آلقاید معلم نن بیرنچه گوزل اثر
🌷🌺🍀🌺🌷🍀

⚜💫💕✨💕💫⚜
گئدیرم

قدرينده ن آرتيق غملر يئميشم
گؤزوم بو دونيادان دويوب گئديرم
سليمان دونيادان الی بوش گئتدى
من هانسى خزينه قويوب گئديرم؟

بيز آباد ائتميشديک بو ويران يوردو
کيم ييخيلدى کيم اوجالدى کيم دوردو
فلک اوخون آتدى چوخ ايراست ووردو
قلبيمه يارالار دئييب گئديرم
⚜💫💕✨💕💫⚜
عشق اودونا دؤنه دؤنه يانميشام
محبت آزاليب درست قانميشام
شمشيرم گرديشه سهو اينانميشام
ايکى اللى باشا دؤيوب گئديرم

دده شمشیر
https://telegram.me/joinchat/B15yG0C2lTuC_Ru-maDB8g

⚜💫💕✨💕💫⚜

💫💕✨💕💫

حورمتلی دوسلار بودا قنبر شمشیر اوغلونون یارادیجیلیغیندا ان مکمل بیر بنوُوشه شعری:

بنوُوشه
💫💕✨💕💫
سن بو دردی چکنمزسن
بوردان اوزاغ گئت بنوُوشه
دونیا بویوک،چوُللر گئنیش
اوزاغلاردا بیت بنوُوشه

ملول ملول باخاردینیز
جانیم اودا یاخاردینیز
کول دیبیندن چیخاردینیز
نرگیز ایله جوت بنوُوشه
💫💕✨💕💫
قنبر داغلار قویوب گلیب
ناله سی گوُیه یوکسه لیب
یامان آغلاماغیم گلیب
قولاغینی توت بنوُوشه.

قنبر شمشیر اوغلو

💫💕✨💕💫
🌺🌷🍀🌺🌷🍀🌺🌷🍀

https://telegram.me/joinchat/B15yG0C2lTuC_Ru-maDB8g

یاندی اوجاغینا تاپیندی ائللر
یانماسایدی مین لردن بیری ئمیش کرم
بئله آلیشماسا کیم نه بیلیردی
اؤلویموش یوخسا کی دیرییمیش کرم


بو قدر یار دئییب گزمک اولارمی
بو قدر اورگی أزمگ اولارمی
بو قدر هیجرانا دوزمک اولارمی
دوزومون پلنگی شیر یمیش کرم


درد اولدو کامانا نئیَ دویمه لر
کول اولدو سؤورولدو گویه دویمه لر
نیه آچیلمادی نیه دویمه لر
عشق ین معجزه سی سرّ یمیش کرم


سازنان هوالاندی تئل نن اوینادی
بم نن آغیرلاشدی زیل نن اوینادی
زلیم خان اوجاغینان کؤل نن اوینادی
سئوگی نین مکه سی پیری میش کرم

زلیمخان یعقوب
🌺🌷🍀🌺

https://telegram.me/joinchat/B15yG0C2lTuC_Ru-maDB8g

پاییز کؤوره‌لده‌ندیر، باهار جوْشدۇران،

منی سرت ائله‌یه‌ن قێش دا گؤزه‌لدیر،

اۆره‌یین داشدێمێ دئمه، ائی اینسان،

دویماغی باجارسان، داش دا گؤزه‌لدیر،

 

بیر گؤزه‌ل چێخاندا چمه‌نه، دۆزه،

فیکیر وئر یاناغا، نظه‌ر سال اۆزه،

گؤزه‌للیک باخارمێ ایرییه، دۆزه ؟

دئمه کی، ایریدی قاش دا گؤزه‌لدیر،

 

«زلیمخان» اوْلماسین نه آه، نه آمان،

آغرێدان آغلاماق یاماندێر، یامان،

سئوینجین قلبینی دوْلدۇران زامان،

یاناخدان سۆزۆله‌ن یاشدا گؤزه‌لدیر،

زلیم خان یعقوب
🌺🌷🍀🌺🌷🍀

جاوان چاغلاریندان یارا یولداشا
حسرت قالمییاندان صنعتکار اولماز
اولوب کئچنلری گوز یاشی ایله
یادا سالمیاندان صنعتکار اولماز

اوره گینه یاز دوشنده کووره لیب
خاطیرینه ساز دوشنده کووره لیب
خوشبختلیکدن سوز دوشنده کووره لیب
گوزو دولمویاندان صنعتکار اولماز.

شیرین خیاللاردان بیر یوللوخ ال چک
حیاتدا اولمویان هاردان گله جک
عومرون باهاریندا پاییز گولو تک
سارالیب سولمویاندان صنعتکار اولماز

نئیلییم گولمه دی اوزوم دونیادا
بیرآن قورومادی گوزوم دونیادا
(شجاعت) مختصر بیزیم دونیادا
بدبخت اولمویاندان صنعتکار اولماز

"شجاعت احمدلی"
🌺🌷🍀
https://telegram.me/joinchat/B15yG0C2lTuC_Ru-maDB8g

آ یی ميرزه دائئ......


من بئیشيکده سنده تيللى سازينلا
لايلامى سن چالدين آ یی ميرزه دایی
يينه ديلندير دين يانيق کرمى
جانيما اود سالدين آ یی میرزه دايی


آ غير تويلار گوردون نيشانلار گوردون
ماحالدان ماحالا آ تينى سوردون
گلينلر گتيردين قئيز لار کوچوردون
چوخ نمرلر آ لدين آ یی ميرزه دایی

صنعت مئيدانيندا امتحان اولور
حسين نين احوالی پریشان اولور
سسين توتولاندا کونلوم قان اولور
سن نی یه قوجالدين آ یی ميرزه دایی

حسین عارف
🌺🌷🍀🌺🌷🍀

https://telegram.me/joinchat/B15yG0C2lTuC_Ru-maDB8g

قایدالار پوزولوب سالام وئرنده
علئیکیم یئرینه .باش ترپدیرلر؟
دونن صوفراسینداچورک کسه نین
بو گون ناموسونا قاش ترپدیرلر؟

ظلمته یول چکیر .ظالیم زامانا
قویمورکی بیر کسین چراغی یانا
بیرکس کی ایستیر حقیقت قانا
یولونون اوستونده داش ترپدیرلر؟

دهشته گلمیریک اوغرو گورنده
حقیقت قاپیسین بوهتان دوینده
حاکیملر پولونان قرار وئرنده
اورکلر قورخودان کاش ترپدیرلر؟

آی خایال بلادیر زامانین ایشی
هر بوغ ساخلایانا دئمزلر کیشی
بینه سی دوزلوکله ؟باشلانان ایشی
دوزلویون اوتوروب چاش ترپدیرلر؟

یازار خایال 1395.3.1o

🌺🌷🍀🌺🌷🍀

https://telegram.me/joinchat/B15yG0C2lTuC_Ru-maDB8g

بئله قوجالاسان

يا قوشقار اولاسان يادا شاه داغي
بئله اوجالاسان اوجالاندا دا
بوراندان طوفاندان قاردان ياغيش دان
بئله باج آلاسان باج آلاندا دا


سني دئييب گله قوشلار یووادان
آدین مثال قالا دده بابادان
وطن دن،تورپاقدان،ائلدن اوبادان
بئله گوج آلاسان گوج آلاندا دا

هر اسن کولک له یاریشمایاسان
توز اولوب یئللره قاريشماياسان
آلچاق عمللرله باریشمایاسان
ائله اؤج آلاسان،اؤج آلاندا دا

اولسادا جانيندا قووتدن مايا
دؤشونه دؤيمه ميش نه داش نه قايا
شؤهرت گؤزلريني قاماشديرمايا
باشيندا گونش دن تاج اولاندا دا

عشقینله هر گئجه بير گوندوز اولا
سئوينجين بيرديسه آرتا يوز اولا
اؤزون حاق اولاسان،سؤزون دوز اولا
يوللار ال-اتك ده كج اولاندا دا

شيمشك نعره سيني مزه بيله سن
بو كؤهنه دونياني تزه بيله سن
اؤز قايا صبرينله دؤزه بيله سن
ايسته يين لنگییب گئج اولاندا دا

زليمخان داغلارا تپه گولمه یه
قایا پارچالانیب داش توکولمه یه
باشا قار یاغسادا بئل بوكولمه يه
بئله قوجالاسان،قوجالاندا دا.

زليمخان يعقوب
🌺🌷🍀🌺🌷🍀

https://telegram.me/joinchat/B15yG0C2lTuC_Ru-maDB8g

آشیق خانلار وعلی قلی او--دمیر گوزللمه سی
🌺🌷🍀🌺🌷

داستان نوروز-قنداب اوخویانلار آشیق اکبر و آشیق علی خان🌹🌹🌹🌹
🌺🌷🍀🌺🌷🍀

کاماندار اغیر شرلی بودنیانین گچمه بیله ایشینن
🌺🌷🍀🌺🌷🍀

آللاه

من سنین بنده نم سن یاراتمیسان
باری حالیسانمی حالیمدان آللاه
یا اؤلدور یاداکی قالدیر آیاغا
یاپیش بیرجه دفعه قولومدان آللاه

قلبیمده روحومدا گزدیردیم سنی
مین تیکه بیلمیشم بیرجه تیکه نی
خسته یم یورغونام حالسیزام منی
قورو ظولم کاردان ظالیمدان آللاه

گئده لر دایانیر قصدیمه هر گؤن
یوز آرزوم کور اولور توستومه هر گون
بایقوشلار اولاییر اوستومه هر گون
شیطانلار چکیلمیر یولومدان آللاه

یوز کدر یاشاییر کؤنول تاریمدا
درددی غمدی دؤولتیم ده واریم دا
ائوده عائیلم ده بالالاریم دا
بئزیبدی قووغامدان حالیمدان آللاه

(شجاعت)هامیدان دردیمی داندیم
حقیقت یولوندا قانا بویاندیم
یایدا بوزا دؤندوم قیشدادا یاندیم
عؤمرو یاشامیشام ظؤلوملن آللاه

شجاعت
🌺🌷🍀🌺🌷🍀

https://telegram.me/joinchat/B15yG0C2lTuC_Ru-maDB8g

﷽
سلام

تانرنین رحمت و محبتی

خیر و برکتی

ساغلیق و شادلیقی

سیزه آرزولورام

☀️گون آیدین حورمتلی دوسلار☀️https://telegram.me/joinchat/B15yG0C2lTuC_Ru-maDB8g

‎کونلوم قوشو ائی گول سنی شام وسحرایستر

‎بولبول نئجه گولشنده گولوتازه ترایستر

‎مجروح ائله دین کونلوموزولفون کیمی گئتدین

‎معشوقه مگرعاشیقی خونین جگرایستر؟!
https://telegram.me/joinchat/B15yG0C2🌷🌷🌷

نئچه پاییز کئچیر او، آیریلیقدان
یوبانما قار یاغار، خاطیره میزه!
یئنه قارانقوشلار گل- هاگلده دیر
باغچادا خزللر یئتیشیب دیزه

*********

چینار آغاجینین سون یارپاقلاری
وحشی یئللریله سورگون گئده جک!
سنله اکدیگیمیز، آلماآغاجی
یاریسی دیشلنمیش آلما وئره جک!!

شعر:ارشد نظری(توغاي)


https://telegram.me/joinchat/B15yG0C2lTuC_Ru-maDB8g