آشیق موراد نییازلی

میرزه‌جانی هاواسی



💫🍥🎁 @ZElKH 🎁🍥💫

یئنی بیر یانیق کرمی ایفاسی آشیق آفیل لاچینلی‌دان

گوُزل بیر ایفا



💫🍥🎁 @ZElKH 🎁🍥💫

.

لپه‌لر دنیزده ، زومزومه چایدا ،
سرینلیک بولاق‌دا ، قار داغدا قالار!
وفاسیز گوُزللیک گلدی گئدردی _
عیصمت نیشانه‌سی یاناقدا قالار !

تَلَسمه دونیادا آرخایین یاشا
چوُره یی آجا وئر ، سیرری سیرداشا
اَن گوُزل کلام‌لار هوپار یادداشا
اَن حزین نغمه‌لر دوداقدا قالار !

گوُروب "دلی داغلی" یاخشینی _ پیسی
یالانی، یانلیشی ، اَیرینی ، دوزو
آتادان آیریلان اوغولون گوُزو _
آتا قالادیغی اوجاقدا قالار !

💫🍥🎁 @ZElKH 🎁🍥💫

.

گوُی تیتره‌سه، داغیلمازدی بو دونیا ،
حوکمدارلار بو دونیانی کورلادی!
تاماحی قیلینج‌دان ایتی اولانلار _
بو دوُورانی _ بو زامانی کورلادی !

حاقسیز اَیدی حاق دئیه‌نین قددینی،
گوُرمه‌میش گئده‌لر آشدی حددینی ،
سِئیید تاماحینا ساتدی جَددینی _
آخوند _ مول‌لا ، دین ایمانی کورلادی!

گوُردوکجه یاشیل باش قیرمیزی دونلو،
گئتدی قوللوغونا خونچالی_ خونلو،
زینالیق ائیله‌دی اَته‌یی اونلو _
دَییرمانچی ، دَییرمانی کورلادی !

چوخو آج قورد کیمی گَزدی دومانلیق،
سِئودی یاراسا* تک ظولمت _ قارانلیق
عییاش‌لار _ دَیوث‌لار ائتدی حاراملیق _
ناموس‌سوزلار تمیز قانی کورلادی !

"شیرویه" پوزمادی صداقتینی،
سوُیله‌دی هر یاندا حقیقتینی
ساتدی آلتون‌لارا لیاقتینی _
شوخ گوُزل‌لر گوُزل جانی کورلادی !

#صراف_شیرویه

*یاراسا: خفاش


💫🍥🎁 @ZElKH 🎁🍥💫

اوستاد آشیق علی قلی‌یئو

گوُزل و موُحتشم بیر اینجه‌گولو هاواسی

سوُزلر : بختیار وهاب‌زاده

آلله نه گوُزل ایفا ائدیب اوستا بو هاوانی
من کی چوخ لذت آلدیم❤️❤️


💫🍥🎁 @ZElKH 🎁🍥💫

.

گَل بیر سندن خبر آلیم،
سولئیمان‌دان قالان دونیا !
ازلی گول کیمی آچیب _
آخیریندا سولان دونیا !

دئه گوُروم نه‌یه طالیبسان،
درسینی کیمدن آلیبسان،
نئچه مین یول بوشالیبسان_
نئچه مین یول دولان دونیا !

"خسته قاسیم" قالیب ناچار ،
بو سیرری بس کیملر آچار !
گلن قونار ، قونان کوُچر _
هی سالارسان تالان دونیا !

#خسته_قاسیم


💫🍥🎁 @ZElKH 🎁🍥💫

.

داعوا گونو مرد ایگیده ،
بَرک‌ده بیردی _ بوشدا بیردی.
گونون یاخشی کئچن زامان _
یای‌دا بیردی _ قیش‌دا بیردی !

هر مطلبی تئز قانانا ،
معناسینی دوز قانانا ،
ایشاره‌دن سوُز قانانا _
گوُز ده بیردی _ قاش دا بیردی !

دوچار اولسان پیس اوزلره ،
سن‌ده بد اول بد گوُزلره
حسابینی بیلمزلره _
اوچ ده بیردی _ بئش ده بیردی !

دوست آدینی آنمایانا ،
ائل حالینا یانمایانا ،
بال لذذتین قانمایانا _
شور دا بیردی _ آش دا بیردی!

چوخ دئمه مطلب اوزانا ،
رحمت نصیحت یازانا ،
نابلده ، یول آزانا _
داغ دا بیردی _ داش دا بیردی!

"شمشیر" سنین توخدو گوُزون ،
اونون اوچون گولر اوزون ،
ساده دانیش کئچسین سوُزون _
زور دا بیردی _ خوش دا بیردی!

#دده_شمشیر



💫🍥🎁 @ZElKH 🎁🍥💫

.

دَردلَندیم کی شعیر یازام،
درد اینسانا زیان‌ ایمیش!
ییخیب عوُمور سارایینی _
آخیر ویران قویان ایمیش!

اینسان اون‌دور ، دونیا اَلَک ،
اوندا گوُردوم مین بیر کَلَک،
دوست دئدیگیم قوجا فلک _
دئمه آدام سویان ایمیش!

دوغرو چیخمیر اعتیبارا ،
دوستلوق هارا _ سیتم هارا ،
دوُنور زَهَرلی شاهمارا _
بیر آمانسیز چایان* ایمیش!

"شمشیر" یازدین تاثیرلی سوُز،
کلمه لطیف ، معناسی دوز ،
بو دونیادان دویمایان گوُز _
آز عوُموردن دویان ایمیش!

*چایان: عقرب

#دده_شمشیر

💫🍥🎁 @ZElKH 🎁🍥💫

اوستاد آشیق علی قلی یئو

شریل هاواسی

سوُزلر : اوستاد علی قلی یئوین اوُز شعیری و سوُزلری‌دیر

💫🍥🎁 @ZElKH 🎁🍥💫

آکیف کمال

"آنام ائله قوجالیب کی"...

سوُزلر : انور ریضا


💫🍥🎁 @ZElKH 🎁🍥💫

💫🍥🎁 @ZElKH 🎁🍥💫

بوگون آذربایجانین و قاراداغین بویوک شاعیری، اوستادیمیز شاعیر ستار گلمحمدی‌نین دوغوم گونو دور. بو مناسبت اوچون، بیر نئچه آی قاباق شاعیر ستار یارادیجیلیغی حاقدا دانیشدیغیم بیر سس فایلینی دینله‌یین.
ایلاهی‌دن اوستادا اوزون عومور و جان ساغلیقی آرزیلاییرام.
حورمتله- فرمان فرضی


💫🍥🎁 @ZElKH 🎁🍥💫

رحمتلیک آشیق خانلار

یای اولاندا بیر یایلاقدا اولاسان...

💫🍥🎁 @ZElKH 🎁🍥💫

آشیق الهام آسلان‌بی‌لی

موُحتشم بیر ایفا😍❤️


💫🍥🎁 @ZElKH 🎁🍥💫

.

ائله گَل اَوَوَل‌کی یئره ،
اوستومه آخان یئره گل!
باخیشلارین کیرپیک آتیب_
قلبیمی سیخان یئره گل !

دور بو سویوغون قصدینه،
ایسیت روحومو ایستینه،
یئرین آلتیندان اوستونه _
آداملار چیخان یئره گل !

گَل سنه گوُز آتان یئره،
الیندن ایلک توتان یئره،
گل او گونش باتان یئره _
او یاغیش یاغان یئره گل!

گَل لَبیم دَیسین لبینه ،
تب اول شاعیرین تَبینه ،
گَل او آغاجین دیبینه _
او تورپاق دوغان یئره گل!

#والح_قوجا


💫🍥🎁 @ZElKH 🎁🍥💫

.

بیر شرفلی اوُلوم خوشدور
یامان عوُمرو یاشاماقدان!
چیچک عوُمرو یاشایاسان _
سامان عوُمرو یاشاماقدان!

یا دیل‌لرده سوُزون قالا ،
یا دونیادا ایزین قالا ،
یا زیروه‌ده بوزون قالا _
دومان عوُمرو یاشاماقدان!

پریشاندی کوُنول نَدَن؟!
بو کَدَردن _ بو قصصه دن
اوخ یاخشی‌دیر سوزوب گئدن _
کامان عوُمرو یاشاماقدان !

"کامیل" قالیب اینتیظاردا ،
اوُزو هاردا _ مئیلی هاردا ،
چوخو بئزدی خیال‌لاردا _
گومان عوُمرو یاشاماقدان !


#کامیل_طبیب

💫🍥🎁 @ZElKH 🎁🍥💫

رحمتلیک اوستاد آشیق عدالت نصیب‌اوف

روحانی هاواسی

یئنه مندن قاباق اویانمیسان سن،
صاباحیمسان منیم، صاباحین خئییر...

💫🍥🎁 @ZElKH 🎁🍥💫

آشیق شهریار قاراخانلی

موخه‌یی هاواسی


💫🍥🎁 @ZElKH 🎁🍥💫

آشیق غریب

دوبیتی و گوُدک‌دونو هاواسی

سوُزلر :رحمتلیک شوجاعت و شاعیر اسرافیل

💫🍥🎁 @ZElKH 🎁🍥💫

.

اَن گوُزل ایل‌لریم سنین‌له کئچدی،
دادینی یادیمدان چیخارتمامیشام!
یانیب کول اولموشام، آمما هله ده _
اودونو یادیمدان چیخارتمامیشام!

اَلیمده الینین شفاسی قالیب،
قلبیم‌ده گوُزونون صفاسی قالیب،
آدینین دوُرد حریف وفاسی قالیب _
آدینی یادیمدان چیخارتمامیشام!

قوخوندو یاراشان گوله اَن گوُزل،
ملک‌ده یوخویموش بئله، اَن گوُزل،
یادیم نه گوُزل‌میش! هله اَن گوُزل _
قادینی یادیمدان چیخارتمامیشام!

#والح_قوجا

💫🍥🎁 @ZElKH 🎁🍥💫

.

دوستلار! واخت گله‌جک اوُتوشن آیلار _
ایل‌لر منی سیزدن خبر الاجاق !
چیخاندا سئیرینه گوُی چمن‌لرین _
گول‌لر منی سیزدن خبر آلاجاق !

دَیسه گوشونوزا بیر کوُورک آواز ،
اوردا نَفَسیم وار دینله‌یین بیراز ،
دیلقمی اوستونده دینله‌نَنده ساز _
تئل‌لر منی سیزدن خبر آلاجاق!

من "علی"یم گئجه _گوندوز آندیغیم،
اوجاقیمدا چیتیق _چیتیق یاندیغیم ،
بو گون دوغما ، صاباح غریب ساندیغیم _
ائل‌لر منی سیزدن خبر آلاجاق!

#آشیق_علی_قلی_یئو


💫🍥🎁 @ZElKH 🎁🍥💫