Forwarded from ZED THOUGHTS
This media is not supported in your browser
VIEW IN TELEGRAM
اذا عندك أي سؤال ، شعور غريب ، أمر غريب سؤال معقد ، فلسفي ، او اي كان اطرحو
ونا راح نكتب و نجاوب عليه هنا كنوع من المواضيع ، شكرا
ونا راح نكتب و نجاوب عليه هنا كنوع من المواضيع ، شكرا
أهلا
شخصية غوستافو فرينج في مسلسل بريكينغ باد قال جملة تبان بسيطة ، بصح هي في الحقيقة قادرة تعاود ترتبلك ڨاع الفوضى لي راهي في مخك ، الجملة تقول إذا عندك مشكلة يعني عندها حل ، وإذا ما عندهاش حل يعني هادي ماشي مشكلة هادا واقع لازم تتقبلو
هاذي الهدرة ماشي مجرد سيناريو ، هادي قاعدة نفسية وفلسفية عميقة بزاف ، في علم النفس هاد العفسة يسميوها تصنيف المشكلات ، مشكلة تاع الجيل تاعنا هي أن أغلب الناس ما عمرها تصنف ، العقل الباطن تاعهم مبرمج باه يعامل كلشي على أساس أنو قابل للحل ، والنتيجة ينهارو نفسيا ويبكيو على حوايج أصلا ماشي من صلاحياتهم باش يحلوهم
أيا نحلو هاءي المعادلة فلسفيا ونفسيا ، باه تفهم علاش راك حاس روحك دايما مستنزف
ما يكافئ المجهود ويعاقب التقبل ، كاين حوايج في الدنيا عبارة عن مشاكل حقيقية ، هاذ النوع من المشاكل يكافئك كي تبذل مجهود ويعاقبك إذا تقبلت واستسلمت ، هنا كي تتعب وتفورصي هاذيك المشكلة تمتص الطاقة تاعك وتحولها لحل ملموس ، وهنا التقبل والاستسلام يتسمى جبن وعجز
ما يكافئ التقبل ويعاقب المجهود ، وهنا وين تصرى المجزرة النفسية ، كاين حوايج ما تنحلش كيما الماضي ولا الموت ولا طبع تاع إنسان مريض ولا صدمة صرات وكملت ، هاذ الأشياء تكافئك فقط بالتقبل وتعاقب المجهود ، إذا حاولت تحل حاجة ما تنحلش راح تتعاقب أشد عقاب ، هاذاك الواقع راح يمتص ڨاع الطاقة تاعك ويحرقك لداخل بلا ما يعطيك حتى نتيجة ، والمشكلة الأكبر أنو هاذيك الطاقة لي ضاعت هي نفس الطاقة لي كانت لازم تروح للأشياء لي فعلا تنحل
الأمر الفلسفي تاع هاذي المأساة ، فلسفيا حنا نعانو لاخاطر عندنا إيغو مريض يوهمنا بلي رانا نسيطرو على كلش ، الإنسان المعاصر ولا مقتنع بلي العالم عبارة عن معادلة رياضية لازم يحلها ، بصح الفلاسفة الرواقيين من بكري قالوها ، قمة النضج والحكمة تبدا في اللحظة لي تفرق فيها بين واش تقدر تتحكم فيه وبين واش راه خارج سيطرتك
كي ترفض الواقع لي ما يتبدلش راك كشغل بنادم راه يحارب في الجاذبية ويزعف كي يطيح للرض ، الرفض تاعك ما راحش يبدل الجاذبية راح يكسرلك عظامك برك ، الوجع لي راك حاس بيه درك أغلبه ماشي ناتج على المشكلة بحد ذاتها بل ناتج على المقاومة تاعك لواقع صرى وتكتب وانتهى
الخلاصة أنك ما تلعبهاش بطل في معارك وهمية ، النضج الحقيقي هو أنك تملك الشجاعة باش تبدل واش تقدر تبدلو وتملك البرودة والسلام الداخلي باش تتقبل واش ما تقدرش تبدلو ، وقّف استنزاف لروحك ، الواقع ما يحتاجش منك تحلو ، الواقع يحتاج منك تتقبلو باش تقدر تفوتو وتكمل تعيش
وهم السيطرة ، كذبة المشاكل بلا حلول
شخصية غوستافو فرينج في مسلسل بريكينغ باد قال جملة تبان بسيطة ، بصح هي في الحقيقة قادرة تعاود ترتبلك ڨاع الفوضى لي راهي في مخك ، الجملة تقول إذا عندك مشكلة يعني عندها حل ، وإذا ما عندهاش حل يعني هادي ماشي مشكلة هادا واقع لازم تتقبلو
هاذي الهدرة ماشي مجرد سيناريو ، هادي قاعدة نفسية وفلسفية عميقة بزاف ، في علم النفس هاد العفسة يسميوها تصنيف المشكلات ، مشكلة تاع الجيل تاعنا هي أن أغلب الناس ما عمرها تصنف ، العقل الباطن تاعهم مبرمج باه يعامل كلشي على أساس أنو قابل للحل ، والنتيجة ينهارو نفسيا ويبكيو على حوايج أصلا ماشي من صلاحياتهم باش يحلوهم
أيا نحلو هاءي المعادلة فلسفيا ونفسيا ، باه تفهم علاش راك حاس روحك دايما مستنزف
ما يكافئ المجهود ويعاقب التقبل ، كاين حوايج في الدنيا عبارة عن مشاكل حقيقية ، هاذ النوع من المشاكل يكافئك كي تبذل مجهود ويعاقبك إذا تقبلت واستسلمت ، هنا كي تتعب وتفورصي هاذيك المشكلة تمتص الطاقة تاعك وتحولها لحل ملموس ، وهنا التقبل والاستسلام يتسمى جبن وعجز
ما يكافئ التقبل ويعاقب المجهود ، وهنا وين تصرى المجزرة النفسية ، كاين حوايج ما تنحلش كيما الماضي ولا الموت ولا طبع تاع إنسان مريض ولا صدمة صرات وكملت ، هاذ الأشياء تكافئك فقط بالتقبل وتعاقب المجهود ، إذا حاولت تحل حاجة ما تنحلش راح تتعاقب أشد عقاب ، هاذاك الواقع راح يمتص ڨاع الطاقة تاعك ويحرقك لداخل بلا ما يعطيك حتى نتيجة ، والمشكلة الأكبر أنو هاذيك الطاقة لي ضاعت هي نفس الطاقة لي كانت لازم تروح للأشياء لي فعلا تنحل
الأمر الفلسفي تاع هاذي المأساة ، فلسفيا حنا نعانو لاخاطر عندنا إيغو مريض يوهمنا بلي رانا نسيطرو على كلش ، الإنسان المعاصر ولا مقتنع بلي العالم عبارة عن معادلة رياضية لازم يحلها ، بصح الفلاسفة الرواقيين من بكري قالوها ، قمة النضج والحكمة تبدا في اللحظة لي تفرق فيها بين واش تقدر تتحكم فيه وبين واش راه خارج سيطرتك
كي ترفض الواقع لي ما يتبدلش راك كشغل بنادم راه يحارب في الجاذبية ويزعف كي يطيح للرض ، الرفض تاعك ما راحش يبدل الجاذبية راح يكسرلك عظامك برك ، الوجع لي راك حاس بيه درك أغلبه ماشي ناتج على المشكلة بحد ذاتها بل ناتج على المقاومة تاعك لواقع صرى وتكتب وانتهى
الخلاصة أنك ما تلعبهاش بطل في معارك وهمية ، النضج الحقيقي هو أنك تملك الشجاعة باش تبدل واش تقدر تبدلو وتملك البرودة والسلام الداخلي باش تتقبل واش ما تقدرش تبدلو ، وقّف استنزاف لروحك ، الواقع ما يحتاجش منك تحلو ، الواقع يحتاج منك تتقبلو باش تقدر تفوتو وتكمل تعيش
دمتم
❤3
أهلا
كاين واحد التجربة نفسية تعتبر من أكثر التجارب المحيرة والمعقدة لي يقدر يعيشها بنادم في حياتو ، وهي أنك تكبر وسط عائلة تحبك صح وتخاف عليك ، بصح في نفس الوقت تكون مؤذية ومدمرة ليك عاطفيا و الدفع يكون نفسيا
من جهة نتا على بالك ومقدر بلي أهلك ضحاو بحوايج بزاف على جالك وفروولك القراية والراحة وكل الإمكانيات لي كنت محتاجها ، وكانوا يحميوك من قساوة الدنيا لي برا ومرات نساو حتى رواحهم من كثرة ما كانوا مشغولين ، بصح أنو رغم كل هاذ التضحيات عمرك ما حسيت بالأمان العاطفي معاهم ، يحموك من الخطر تاع برا بصح أكثر حاجة كنت خايف ومرعوب منها هي ردود أفعالهم لداخل في الدار
الصمت العقابي ، الهدرة لي تجرح وتقيس ، الخصامات لي ما تخلصش ، اللوم المستمر والصوت العالي ، هاذ الحوايج سرقوا جزء كبير من الطفولة تاعك وخلاوها تكون صعيبة بزاف ، والمأساة أنك نهار تحاول تواجههم ولا تهدر معاهم على هاذ الوجع المسبب لك ، تحس روحك يردوك ناكر للجميل وياكلك الضمير وتحس بالذنب ، تولي حتى تحشم من روحك لاخاطر لداخل علابالك بلي هما صح وفرولك بصح هاذيك هي الطريقة الوحيدة لي كانوا يعرفوها باه يعبروا على هاه الحب ،
العلاقات الإنسانية معقدة ومستحيل نقسمو الناس ببساطة لناس ملاح وناس قبيحة ، الحقيقة هي أنو كاين بنادم يقدر يضحي بحياتو كاملة على جالك وفي نفس الوقت يضرك ويدمرك بطريقة أخرى ، والديك يقدروا يفنيو عمرهم وهما خايفين على مستقبلك بصح تصرفاتهم تقضي على إحساسك بالأمان وتدمر جهازك العصبي
عادي جدا أننا نحبو أهلنا ونكونو ممتنين لكلش قدموه على جالنا ، بصح في نفس الوقت لازم نعترفو بلي كاين أنماط سامة ومؤذية ورثناها عليهم وحنا محتاجين نغيروها ، كي نكبروا تولي هاذي هي مسؤوليتنا الكبيرة ، الأنماط المؤذية لي في عايلتنا لازم تحبس عندنا حنا ، وما لازمش نسمحوا لهاذ الأذى يكمل ويفوت من خلالنا باش يوجع شريك حياتنا ولا ولادنا في المستقبل القادم ان شاءلله
و محبيتش ندخل فالتفاصيل لأنو هذا هو الموجع المبكي في كل دار في العائلات الجزائرية و هذا أكبر مشكل صاري و راني نقول فيها متيقن
عائلتك ؟
كاين واحد التجربة نفسية تعتبر من أكثر التجارب المحيرة والمعقدة لي يقدر يعيشها بنادم في حياتو ، وهي أنك تكبر وسط عائلة تحبك صح وتخاف عليك ، بصح في نفس الوقت تكون مؤذية ومدمرة ليك عاطفيا و الدفع يكون نفسيا
من جهة نتا على بالك ومقدر بلي أهلك ضحاو بحوايج بزاف على جالك وفروولك القراية والراحة وكل الإمكانيات لي كنت محتاجها ، وكانوا يحميوك من قساوة الدنيا لي برا ومرات نساو حتى رواحهم من كثرة ما كانوا مشغولين ، بصح أنو رغم كل هاذ التضحيات عمرك ما حسيت بالأمان العاطفي معاهم ، يحموك من الخطر تاع برا بصح أكثر حاجة كنت خايف ومرعوب منها هي ردود أفعالهم لداخل في الدار
الصمت العقابي ، الهدرة لي تجرح وتقيس ، الخصامات لي ما تخلصش ، اللوم المستمر والصوت العالي ، هاذ الحوايج سرقوا جزء كبير من الطفولة تاعك وخلاوها تكون صعيبة بزاف ، والمأساة أنك نهار تحاول تواجههم ولا تهدر معاهم على هاذ الوجع المسبب لك ، تحس روحك يردوك ناكر للجميل وياكلك الضمير وتحس بالذنب ، تولي حتى تحشم من روحك لاخاطر لداخل علابالك بلي هما صح وفرولك بصح هاذيك هي الطريقة الوحيدة لي كانوا يعرفوها باه يعبروا على هاه الحب ،
العلاقات الإنسانية معقدة ومستحيل نقسمو الناس ببساطة لناس ملاح وناس قبيحة ، الحقيقة هي أنو كاين بنادم يقدر يضحي بحياتو كاملة على جالك وفي نفس الوقت يضرك ويدمرك بطريقة أخرى ، والديك يقدروا يفنيو عمرهم وهما خايفين على مستقبلك بصح تصرفاتهم تقضي على إحساسك بالأمان وتدمر جهازك العصبي
الخلاصة والقرار المصيري
عادي جدا أننا نحبو أهلنا ونكونو ممتنين لكلش قدموه على جالنا ، بصح في نفس الوقت لازم نعترفو بلي كاين أنماط سامة ومؤذية ورثناها عليهم وحنا محتاجين نغيروها ، كي نكبروا تولي هاذي هي مسؤوليتنا الكبيرة ، الأنماط المؤذية لي في عايلتنا لازم تحبس عندنا حنا ، وما لازمش نسمحوا لهاذ الأذى يكمل ويفوت من خلالنا باش يوجع شريك حياتنا ولا ولادنا في المستقبل القادم ان شاءلله
و محبيتش ندخل فالتفاصيل لأنو هذا هو الموجع المبكي في كل دار في العائلات الجزائرية و هذا أكبر مشكل صاري و راني نقول فيها متيقن
دمتم
❤2
أهلا
كاين واحد القاعدة نفسية بزاف لازم تستوعبها باه تعيش في سلام ، وهي أنك كي تعرف روحك وتعرف شكون نتا ، هاذا لازم يكون كافيا ليك ، المشكل ماشي فيك المشكل أنو بعض الناس مستحيل يروك بوضوح لاخاطر بكل بساطة ما راهمش ينظرو ليك بأعين نقية ، هما يشوفوك من خلال الفيلتر تاع العقد والمشاكل والظلام لي عايش لداخل فيهم ، الحقيقة المطلقة تقول بلي الناس يرون العالم من خلال انعكاس أنفسهم ، نتا بالنسبة ليهم مجرد شاشة يعرضو فيها الفيلم تاع حياتهم المريضة
في علم النفس هاد العفسة يسميوها الإسقاط ، كي يبداو يهدروا عليك ويوصفوك هما في الحقيقة ما راهمش يصفونك أنت ، بل يصفون أنفسهم ويخبرونك بما هم قادرون على فعله ، هادي معادلة رياضية ما تغلطش ، الشخص الكاذب دايما سيفترض أنك تكذب ، والشخص الخائن سيفترض أنك تخون ، وحتى الشخص المتلاعب سيفترض أن لديك مآربا أو غاية خفية من أي حاجة ديرها بحسن نية ، لاخاطر المخ تاعهم مبرمج على هاذ الخبث وما يقدروش يتخيلو بلي كاين عباد نقيين
على بيها مرات تحس روحك راح تهبل كي تحاول تفهمهم ولا تبررلهم ، يمكنك أن تكون أكثر شخص صادق على وجه الأرض ومع ذلك سيساء فهمك من قبل شخص لا يستطيع عقله استيعاب الصدق ، الفاقد للشيء لا يستوعبه ، لذا عندما يتهمك أحدهم بأشياء لن تفعلها أبدا افهم ما يحدث حقا ، افهم بلي راه يعري في روحو قدامك وراه يعكس في فسادو لي لداخل فيه على ظهرك نتا باش يريح الضمير تاعو المريض
الخلاصة تاع هاد المسرحية كاملة هي أنك لازم تحبس الاستنزاف ، لهذا السبب توقف عن محاولة إثبات نفسك للجميع ، لي بغى يفهمك بالغلط خليه يزيد يغرق ، دعهم يفكرون كما يشاءون فنظرتهم إليك تقول كل شيء عنهم ولا تقول شيئا عنك ، وفر طاقتك لروحك وخلي كل واحد يعيش في المستنقع تاع الظنون تاعو لاخاطر نتا ماشي مكلف باه تنظف عقول الناس وتصلح مخاخهم
علاه الناس تشوفك بعين طبعها وكيفاه تحمي روحك من الإسقاط
كاين واحد القاعدة نفسية بزاف لازم تستوعبها باه تعيش في سلام ، وهي أنك كي تعرف روحك وتعرف شكون نتا ، هاذا لازم يكون كافيا ليك ، المشكل ماشي فيك المشكل أنو بعض الناس مستحيل يروك بوضوح لاخاطر بكل بساطة ما راهمش ينظرو ليك بأعين نقية ، هما يشوفوك من خلال الفيلتر تاع العقد والمشاكل والظلام لي عايش لداخل فيهم ، الحقيقة المطلقة تقول بلي الناس يرون العالم من خلال انعكاس أنفسهم ، نتا بالنسبة ليهم مجرد شاشة يعرضو فيها الفيلم تاع حياتهم المريضة
في علم النفس هاد العفسة يسميوها الإسقاط ، كي يبداو يهدروا عليك ويوصفوك هما في الحقيقة ما راهمش يصفونك أنت ، بل يصفون أنفسهم ويخبرونك بما هم قادرون على فعله ، هادي معادلة رياضية ما تغلطش ، الشخص الكاذب دايما سيفترض أنك تكذب ، والشخص الخائن سيفترض أنك تخون ، وحتى الشخص المتلاعب سيفترض أن لديك مآربا أو غاية خفية من أي حاجة ديرها بحسن نية ، لاخاطر المخ تاعهم مبرمج على هاذ الخبث وما يقدروش يتخيلو بلي كاين عباد نقيين
على بيها مرات تحس روحك راح تهبل كي تحاول تفهمهم ولا تبررلهم ، يمكنك أن تكون أكثر شخص صادق على وجه الأرض ومع ذلك سيساء فهمك من قبل شخص لا يستطيع عقله استيعاب الصدق ، الفاقد للشيء لا يستوعبه ، لذا عندما يتهمك أحدهم بأشياء لن تفعلها أبدا افهم ما يحدث حقا ، افهم بلي راه يعري في روحو قدامك وراه يعكس في فسادو لي لداخل فيه على ظهرك نتا باش يريح الضمير تاعو المريض
الخلاصة تاع هاد المسرحية كاملة هي أنك لازم تحبس الاستنزاف ، لهذا السبب توقف عن محاولة إثبات نفسك للجميع ، لي بغى يفهمك بالغلط خليه يزيد يغرق ، دعهم يفكرون كما يشاءون فنظرتهم إليك تقول كل شيء عنهم ولا تقول شيئا عنك ، وفر طاقتك لروحك وخلي كل واحد يعيش في المستنقع تاع الظنون تاعو لاخاطر نتا ماشي مكلف باه تنظف عقول الناس وتصلح مخاخهم
دمتم
❤2
ZED THOUGHTS
الموضوع ناقشت فيه الكثير , لذلك مهوش منشور قصير و مقال كتبتو راه باين من عنوانو , أي نقد او انقاد سلبي ايجابي ميهمش نقبلو هنا :
@zeedcontactbot🤖
Please open Telegram to view this post
VIEW IN TELEGRAM
This media is not supported in your browser
VIEW IN TELEGRAM
اذا عندك أي سؤال ، شعور غريب ، أمر غريب سؤال معقد ، فلسفي ، او اي كان اطرحو
ونا راح نكتب و نجاوب عليه هنا كنوع من المواضيع ، شكرا
ونا راح نكتب و نجاوب عليه هنا كنوع من المواضيع ، شكرا
جماعة الصراحة ني حاس روحي نبدع في جمال المنشور من ناحية الترتيب الصور وما الى ذلك ولا ني متحمس برك 😅 ؟
Please open Telegram to view this post
VIEW IN TELEGRAM
❤5
اهلا
كاين واحد القناعة شايعة بزاف في مجتمعنا ، فكرة تقول بلي البنادم لي راسو خشين وما ينفع معاه لا تنبيه لا موعظة لازم تجيبو للثنية بالعنف والقوة ، بزاف ناس يشوفو بلي الضرب ولا العقاب الجسدي هو الحل اللخر باه تطهر المجتمع من العباد لي يغلطو كيما لي يبيع السموم ولا لي تمشي في طريق عوجة ، تبانلك بلي راك تدير في حاجة منطقية وتدافع على المبادئ ، بصح خلينا نحطو العاطفة على جهة ونشرحو هاذي العقلية تشريح نفسي ومنطقي مضبوط باه تفهم واش رانا ننتجو صح في هاذ البلاد
من الناحية النفسية العنف عمرو ما كان أداة تاع تربية ولا تهذيب خصوصا مع بنادم كبير ، العنف هو أداة تاع ترويض ، كاين فرق شاسع بين أنك تربي بنادم باه يقتنع وبين أنك تروض حيوان بالسوط ، كي تضرب بنادم لاخاطر دار الغلط نتا ما راكش تبدل في القناعة تاعو لداخل ، نتا راك تخلق فيه عقدة تاع خوف ، النتيجة هي أنو هاذاك البنادم راح يحبس الغلطة قدام عينيك برك ماشي لاخاطر تاب ، بصح لاخاطر راه خايف من الطريحة ، ومجرد ما تغيب عينك راح يولي للغلطة تاعو بطريقة أخبث وأكثر احترافية باش ما تفيقلوش
أرواح نسقطو هاد الهدرة على الأمثلة لي مديتهم ، قلتي واحد يخدم مخدرات لازم عقوبات قاسية باه يتوب ، هنا لازم نفرقو مليح بين تطبيق القانون وبين العنف الشخصي ، القانون والدولة لازم يكونو قاصحين وعندهم عقوبات ردعية توصل للحبس والأعمال الشاقة باش يحمو المجتمع ، هاذي سموها عدالة وعقاب مؤسساتي ماشي عنف همجي ، بصح العنف لي تمارسو نتا بيدك كفرد باش تربي مجرم ، واش راح يدير ، البنادم لي غارق في الإجرام كي تعنفو جسديا راح يزيد يحقد ويولي وحش كثر ، لاخاطر العنف هو لغتو لي يفهمها وراح يرجعالك في أقرب فرصة
ونفس الشيء بالنسبة للمراة لي تروح لطريق الغلط ، كي تستعمل معاها العنف الشديد باش تردها للطريق ، نتا ما راكش تزرع فيها العفة ، نتا راك تزرع فيها الرعب وتقتل فيها الإنسانية ، تقدر تحبسها وتضربها وتخليها تبان طاوعة ، بصح لداخل راح تولد كراهية عميقة ليك وللدار وللمجتمع ، التربية القاسية هاذي تخرجلك نسخة مطيعة ظاهريا بصح مدمرة نفسيا ، ونهار تلقى ثغرة صغيرة راح تنتقم بطريقة ما تتخيلهاش ، الشرف والمبادئ ما يتغرسوش بالبونيات ، وإذا الكيان تاع البنادم فسد كليا ، الحل هو القطيعة ولا تطبيق القانون ماشي تلعبها جلاد
نجيبوهالك ماللخر وعلى حساب الواقع تاعنا في الدزاير ، حنا مجتمع كبرنا بكلمة العصا لمن عصى ، واش هي النتيجة ، هل خرجنا جيل تاع ملائكة وعباد مستقيمين ، العكس تماما ، خرجنا جيل معمر بالعقد النفسية والنفاق الاجتماعي ، تلقاه يخاف من باباه يضربو بصح يدير بكل الموبقات في الزنقة ، العنف لي تربينا بيه ما خلقش فينا وازع داخلي ، خلق فينا برك الخوف من الفضيحة وهاذي لي خلى مجتمعنا عايش بزوج وجوه
الحقيقة لي ما نحبوش نستعرفو بيها رانا كل يوم نعيشوها يا جماعة ونتوما اعلم مليح بيها في انفسكم ، هي أننا كي نستعملو العنف رانا ما نحوسوش نربيو ، رانا نفرغو في الزعاف تاعنا وفي الإحساس بالفشل ، كي نعجزو باه نقنعو بنادم ولا نسيطرو عليه بالمنطق ، الإيغو تاعنا ينضر ونحسو بالضعف ، وباه نغطيو هاذاك الضعف نستعملو الضرب باش نرجعو الإحساس بالسيطرة ، العنف هنا يولي وسيلة باه نرضو كبرياءنا ونحسو بلي رانا حكام ماشي وسيلة باش نصلحو البنادم لاخر ، لي ما يترباش بالموعظة والكلمة الطيبة والقدوة الحسنة ، عمرو ما راح يتربى بالدم والعنف ، راح يولي مجرد منافق يستنى في الفرصة باه يغدرك
علاه العنف عمرو ما يصنع بنادم صالح والفرق بين العدالة وتفريغ الزعاف
ردا على تساءل وصلني :
سؤالي هو :
زاد حاب نفهم اسكو العنف مع البشر ميهمش العمر اسكو يعتبر طريقة لتهذيب والتربيةاو لا بالتأكيد بعد ماتنبه وتحذر ودير موعظة تاعك كيما يقول الدين تاعنا (انا نشوفو اسلوب مناسب لتهذيب مدام الانسان هذاك ميفهم ميهز عند راسو زيد احكيلنا عليه بلمنطق بالواقع لي انا عايشينو هنا فدزاير بالنسبة للجنسين باسكو انا نشوف واحد يخدم مخدرات لازم نستعملو معاه عقوبات قاسية باه يتوب اونفس الشيء مع وحدة تبع رجال ول ...الخ نفس الشيء )؟؟..؟؟
كاين واحد القناعة شايعة بزاف في مجتمعنا ، فكرة تقول بلي البنادم لي راسو خشين وما ينفع معاه لا تنبيه لا موعظة لازم تجيبو للثنية بالعنف والقوة ، بزاف ناس يشوفو بلي الضرب ولا العقاب الجسدي هو الحل اللخر باه تطهر المجتمع من العباد لي يغلطو كيما لي يبيع السموم ولا لي تمشي في طريق عوجة ، تبانلك بلي راك تدير في حاجة منطقية وتدافع على المبادئ ، بصح خلينا نحطو العاطفة على جهة ونشرحو هاذي العقلية تشريح نفسي ومنطقي مضبوط باه تفهم واش رانا ننتجو صح في هاذ البلاد
من الناحية النفسية العنف عمرو ما كان أداة تاع تربية ولا تهذيب خصوصا مع بنادم كبير ، العنف هو أداة تاع ترويض ، كاين فرق شاسع بين أنك تربي بنادم باه يقتنع وبين أنك تروض حيوان بالسوط ، كي تضرب بنادم لاخاطر دار الغلط نتا ما راكش تبدل في القناعة تاعو لداخل ، نتا راك تخلق فيه عقدة تاع خوف ، النتيجة هي أنو هاذاك البنادم راح يحبس الغلطة قدام عينيك برك ماشي لاخاطر تاب ، بصح لاخاطر راه خايف من الطريحة ، ومجرد ما تغيب عينك راح يولي للغلطة تاعو بطريقة أخبث وأكثر احترافية باش ما تفيقلوش
أرواح نسقطو هاد الهدرة على الأمثلة لي مديتهم ، قلتي واحد يخدم مخدرات لازم عقوبات قاسية باه يتوب ، هنا لازم نفرقو مليح بين تطبيق القانون وبين العنف الشخصي ، القانون والدولة لازم يكونو قاصحين وعندهم عقوبات ردعية توصل للحبس والأعمال الشاقة باش يحمو المجتمع ، هاذي سموها عدالة وعقاب مؤسساتي ماشي عنف همجي ، بصح العنف لي تمارسو نتا بيدك كفرد باش تربي مجرم ، واش راح يدير ، البنادم لي غارق في الإجرام كي تعنفو جسديا راح يزيد يحقد ويولي وحش كثر ، لاخاطر العنف هو لغتو لي يفهمها وراح يرجعالك في أقرب فرصة
ونفس الشيء بالنسبة للمراة لي تروح لطريق الغلط ، كي تستعمل معاها العنف الشديد باش تردها للطريق ، نتا ما راكش تزرع فيها العفة ، نتا راك تزرع فيها الرعب وتقتل فيها الإنسانية ، تقدر تحبسها وتضربها وتخليها تبان طاوعة ، بصح لداخل راح تولد كراهية عميقة ليك وللدار وللمجتمع ، التربية القاسية هاذي تخرجلك نسخة مطيعة ظاهريا بصح مدمرة نفسيا ، ونهار تلقى ثغرة صغيرة راح تنتقم بطريقة ما تتخيلهاش ، الشرف والمبادئ ما يتغرسوش بالبونيات ، وإذا الكيان تاع البنادم فسد كليا ، الحل هو القطيعة ولا تطبيق القانون ماشي تلعبها جلاد
نجيبوهالك ماللخر وعلى حساب الواقع تاعنا في الدزاير ، حنا مجتمع كبرنا بكلمة العصا لمن عصى ، واش هي النتيجة ، هل خرجنا جيل تاع ملائكة وعباد مستقيمين ، العكس تماما ، خرجنا جيل معمر بالعقد النفسية والنفاق الاجتماعي ، تلقاه يخاف من باباه يضربو بصح يدير بكل الموبقات في الزنقة ، العنف لي تربينا بيه ما خلقش فينا وازع داخلي ، خلق فينا برك الخوف من الفضيحة وهاذي لي خلى مجتمعنا عايش بزوج وجوه
الحقيقة لي ما نحبوش نستعرفو بيها رانا كل يوم نعيشوها يا جماعة ونتوما اعلم مليح بيها في انفسكم ، هي أننا كي نستعملو العنف رانا ما نحوسوش نربيو ، رانا نفرغو في الزعاف تاعنا وفي الإحساس بالفشل ، كي نعجزو باه نقنعو بنادم ولا نسيطرو عليه بالمنطق ، الإيغو تاعنا ينضر ونحسو بالضعف ، وباه نغطيو هاذاك الضعف نستعملو الضرب باش نرجعو الإحساس بالسيطرة ، العنف هنا يولي وسيلة باه نرضو كبرياءنا ونحسو بلي رانا حكام ماشي وسيلة باش نصلحو البنادم لاخر ، لي ما يترباش بالموعظة والكلمة الطيبة والقدوة الحسنة ، عمرو ما راح يتربى بالدم والعنف ، راح يولي مجرد منافق يستنى في الفرصة باه يغدرك
دمتم
❤5
This media is not supported in your browser
VIEW IN TELEGRAM
اذا عندك أي سؤال ، شعور غريب ، أمر غريب سؤال معقد ، فلسفي ، او اي كان اطرحو
ونا راح نكتب و نجاوب عليه هنا كنوع من المواضيع ، شكرا
ونا راح نكتب و نجاوب عليه هنا كنوع من المواضيع ، شكرا
❤1