ta’sir choralari qo‘llanadi.

Agar deportatsiya qilingan fuqaro Migratsiya jamg‘armasi hisobidan qaytarilsa, qaytarish xarajatlari fuqarodan olinadi. Ulardan jamg‘arma hisobidan taqdim etilgan subsidiya va kompensatsiya summalari ham undiriladi.

Ularga nisbatan bir yilgacha rivojlangan davlatlarga tashkillashtirilgan tarzda vaqtinchalik ishlarga yuborish bo‘yicha xizmatlar ko‘rsatilmaydi.

Tashkillashtirilgan tarzda chet elga ishga yuborish bo‘yicha xizmat ko‘rsatish to‘g‘risidagi shartnomada shartnoma shartlari bajarilmagani uchun jarima va uchinchi shaxslarning kafilligi belgilanadi.

Telegram 🔨 Instagram
Facebook 🔨YouTube

Alisher Qodirov Oʻzbekistondagi “Rossotrudnichestvo” faoliyatini tahlil qilish haqida TIVga soʻrov yubormoqchi

“Bolalarning ong ostiga oʻzligimiz xoʻrlangan sovet davriga sogʻinch, ajdodlarimizni qirgʻin qilgan imperialistik ramzlarga muhabbatni singdirilishi milliy tahdid sifatida baholanishi zarur”, degan Oliy Majlis deputati.

Telegram 🔨 Instagram
Facebook 🔨YouTube

9-may kuni ushbu postim orqali MILLIY TIKLANISH demokratik partiyasi rahbari Alisher Qodirovdan ommaviy tadbirlarda sssr ramzlaridan ochiq foydalanishni cheklash boʻyicha takliflar kutgandim.
Mana koʻp oʻtmay yaxshi taklif bilan chiqibdilar.


Telegram 🔨 Instagram
Facebook 🔨YouTube

⚡️ 1 iyundan Xitoy bilan vizasiz rejim

2025-yil 1 iyundan boshlab O‘zbekiston fuqarolari Xitoyga vizasiz tashrif buyurishlari mumkin bo‘ladi. Har bir tashrif 30 kundan oshmasligi va har qanday 180 kunlik davr mobaynida jami 90 kundan ko‘p bo‘lmasligi lozim.

Telegram 🔨 Instagram
Facebook 🔨YouTube

Jizzax viloyatining Zomin tumanida fuqaro jarlikka tushib ketdi

Favqulodda vaziyatlar vazirligining xabar berishicha, tumanning “Suffa platosi” hududidan oqib o‘tuvchi “Qashqarsuv” soyi bo‘yida bir nafar fuqaro jarlikka tushib, qaytib chiqa olmayotgani to‘g‘risida Favqulodda vaziyatlar boshqarmasiga xabar kelib tushgan.

Aytilgan manzilga qutqaruvchilar yetib borgan va tegishli tashkilot xodimlari bilan hamkorlikda fuqaro jarlikdan sog‘-salomat chiqarib olinib, unga amaliy yordam ko‘rsatilgan.

Telegram 🔨 Instagram
Facebook 🔨YouTube

⚡️Sara Nazarbayeva vafot etgani aytilmoqda

Qozog‘istonning birinchi prezidenti Nursulton Nazarboyevning turmush o‘rtog‘i Sara Nazarbayeva 85 yoshida hayotdan ko‘z yumdi, deb xabar bermoqda manbalar.

Hozircha bu ma’lumot rasmiy tasdiqlanmagan.

So‘nggi haftalarda Sara Nazarbayeva Prezident ishlari boshqarmasiga qarashli Respublika klinik shifoxonasida, ya’ni Olmatidagi “Sovminka” nomi bilan mashhur muassasada davolanayotgan edi. Dastlabki ma’lumotlarga ko‘ra, bugun uni sun’iy nafas oldirish apparatidan uzish bo‘yicha qaror qabul qilingan.

Hozirda “Sovminka” hududida va uning atrofida kuchaytirilgan xavfsizlik choralari kuzatilmoqda, qo‘shimcha qo‘riqchilar safarbar etilgan.

"Jamoat tartibini ta’minlash uchun xavfsizlik kuchaytirildi", — demoqda politsiyachilardan biri.

Avvallari bemalol yurish mumkin bo‘lgan shifoxona hududiga endilikda kirish cheklangan, yangi to‘siqlar o‘rnatilganini ham ta’kidlashmoqda manbalar.

Telegram 🔨 Instagram
Facebook 🔨YouTube

⭐️ Ba'zi manbalar xabarni "soxta" (feyk) deb atamoqda. Boshqa manbalar esa bu borada izoh berishdan bosh tortmoqda.

Telegram 🔨 Instagram
Facebook 🔨YouTube

❗️ Rasmiy munosabat bildirildi

"OAVning ko‘plab so‘rovlariga javoban shuni ma’lum qilamanki, Qozog‘iston Respublikasi Birinchi Prezidenti Nursulton Nazarboyevning turmush o‘rtog‘i Sara Nazarbayeva hozirda shifoxonada davolanmoqda. Uning vafoti haqidagi ma’lumot haqiqatga to‘g‘ri kelmaydi", — deb yozdi Qozog‘iston Respublikasi Birinchi Prezidentining matbuot kotibi Aydos Ukibay.

Telegram 🔨 Instagram
Facebook 🔨YouTube