ZALDIBIAKO ASTEKO BERRIAK

Udako kirol jardueratan gustora aritu dira haur eta gaztetxoak
Aurten ere, joan den astean zehazki, Zaldibiako haur eta gaztetxoek udako kanpainako kirol saioez gozatu dute: piraguak, tenisa eta gaztetxoentzako "Gazte-forman" modalitate berria, zeinetan musika lagun izanik ariketa fisikoa egin duten. Barruan daude argazkiak ikusgai.
https://zaldibia.eus/eu/udako-kirol-jardueratan-gustora-aritu-dira-haur-eta-gaztetxoak

Euskara ikasteagatik dirulaguntza eskatzeko deialdia
2021/2022 ikasturtean Zaldibian antolatutako kurtsoan edo beste euskaltegi/barnetegi homologaturen batean ikasi dutenek eskatu ahal izango dute dirulaguntza. Irailera arteko epea izango dute horretarako, hura barne. 2022/2023 ikasturterako izena emango dutenek, berriz, matrikula bete eta 15 egun izango dituzte dirulaguntza eskatzeko. Barruan dituzue deialdiaren oinarriak eta bertan aurkituko duzue informazio guztia.
https://zaldibia.eus/eu/euskara-ikasteagatik-dirulaguntza-eskatzeko-deialdia

Txamarretxeko festak uztailaren 16an
Bueltan dira Txamarretxeko festak, uztailaren 16rako egitaraua plazaratu dute.
https://zaldibia.org/zaldibiatb/albisteak/txamarretxeko-festak-uztailaren-16an

Ez-Ohiko Osoko Bilkuraren kronika
2022ko uztailaren 6an Zaldibiako Udalean burututako ez-ohiko osoko bilkuraren inguruko informazio guztia duzue jarraian.
https://zaldibia.eus/eu/ez-ohiko-osoko-bilkuraren-kronika

Haurren San Ferminak eta ur jolasak iruditan
Uztailaren 6an, Iruñean edo Lesakan bezalaxe, Udako jardueren barruan Zaldibiako txikienek San Ferminak ospatu zituzten. Aurtengoan, eguraldia tarteko, Resti pilotalekuan. Bestalde, izan ditugun egun bero hauei aurre egiteko, plan ezin hobea izan zuten asteazkenean: ur jolasak. Barruan dituzue argazkiak ikusgai.
https://zaldibia.eus/eu/haurren-san-ferminak-eta-ur-jolasak-iruditan

GAUR AMAITUKO DA NAZIOARTEKO SORKUNTZA BURUJABEARI BURUZKO ARKITEKTURA LANTEGIA

Jarraian duzue gaur arratsalde/iluntzerako programazioa:

17:00etan Udalbiltzaren eskutik: “Zaintzen gaituzten herriak” mahai-ingurua, Hernani, Usurbil, Segura eta Zaldibiako alkateekin eta Irati Mogollon soziologoak gidatua.
19:00etan Arkitektura interbentzioen irekiera
20:00etan Zo-zongo perkusio ikuskizuna
21:30ean Sagardoa txotxetik eta afaria norberaren kontu plazan
23:00etan Rukula taldearen kontzertua

Dei egiten diegu herritarrei plazara eta ekintzetara gerturatu eta parte hartzeko!

ZALDIBIAKO UDALA

Bolumen handiko traste zaharren bilketa
Uztailak 18 astelehena. Gaueko 21:00etatik aurrera atera ahal izango dira garbigunera eraman ezin ditzakegun trasteak. Gogoratu HILABETEKO 1. eta 3. ASTELEHENetan SOILIK atera daitezkeela traste zaharrak. https://zaldibia.eus/eu/bolumen-handiko-traste-zaharren-bilketa-10

OHARRA: ERREKA

Azken egunetan Amundarain errekan, Eskolako zubiaren eta harrizko zubiaren arteko eremuan, bainatu diren hainbat herritarrek azkura eta azaleko kalteak izan dituztela jakinarazi digute.

Eremu hau ez da bainu leku ofizialen barne kokatzen, nahiz eta jende askok hartarako erabili. Horregatik, gogorarazten dugu norberaren ardura dela bertan gerta daitekeena.

Ohar honen eta eremuan bertan jarri diren oharren bidez jakitera eman nahi dugu egun hauetan eta eremu horretan eman den egoera, bainatu edo ez erabakitzerako orduan kontuan izateko.

https://zaldibia.eus/eu/oharra-erreka

ZALDIBIAKO UDALA

PREST DAGO JOLAS ETA HEZKUNTZA EREMU BERRIA
Proiektu hau Lardizabal Eskolako kanpo espazioa jorratzeko batzorde mistoan landu da ikasturte honetan zehar eta aurre ikusi bezala prest dago eremu berria eskola aurrean. https://zaldibia.eus/eu/prest-dago-jolas-eta-hezkuntza-eremu-berria

Argazkiak: https://flic.kr/s/aHBqjA3vQV

Elbarrena eta Urtesabel auzoetan, ur-mozketa izango da asteartean

Azken asteetan, Toki-Goxo eta Elbarrena industrialdeko pabilioien arteko ur-edangarriaren hodi berria jartzeko lanak burutzen aritu dira eta lan hauen bidez ezagutu den beste matxura bat konpontzeko 3 orduko iraupeneko ur mozketa egingo da bihar asteartea abuztuak 23, 15:00etan hasita. Mozketa honek Elbarrena eta Urtesabel auzoetako herritar eta erabiltzaileei eragingo die.

Informazio guztia: https://zaldibia.eus/eu/elbarrena-eta-urtesabelen-ur-mozketa-izango-da-asteartean

ZALDIBIAKO UDALA

PLAZAKO TOKI ALAI FRONTOIKO ARGITERIA BERRITU DA
Plazako Toki Alai frontoiko argiteria aldatu berri dugu. 400 watiotako foko zaharrak ordezkatu ditugu LED erako 196 watioko fokoengatik. Argi kontsumoan aurrezpenaz gain, argi egokiagoa dugu orain. Laster futbito zelaian eta Resti pilotalekura zabalduko ditugu lanak.
Lotura: https://zaldibia.eus/eu/plazako-toki-alai-frontoiko-argiteria-berritu-da

ASTEAZKENEAN IZANGO DA AURTENGO JAIEN DISEINU ETA ANTOLAKUNTZA LANTZEKO AZKEN SAIOA

Ekainean eta uztailean egin ziren Zaldibiko jaien diseinu eta antolakuntzarako aurreko entzute-saioak. Biharko saioaren edukiari dagokionez, egitarauaren eta festa gunearen antolaketaren berri emango da, eta protokolo feminista azalduko da. Saioaren ostean, prozesuan parte hartu duten herritar eta elkarteetako ordezkariekin talde argazkia aterako da, eta azkenik mokadutxoa izango da Illati tabernan.

OHARRA: lehen bi bileretan izan zirenez gain beste inork hirugarren bilerarako izena eman nahiko balu, zaldibia.eus-en formularioa bete besterik ez du egin behar.

Informazio guztia hemen: https://zaldibia.eus/eu/herriko-festak-2022-hirugarren-eta-azken-bilera-asteazkenean

ZALDIBIAKO UDALA

ZALDIBIAKO UDALA IZARKOMERA PASA DA, TELEKOMUNIKAZIO BURUJABETZARANTZ URRATSA EMANEZ

Abuztutik aurrera udaleko telefono eta internet zerbitzuak Izarkom kooperatibak ematen ditu, eta gainera, aurrezte ekonomikoa eta zerbitzua zabaltzea ere ekarri du herrira.

Informazio osoa hemen: https://zaldibia.eus/eu/zaldibiako-udala-izarkomera-pasa-da-telekomunikazio-burujabetzarantz-urratsa-emanez-1


ESLEITU DIRA UDALETXEKO TEILATUAN EGUZKI-PLAKAK JARTZEKO LANAK

20 kWko instalazioa (56 plaka) jarriko dira teilatuko hegal batean eta bertan sortutako energia autokontsumo-partekatu sistemaren bidez Udaletxeko, Beti Gazte tabernako eta Itoitz Etxeko (Mediku-etxea - gaztetxea) hornidurarako erabiliko da.

Jarraitu irakurtzen hemen: https://zaldibia.eus/eu/esleitu-dira-udaletxeko-teilatuan-eguzki-plakak-jartzeko-lanak

ZALDIBIAKO UDALA

HITZALDIA: EUSKARA, KULTURARTEKOTASUNA, KOMUNIKAZIOA
Amelia Barquin eta Karmele Perez hizkuntza eta komunikazioan adituek, hitzaldi-solasaldia eskainiko dute astearte arratsaldean. Saio hau bereziki gomendagarria da aurreko urteko hitzaldian izan ez ziren familientzat, baita eskolan hasi berri diren irakasle eta ikasle berrien familientzat ere.
Informazio guztia hemen: https://zaldibia.eus/eu/hitzaldia-euskara-kulturartekotasuna-komunikazioa

GORPUTZAREN ETA ETXEAREN ZAINTZA EKOLOGIKOKO IKASTAROA
Bi tailerrez osaturiko ikastaroa, Aiora Urbieta Eizagrirreren gidaritzapean. Lehen saioa irailaren 23an, arratsaldez, gorputz eta aurpegirako oinarrizko xaboiak egiten ikasteko.
Informazio osoa hemen: https://zaldibia.eus/eu/gorputzaren-eta-etxearen-zaintza-ekologikoko-ikastaroa-1

ZALDIBIKO FESTAK ATE JOKA

Bertan dira urruti ziruditen herriko festak. Ekainean hasi genituen jaiak diseinatu eta antolatzeko lan-saio irekiak eta pasa den asteazkenean eman zitzaion itxiera prozesuari.

Laster zabalduko da egitaraua, baina hemen xehetasun batzuk aurrerapen gisa: https://zaldibia.eus/eu/zaldibiko-festak-ate-joka

ZALDIBIAKO UDALA

LEHEN BI AUZO KONPOSTGUNEAK, MARTXAN JARTZEKO PREST

Hondakin organikoaren kudeaketa herrian bertan egiteko helburuarekin, prest ditugu Mendi-Ondo eta Gaztainadi inguruko lehen bi auzo konpostguneak. Parte hartu nahi duten Mendi-Ondo eta Gaztainadi inguruetako bizilagunei udaletxean izena emateko deia luzatzen diegu.

Datozen asteetan burutuko ditugun bileretan zehaztuko dira herriguneko gainontzeko auzo konpostguneen kokapenak.

Informazio osoa hemen: https://zaldibia.eus/eu/lehen-bi-auzo-konpostguneak-martxan-jartzeko-prest

BOLUMEN HANDIKO TRASTE ZAHARREN BILKETA

Gaur, irailak 19 astelehena, hileko 3.a izanik, gaueko 21:00etatik aurrera atera ahal izango dira garbigunera eraman ezin ditzakegun trasteak. Gogoratu HILABETEKO 1. eta 3. ASTELEHENetan SOILIK atera daitezkeela traste zaharrak ohiko lekuetara.

Trafiko oharra: BIDEA KONPONTZEKO LAZKAO MENDIRAKO BIDEA ITXITA IZANGO DA DATOZEN EGUNETAN

Olaldetik Miranda baserri arteko bidearen konponketa lanak burutuko dira datozen egunetan. Jakinarazten dugu bidea itxita egongo dela ibilgailu guztientzat lanak irauten duten bitartean.
https://zaldibia.eus/eu/trafiko-oharra-bidea-konpontzeko-lazkao-mendirako-bidea-itxita-izango-da-datozen-egunetan-1

ZALDIBIAKO UDALA

Euskara ikasteko ikastaroak, urritik aurrera Zaldibian

Bi ikastaro mota izango dira: bata oinarrizko euskara ikasteko, astearte eta ostegunetan 14:15etik 15:45era. Bestea, A1 mailakoa, astelehen, asteazken eta ostiraletan 14:45etik 15:45era.

Ikastaroak doan izango dira zaldibiarrentzako eta zabalik dago jada izen-emate epea. Izena Karreane kultur etxean edo 943160338 zenbakira deituta eman daiteke, irailaren 23a baino lehen.

Euskara, munduari zabaldutako leihoa.

https://zaldibia.eus/eu/euskara-ikasteko-ikastaroak-urritik-aurrera-zaldibian

UEMA, AEK eta ZALDIBIAKO UDALA

GARBITZAILE LANPOSTURAKO DEIALDIA

Lanbidek sustatuta Toki ekintzetarako 2022ko Lanbideren dirulaguntza deialdiaren baitan, Zaldibiako Udalak 8 hilabetez pertsona bat kontratatuko du garbitzaile lanetarako.
Irakurri baldintzak jarraian: https://zaldibia.eus/eu/garbitzaile-lanposturako-deialdia-1

ZALDIBIAKO UDALA

Ariketa fisikoa eta osasuna: 2022-2023 ikasturtea

Herriko festen ondoren hasiera emango zaie aurtengo kurtso osoko kirol ikastaroei eta jarraian aurki dezakezu urriaren 4a bitarte izen ematea irekita duten kurtsoei buruzko informazioa.

https://zaldibia.eus/eu/ariketa-fisikoa-eta-osasuna-2022-2023-ikasturtea

Olaldeko zirkuitua: saio gidatua ostiralean
Olaldeko zirkuituan jarrita dauden makinen erabilerari buruzko saio gidatua egingo da (momentuz saio bakarra), irailaren 23an, OSTIRALA, 11:00etan, Olaldeko parkearen sarreran elkartuta.

Herritar ugarik erabiltzen dute Olaldeko osasun zirkuitua eta makinak egoki erabiltzeko eta bestelako gomendioak jasotzeko aukera izango da profesional batek gidatuko duen saio honetan. Prezioa: dohainik eta ez dago izena eman beharrik, bertaratzea nahikoa izango da.

ZALDIBIAKO UDALA

EGITARAUA 2022 ZALDIBIAKO JAIAK
Iritsi da aurtengo festetako egitaraua iragartzeko unea. Herritik eta herriarentzat eginak, denentzat lekua eskaintzea izan dugu helburu. Urriaren 5, 6, 7, 8, 9 eta 15erako osatu da egitaraua, herriko hainbat norbanako eta eragileren elkarlanari esker. Datorren astean banatuko dira etxez etxe liburuxkak eta informazioa osatzen ere joango gara. Presta gaitezen ba festarako!

INFORMAZIOA: https://zaldibia.eus/eu/zaldibiko-festak-2022-egitaraua
EGITARAUA: https://zaldibia.eus/qr/jaiak2022
ZALDIBIAKO UDALA

*OSTIRALEAN, HARRI MINAK ANTZEZLANA ZALDIBIAN*

*Irailaren 30ean, ostirala, gaueko 22:30ean izango da Antzokian*. Bonbon Beltz taldeko Dominika Rekaltek eta Josune Gorostegik harrien eta herrien minei buruz hitz egingo digute, umorea erabiliz. Sarrerak 5 euroan jarriko dira bertan salgai.

Informazio gehiago: https://zaldibia.eus/eu/harri-minak-antzezlana-zaldibian


2022KO NEKAZAL MAKINERIAREN IKUSKAPEN TEKNIKOA

Azaroaren 17ra bitarte, Goierriko hainbat puntutan ikuskapen unitate mobila egongo da bertako zein inguruetako baserritarrentzat, eta traktore edo nekazal lan-tresnei IAT (Ibilgailuen Azterketa Teknikoa - ITV) pasatzeko aukera eskainiko du.

Zaldibiakoa Goizaneko aparkalekuan izango da azaroaren 17an. Txanda hartzeko, 943 62 63 00 telefonora deitu behar da (Irungo IAT).

Jarraian informazio guztia: https://zaldibia.eus/eu/2022ko-nekazal-makineriaren-ikuskapen-teknikoa

ZALDIBIAKO UDALA

URA: ASTELEHENEAN UR ZERBITZUAREN MOZKETA SANTA FE 8 ETA 10EAN
Urriak 3 astelehena, Lurdesenean eta Zubiaurreko ur hartunea lurperatzeko lanak burutuko dira. Lanak burutu ahal izateko ur zerbitzua etengo da. Ordutegi zehatzak jakitean etxetako atarietan jarriko dira.

2022ko irailaren 30ean
ZALDIBIAKO UDALA