✅ Atom energiyasi agentligi direktori Azim Axmedxadjayev Xitoyga bordi

Atom energiyasi agentligi direktori Azim Axmedxadjayev boshchiligidagi delegatsiya Xitoy Xalq Respublikasida ishchi tashrif bilan bo‘lib turibdi. 25- aprelgacha davom etadigan tashrif atom energiyasi sohasida xalqaro hamkorlikni mustahkamlash va O‘zbekistonda atom elektr stansiyasi (AES) qurilishi loyihasini amalga oshirishning asosiy jihatlarini muhokama qilishga qaratilgan.

Tashrifning intensiv dasturi doirasida direktor Azim Axmedxadjayev Xitoyning Eksport-Import Banki (Eksimbank) vakillari bilan muzokaralar o‘tkazdi. Uchrashuvda O‘zbekistonda AES qurilishi loyihalarini qo‘llab-quvvatlash uchun Xitoydan moliyaviy resurslarni jalb qilish istiqbollari muhokama qilindi. Uchrashuvda Xitoy tomonidan Yevroosiyo mintaqaviy bo‘limi rahbari Ye Linjun va O‘zbekiston bilan hamkorlik yo‘nalishi uchun mas'ul Go Mo ishtirok etdilar.

⏺Bundan avvalroq tashrif doirasida CNOS (CNNC) va Shanghai Electric kompaniyasi vakillari bilan uchrashuvlar bo‘lib o‘tgan edi. Ushbu uchrashuvlarda texnologik hamkorlik masalalari va atom energiyasi sohasidagi loyihalarni amalga oshirishda ishtirok etish imkoniyatlari muhokama qilingan edi.

Telegram 🔨 Instagram
Facebook 🔨YouTube

‼️ O‘ZBEKISTON EKOLOGIK PARTIYASIDAN SAYLANGAN DEPUTAT Toshkent metrosidagi tig‘izlik muammosini ko‘tardi!

📣 Oliy Majlis deputati Javlon Abdullayev, O‘zbekiston Ekologik partiyasidan saylangan vakil sifatida, poytaxt metropolitenida yuzaga kelgan odam gavjumligi va harakatlanishdagi noqulayliklar borasida tashabbus bilan chiqdi.

📌 Toshkent metrosi millionlab fuqarolarning asosiy harakat vositasi bo‘lib, afsuski, “chas-pik” vaqtlarida poezdlar ko‘p hollarda 8–10 daqiqa kechikib kelmoqda. Ayniqsa, Chilonzor, Paxtakor, Beruniy, Xalqlar do‘stligi bekatlarida odamlar 7–8 ta reysni o‘tkazib yuborishga majbur bo‘lyapti.

❗️ Bu holat nafaqat vaqt yo‘qotish, balki aholida ijtimoiy stress, noqulaylik, va eng yomoni — jamoat transportiga nisbatan ishonchsizlik paydo qilmoqda.

✅ Deputat Javlon Abdullayev tomonidan taklif etilgan yechimlar:

Poezdlar sonini ko‘paytirish

Jadvallarni “chas-pik”ga moslashtirish

Yangi vagonlar olib kelish

Yuklama bo‘yicha tahlillar asosida harakatni isloh qilish


Transportdagi qulaylik – barqaror shahar hayoti poydevori!
Shu bois, deputat jamoatchilik nomidan mutasaddilarni tezkor va tizimli choralar ko‘rishga chaqiradi.

Telegram 🔨 Instagram
Facebook 🔨YouTube