ATEAK IREKI 2024
Euskal Diasporarekin harremanak indartu nahi dituzu? Bueltan da “Ateak Ireki”, eta bueltan da Goierriko familientzat Estatu Batuetako euskal gazte bat etxean hartzeko aukera. Ekainaren 22tik uztailaren 14ra, hiru asteko egonaldia eta kultura trukea egitera etorriko dira diasporako euskaldunak. Izen-ematea zabalik maiatzaren 5a arte. Informazio guztia, jarraian.
https://zaldibia.eus/eu/ateak-ireki-2024

Zaldibiako Udala

IREKITA DAGO UDAKO JARDUERETAN IZENA EMATEKO EPEA
Aurten Udako Jarduerak uztailaren 1etik 19ra bitartean izango dira. Alde batetik HH2 eta LH6 maila arteko ikasleek parte hartu dezakete, eta bestetik DBH 1, 2 eta 3. mailakoek. Baterako zein besterako izen-ematea zabalik dago apirilaren 26ra arte. Jarraian informazioa.
https://zaldibia.eus/eu/irekita-dago-udako-jardueretan-izena-emateko-epea

BEGIRALE/MONITORE IZATEKO IZEN-EMATEA ZABALIK
Bide batez, gogorarazi nahi genuke zabalik dagoela Udako Jardueretan begirale lanetan aritzeko izen-emate epea, apirilaren 19ra arte. Deialdiari buruzko informazioa eta izen-ematea, kultur etxean.

Auzolanerako deialdia
Larunbatean, hilak 20, ekingo diogu 10:00etan herriko plazaren eraldaketarako auzolanaren lehen saioari. Aurrez, gaur bertan, 19:00etan plazan bilera bat egingo da ideia ezberdinak bildu eta proposamenak jasotzeko. Hurrengo hilabeteetan izango diren lanen oinarria izango da larunbatekoa, baita Zaldibiako plaza berria bihurtuko denaren abiapuntua ere. Informazio gehiago, jarraian.
https://zaldibia.eus/eu/auzolanerako-deialdia

Zaldibiako Udala

Herriko jaien diseinu eta antolakuntzarako lehen saioa
Ostiralean, hilak 19, egingo da Zaldibiako festen diseinu eta antolakuntzarako lehen saioa. Arratsaldeko 18:00etan udaletxeko batzar aretoan. Ordubeteko iraupena izango du eta herritar oro dago gonbidatuta. Informazio gehiago, jarraian.
https://zaldibia.eus/eu/herriko-jaien-diseinu-eta-antolakuntzarako-lehen-saioa

Zaldibiako Udala

OHIKO OSOKO BILKURA
Gaur, osteguna, ohiko osoko bilkura izango da 18:00etan udaletxeko batzar aretoan. Jarraian duzue landuko diren gaien zerrenda. Gogoratu bilkurak publikoak direla eta edozeinek duela bertaratzeko aukera.
https://zaldibia.eus/eu/ohiko-osoko-bilkura

Zaldibiako Udala

GIPUZKOA BERTSOTAN SAILKAPEN FASEKO SAIOA, ZALDIBIAN
Ostegun honetan, maiatzaren 2an, bertso saioa izango dugu 19:00etan antzokian. Bertsotan Aitor Salegi, Ander Zulaika, Antton Aizpurua, Irati Arakistain, Manu Goiogana eta Uxue Alkorta ariko dira. Gai-jartzaile lanetan, Saroi Jauregi. Sarreren salmentarako eta bi sarrera bikoitzen zozketan parte hartzeko informazioa, jarraian.
https://zaldibia.org/txokoa/albisteak/gipuzkoa-bertsotan-sailkapen-faseko-saioa-zaldibian

MATRIKULAZIO EPEA ZABALIK MUSIKA ESKOLARAKO
Maiatzaren 2tik 10era bitartean Zaldibiko Musika Eskolan izena emateko aukera izango dute ikasle berriek. Eskaintza barrutik ezagutzeko jarraian dagoen bideoa ikusi eta ate-irekien saioetara gerturatu daitezke herritarrak. Informazio osoa hemen.
https://zaldibia.eus/eu/matrikulazio-epea-zabalik-musika-eskolarako

Zaldibiako Udala

EGUTEGIAK DAKARRENA: MAIATZA
Herriko eragileek eta udalak antolatutako ekintza ugari izango dira maiatzean. Jarraian guztien bilduma.
https://zaldibia.eus/eu/egutegiak-dakarrena-maiatza-1

Zaldibiako Udala

XIMURRAK XAMUR: ADINEKO EMAKUMEAK AHALDUNTZEKO PROGRAMA
Maiatzaren 8an, arratsaldeko 18:00etan aukeztuko da Karreane kultur etxeko ganbaran. Prozesu honetan antolatutako ekintza ezberdinekin herriko adineko emakumeen trebakuntza eta ahalduntzerako tresnak garatu nahi dira, estereotipoak deseraikiz, lanak aitortuz eta elkarrekin saretu eta indartuz. Animatu!
https://zaldibia.eus/eu/ximurrak-xamur-adineko-emakumeak-ahalduntzeko-programa

Zaldibiako Udala

ERROTEN EGUNA ZALDIBIAN
Maiatzaren 10ean, ostiralean, Kanpaingo errota ikusteko ate irekiak izango dira. Arratsaldeko 14:30ean Lardizabal eskolako ikasleentzat eta 17:00etatik 18:00etara herritar guztientzat. Ondoren, 18:00etan, plaza ondoan jarri duten perratokiaren funtzionamenduaren eta hura jartzeko eginiko lanen inguruko azalpenak emango dituzte.
https://zaldibia.eus/eu/erroten-eguna-zaldibian-2

Zaldibiako Udala

BASERRITARREN EGUNEKO BAZKARIA
Urtero legez, maiatzaren hamabostean bazkaria antolatu da Baserritarren Egunaren harira. Kixkurgune jatetxean izango da aurten eta tikeak salgai daude jadanik. Informazioa, jarraian.
https://zaldibia.eus/eu/baserritarren-eguneko-bazkaria-1

Zaldibiako Udala

GOGORATU: gaur, 19:00etan, haurren antzerki emanaldia izango dugu antzokian. Ikasturtean zehar Kristina Roperorekin landutakoa jendaurrean aurkeztuko dute Zaldibiako haurrek.

KONPOST BANAKETA DATORREN OSTEGUNEAN
Maiatzaren 23an, ostegunean, konpost banaketa egingo da auzo-konpostguneetako erabiltzaileen artean. Plazan izango da, 11:00etatik 12:00etara eta 16:00etatik 18:00etara. Oharra: konposta etxera eramateko ontzi, poltsa edo zakua norberak eraman beharko du.
https://zaldibia.eus/eu/konpost-banaketa-datorren-ostegunean

Zaldibiako Udala

TRAFIKO OHARRA: MAIATZAK 25, LARUNBATA
Larunbatean, hilak 25, Zaldibiako Mendi Lasterketa dela eta, ibilgailuen joan etorria etengo da ondoren zehaztutako ordu eta eremuetan.
https://zaldibia.eus/eu/trafiko-oharra-maiatzak-25-larunbata

AHO BATEZ ONARTUA PALESTINAREN ALDEKO ADIERAZPENA
Maiatzaren 14ko ez-ohiko osoko bilkuran, 2023ko kontu orokorra eta Europako Hauteskundetarako mahaikideen zozketa onartzearekin batera, Palestinarekiko Erantzukizuna Elkarteak aurkeztutako mozioa aztertu eta onartu zen, aho batez.
https://zaldibia.eus/eu/aho-batez-onartua-palestinaren-aldeko-adierazpena

ORGA JASOTZAILE ELEKTRIKOA EROSTEKO PROZEDURA ABIATU DU UDALAK
Aurtengo aurrekontuen zati bat udal brigadarako orga jasotzaile elektriko baten erosketara bideratzea onartu da eta ekainaren 14ra arte irekita dago kontrataziorako deialdia.
https://zaldibia.eus/eu/orga-jasotzaile-elektrikoa-erosteko-prozedura-abiatu-du-udalak

ERROTEI BURUZKO ERAKUSKETA

Lardizabal eskolako Lehen Hezkuntzako ikasleek herriko erroten gaia landu dute eta honen inguruan eginiko lanak eta maketak familia eta herritarrekin partekatu nahi izan dituzte.

Erakusketa udaletxeko herri aretoan egongo da ikusgai, maiatzaren 27tik 31ra. Aretoko atean edo albiste honetan kontsulta daiteke irekiera ordutegia.

https://lardizabal.eus/eu/errotei-buruzko-erakusketa


EUSKAL ESKOLA PUBLIKOAREN JAIKO MATERIALA SALGAI

Aurtengoan Ordizian ospatukonda Euskal Eskola Publikoaren jaia, ekainaren 2an.

Horregatik, denda jarriko da Zaldibian ondorengo egun eta orduetan:

- Maiatzak 22, ASTEAZKENA, 15:30-16:30 Eskolako atarian

- Maiatzak 23, OSTEGUNA, 15:30-16:30 Eskolako atarian

- Maiatzak 24, OSTIRALA , 17:00 - 19:00 Plazan

HERRIKO JAIAK 2024: BIGARREN BILERARAKO DEIA

Bihar, hilak 24, izango da herriko jaien diseinu eta antolakuntzarako bigarren saioa, 18:00etan udaletxeko batzar aretoan.

Gaitegia: lehen egitarauaren zirriborroa, musika taldeen aukeraketa, txupinazorako proposamenak eta ingurumenaren zaintza. Animatu!
https://zaldibia.eus/eu/herriko-jaiak-2024-bigarren-bilerarako-deia

Zaldibiako Udala

GAZTELEKURAKO MATERIAL BILKETA
Zaldibian martxan jarri berria den Gaztelekuko gaztetxoak material bilketa egiten ari dira beraien txokoa hornitzeko. Etxean sofa, kojin, puf, lurreko koltxonetak... eduki eta botatzeko badituzue, gustura berrerabiliko dituzte. Harremanetarako, gazteria@zaldibia.eus edo 639792393 (Garazi). Aldez aurretik, mila esker.
https://zaldibia.org/gaztelekua/albisteak/gaztelekurako-material-bilketa

Zaldibiako Udala

HERRI LURREN INGURUKO SAIO IREKIA
Maiatzaren 29an, asteazkenarekin, herri lurren inguruko saio irekia egingo da, 18:30ean udaletxeko batzar aretoan. Herri lurren eremuan 2023an egin zirenak eta 2024tik aurrera egingo direnak landuko dira bertan: itxiturak, desbrozeak, landaketak, baso-lur erosketak eta abar.
https://zaldibia.eus/eu/herri-lurren-inguruko-saio-irekia

Zaldibiako Udala

TRAFIKO OHARRA: MAIATZAK 31, OSTIRALA
Ostiralean, Irristaka Zaldibiako Patinaje taldeak antolatutako III. Patin Topaketa dela eta, Ibilgailuen JOAN ETORRIA ETENGO DA Santa Fe eta Artxanberri kaleetan. Hemen duzue informazio guztia.
https://zaldibia.eus/eu/trafiko-oharra-maiatzak-31-ostirala