بالامـس كان الـورد بالقلب مـزروع
واليـوم قـد قلبـي عبـوات والغـام

صار الهوى والحب والشـوق ممنـوع
واصبح عذابي الألم غصب وارغـام

ما أسعد اللي من لضى الشوق موجوع
وما اتعس اللي من جمود الاسى نام

جمر الهوى اللي كنت الاقيه مفزوع
ليتـه يعـاودني ولـو عبر الاحـلام

اشتقـت نار الشـوق في صدر مولع
تقضي على ليل المخاوف والاوهام

العـام الاول كانت السـاعه اسبـوع
والعـام هـذا صـارت الثانيـه عـام

أين انت يا من كنت لي عز موضوع
وباختصر عمري معك بعضـه ايام

الشاعر زايد الجبوبي
2 اكـتـوبـر 2019م
الشاعر زايد الجبوبي
قناه عامة بقصائد الشاعر الجبوبي
https://t.me/zayedaljabobywww

يا تحالف ذبحتونا على غير قِبله
خمسه اعوام والساطور شغال للان

كل واحد تسوقوا له على قدر عقله
توهم المؤتمر والانتقالي والاخوان

تضرب الكل عبر الكل في كل جوله
والامل تصرفه للكل من دون نقصان

توهم الانتقالي في حكومـة ودوله
وتوهم الشرعية في عودة الشيخ عثمان

وتوهم المؤتمر باحمد وتهديه قبله
والسلف في قتال الرافضه واهل مران

والنهـايـة توقـف كـل واحـد محلـه
بعد صفعه توزعهـا على الكل مجان

لا وقفتـوا مـع هـادي ونلتـف حوله
ولا تركتوه للحوثي وما كان قد كان

ولا رضيتوا على الاخوان مذهب ومله
ولاجزمتوا تعيدوا حكم حاشد وسنحان

إن هجمتوا على كوله على حين غفله
ترجعوا تقصفوها باسم آسف وغلطان

تجلسوا في الجبل فتره وعدتوه لاهله
مثل ما حل في الضـالـع وناصه وذودان

تقتل اربع مائة حوثي وترجع تقله
لا تهم العوض ألفين من حد نجـران

عاد الاحزاب تشتي ألف شغله وشغله
فالقواعـد غبيـه والقيـادات رهبـان

خمسه اطراف تسقي بعضها كل عله
والتهـم بينهـم تتبادل اشكـال والوان

في المواقع وفي الشاشات غاغه ورفله
يلعنوا بعضهم في كل مجلس وديوان

الـتـحـالـف يقاتلنـا بحقـده وغلـه
والجماهير مشغوله بموزه وخلفان

كذب في كذب واللعبه على الشعب كله
من طرف مارتن واولاد زايد وسلمان

الشاعر زايد الجبوبي
8 اكتوبر 2019م
الشاعر زايد الجبوبي
قناه عامة بقصائد الشاعر الجبوبي
https://t.me/zayedaljabobywww

طالك الليـل يا سايس شعـوري وحرفي
والحواس اظلمت والفكر مبتور الاطراف

والظـلام المحاصر لي تمركز بجـوفي
لا طرق سالكه حولي ولا درب ينشاف

خمسه اعوام يا سايس من العمر تكفي
ذقت فيها الألم علقم واكلت الأسى حاف

كل واحـد كسى نفسه وفــرّش و دفـي
وانت بالواجهه عريان من شاف له شاف

الـربيـع انتـزع مني خريفي وصيفي
والشـتـاء بات يتلحف حياتي تلحـاف

خمسه اعوام شايل للوطن فوق كتفي
والجماعه يرصوها رتب فوق الاكتـاف

بعد صبري على بردي وجوعي وخوفي
كرموني بتصنفني من املاك الاوقاف

إن تحملت ثقـل اوزارهـم طاب وصفي
وان تبرأت حطوني على شين الاوصاف

الشاعر زايد الجبوبي
13 اكتوبر 2019م
الشاعر زايد الجبوبي
قناه عامة بقصائد الشاعر الجبوبي
https://t.me/zayedaljabobywww

يا سائق السيـكـل تـمـهـل قلنـا مـا قـد حصـل
أين الهمر والجمس والشاص الجديد اخر موديل

أين الطقـوم الخضـر والفـورد المـدرع والدبل
والموكب اللي كان يوصل من سماره لا الدليل

الشعب يشتي يفهم الحوثي جنن! أو قد عقـل
أو كانت الصورة من إلبوم ارحمـو قلبي العليل

يستر على الرومنسيه والذوق والطبع العسـل
إحساس مرهف ياولي من شوفتك عقلي يميل

خوفي من الحساد عيجعـل لهـم ربي شلل
لا يخرب السيكـل وتحنب سنـدريلا بالنقيل

مابش على شعب اليمن لو ماعرف وين الخلل
والسـر حسنـك يـا ولـي اللـه والخــد الجمـيـل

ما بش على امراض الكلى لو صابهم بعدك فشل
والكهرباء يوم انطفت ، كانت ترى فيك البـديل

حتى المسارب لو لمح وجهك رجع بيته عطل
واللي قتل ما غير حسنـك رجعه لاهلـه قتيـل

تستـاهـل الحـق الالهـي والعـوارض والقطـل
والشمـه البيضاء فداء لك هات مكيالك وكيل

لكــن أمـانـه قـلنـا هـذا التـواضـع كيف نـزل
من روضك وانتوا غنجكم والزبل ما له مثيل

لو حبكم واجـب من المولى نضعكـم بالمقـل
ما للخيانه عندكم مـوضـع مع الفعل الرذيـل

عندي تقع عنتر وعنـد الاجنبـي صنـدل ربل
توصـل لهم بالورد واحنـا بالعمامه بالصميـل

واللـه لـو لفيـت بالسيـكـل على كـل الـدول
وتهـز خصـرك بيت بوتن أو بقصر ايمـانويل

ما تحكمونـا يا بني هشهش ولا احـد يمتثـل
لحكمكم راضي سوى الراضي لعاره والعميل

الشاعر زايد الجبوبي
22 يناير 2020م

إنـزعـوا مـن طريقي لعنـة استكهـولـم
واتـركـونـي مـع الـكـهـنـوت والغـامــه

صبـرنـا قــد تـجــاوز حــده الـمـعـلـوم
واصبح الصمت جـرم اكبر من اجرامه

دم الابطـال فـي مـأرب حرمنـا النـوم
وارهـق الساحـل الغـربـي وضرغـامـه

فاعلنـوهـا لـكـي نشفـي غليـل القـوم
ضـاق شعبـي مـن الـدجـال واقـزامـه

جـار جوع البنـادق من شهـور الصوم
والـفـطـور الشـهـي قـلـبـه وصـمـامـه

كفـروا عن خطـايا اعـوامنـا في يـوم
وابشـروا يصبـح اول واخــر ايــامــه

الشاعر زايد الجبوبي
25 يناير 2020م

يا بو يمن قل الحديده عظـم الله أجـرهـا
الاتفاق أمطر على مارب وصنعاء العاصمه

هيلان عند أهله وفرضة نهم عادت لاهلها
وتمـت الصفقـه وعينـك يا جبـوبي نائمـه

يعيش جيش الساحل الغربي وياكل غيرها
خـلاص يا خاله تهامه يحسـن الله الخاتمه

#الشاعر_زايد_الجبوبي
26 يناير 2020م

مـأرب حصينه بالقبـائل ،،، لا بمـولانـا علـي
ولا مع دولة بني هاشم سوى البيـع النظيف

واللـه لولا اقيال حمـيـر بن سـبـأ والـعبهلي
وقوم قيس المذحجي والقردعي واحفاد سيف

ما ظل فيهـا الا الموالي والمـداني والولي
ولا نلاقي بيت لم يهدم سوى بيت الشريف

#الشاعر_زايد_الجبوبي
2 فبرايـر 2020م

الزنبله ما تنجي الزنبيـل من دفع الثمـن
ولا حيـاة الـعـز تسقيـك المنيـه مـرتيـن

وان كان صمتك ما دفع عنك المصائب والمحن
فلا يهمك في النكف عيش المتاعب الانين

الأرض أرضك والحضارة والهوية والوطن
من قبل ما يتهوشم الرسي بآلالاف السنين

#الشاعر_زايد_الجبوبي
4 فبراير 2020 م

يا معبد الشمس قال الساحـل الغربي
عينك على الجوف لاتلعب بها الاغراب

وقـلـهـا لا تسيـئ الـظـن من صـوبـي
لايمكن اشمت ولا اتشفى بها واغتاب

جلبابها الحميري منسـوج مـن ثوبي
أصل الهويـه فـلا تستبـدل الجلبـاب

الجوف تسكن بجوفي حزمهـا قلبي
وغيلهـا من شـرايين الدماء ينساب

ما اهملتها يوم صدت واهملت حبـي
فكيف باشمت لرؤية دمعهـا السكاب

ضحكـوا على عقلها المندس واللوبي
فاستقبلتهم وفي وجهي تصك الباب

من بعدما حطوا استكهولم في دربي
وخـونـونـي وقـالـوا عـنـي الـعـيـاب

وسممـوا فكرهـا حتى انكـرت قربي
وجرعوها من اوهام الـدموع اكواب

وانا الـذي كلمـا اذكـرهـا دعيت ربي
يجيرها من افاعي الدين والارهـاب

اليـوم بـان الـذي بالامـس متخـبـي
وشاهدت من هو الخـوان والكـذاب

له خمسه اعوام من دمع اهلها يعبي
وباعهـا الـيـوم بيعـة بخس للجـلاب

هـو الـذي حـمـل الـركـاب وتجبـي
وزاد اخذ قيمـة الـسـواق والركـاب

العيب مش باهلهـا كـلا ولا عيبي
عيب الخليفه ولي اللـه والحجُّـاب

اللي شفط ثديها للجـعـف والقعبي
ويوم شحت ذبحها واحرق المحلاب

آه وين يالجوف يا قهري ويا غلبي
قهري على ابطال كانوا مثل سبع الغاب

ما يوقفوا عمرهـم بالموقف السلبي
لولا عميل الخلافه واهل الاستنساب

طاح المجمع وضـاع المـركز الطبي
من دون علم الرئيس او مجلس النواب

أشرح لها واهلها الاحرار عن خطبي
يامعبد الشمس يوم انزاحوا الخُّطاب

عهدي لها والذي سلمت له حـسـبـي
ما ابيع لو ما تبقـى مـن نيـوبي ناب

ولا يهـون الأسـى اللي كابـده شعبي
في خمسه اعوام لاحقر واتفه الاسباب

مهما غضب لوبي استكهولم من دربي
باينسحب أو يجي مسحوب بالسَّحّاب

بايذهب الغيم واستأنف بها حربي
ياقاصدي في حريق الدم والاعصاب

ما دام عندي جيوش الساحل الغربي
متوعده تحرق الكهنوت في المحراب

لا كشف وهمي ولا له بث تجـريبي
هنا التردد وطن والشعب الاستقطاب

والمنهـج المذهبي والمنطـق الحزبي
ما عاد فينا ولا باقي لدينـا احـزاب

ما باقي الا الوطن يسرح ويمرح بي
واخراج شعب اليمن من غيهب السرداب

الشاعر زايد الجبوبي
3 مارس 2020م

قولوا لال البيت كورونـا قـد احرمنا الصلاه
ما عاد لبينـا ولا طفنـا على قبـر الحـسيـن

ومـن حـبـاه اللـه بالحـق الالـهـي واصطفـاه
قـادر علـى تجنيبنـا مـن شـر كـورونا اللعين

فاستخدموا حق القداسه وانقـذونا من بلاه
وعـالـجـوا ايـران ما داموا معاكم مخلصين

قـد الخمـيـنـي عنـدهـم آيـات ربي لا سـقـاه
مدري جفاه الوحي او انكرهم لعين الوالدين

وابن العراق اليوم صارت كربلا تشكي جفاه
من بعـد مـا باعـوه كـل الاوليـاء الصـالحيـن

قولوا لمـولانـا المبجـل ياولي يسعـد مسـاه
ما ميـزة الحـق الالهـي ذي شغلنـا به سنيـن

فانتوا كمـا قلتوا منحكـم ربنـا سلطـه وجاه
واعطاكم القدرة وولاكم على الناس اجمعين

وقلتـوا ان الـلـه فـضـلـكـم علينـا مـن سمـاه
والسـمـع الطاعـه لكـم طاعـه لرب العـالميـن

وقلتـوا الـرحـمـن خـلاكـم لـنـا قـارب نـجـاه
من طاعكم ينجى وعاصيكم بصف الهالكين

فكـيـف قـلـتـوا مثلمــا الـنـصـارى للـبـغـاه
وكيف نخشى وانتوا القارب وحبل الله المتين

إن ما لكم قدره على فيروس من خلق الاله
فأي حق اعطاكـم الله دون كـل المسلميـن

هل الولاية للمنـاصـب والمــوارد والـزكـاه
وعند جوعي والمرض ما لي سوى الله المعين

هل الولاية نعلن الطاعه مـع حنـي الجبـاه
ولايـة المـغـرم وبالمغـنـم تـقـولـوا اسفيـن

هل الولاية تنهب الجائـع وتتشعـى عشـاه
وان جاك متسول تقول الله خير الرازقين

هل الولايه يرخص البترول لادنى مستواه
في كل دوله ما عداكم زاد سعره مرتين

هذه لـصوصيـه لا يمكـن نجدهـا بالتقـاه
فالكذب والتضليل ليست من صفات المؤمنين

لا فرق في جاهل يواليكم ويبذل ما معاه
ومن تولى ابليس ما دام الجميـع متبرئين

الشاعر زايد الجبوبي
3 ابريل 2020م

مـن حقـنـا يا زمـن
نضحك على العميان
دستور جدي حسن
زحلق بني قحطان
قلنـا الولاية وطـن
والقوميه عـدوان
والهـاشمي مؤتمـن
والحميـري خـوان
قالـوا سمعنـا ولـن
نخلف لكم برهـان
ودارهم والسـكـن
باعـوه دون اثمان
واصبح سهيل اليمن
يعبد صنـم باذان
وعلى قمم ذي يزن
رفرف علم طهران
مـن حقنـا يـا زمـن
نضحك على الخبلان

الشاعر زايد الجبوبي
25 إبريل 2020م

قل للسلالة فـكـرهـا لن نقبله
فرؤوسـنـا لا تنحـنـي لـنـعـالا

لن تنحني إلا لـعــزة عـبهـلـه
ولـربنـا سبحانـهُ وتـعـالى

أقيال ما نخضع لعيش الزنبله
وعـبـاهـلـه لا نـقبــل الاذلالا

وإذا الحياة لها بطاعتكم صله
سنمـوت في جبـهــاتنـا اقيـالا

الشاعر زايد الجبوبي
25 إبريل 2020م

على كيف آل البيت تأتي الغنائـم
وتأتي من اكبـاد الفقير المغـارم

ويصغر في عين الجنوب حراكهم
وتكبر في رأس الشمال العمائم

وتفتـقـد اليمـن السـعـيـد لبعضها
فقد مزقوها الوافدين الهواشم

الشاعر زايد الجبوبي

دام الـولايـه كـعـبـة الـرسي وقـدس الـفـارسي
والحزب والمذهب تكاسي تتبع احفاد البسوس

فالشعب في درب المئاسي مترسي يامترسي
صابه مرض نفسـي ومن حوله ملايين النفوس

وشيخ الاســلام السيـاسي باعنـا بالاطلـسي
وحط خلفه شيخ هندوسي قتلنـا بالطقـوس

المقـبـرة جنــه على العنـسـي وخـلـد الانـسي
وجنـة الكبسي مـخـازن بيت هايل والكبـوس

الشاعر زايد الجبوبي
21 مايو 2020م

أكذب مقاله تقـول المـوت لاسرائيل
واصدق عباره من الكلب انفرد ذيله

يا صف الاقيال ما للقيل غير القيل
اذا انحـرف صفـنـا قمـنـا بتعـديلـه

للقوميه صوت يشبه صوت عزرائيل
لا يعرفـه غيـر من يهـوس بتفضيله

ولا يـزل رعدها وامزانهـا والسـيـل
يواكب الـزرع ذي حانت محاصيله

عسى المكرب يبعثر غوبة التضليل
وتنطلــق ثــورة التبـع والاكـلـيلـه

الشاعر زايد الجبوبي
11 يوليو 2020م

‏وبعده يا رسولي سير واهرع
وشل الخط له من حيد شمسان

وان حصَّلت عبدالله توقع
وقل له با يقع للثوب صبّان

وعاد الناس حد ينهب ويطمع
وحد داخل عدن يفتق عليمان

وعاد الحرب با تلصى وتقرع
وبا يبصر لهبها من له أعيان

الامير: احمد فضل العبدلي ‎#القمندان.

.

ياجبل راس زف البشارة ياصبر رتل اخباره
ياشوامخ سمارة ويا إب ألابا بلغي صنعاء

لايطول انتظاره جيوش الحق تزحف على اسواره
مثل حشد النمارة تذود اغنام ابو كهف باالمرعا

واطلق اول شرارة من الساحل بقوات جبارة
والعدو في خسارة زنابيله وقاداتهم صرعا

يوم شفنا فراره من الساحل خسر كامل انصاره
بعد ماذاق طعم المرارة من بواسل جبل ملعاء


🖊️_الشاعر/ابو أسد حمزة السبل
22/11/2021

حصيلة سجالي في منتدى روائع الأدب

(غزال رامه)

كنت احسب اكمل فيك نصف ديني
على مدار العشر من سنيني
وكان طيفك في السحر يجيني
وكنت خمسي شم ذوق إحساس

وكنت اغلى واجمل الحبايب
وكنت عندي ثامن العجايب
لما تجيني تذهب المصايب
ولا يكون بالراس اي وسواس

كنا وكانت بيننا موده
كالود ذي بين الرياض وجده
وكانت الارواح مستعده
فينا لنفدي بعضنا بالانفاس

كنا شبيه الصقر والحمامه
او كالاسد مع غزال رامه
او كالقمر والبدر في تمامه
او كالجسد بس افتراق بالراس

كنا وكانوا كُثر عاذلينا
ليل او نهار يتحدثوا علينا
اين ما مشينا عينوا صلينا
لحد كانوا يشعروا بالافلاس

كان الهوى العذري لنا مرافق
وكل مِنّا مطمئن واثق
لأن هذا الحب حب صادق
العاطفه سقفه والرغبه الساس

كنا نخابر دون ان نخابر
كانت هنا تتحدث المشاعر
لغة قلوب تحكي بهمس فاغر
ما يستطع سمعه ولا اي خناس

كنا بدولة حبنا سلاطين
لكن احاطت عرشنا الثاعبين
وتربصت فينا اعين الشياطين
وصابنا بالغدر كل جساس

صرنا نعاني بالهوى الأمرين
مُر المحبه والفراق والبين
والعين ما عادت ابد ترى العين
يا باطلاه يا منكراه من الناس

ما بش عليا لا جننت غدوه
بذنب ذي ما عندهم مروه
ذي حولوا وجه الحياه مشوه
وفي طريق الحب حطوا اجواس

شا اهيم ما قد هام قيس ليلى
على الجميل الشادن المهلى
ما انا الذي عن فاتنه تخلى
ما يخدع الا كل عرق دساس

شا اصيح لاما تعلم القبايل
يا ناس انا احبه ولن اجامل
واراسله واستقبل الرسايل
اذا قدوه الصدق بالفيس والواس

لي انتصارات بالهوى عظيمه
منها حديثه منها قديمه
لا يمكن ان أتقبل الهزيمه
حتى يجي غيري يفوز بالكاس

ختامها صلوا على محمد
شفيعنا من حر نار توقد
تعداد ما ناح الحمام وغرد
وما همى ماطر وهب نسناس


عبدالله البحم
ت /25 /11 / 2021م
ديوان الشعراء
قصائد. ومجاراة شعرية. للشعراء الاحرار
https://t.me/Dewanalshoara

حصيلة سجالي في منتدى روائع الأدب

(الجوع كافر)

صاب الله القل الذي يجعل من اصحابه ندود
حتى يدخلهم بدوامه مع اصحاب السعه

الفقر وحده صابه الباري هو الخصم اللدود
يفعل فعايل في بني ادم بتحريك اصبعه

حتى الوطن لا يمكن الجاوع على ارضه يذود
فكلما قاوم بشدة قام جوعه ينخعه

اذا اردت النصر قوم اول باشباع الجنود
وشوف كيف تسمع لصوت المعركه من قعقعه

لن يعدل القاضي وهو جاوع ولو فيها شهود
لا تأمن الحارس وهو جيعان يحرس مزرعه

الجوع كافر قد يصل بالشخص الى حد الجحود
لما يصيح الجوع بالانسان من تحت اضلعه

وقد يصير الجوع بعض احيان عند اهله وقود
فيشعلونه فوق انفسهم ومن في البرصعه

الجوع يتنافى مع القانون في بعض البنود
الا مع قول المثل فلتشبعه ثم اتبعه

حتى القناعة لن يحالفها مع الجاوع صمود
اذا انخرق ثوب القناعه صعب انك ترقعه

والكذب يتعاطف معه واليأس ايضا والكنود
وكل وازع ينتمي للشر يتعاطف معه

وابليس كم يسعى وكم يبذل مع الجاوع جهود
يمشي كما ظله يحيطه بالجهات الاربعه

حتى الحسد يصبح صديق الجوع كالاخ الودود
والحقد يتولد ويتكاثر بلاش الخيضعه



عبدالله البحم
ديوان الشعراء
قصائد. ومجاراة شعرية. للشعراء الاحرار
https://t.me/Dewanalshoara