EUSKARAREKIN BAT LELOPEAN, ELKARRETARATZEA LARUNBATEAN

Espainiako Auzitegi Gorenak atzera bota ditu VOXen eskariz EAEko udal legearen dekretutik baliogabetutako artikulu gehienak. Epaiaren larritasuna ikusita, UEMAko gainontzeko kideek bezala, Zaldibiako Udalak dei egiten die herritarrei epaia salatu eta euskaldunon eskubideen alde egingo den elkarretaratzean parte hartzera. Larunbat honetan, uztailaren 19an, 12:00etan Zaldibiako udaletxe aurrean.

https://zaldibia.eus/eu/euskararekin-bat-lelopean-elkarretaratzea-larunbatean

Zaldibiako Udala

MENOPAUSIA EZAGUTU, ULERTU ETA AHALIK ETA ETEKIN GEHIEN ATERATZEKO TAILERRA

Irailaren 17an, Karreanen, Anabel Urkiola zoru pelbikoan espezializatutako fisioterapeuta eta Uxue Castellano emaginaren eskutik. Etapa honetan emakumeek izan ditzaketen alterazio fisiologikoak, emozioetan izan dezaketen eragina eta ongizaterako baliabide ezberdinak izango dira hizpide. Plaza mugatuak dira eta irailaren 12ra arte eman daiteke izena, jarraian (30€).

https://zaldibia.eus/eu/menopausia-ezagutu-ulertu-eta-ahalik-eta-etekin-gehien-ateratzeko-tailerra

Zaldibiako Udala

MOZORRO EGUNEKO ARROZ BAZKARI HERRIKOIA ANTOLATZEKO BILERA EGINGO DA ASTEARTEAN

Arroz Bazkari Herrikoian parte hartuko duten *kuadrilla edo talde bakoitzetik kide banak bileran parte hartzea eskatzen da*.

Bilera asteartean izango da, 17:30ean hasita, Karreane kultur etxean.

Asistentzia konfirmatzeko Karreanen edo lotura honetan izena emanda: https://zaldibia.eus/eu/mozorro-eguneko-arroz-bazkari-herrikoia-antolatzeko-bilera-egingo-da-asteartean

BERRIKUNTZA LANAK EGIN DIRA ESKOLAN IKASTURTE BERRIARI BEGIRA

Udarako geldialdia aprobetxatuz, urtero egin ohi dira hainbat berrikuntza lan. Aurten batik bat Lehen Hezkuntzako ikasgeletan esku hartu da, zorua aldatuz eta margoketa lanak eginez.

Ikasturte berriak erronka gehigarriak dakarzkigu, espazioz txiki geratu den eskolan behin-behineko modulu gehigarri bat jarriko baita udazkenean zehar eta egungo eraikinari lotuko zaion eraikin berriaren proiektua landuko baita.

Jarraian informazio gehiago: https://zaldibia.eus/eu/eskolan-berrikuntza-lanak-egin-dira-ikasturte-berriari-begira

Zaldibiako Udala

EUSKARA IKASTAROETAN IZENA EMATEKO EPEA IREKI DA

Zaldibiako Udalak, AEK euskaltegiak eta UEMAk euskara ikasi nahi duten herritarren asmo eta beharrak ezagutu nahi ditugu, herriko aurtengo ikastaro eskaintza antolatzeko.

Eskertuko genuke euskara ikasteko asmoa duten herritarrek izena emateko honako galdetegi hau betetzea edo zuzenean Karreane kultur etxera bertaratzea.

Berritasunak:

- Guraso taldea UEMAk sustatuta Lardizabal Eskolan eskainiko den ikastaroa. Guraso direnentzat egokitutako metodologia eta edukiez osatuta, euskarara lehen hurbilpena egiteko.

- Mintzalagunak: euskal hiztunak eta euskara praktikatu nahi duten herritarrak lotu nahi ditugu.

Galdetegia: https://zaldibia.eus/eu/euskara-ikastaroetan-izena-emateko-epea-ireki-da

Epea: irailaren 12ra arte eman daiteke izena.

Zaldibiako Udala

Jaietan jakiak saltzeko bi espazio zozketatuko dira aurkezten diren furgoneten artean

Zaldibiako jaietan ogitarteko eta abarrak saltzeko postuen hainbat eskaera izaten dira. Eskaeren artean bi espazio zozketatuko dira: bat zozketa libre bidez eta bestea Goierrin erregistratutako jarduera ekonomikodunen arteko zozketa bidez. Jarraian oinarriak eta informazio gehiago.

https://zaldibia.eus/eu/jaietan-jakiak-saltzeko-bi-espazio-zozketatuko-dira-aurkezten-diren-furgoneten-artean

Zaldibiako Udala

EGUTEGIAK DAKARRENA: 2025eko iraila

Herriko eragileek eta udalak antolatutako hainbat ekintza izango dira irailean. Jarraian guztien bilduma.

https://zaldibia.eus/eu/egutegiak-dakarrena-2025eko-iraila

Zaldibiako Udala

FESTAK 2025: Mozorro Eguneko Arroz Bazkari Herrikoian izena emateko epea ireki da

Irailaren 25era bitartean eman daiteke izena Arroz Bazkari Herrikoian. Horretarako, kuadrilla bakoitzak ordezkari bat izendatu behar du eta eskaera bete.

https://www.zaldibia.eus/eu/festak-2025-mozorro-eguneko-arroz-bazkari-herrikoian-izena-emateko-epea-ireki-da

Zaldibiako Udala

FESTAK 2025 EGITARAUA

Mondeju usainarekin batera ate joka ditugu Zaldibiko festak. Urriak 2,3,4,5 eta 11n ospatuko dira aurten eta hemen duzue azken hilabeteetan herriko eragile eta norbanakoekin batera egositako egitarau zabala. Datorren astean etxe guztietara banatuko den euskarriaren bertsio digitala duzue hau.

https://zaldibia.eus/eu/festak-2025-egitaraua

Zaldibiako Udala

Ur zerbitzuaren inguko oharra

Atzo goizean Artxabal depositu aurretik zegoen ur fuga baten konponketak aurreikusitakoa baino denbora gehiago eraman zuen.

Hori dela eta, Artxabal eta Urtsularre deposituek hornitzen duten sarean sortutako haizeek eta presio gehikuntzaren ondorioz martxan jarri ziren segurtasun balbulek ura puntu altuetara iristea eragotzi zuten.

Gaur goizean ura puntu gehienetara iristen ari bada ere, haizeteek jarrai dezakete.

Lanean ari gara goizean zehar ur hornidura puntu guztietan ahalik eta azkarren eduki ahal izateko.

Zaldibiako Udala

UDAKO ESKUZ BINAKAKO PILOTA TXAPELKETA

Ostiral honetan, arratsaldeko 19:00etan bi partida jokatuko dira Resti pilotalekuan. Festen egitarauaren barruan antolatutako jaialdia da eta bi herritarrek parte hartuko dute bertan: Ezki Aristik aurrenekoan eta Lide Lopez Muruak bigarrenean. Sarrera doan da. Zatoz!

https://www.zaldibia.eus/eu/udako-eskuz-binakako-pilota-txapelketa

Zaldibiako Udala

HITZALDIA:
👇
"EUSKARA eta KULTURARTEKOTASUNA Zaldibian"
 
🔸Eguna: irailak 24, asteazkena
🔸Ordua: 17:00-18:30
🔸Non: udaletxean

🔸 Norentzat:
✔️ Eskolako familia berrientzat
✔️ Aurreko urteetan hitzaldi honetara joan ez direnentzat
✔️ Irakasle berrientzat
✔️ Herritarrentzat
✔️ Interesa duen edonorentzat

🟠 Lau HIZLARI izango ditugu aurten:
- Nahikari Lopez
- Ainara Nazabal
- Flavio Banterla
- Amelia Barquin

Anima zaitez, eta etorri saio interesgarri honetara.

‼️ Haur txikientzat ZAINTZA eskainiko da. Zerbitzu hau behar duenak aurrez eskolan jakinaraztea eskatzen da

@LardizabalEskolaZaldibia

NEKAZARITZA EKOLOGIKOAREN ALDEKO PAUSOA

Zaldibiak, Amezketak, Ataunek eta Urduñak jendarteratu dutenez, haien mendi lurrak nekazal ekoizpen ekologikoan ziurtatuko dituzte, mendi lurren kudeaketa abeltzaintza eredu ekologikoarekin bateragarria izan dadin. Jarraian informazio gehiago.

https://zaldibia.eus/eu/nekazaritza-ekologikoaren-aldeko-pausoa

Zaldibiako Udala

SAIO IREKIA: Ezagutu konpostaia prozesua bertatik bertara

Aditu baten eskutik informazioa jaso, zalantzak argitu eta esperientzia elkarbanatzeko tartea izango dugu asteartean, 18:00etan Artxanberriko konpostgunean. Jada konposta egiten dutenentzako zein hasteko interesa dutenentzako saioa da.

GOGORATU:
🔸 Gaur da azken eguna arroz bazkari herrikoian izena emateko. Horretarako, formularioa bete: https://zaldibia.eus/eu/festak-2025-mozorro-eguneko-arroz-bazkari-herrikoian-izena-emateko-epea-ireki-da
🔸 Kuadrilla eguneko bazkarirako, ordea, tikeak herriko tabernetan daude salgai urriaren 8ra arte.

https://zaldibia.eus/eu/aparkalekuak-eta-giza-legezko-jokabidea

Urtero festetan egiten duten moduan, bihar (asteartea) hasiko dira barrakak eskola ondoko parkinean kokatzen. Honek dagoeneko nahiko korapilatsua den aparkalekuen kontua are gehiago tentsionatuko duela aurreikusi dezakegu. Horregatik eskatzen diegu garaje jabeei enpatiaz jokatzeko eta beraien ibilgailuak garajeetan sar ditzaten, gainontzeko herritarrei gauzak errazte aldera.

TRAFIKO OHARRA: Zaldibiko festak 2025

Hastear dauden herriko jaiak direla eta, hauek iraun bitartean, herriguneko ibilgailuen joan etorrian eta aparkalekuetan eragingo duten zenbait neurri hartu dira. Jarraian dituzue ikusgai.

https://zaldibia.eus/eu/trafiko-oharra-zaldibiko-festak-2025

Zaldibiako Udala

Izena eman daiteke 2025/2026 ikasturteko kirol ikastaroetan

Pilates eta Hipopresiboak, Hirugarren Adineko Mantenimendua, eta Buru eta Gorputz Estimulazioa ikastaroak antolatu dira 2025/2026 ikasturterako, eta urriaren 15era arte zabalik egongo da izena emateko epea.

https://www.zaldibia.eus/eu/izena-eman-daiteke-20252026-ikasturteko-kirol-ikastaroetan

Zaldibiako Udala

GOGORATU: bihar, asteazkena, kuadrilla eguneko bazkarirako tikeak erosteko azken eguna. Azken tikeak Arresenen eta Beti-Gazten salgai. Zeliako eta beganoek kultur etxean jakinarazi.