🛑 Тожикистон Республикаси Душанбе шахрида яшовчи 1984 й.т., Т.М.Х. 1990 й.т., укаси билан бирга Бекобод туман “Ойбек” божхона пости дарвозаси олдида навбатда турган вақтларида, мазкур ҳудудда ташмачилик фаолияти билан шуғулланувчи бекободлик фуқаролар 24 ёшли Т.М.Н. ҳамда 25 ёшли А.Р.С.лар гўёки уларни видеотасвирга олганликларини иддао қилиб, уларни турли хил сўзлар билан хақорат қилган ва ўзаро жанжаллашиб кетишган.
Натижада, Тожикистон фуқароси Т.М. автомашинасида бўлган, ошхона пичоғини олиб, иккала шахсга ҳам турли даражада тан жароҳати етказган.
Мазкур ҳолат юзасидан Бекобод туман ИИБ томонидан Т.Н.га нисбатан ЖКнинг 105-моддаси билан жиноят иши қўзғатилган ва қамоқ эхтиёт чораси қўлланилган.
Шунингдек, жанжални келтириб чиқарган Т.М. ва А.Р.лар жорий йилнинг 2-июль куни ЖКнинг 277-моддаси 3-қисми “г” банди билан гумон қилинувчи тариқасида жалб қилиниб, ЖПКнинг 227-моддаси тартибида ушланган.
Ҳозирда мазкур шахсларга нисбатан тергов ҳаракатлари олиб борилмоқда.

1️⃣ Тошкент шаҳрида яшовчи, 1994 ва 1999 йилларда туғилган 2 нафар шахс ўзаро тил бириктириб, фуқароларнинг ишончига киришган ва танишлари кўмагида “G-1” визасини олиб бериш орқали уларни Жанубий Кореяга ишга юборишни, кейинчалик эса ушбу давлат ҳудудида доимий яшаш учун гувоҳнома тайёрлатиб беришни ваъда қилишган.
“Уддабуронлар” ўз хизмат ҳақлари эвазига 55 минг АҚШ доллари талаб қилишиб, олдиндан 25 минг доллар олган вақтларида ДХХнинг Тошкент шаҳар бошқармаси ва ИЖҚКД ходимлари томонидан ашёвий далиллар билан ушланди.
2️⃣ Наманган вилояти Косонсой туманида яшовчи, 2001 йилда туғилган, муқаддам Жиноят кодексининг 168-моддаси (фирибгарлик) билан судланган фуқаро ўзганинг ишончига кириб, уни ноқонуний йўллар билан Қўшма Штатларга юборишни таклиф қилган.
Хусусан, танишлари орқали “Ўзбекистон – Туркия – Испания – Мексика – АҚШ” йўналишида жўнатиш эвазига 50 минг АҚШ доллари талаб қилган.
ДХХ ва ИЖҚКД ходимлари ҳамкорлигида Тошкент шаҳрида ўтказилган тезкор тадбирда қонунбузар сўралган пул маблағи ҳисобидан 20 минг АҚШ долларини олган вақтида унинг ноқонуний ҳаракатига чек қўйилди.
⚖️ Ҳозирда ҳар икки ҳолат юзасидан мазкур шахсларга нисбатан жиноят ишлари қўзғатилиб, тергов ҳаракатлари олиб борилмоқда.
⚠️ Ҳурматли фуқаролар, хорижга ишга юбориш билан боғлиқ турли хил шубҳали таклифларга алданиб қолманг.
Энг тўғри йўл — Вазирлар Маҳкамаси ҳузуридаги Миграция агентлиги ва унинг ҳудудий бошқармаларига ҳамда махсус лицензияга эга хусусий бандлик агентликларига мурожаат қилишдир. Огоҳ бўлинг!