HERRIKO FESTAK 2026: Proposamenak egiteko aukera eta festak antolatzeko lehen bilera

🗓️ Apirilak 29, asteazkena,
🕕 18:00etan
📌 Karreaneko ganbaran
👥 Herritar ororentzat

Saioan landuko diren gaiak eta jaietarako proposamenak egiteko formularioa, jarraian:

https://www.zaldibia.eus/eu/herriko-festak-2026-proposamenak-egiteko-aukera-eta-festak-antolatzeko-lehen-bilera

GOGORATU❗

⚠️ Etzi, ostirala, apirilak 17, udako jardueretan izena emateko azken eguna.

👥 Norentzat:
2 urtetik 12 urtera bitarteko haurrentzat, eta 12tik 15era arteko gaztetxoentzat.

✍ Izen-ematea:
Hobaria eskatu behar duten familiek udaletxean eman behar dute izena. Hobaririk eskatu behar ez dutenek, ordea, kultur etxean.

ℹ️ Informazio guztia:
https://zaldibia.eus/eu/udako-jardueretarako-izen-ematea-irekita

GOGORATU❗

🗓️ Gaur, 19:00etan herri antzokian, Gipuzkoako Herriarteko Bertsolari Txapelketa.

🗣️ Alegiko Boskatu eta Zumarraga-Urretxu 1 taldeak, nor baino nor.

💶 Sarrerak antzokian bertan jarriko dira salgai saioa hasi baino lehenxeago, 10€an (18 urtez azpikoentzat eta bazkideentzat 8€).

JANGELA ZERBITZUA

Zaldibiako Lardizabal Eskolako Organo Goreneko jangela-batzordeak batzar ireki bat antolatu du.

Hezkuntza Sailetik datozen erabakiak direla eta, egungo egoera azaldu eta aurrera begira erabakiak hartzeko lehen pausoa izango da biharko bilkura.

🗓 EGUNA: apirilak 22, asteazkena
🕕 ORDUA:  18:00
📍 LEKUA: udaletxeko pleno aretoan

Bilkura ez da jangelako egungo erabiltzaileentzat bakarrik, herritar guztiei egiten zaie bertaratzeko deia.

Izan ere, komertzio, langile, familia, ekoizle eta eragileei esker ematen da egungo jangela zerbitzua eta datozen urteetan hartuko den bidea dago jokoan.

Haurren zaintza eta itzulpen zerbitzuak eskainiko dira.

Zatoz!

HELDUEN ELKARGUNEAREN INAUGURAZIO EKITALDIA

🗓️ Bihar, osteguna
🕕 18:00etan
📌 Udaletxe azpiko aretoan

Herriko pertsona helduentzako topagune irekia izango da eta saretzea, parte-hartzea eta ongizatea sustatuko dira bertan.

Herritar guztiak daude inauguraziora eta espazio berria ezagutzera gonbidatuta.

MAILEGATUTAKO LIBURUAK ITZULTZEKO BUZOI BERRIA

Gaur Liburuaren Nazioarteko Eguna dela probestuz, egun seinalatua irakurleentzat, Zaldibiako Udal Liburutegiak zerbitzu berria jarri du martxan: mailegatutako liburuak itzultzeko buzoia.

Udaletxeko sarreran dago kokatua, herritarrek aukera izan dezaten liburutegiko ordutegitik kanpo liburuak itzultzeko.

Astelehenetik ostiralera egongo da erabilgarri, 8:30etik 15:30era.

https://www.zaldibia.eus/eu/mailegatutako-liburuak-itzultzeko-buzoi-berria

BESTE ASTEBETEZ LUZATUKO DA UDAKO JARDURETAN IZENA EMATEKO EPEA

Ekainaren 29tik uztailaren 24ra bitartean egingo diren Udako jardueretan, 2 urtetik hamabi 12 urtera bitarteko haurrek eta 12tik 15era arteko gaztetxoek parte har dezakete.

✍️ Izen-ematea beste astebetez luzatzea erabaki da, eta apirilaren 30a izango da horretarako azken eguna.

⚠️ Egun horretatik aurrera ez da eskaerarik onartuko.

ℹ️ Informazioa, jarraian:
https://zaldibia.eus/eu/beste-astebetez-luzatuko-da-udako-jardueretan-izena-emateko-epea-hilaren-30era-arte

EGIN NIREKIN ERE EUSKARAZ!

UEMAren eskutik, abian da berriro ere "Egin nirekin ere euskaraz!" kanpaina. Ekimen honek aitortza egin nahi die Euskal Herrira etorri diren eta euskara ikasi duten edota ikasten ari diren euskal herritarrei, guztiak baitira euskaldun!

Kanpainari buruzko informazio guztia, hemen:
👉 labur.eus/nirekinERE26

📹 ...eta ikusi bideoa! (3 minutu besterik ez)
https://youtu.be/XqCwlqNeylI?si=Q3h7_G2RLJ-0RrOi

2026ko ZALDIBIAKO JAIAK ANTOLATZEKO LEHEN BILERA

🗓️ Bihar, asteazkena
🕕 18:00etan
📌 Karreaneko ganbaran
👥 Herritar oro dago gonbidatuta. Zatoz!

GOGORATU❗

Gaur, herriko festetarako lehen bilera. Eta BIHAR, OSTEGUNA:

🕔 17:30ean, Karreaneko Haur liburu txokoan
📚 Ipuin kontaketa herrikoia
🗣️ Flavio, Txabeli, Mateo, Nara eta Cloeren eskutik

🕡 18:30ean, Karreaneko ganbaran
📚 "Zaldi berdea" liburuaren aurkezpena
🗣️ Bertan izango da egilea: Jose Mari Sagardui "Gatza"

EGUTEGIAK DAKARRENA: 2026ko maiatza

Herriko eragileek eta udalak antolatutako hainbat ekintza izango dira maiatzean. Jarraian guztien bilduma.

https://www.zaldibia.eus/eu/egutegiak-dakarrena-2026ko-maiatza

GOGORATU❗

🗓️ Gaur, asteazkena:
17:30ean, "Zinegoak" film laburren proiekzioa Karreaneko ganbaran.

🗓️ Bihar, osteguna:
18:30ean, Kirola eta elikadura solasaldia udaletxeko areto nagusian.

🗓️ Larunbatean, hilak 9:
18:30ean, Iztueta Dantza Taldearen emanaldia Resti pilotalekuan

🗓️ Igandean, hilak 10:
10:00etan, Saturdi eta Larraitzera irteera plazatik.

BASERRITARREN EGUNA OSPATZEKO BAZKARIA

🗓️ Maiatzak 15, ostirala
📌 Illati tabernan
🕝 14:30ean hasita
💶 Tikeak Illatin daude salgai 30 euroan
⚠️ Tikeak eskuratzeko azken eguna: maiatzak 14, osteguna

🗣️ Herriko baserritarrak bazkarian parte hartzera animatu nahi ditu Zaldibiako Udalak, aukera bikaina izango baita elkartu eta bazkari atsegina igarotzeko

HERRIKO TRIKITILARI ETA PANDEROJOLEAK ELKARTZEKO DEIA

🪗🎶🎵🎶🎵🪗

Trikitixa edota panderoa jotzen badakizu? Zuretzako deialdia da hau:

🗓️ Maiatzak 13, asteazkena
🕕 18:00etan
📌 Karreaneko Ganbaran

Zatoz!

🚨 OHARRA:

Bertan behera geratu da Etxekonekok elkarteak igande honetarako antolatutako irteera.

Aurrerago egingo omen dute Saturdi eta Larraitzerako txangoa. Data berria zehaztean, hemendik jakinaraziko dugu.