Телеграм каналдагы видеолор жагып жатса, реакция аркылуу колдоп туруңуздар сүйүктүү жазылмандар…🌹😁

Соңку кездеги биздин жашоодогу чындыктар:

• Имараттарыбыз бийиктеген сайын, сабырыбыз төмөндөп баратат;
• Жолдорубуз кеңейген сайын, көз караштарыбыз тарып баратат;
• Көп коротобуз, көптү сатып алабыз, бирок коротконубузга нааразыбыз, сатып алганыбызга кубанбайбыз;
• Чоң үйлөрдү салабыз, а анда жашагандар аз; чоң үйлөр салынган сайын чоң үй-бүлөлөр азайып баратат;
• Жашоону ыңгайлоо менен убарабыз. Ал ыңгайлашкан сайын, убакыт да эч нерсеге жетпес болду;
• Билимдин күчтүүсүн алабыз, бирок акылыбыз аз иштейт;
• Билермандарыбыз көп: андан көйгөйлөрүбүз азайып калган жок;
• Медицина өнүккөн сайын, ден соолугубуз начарлап баратат;
• Юмор көп, бирок жылмайган адам аз;
• Дааватчылар, молдолор көбөйдү, бирок адепсиздик андан да көбөйүп, ыйман, пейил жок;
• Көп уктайбыз, бирок эс албайбыз;
• Унааларыбыз тез жүрөт, бирок туугандарга такыр жетпейбиз;
• Билимге умтулабыз, бирок баалуулуктарды жоготтук;
• Көп сүйлөйбүз, бирок түшүндүрө албайбыз;
• Сүйүүнү көп сүйлөйбүз, бирок жек көрөбүз;
• Туура жолду билебиз, бирок кыйналып жашайбыз;
• Өмүргө жылдар кошула берет, бирок ал жылдардын жаны жок, өлүк денедей, агып кете берет;
• Космос жөнүндө адашпай сүйлөп бере алабыз. Бирок бир адам менен он жолу телефондошуп, араң табышабыз;
• Чоң иштерди сүйлөйбүз, кичине иштерди кыла албайбыз;
• Жаратылыштын экологиясы деп кыйкырабыз, жаныбыздын экологиясына кам көрбөйбүз;
• Көптү пландайбыз, азга жетебиз;
• Шашканды үйрөндүк, бирок күткөндү унуттук;
• Интернетте досторубуз көп, жашоодо эч кимибиз жок;

Мына ушундай…

— Элмирбек Иманалиев

Акыңар жок сүйүүдөн уялууга,
Арзышкыла! Сүйгүлө! Кубангыла!

Араңарды бөлүүчү дубалды да –
айландырат өбүшүү урандыга!
Ачып көрсөң ашыктык күйүп турат,
«Авестаны», «Тооратты», «Куранды» да.

Арзышкыла! Сүйгүлө! Улангыла!
Алтын-күмүш дүйнөңдөн эмне пайда?!
Ак сүйүүсүз жүргөндөн уялгыла!

— Элмирбек Иманалиев

Көрүнбөстөн кусалантып билинчи,
Карегиңди кадап коюп тигилчи.
Сөздөн калып унутсам да бардыгын,
Сүйүү десе эстейм сени биринчи.

— Мелис Маматжан уулу

Алп талант, маркум Акжолтой Канатбек уулунун видеосун таап алып, сиздер менен бөлүшүүнү туура көрдүк…

«Сени тааныгандар жашап жатканда сен тирүүсүң…»

— Чыңгыз Айтматов

Бүгүн уйкаш саптуу викторина жүргүзмөкчүбүз…

Ыр табышмактын аталышы: «Билесиңби? Сен албетте билесиң!»