TRAFIKO OHARRA: MAIATZAK 30, OSTIRALA

Ostiralean, Irristaka Zaldibiako Patinaje taldeak antolatutako IV. Patin Topaketa dela eta, Ibilgailuen joan etorria etengo da Santa Fe eta Artxanberri kaleetan. Hemen duzue informazio guztia.

https://zaldibia.eus/eu/trafiko-oharra-maiatzak-30-ostirala-1

Zaldibiako Udala

EGUTEGIAK DAKARRENA: 2025EKO EKAINA

Herriko eragileek eta udalak antolatutako hainbat ekintza izango dira ekainean. Jarraian guztien bilduma.

https://zaldibia.eus/eu/egutegiak-dakarrena-2025eko-ekaina

Zaldibiako Udala

ADIERAZPEN INSTITUZIONALA:

Zaldibiako udalbatzak ahobatez erabaki du "Herri libre bat. Euskal Herriak erabaki!" lemapean ekainaren 7rako Gure Eskuk egindako deialdiarekin bat egitea, zaldibiarrak Bilbora joan daitezen animatuz. Jarraian adierazpena.

https://www.zaldibia.eus/eu/adierazpen-instituzionala-1

Zaldibiako Udala

Ireki da udako ikastaroetan izena emateko epea

Aurten berrikuntzekin dator 'Udaz Blai' kanpaina: Piragua, Mutikirol eta Danceflow ikastaroak eta Marrazketa eta Eskulan tailerra eskainiko dira. Izen-ematea zabalik egongo da ekainaren 11ra arte, baina plaza mugatuak direnez, izen-emate ordenaren arabera esleituko dira.

https://zaldibia.eus/eu/ireki-da-udako-ikastaroetan-izena-emateko-epea

Zaldibiako Udala

Trafiko oharra: Ekainak 7, larunbata

Zaldibiako Txirrindularitza Bultzatuz taldeak Eskolarteko Txirrindu Proba antolatu duela eta, ibilgailuen joan etorria etengo da ondoren zehaztutako ordu eta eremuetan.

https://zaldibia.eus/eu/trafiko-oharra-ekainak-7-larunbata

Zaldibiako Udala

2025/2026 ikasturtean euskara ikasi nahi duten herritarrei deia

Aurten berrikuntza gisa, euskara ez dakiten gurasoen beharretara egokitutako ikastaroa sortu dute UEMAk eta AEK Euskaltegiak. Zaldibiako Lardizabal Eskolan eskainiko da gurasoei bideratutako ikastaroa.

https://www.zaldibia.eus/eu/20252026-ikasturtean-euskara-ikasi-nahi-duten-herritarrei-deia

Zaldibiako Udala

Eta aste honetan, zer?

Alamartxo gaueko egitaraua:

Ekainaren 23an, astelehenarekin, ospatuko dugu urtero bezala udako solstizioaren festa. Egitaraua prest dago eta azken urteetan bezala, plazan afaltzeko mahai eta aulkien eskaerak nola egin ere albiste honetan irakur dezakezu.

https://www.zaldibia.eus/eu/alamartxo-gaueko-egitaraua-1

Zaldibiako Udala

BART GAUEKO EURITEAREN ONDORIOAK AZALERA

Bart gauean izandako euri jasak eragindakoari aurre egiteko koordinazioa, komunikazioa eta auzolana bideratzen ari gara Udaletik.

- UDALEKO TELEFONOA IREKITA: 943 88 03 57 - mezua entzutean sakatu 2. ZERTARAKO? Intzidentzien berri eman, eta giza edo baliabide laguntza eskatzeko. Ahal den heinean erantzuten saiatuko gara.

- AUZOLANERAKO DEIA: Lardizabal Eskola ataria eta inguruan txukunketa lanak egiteko deia egiten zaie herritarrei. ORDUA: goizeko 9:30etik aurrera. LEKUA: Eskola atarian. EKARRI BEHARREKOA: lokatzetan lan egiteko oinetako eta arropa egokiak eta ahal dela palak, aitzurrak, karretillak...

- TRASTE ZAHARREN BILKETA: Gogorarazten zaizue, garaje edo behebarruen garbiketan ari zareten herritarrei, Ordiziako Garbigunea irekita izango dela gaur, larunbata, 9:00etatik 13:00etara eta astelehenetik aurrera 9:00-13:00 eta 15:30-18:00 ordutegian. Era berean, hileroko TRASTE ZAHARREN bilketa egutegia kontuan izanik, astelehen iluntzean herrian bertan hartara bideratutako ohiko puntuetan utzi ahal izango dira trasteak.

Zaldibiako Udala

GOGORATU: gaur, 18:30ean, Musika Eskolako ikasleen kontzertua herriko plazan.

Trafiko oharra: Ekainak 23, astelehena

Astelehenean, hilak 23, Alamartxo gaua izanik, ibilgailuen joan etorria etengo da jarraian zehaztutako ordu eta eremuan.

https://www.zaldibia.eus/eu/trafiko-oharra-ekainak-23-astelehena

Zaldibiako Udala

Trafiko oharra: Ekainak 20, ostirala

Bihar, ostirala, ekainak 20, Lardizabal Eskolako ikasturte amaierako festa izanik, ibilgailuen joan etorria etengo da jarraian zehaztutako ordu eta eremuan.

https://zaldibia.eus/eu/trafiko-oharra-ekainak-20-ostirala

Zaldibiako Udala

ALAMARTXO GAUA

Ekainaren 23an, astelehenarekin, ospatuko dugu urtero bezala udako solstizioaren festa.

Herriko bi Elkarteek antolatutako herri afariko txartelak gaur iluntzean, 19:30etik aurrera plazan salduko dituzte. 150 lagunentzako antolatu dute afaria.

Horretaz gain, norbere afaria ekarrita plazan afaldu nahi dutenentzat mahai eta aulkiak erreserbatzeko aukera egon da egunotan.

Gehienak banatu dira, baina oraindik erreserba egin ez dutenek aukera dute gaur 18:30ak arte Kultur Etxera joan edo deituta (943 16 03 38) eskaera egiteko.

Zaldibiako Udala

Karreane kultur etxeak udako ordutegia izango du datozen asteetan

Alamartxo gauarekin batera, udako ordutegia abiatu du Karreane kultur etxeak. Ekaineko azken astean eta uztail osoan 09:30etik 13:30era izango da irekita. Abuztuaren 1etik 31ra (biak barne) itxita egongo da.

https://zaldibia.eus/eu/karreane-kultur-etxeak-udako-ordutegia-izango-du-datozen-asteetan

Zaldibiako Udala

"Zarata", LGBTI+ kolektiboarekiko dugun ikuspegia zabaltzeko

Uztailaren 3an, ostegun arratsaldean, LGBTI+ kolektiboaren inguruko hausnarketa egitera bultzatzen duen audogida erako erakusketa egongo da kultur etxean. 10 artistaren istorio bana entzungo dute parte hartzaileek, proposamen bisualak ikusten dituzten bitartean: irudiak, berriak, argazkiak...

https://zaldibia.eus/eu/zarata-lgbti-kolektiboarekiko-dugun-ikuspegia-zabaltzeko

Zaldibiako Udala