.

باغلاییبسان، آچ یولومو ایلاهی!
باش گوُتوروم او داغلارا یول‌لانیم!
بنوُوشه‌نی ائله باسیم باغریما _
کول دیبینده کولا دوُنوم، کول‌لانیم!

قوی آیریلیق کوُهله‌نینی یان چکسین،
داغ ذَلیسی بدنیم‌دن قان چکسین،
چیچک اولوم، آری من‌دن شان چکسین،
پَته‌یین‌ده بالا دوُنوم، بال‌لانیم!

سوبالارین چینقی قاتیم کولونه ،
قوجالارین عصا توتوم اَلینه ،
بیر یئتیمین سیغال چکیم تئلینه _
بیر گوُزه‌لین یاناغیندا خال‌لانیم !

هانی منیم او گنجلیگیم _ او یاشییم؟!
بلکه تاپدیم ، آیاغینا سارماشیم ،
الیک کیمی قایاسینا دیرماشیم ،
ککلیک کیمی داشدان _ داشا تول‌لانیم!

نکلیف آلیم تَره‌که‌مه تویوندان ،
اوندا چیخام بلکه مین بیر اویوندان،
نئچه _ نئچه بولاقلارین سویوندان _
ایسته‌رم کی سرمست اولوم، حال‌لانیم !

چوبان قارداش دئیین اوجاق قالاسین،
نه آیریلیق ، نه قَم بیزی تالاسین ،
باغلار منی اوُز کوُکونه جالاسین ،
بوداق اولوم قایالاردان سال‌لانیم !

"آلقاییدام" وطن‌ایمیش قیبله‌گاه ،
هر یارانمیش اوُز ائلین‌ده شاه‌دی شاه ،
او داغلارا گوُندر منی آی آلله _
او داغلاردا قوجالانیم ، چال‌لانیم !

#آلقاییت_خلیل_اوو


💫🍥🎁 @ZElKH 🎁🍥💫

.

منیم اوره‌ییم‌ده کده‌ری خال _ خال،
دردی چکیلمه‌یَن یوکدو بو دونیا !
عوُمرو یاشانمامیش مئیوه‌نی کال_کال _
نه قده‌ر بودادی توُکدو بو دونیا !

عوممانا غرق اولدو نوحون واختیندان،
فرعون‌لار، شددات‌لار کوسدو باختیندان،
نئچه فاتح‌لری سالدی تاختیندان _
نئچه خانیمان‌لار سوُکدو بو دونیا !

بیر الینده خئییر ، او بیرینده شر ،
کیمه نه قیسمت‌دیر ، کیمه نه دوشر؟!
حاقسیزلیق اودونا یاناندا بشر _
آه چکیب بوینونو بوکدو بو دونیا !

اوُتوب، اوُتن گون‌له تاپیشماق اولماز،
قضا یئلکه‌نینده چاپیشماق اولماز ،
اونو دایاق سانیب، یاپیشماق اولماز ،
کیپریک‌دن آسیلان توک‌دو بو دونیا !

بعضن آغی قاتدی زر قاشیقلارا ،
ایچیردی طالعی سارماشیقلارا ،
بوللور سارای‌لارا ، گور ایشیقلارا _
آغیر ظولمت اولوب، چوُکدو بو دونیا !

قیلینج وار، نیزه وار ایپک تئلینده ،
ملک‌لر، ایبلیس‌لر اوُز عملین‌ده ،
آنا تورپاغیمی جللاد الینده _
حرراج بازارینا چکدی بو دونیا !

اون ایل موحاریبه ، اون ایل مشققت ،
باخدیم عملینه، دویمادیم ریققت ،
آی " آلقاییت" ! شوم ائیله‌دی نهایت _
یوردوندا مرمی‌لر اکدی بو دونیا !

#آلقاییت_خلیل_اوو

💫🍥🎁 @ZElKH 🎁🍥💫

آشیق گنجه‌لی

حوسئینی هاواسی

یاخین گل هیجرانین آلاق جانینی_
بیر عالم یاراداق اوُز آرامیزدا...

💫🍥🎁 @ZElKH 🎁🍥💫

ایکی دوُنه گوُزل اوستادلاردان ، ایکی گوُزل و موُحتشم هاوالار

تجنیس و دوبیتی هاوالاری
ایفا ائدیرلر رحمتلیک‌لر: کاماندار افندی‌یئو و زلیمخان یعقوب
اییرمی دَیقه اولسادا، دینله‌مه‌یین و ائشیتمه‌یین ارزیشی وار.

💫🍥🎁 @ZElKH 🎁🍥💫

.

حاق اوزونه چکیلن ،
پرده آدام آختاریر !
بیر گون فاش اولماق اوچون _
سیرر ده آدام آختاریر !

اگر بیر آدی حاقسا ،
نولار بیزه ده باخسا !
آلله حیات‌دا یوخسا _
پیرده آدام آختاریر!

چییین‌ده‌کی یاراق دا ،
ماساداکی واراق ده ،
دویماق اوچون تورپاق دا _
یئر ده آدام آختاریر !

او دوشوب هئی‌دن گلیب ،
مین جور گیلئی‌دن گلیب ،
عزراییل گوُی‌دن گلیب _
یئرده آدام آختاریر !

#ائلشن_عظیم

💫🍥🎁 @ZElKH 🎁🍥💫

آشیق آفیل بختیار

یانیق کرمی

یئنی موُحتشم بیر ایفا



💫🍥🎁 @ZElKH 🎁🍥💫

.

سیخماقدان الیم شیشیب
دیرناغیم اووجومو دئشیب
بارماقلاریم دویون دۆشوب
گلین آچین یومروغومو

نه گئدیب یاتا بیلیرم
نه گئدیب توتا بیلیرم
نه بیر داش آتا بیلیرم
گلین آچین یومروغومو

من کی بیر فاغیر اوغولدوم
بیردن یای کیمی ییغیلدیم
بوغولدوم الله بوغولدوم
گلین آچین یومروغومو

اۇچدو من گؤرن قالالار
یاخشی کی وار گۆل بالالار
دئدیلر "اووجوندا نه وار
گلک، آچاق یومروغونو"

#رامیز_روشن


💫🍥🎁 @ZElKH 🎁🍥💫

آشیق آفیل بختیار

توفارقانلی عابباسین داستانیندان
یانیق‌کرمی

💫🍥🎁 @ZElKH 🎁🍥💫

آشیق آفیل بختیار

اینجه‌گولو هاواسی

💫🍥🎁 @ZElKH 🎁🍥💫

.

کوُنول! باشدان _ باشا سیردی بو دونیا ،
هر یالانا ، دوز دئمه‌یه تَلَسمه !
قار_بوران اوُتمه‌میش، باهار گلمه‌میش،
بیر چیچه‌یه یاز دئمه‌یه تَلَسمه!

ائله جَمله دیانتی _ دوُزومو ،
ایلقارسیز آداما توتما اوزونو ،
یوز قانانا قول دا بیلسَن اوُزونو _
بیر نادانا سوُز دئمه‌یه تلسمه!

دوستون اولسا، سینامامیش، سِئچمه‌میش،
شیرین دئمه شَربَتین‌دن ایچمه‌میش،
آرخی تول‌لانمامیش، سودان کئچمه‌میش_
بَرَک‌الله تئز دئمه‌یه تلسمه !

"کامیل"! کیشیلیک وار گوُزلری توخدا ،
مرحمت آختارما سخاسی یوخدا ،
بیر اَل ایسینمیرسه یانان اوجاقدا _
توستوسونه کوُز دئمه‌یه تلسمه !

#کامیل_طبیب
💫🍥🎁 @ZElKH 🎁🍥💫

بير- بير اؤلوب گئدير مني سئونلر...


ديلک ديله‌ميشديم ايللردن بري،
دئمه‌سه‌م، بير گوناه، دئسم، بير گوناه:
قورويا بيلمه‌ديم من سئونلري،
مني سئونلري قوروسون آلله...

آما چيخيب گئدير مني سئونلر،
اؤلوم سيراسيندا دوشوب قاباغا.
نه داغا ياز گلدي يانيلا ظنّ‌لر،
نه بير گومان قالدي خاطيرلانماغا.

آلله‌يم، سهو ائتديم هاياندا نيي،
ندير بو انديشه، نه بو چک- چئوير؟
هاردان بيله‌سييديم اؤلوم مله‌یي
مني سئونلري مندن چوخ سئوير؟!

دئمه‌سه‌م، بير گوناه، دئسم، بير گوناه،
آخيردا حاليما يانان کيم قالار...
مني اؤلدورمه‌يه تلسمير آلله،
بيلير کي، "من اؤلسم، درد يئتيم قالار"...


#ممد_اسماییل


💫🍥🎁 @ZElKH 🎁🍥💫

چوخ گوُزل و موُحتشم بیر روحانی هاواسی

باشی ساخلاماغا وئردی...
کوُکسو داغلاماغا وئردی...
گوُزو آغلاماغا وئردی...
دونیا بو ایمیش دئمه‌لی...!!!

💫🍥🎁 @ZElKH 🎁🍥💫

.

دوغما کند ائوینده ، کند حه‌یه‌تینده ،
یئریدی ، ییخیلدی ، سوزدو اوشاقلیق!
آنا قوجاغیندا ، آتا قولوندا ،
قایغی‌لار گؤلونده ، اوزدو اوشاقلیق.

اینجه طبیعتی ، اینجه اوره‌یی
آندیریر چمن ده گولو - چیچه یی
آزجا گئجیکنده  چایی - چؤره یی ،
کوسوب دوداغینی بوزدو اوشاقلیق!

یاز فصلی تورپاقدان قالخاندا یونجا،
دوزلرین عطرینه باتدی دویونجا
چؤللره دوشنده قوزو دالینجا_
یاغیشا - یاغمورا ، دؤزدو اوشاقلیق!

ازلدن باشقادیر اونون عالمی ،
شیرین دیر گولوشو ، خوشدور قدمی
قارپیزدان آرابا ، کاغیذدان گمی ،
اویدوروب دونیانی گزدی اوشاقلیق!

ائله کی سنین له اوز - اوزه گلدیم ،
عؤمرومده ایلک دفعه او گون اَییلدیم!
قوللاریم  یانیما  دوشنده  بیلدیم_
الینی ، الیمدن  اوزدو اوشاقلیق..!

#حسین_عاریف


💫🍥🎁 @ZElKH 🎁🍥💫

رحمتلیک عدالت نصیب‌اوف

قاراچی هاواسی

💫🍥🎁 @ZElKH 🎁🍥💫

.

بیر یانیم آلقیشدی، بیر یانیم قارغیش،
قَده‌ر منی چکدی قارغیشا دوغرو ‌.
گوُزومده گونش وار ، ساچیمدا قار وار _
گون یازا چاغیریر _ قار، قیشا دوغرو !

حسرت‌لر_ قایغیلار اووخارلی قایچی،
اورک جللاد اولدو، دیلیم هارای‌چی
گونوم آغارمامیش آغارتدیم ساچی،
ایندیده ایز سالیب قار قاشا دوغرو !

غمیم‌له _ سئوینجیم دوروب یاریشا،
سئوینج تک_تک گلیر ، غم قوشا_قوشا
بیر آسوده‌لیک وار ، بیرده قارغاشا ،
آسوده‌لیک خیال _ قارغاشا ، دوغرو !

آجی دا نعمت‌دی ایشتاها اولسون،
مین دفعه دادمیشام، بیر داها اولسون،
گَرَک باش صاحیبی اَژداها اولسون _
مین قایغی باش آلسا، بیر باشا دوغرو !

غم منه توخونوب، توخونماز داها ،
غم‌دن توخام ، غمی توخ اومماز داها ،
عوُمرومون حناسی توخونماز داها ،
اوزوکمز اَریشیم آرغاجا دوغرو!


#ممد_آسلان


💫🍥🎁 @ZElKH 🎁🍥💫

آشیق عدالت نصیب‌اوف

دیلقم هاواسی


💫🍥🎁 @ZElKH 🎁🍥💫

آشیق قنبر

اورتا ساری‌تئل


💫🍥🎁 @ZElKH 🎁🍥💫

رحمتلیک آشیق دده عدالت نصیب‌اوف

حوسئینی هاواسی


💫🍥🎁 @ZElKH 🎁🍥💫

.
هله کور اولماغین فایداسی چوخدو !
هله گوُز چیخاردیب، قاش دوزَلدیریک،
جانسیز بیر قایادان آدام یونوروق ،
جانلی‌نی قورودوب، داش دوزَلدیریک!

دوشوبدو بو فورصت_چم الیمیزه،
دولاشسا نئیله‌یه‌ر قَم الیمیزه،
زامان ایکی وئریر عَمَلیمیزه _
کَسیب قویروغونو بئش دوزَلدیریک!

بو قارا گون‌لری شن کئچیرسک‌ده ،
باشا شئیطان چکیب ، جین کئچیرسک‌ده،
آلدانا _ آلدانا گون کئچیرسک‌ده _
آلدادا _ آلدادا ایش دوزَلدیریک!

#ائلشن_عظیم


💫🍥🎁 @ZElKH 🎁🍥💫

.

آغلا بو سازین حالینا _
مقام دان ، مکانا گلیب .
دوشوب اوزان سینه سیندن
عورفاندان ، اینسانا گلیب .

إنیب گؤیون تاغ بندین دن
زامان لارین گل _ گئدین دن
مورشیدیمین معبدین دن
بو تویا نیشانه گلیب .

یئرده آغریسی وار هله
گؤيده تانریسی وار هله
بوردان آیریسی وار هله
او یاندان _ بویانا گلیب .

یئتیب حاققین ووصالینا
دوشوب #ائلشن ملالینا
آغلا بو سازین حالینا
آغلا کی جهانا گلیب.

#ائلشن_عظیم


💫🍥🎁 @ZElKH 🎁🍥💫

.

آچیق پنجره‌م‌دن اوچوب بو سَحَر ،
ائویمی سن ناحاق یئره گزیرسن!
منیم دیلیم آجی ، سوُزلریم زه‌هه‌ر _
آی آری گوُر هاردا شیره گزیرسن!

دیواری بلکه‌ده آهیم قورودوب،
چیچک شکیل‌لری آ بویدا سولوب،
ساغ اولموش طالعیم ائله یاریدیب _
پوُهره آرزولاریم او بویدا سولوب!

آخی آغزیناجان پته‌یین بال‌دی ،
قالدیریب سَسینی نه ایسته‌ییرسن؟!
دره‌بیلمه‌دیگیم بیر چیچک اولدو _
چکدین شیره‌سینی، نه ایسته‌ییرسن؟!

تا یولوم یوخوشدو، من‌دن گئری‌ده،
شیرین خیال‌لارین دره‌سی قالیب ،
هاچانسا بیر شیرین شعیر یازمیشام_
دیشینده اونون‌مو شیره‌سی قالیب؟!

سانجماغا گلمیسن؟! ائله سانجارام !
زه‌هه‌ر بورج آلارسان آی آری مندن!
گئدیب پته‌یینی آجیلایارسان _
دوستوم! آرالی گز _ آرالی مندن!...

#ائلشن_عظیم


💫🍥🎁 @ZElKH 🎁🍥💫