ئیرلی قایتارما
اوخویان آشیق عدالت رزمی

🌺🌷🍀
https://telegram.me/joinchat/B15yG0C2lTuC_Ru-maDB8g

🌼ای ساربان
اوخویور : محمدباقر باقرزاده
"محتشم بیر ایفا
🌺🌷🌺🍀🌺🌷

منصوری هاواسی اوخویان آشیق عدالت رزمی
🌺🌷🍀🌺

https://telegram.me/joinchat/B15yG0C2lTuC_Ru-maDB8g

🌺🌺🌺گوزل بیر ایفا گئنج آشیق
https://telegram.me/joinchat/B15yG0C2lTuC_Ru-maDB8g

استاد چنگیز مهدیپور وآشیق عدالت رزمی
منصوری هاواسی

🌺🌷🍀🌺🌷🍀

https://telegram.me/joinchat/B15yG0C2lTuC_Ru-maDB8g

عدالت رزمی دیلقمی🌺🌷🍀

آشیق هاواسی:آشیق خانلار

یاراسی وار اورییمن🌺🌷🍀🌺🌷🍀

یایدا یایلاقیمدی ر، قیشدا اویلاغیم
یازدا سئیرانگاهیم بو داغلار منیم

كوچوروب ائللرین پاییز آیلاری

گوزوم گوروب، كونلوم بودور آغلار منیم



بیر یاقوت یاناقلی یاسمن خاللیم

دهانی كوثرلیم لبلری باللیم

ائله ایلغار وئریب لیلی مثاللیم

اونونچون مسكنیمدیر بو داغلار منیم



كامل اووچو ایتیرنده مارالی

كسیلر آرامی، صبری، قرالی

((علعسگر)) م دوشدوم یاردان آرالی

چكیلدی سینه مه بو داغلار منیم
🌺🌺🌺🌺🌺🌺🌺🌺🌺

https://telegram.me/joinchat/B15yG0C2lTuC_Ru-maDB8g

بير اؤزگه سینه

اوچدو مئیلیم قوشو قوندو سنه یار
بیرده قونمایاجاق بیر اؤزگه سینه
اویدور گؤزلريمي آتگینان چوله
باخسا سندن غیری بیر اؤزگه سینه

عشقيمين گوللری چوللری بزه ر
سنسیز بو دونیایا قیلمارام نظر
نازلی یار گمیسی دریادا اوزر
یئل ووروب قايتارار بير اؤزگه سینه


باغبان اولان گئدیب بارا یالواریر
یوخسول اولان گئدیب وار یالواریر
یاری اولان گئدیر یارا یالواریر
من نئجه یالواریم بیر اوءزگه سینه


ازلدن دیلقمه یار اولان سنسن
گؤزللر ايچینده تای اولان سنسن
عزرائيل دونوندا جان آلان سنسن
من نئجه جان وئريم بير اؤزگه سینه

یحیی بی دیلقم
🌺🌷🍀🌺🌷

https://telegram.me/joinchat/B15yG0C2lTuC_Ru-maDB8g

قوجالدیم

حایيف جوانلیقیم گئتدی الیمدن
عؤمرومون گولشنی سولدو قوجالدیم
نوراغی پوزولان بو شاعر کؤنلوم
غملر دریاسینا دالدی قوجالدیم

او کئچن گونلری آندیقجا هردن
آه چکیب یانيرام خسته جیگردن
اوزون قارا اولسون آی مینا گردن
صنعتیم آه زار اولدو قوجالديم

داشقینام گزیرم ایتن باختیمی
منی صحرالارا آتان باختیمی
گؤرنلر! اویادین یاتان باختیمی
کاروانیم یوللاردا قالدی قوجالدیم.

داشقين مظاهير🌺🌷🍀

https://telegram.me/joinchat/B15yG0C2lTuC_Ru-maDB8g

[Forwarded from حمید]
قوجالدیر اینسانی قوجالمیر زمان

اوره گین آتشی - کؤزو قوجالمیر

داغلاری – داشلاری قوجالدان زمان

بیلمیرم بس نییه اؤزو قوجالمیر



گئتدی باهاریمیز ، یئر قیشا قالدی

دؤزلر قارا قالدی یاغیشا قالدی

بیزیمکی بیر قورو باخیشا قالدی

نیله ییک ، آرزونون گؤزو قوجالمیر



بختیار دوشونک بیز درین – درین

خیال لار محتشم آرزولار شیرین

اصل صنعتکارین ، اصل شاعیرین

اؤزو قوجالسادا ، سؤزو قوجالمیر

🌺🌷🌷🍀🌺🌷🍀

https://telegram.me/joinchat/B15yG0C2lTuC_Ru-maDB8g

گئلمیشم

ای قریب مملکت ، ای قوربت دییار،

دئمه یوللاریمی آزیب گئلمیشم

آلنیما نه یازیب ، آللاهیم بیلر

من اؤز داستانیمی یازیب گئلمیشم


کؤکوم چیچکلریم تاغیم اؤردادی

من بوردا خسته یم ساغیم اؤردادی

قایالی، بولاغلی داغیم اؤردادی

داملایام قایادان سیزیب گئلمیشم


اؤزون بیل اؤزگه یه بیلدیرمه منی

آغلادا آغلادا گولدور مه منی

سن آلله قوربت ده اؤلدورمه منی

وطنده قبریمی قازیب گئلمیشم.

زلیم خان یعقوب آلمانیا تورپاغیندا

زلیم خان یعقوب🌺🌺🌷🌷🍀🍀

https://telegram.me/joinchat/B15yG0C2lTuC_Ru-maDB8g