GORPUTZAREN ETA ETXEAREN ZAINTZA EKOLOGIKOKO IKASTAROA

Gure arbasoek, batez ere emakumeek, bazekiten nola sortu euren zaintzarako nahiz etxerako behar zituzten produktuak eta zorionez, jakintza hori ez da galdu. Aiora Urbieta Eizagirrek gidaturiko aurreneko tailerrean xaboiak egiten ikasi bagenuen, bigarrenean usain, kolore eta tamaina ezberdinetako intsentsuak eta kandelak egingo ditugu. Noiz? Urriaren 21ean, ostiralean, 17:00 eta 19:00ak bitartean, Zubi-Buru elkartean. Urriaren 20rako eman behar da izena, 10€ ordainduta.

Informazio guztia hemen ikusgai: https://zaldibia.eus/eu/gorputzaren-eta-etxearen-zaintza-ekologikoko-ikastaroa-2

HERRIKO JAIEN BALORAZIO SAIOA

Amaitu dira 2022ko Zaldibiko festak eta barolazioa egiteko unea iritsi da. Urriak 25 asteartea balorazio saioa burutuko dugu Udaletxeko HERRI ARETOAn arratsaldeko 18:30etan.

Ordubeteko iraupena izango duen saio dinamikoa izango da, ondo egindakoak, aldatzekoak edota hobetzekoak jasotzeko helburuz. Hemen duzue bileran parte hartzeko izena emateko aukera:

https://zaldibia.eus/eu/herriko-jaien-balorazio-saioa

ZALDIBIAKO UDALA

LEHEN BI AUZO KONPOSTGUNEAK MARTXAN

Dagoeneko 40 familia inguruk eman dute izena eta asteartetik bertara daramatzate beraien etxeko hondakin organikoak. 40 etxe hauetan ez daude kamioiaren zain, nahi eta behar dutenean atera dezakete organikoa, gainera hondakin tasan %8ko hobaria jasoko dute urtarriletik aurrera. Hobari bera jasoko dute organikoa etxean konpostatu edo animalientzako bazka bezala erabiltzen dutenek.

Horretarako udaletxean izena eman behar da. Jarraian informazio zehatzagoa:

https://zaldibia.eus/eu/lehen-bi-auzo-konpostguneak-martxan

ZALDIBIAKO UDALA

PLAZAREN DISEINUA AUZOLANEAN! AURKEZPENA URRIAREN 27an

Datorren ostegunean, urriaren 27a, arratsaldeko 18:30ean udaletxeko areto nagusian egingo da Ertzetik Erdira plazako diseinuaren prozesuko 3. fasearen aurkezpena. Plazako proiektua idazteko azken urratsean sartzera goaz eta aurkezpenean emango dira hauei buruzko azalpenak.

Herritarrei bertaratzeko deia egiten dizuegu, eman bide auzolanari!

https://zaldibia.org/EspazioSorkuntza/albisteak/plazaren-diseinua-auzolanean-aurkezpena-urriaren-27an

Telegram aplikazioaren ikastaro praktikoa

Ostegunerako, urriaren 27rako, TELEGRAM aplikazioaren inguruko IKASTARO PRAKTIKOA antolatu du udalak. Bi saio izango dira lehena euskaraz ez dakitenentzat 14:45etik 15:45era eta bigarrena 16:15etik 17:15era, saio orokorra.

Interesatuek kultur etxean edo hemen bertan eman dezakete izena: https://zaldibia.eus/eu/telegram-aplikazioaren-ikastaro-praktikoa

ZALDIBIAKO UDALA

Oharra: udaleko harrera puntuetan formakuntza saioa gaur

Urriaren 25ean eta azaroaren 8an, biak astearteak, eguerdiko 13:00etatik 15:30era udaleko harrera puntuak itxita egongo dira formakuntza saioak direla eta.

Zaldibiako harrera integrala diseinatu eta martxan jartzeko proiektuaren baitan, herritarren harrera egiten duten udal langileek (administrazio orokorra, gizarte zerbitzuak eta kultur-kirol zerbitzuak) ikastaroa izango dute, udal arduradun politikoekin batera.

Beraz, bi egun horietako ordu tarte horretan harrera puntuak itxi egingo dira. https://zaldibia.eus/eu/oharra-udaleko-harrera-puntuetan-formakuntza-saioa-asteartean

ZALDIBIAKO UDALA

Telegram aplikazioaren ikastaro praktikoa

Abian da TELEGRAM aplikazioaren inguruko IKASTARO PRAKTIKOAren lehen saioa. Bigarrena 16:15etik 17:15era izango da, udaletxeko Herri Aretoan.

Plaza batzuk badaude, interesatuak bertaratu lasai beraz.
https://zaldibia.eus/eu/telegram-aplikazioaren-ikastaro-praktikoa

ZALDIBIAKO UDALA

PLAZAREN DISEINUA AUZOLANEAN! AURKEZPENA GAUR

**Gaur, urriaren 27a, arratsaldeko 18:30ean udaletxeko areto nagusian egingo da Ertzetik Erdira plazako diseinuaren prozesuko 3. fasearen aurkezpena.

Plazako proiektua idazteko azken urratsean sartzera goaz eta aurkezpenean emango dira hauei buruzko azalpenak.

Herritarrei bertaratzeko deia egiten dizuegu, eman bide auzolanari!

https://zaldibia.org/EspazioSorkuntza/albisteak/plazaren-diseinua-auzolanean-aurkezpena-urriaren-27an

"Zaldibi, gaztetxoen kabi!" egitasmoa bueltan da

Zaldibiako nerabeek herriarekiko duten lotura indartzeko asmoz iaz sortutako proiektua martxan da berriz. Ikasturte honetan DBH1, DBH2 eta DBH3n dabiltzan gaztetxoei dago zuzendua, bi dinamizatzaile lagun dituztela. Astelehenean zabaldu zen izen-ematea eta azaroaren 4ra arte egongo da horretarako aukera. Hemen duzue informazio guztia:

https://zaldibia.eus/eu/zaldibi-gaztetxoen-kabi-egitasmoa-bueltan-da-1


Digilagun: ingurumena zainduz, aukera berri bat ireki

Arrakala digitala gero eta handiago den garai hauetan, DIGILAGUN egitasmoa iritsi zaigu IZT kooperatibaren ardura sozialaren eskutik. Aldatzen diren ordenagailuak garbitu, sofware libreaz hornitu eta bizi berri bat eman dioten lehen zazpi ordenagailuak Zaldibiako Udalaren gizarte zerbitzuen esku utzi dituzte.

https://zaldibia.eus/eu/digilagun-ingurumena-zainduz-aukera-berri-bat-ireki

Urriaren 12ko ez-ohiko osoko bilkurako kronika

https://zaldibia.eus/eu/urriaren-12ko-ez-ohiko-osoko-bilkurako-kronika

Trafiko oharrak: Larunbat eta igandean Santa Fe kalea itxiko da eta antzokiko aparkalekuan ezingo da kotxea utzi gaurtik astelehenera bitarte

https://zaldibia.eus/eu/trafiko-oharra-larunbat-eta-igandean-santa-fe-kalea-itxiko-da

ZALDIBIAKO UDALA

AMAraun ikuskizuna Zaldibiako Herri Antzokian

Oihana Iguaran dantzari eta bertsolaria eta Amaiur Luluaga dantzaria gidari dituen ikuskizun honetan, amatasunaren inguruan hausnartzen da musika, kantua eta dantza uztartuta. Enpatia eta aitortza ariketa bat amatasun mota guztiekiko, eta hausnarketa bat gizartean figura horrek betetzen duen paperarekiko.

Gazte eta helduei zuzendutako ikuskizuna da. Azaroaren 4an, ostiralean, izango da gaueko 22:00etan Herri Antzokian.

Hemen informazio osoa: https://zaldibia.eus/eu/amaraun-ikuskizuna-zaldibiako-herri-antzokian-1


2023ko egutegirako argazkien eskaera

Zaldibiako Udalak urtero argitaratzen du etxez etxe banatzen duen egutegia. Aurten ere, helburu horrekin, herriarekin zerikusia duten argazkiak bildu nahi ditugu.

Beraz, argazkiren bat izan eta egutegian argitaratzea nahi bazenute, kultur etxera eraman edo emailez bidali kulturetxea@zaldibia.eus helbidera, izenburuan “2023rako egutegirako argazkiak” jarrita. Argazkiak bidaltzeko azken eguna azaroaren 15a, asteartea, izango da.

ZALDIBIAKO UDALA

Kimueneko azken fasea eta Udaletxeko eguzki-plakak: urte hasieran onartutako proiektuak errealitate bihurtzen

Aurrekontuak onartzearekin batera eman zitzaien bide bi proiektuei. Batak, segida ematen dio 2018an irekitako Kimuene Kulturgunea egokitzeari, eta besteak 2021ean haurreskolako teilatuan jarritako energia auto-hornikuntzaren bideari.

Jarraian informazio osoa: https://zaldibia.eus/eu/kimueneko-azken-fasea-eta-udaletxeko-eguzki-plakak-urte-hasieran-onartutako-proiektuak-errealitate-bihurtzen


GAUR jarriko dira salgai ostiral gaueko AMAraun ikuskizunerako sarrerak

Arratsaldeko 17:30etik aurrera Karreane Kultur Etxean izango dira eskuragarri sarrerak, agortu arte. Ikuskizuna ostiralean izango da gaueko 22:00etan Herri Antzokian.

https://zaldibia.eus/eu/amaraun-ikuskizuna-zaldibiako-herri-antzokian-1

ZALDIBIAKO UDALA

GAUR astelehena 21:00tatik aurrera bolumen handiko hondakinak atera daitezke. https://zaldibia.eus/eu/bolumen-handiko-traste-zaharren-bilketa-12

KONPOSTA ETA HOBARI SISTEMA: informazio eta izen-emate postua plazan bihar

Urte berriaren batera sartuko da indarrean hondakinak sortze bidezko hobarien sistema. Auzokonposta guneak ere, lehen biak martxan dira. Dagoeneko 60 familiatik gora dira organikoa konpostaz edo animalia bazka gisa erabiliz kudeatuko dutela konpromisoa hartu dutenak, horrekin gehieneko hobaria ziurtatuz.

Informazioa eta izena emateko bideak erraztu asmoz, bihar, OSTIRALA, INFORMAZIO GUNEA jarriko da PLAZAN:
- Goizean, 10:30etik 12:30era
- Arratsaldean, 17:30etik 19:30ra.

Gerturatu eta informatzeko deia egiten dizuegu herritarrei.

ZALDIBIAKO UDALA

Zaldibiako konpostatze proiektua, eredu eta ikas-toki

Martxan jarri berri den konpostatze proiektua eta urte hasierarekin martxan jarriko den sortze bidezko hobari sistema, herrian ez ezik inguruan ere interesa sortzen ari da. Nafarroako Gobernuan jardunaldi batzuetan izan gara proiektua aurkezten eta IHOBEren konpostatzaile ikastaro ofizialaren saioa Zaldibian egin zen asteazkenean.

GAUR, INFORMAZIO ETA IZEN EMATE POSTUA egongo da plazan, goizez eta arratsaldez herritarrak gerturatu eta informatzeko.

https://zaldibia.eus/eu/zaldibiako-konpostatze-proiektua-eredu-eta-ikas-toki

https://zaldibia.eus/eu/konposta-eta-hobari-sistema-informazio-eta-izen-emate-postua-ostiralean-plazan

ZALDIBIAKO UDALA

Resti Pilotalekua: kurtso eta argi-sistema berria martxan

Kurtso berria hastearekin batera, zehaztuta dago herriko kirol talde eta eragileen antolaketaren arabera Restiren erabilera ordutegia, eta martxan daude foko berriak, piztu eta itzaltzeko sistema berriarekin.

Lotura honetan sakatuz kontsultatu dezakezu ordutegien taula eta argi-sistema berriari buruzko informazio osoa. Neguari begira argia automatikoki piztuko da ordu tarte batzuetan eta argi-orduak erosteko aukera ere egongo da.

https://zaldibia.eus/eu/resti-pilotalekua-kurtso-eta-argi-sistema-berria-martxan

ZALDIBIAKO UDALA

Zaldibiako jaiak 2022: balorazioa

Azaroan sartzearekin batera atzera geratu zaigu Zaldibian hain betea izaten dugun urria eta balorazioak egiteko une aproposa dugu.

Dokumentu batean bildu ditugu orain arte jasotako balorazioak eta ikusgai jarri dugu udal web orrian, irakurri eta ekarpenak egiteko aukera ere emanaz. Aurtengoak ederrak izan badira, datozenak ederragoak izatea da helburua.

https://zaldibia.eus/eu/zaldibiako-jaiak-2022-balorazioa

ZALDIBIAKO UDALA

Gazteok arnas eguna Larrabetzun

Udalerri Euskaldunetako gazteen topaketa antolatu du UEMAk azaroaren 26an, larunbata, Larrabetzun. Egun osoko egitaraua izango da eta autobusa jarriko da Goierriko hainbat herriren artean gazteei bidaia errazteko.

Ikusi jarraian egitaraua eta informazioa: https://zaldibia.eus/eu/gazteok-arnas-eguna-larrabetzun


ZALDIBIAKO UDALA eta UEMA

BADATOR UTOPIEN LANTEGIA

Ertzetik erdira: espazioen sorkuntza auzolanean

🏡🛝⛲🏘🪵🏕🏫🎡🌅🚲🚦

Azaroaren 14tik 20ra “Utopien lantegia” bihurtuko da herri aretoa, arkitektura ikasleek bertan lan egingo dutelarik ateak zabalik eta herritarrekin elkarlanean.

Herriko plazari buruz amesteko, arkitektura ikasleekin ekainera bitarte antolatuko diren hiru topaketetan lehena egingo da eta herritarren partaidetza funtsezkoa izanik, horretarako aukera ugari izango da:

1. EGUNERO, azaroaren 14tik 20ra, ARRATSALDEZ, udaleko herri aretora bertaratu lasai. Sartu, ikusi, galdetu, esan… ateak irekita  egongo dira edozeinentzat!

2. SAIO BEREZIAK:

o Azaroren 16a, ASTEAZKENA:
✏14:30etik 16:00etara Lardizabal Herri eskolako ikasleak
✏ 17:00etatik 18:30era 11-15 urte bitarteko gaztetxoak

o Azaroaren 17a, OSTEGUNA:
✏ 16:00etatik 17:00etara adinekoak 
✏17:30etik 19:00etara guraso edota helduak 

o Azaroaren 18a, OSTIRALA:
✏ 17:30etik 18:30era herriko gazteak eta eragileak
✏ 19:00etatik 20:00etara saio irekia

Informazio osoa: https://zaldibia.org/EspazioSorkuntza/albisteak/badator-utopien-lantegia

Zatoz, beraz, utopien lantegira eta ekar ditzagun ametsak lurrera!