GREBA FEMINISTA OROKORRA DELA ETA, OSTEGUNEAN UDAL ZERBITZUAK ITXITA
Udaleko langileen batzarrak bat egin du ostegunerako deituta dagoen greba feminista orokorrarekin. Beraz, udal zerbitzu guztiak ITXITA egongo dira azaroaren 30ean. Udal Gobernuak ere bat egin du grebarekin eta dagoeneko iragarri dira Zaldibian greba egunerako deitu diren ekimenak.

https://zaldibia.eus/eu/greba-feminista-orokorra-dela-eta-ostegunean-udal-zerbitzuak-itxita

Zaldibiako Udala

ABENDUAREN 3A, EUSKARAREN EGUNA
Aurtengoan igandearekin dator Euskararen Nazioarteko Eguna. Ostiral iluntzean Kantu Jira herrikoia izango da plazan hasita eta igandean haur eta gaztetxoentzako bi filme eskainiko dira Karreanen.

https://zaldibia.eus/eu/abenduaren-3a-euskararen-eguna

Zaldibiako Udala

HONDAKIN BILKETA ZERBITZUAN ALDAKETAK GAUR ETA BIHAR
Sasietako hondakin-biltzaileek bat egin dute Azaroaren 30eko greba feminista orokorrarekin eta bihar, osteguna, ez da hondakinik bilduko Zaldibian. Ondorioz, gaur ez da ontzi arinik edo errefuxarik atera behar. Errefuxa bihar ateratzea komeni da, organikoarekin batera, ostiral goizean bilduko baitituzte biak. Ontzi arinak, berriz, igandean atera behar dira.

https://zaldibia.eus/eu/hondakin-bilketa-zerbitzuan-aldaketak-gaur-eta-bihar

Zaldibiako Udala

ZAINTZA ERDIGUNEAN: INKESTAREN EMAITZAK ETA GOGOETA
Zaldibiako Udaleko "Komunitatea eta zaintza" arlotik, azaroaren 9a eta 19aren artean zaintzaren inguruko inkesta zabaldu zitzaien herritarrei. Azaroaren 30eko greba feminista orokorra gainean dugun honetan, inkestaren emaitzak eta hauetatik ateratako ondorioak edo gogoeta jarri nahi genuke ikusgai.

https://zaldibia.eus/eu/zaintza-erdigunean-inkestaren-emaitzak-eta-gogoeta

Zaldibiako Udala

Euskara ikasten, herrian bertan

Iraileko matrikulazio kanpainaren ondoren, urria erdialdetik martxan dira euskara ikasteko ikastaroak Zaldibian. Ikas-maila ezberdineko bi talde osatu dira, eta astelehen, astearte eta asteazken arratsaldeetan dituzte klaseak.

Euskararen egunaren atarian, haur eta gaztetxoekin bezala euskara ikasten ari direnekin ere euskaraz egiteko deia zabaltzen diegu herritarrei, baita egitarauko ekintzetan parte hartzeko deia ere.

Mintzalagun izateko prest dauden herritarrak ere bilatu nahi ditugu.

Jarraitu irakurtzen hemen: https://zaldibia.eus/eu/euskara-ikasten-herrian-bertan-1

Zaldibiako Udala

EGUTEGIAK DAKARRENA: ABENDUA
Herriko eragileek eta udalak antolatutako ekintza ugari izango dira abenduan. Jarraian guztien bilduma.

https://zaldibia.eus/eu/egutegiak-dakarrena-abendua

Zaldibiako Udala

"BIDASOA 2018-2023" FILMAREN EMANALDIA
Abenduaren 18an ospatuko den Pertsona Migratzaileen Nazioarteko Egunaren harira, bezperan oinarrizko askatasun eta eskubideak babestu eta bermatzea aldarri duen dokumentala eskainiko da Antzokian. Fermin Muguruzak zuzendutako dokumentalak Bidasoa ibaiaren bi ertzetan bizi den errealitatea biltzen du. Sarrera doan. Jarraitu irakurtzen.
https://zaldibia.eus/eu/pertsona-migratzaileen-nazioarteko-egunaren-bezperan-bidasoa-filmaren-emanaldia

EUSKARAZKO PRODUKTUEN KATALOGOAREN EDIZIO BERRIA PREST, HAUR ETA GAZTEENTZAKO EHUNKA PRODUKTU BERRIREKIN
Katalogoa.eus webguneak 8.000 produkturen erreferentziak jasotzen ditu dagoeneko. Paperezko liburuxka etxez etxe banatu berri da.
https://zaldibia.eus/eu/euskarazko-produktuen-katalogoaren-edizio-berria-prest-haur-eta-gazteentzako-ehunka-produktu-berrirekin

Zaldibiako Udala

JON ARTANOK ‘JUANA’ LIBURUA AURKEZTUKO DU ASTEAZKENEAN
Kazetari eta idazle zestoarraren saiakerako protagonista Juana Perea da, 1937an Bilbotik ihesi Bogotara iritsitako euskal familia batean jaioa. Nerabetan etxetik alde egin zuen Karibera, urpekaria izan zen, marinela izan zen, pirata izan zen, legendazko emakumea izan zen… hil zuten arte. Asteazkenean gehiago jakiteko aukera izango dugu Artanoren kontakizun eta irudiekin, 18:30ean Karreaneko ganbaran.
https://zaldibia.eus/eu/jon-artanok-juana-liburua-aurkeztuko-du-asteazkenean

Zaldibiako Udala

DATORREN ASTEAN BANATUKO DA ETXEZ ETXE 2024KO EGUTEGIA
Urtero bezala egutegia argitaratu du Zaldibiako Udalak, herritarrek helarazitako argazkiz hornitua. Datorren astean zehar banatuko da etxez etxe eta baserrietako buzoietan, posta bulegoan. Zenbait berrikuntza txiki ekarriko ditu 2024rako prestatutako aleak, eta Biziolako produktu sorta zozketatuko da argazkiak bidali dituzuen guztion artean. Eskerrik asko eta urte berri on!
https://zaldibia.eus/eu/datorren-astean-banatuko-da-etxez-etxe-2024ko-egutegia

Zaldibiako Udala

Haurrentzat hainbat ekintza izango dira Zaldibian neguko oporretan. Jarraian egitaraua: 👇🏻

ABENDUAK 22: Olentzero eta Mari Domingi eskolan

11:00etan Olaldeko parkean. Eguraldi txarra bada, Restin.

Lardizabal Eskolak eta Ausa Gaztelu Guraso Elkarteak antolatuta.


ABENDUAK 24: Kantu eskea

11:00etan Nañarritik

Ausa Gaztelu Guraso Elkartean antolatuta eta Txanbolintero taldea lagun. Amaieran, plazan gaztainak.


ABENDUAK 28: Txotxongilo ikuskizuna

11:30ean Antzokian

“Etxean goxo” txotxongilo ikuskizuna Rosa Martinez eta lagunen eskutik, Zaldibiako Udalak antolatuta.


ABENDUAK 29: Malabare ikuskizuna

11:30ean Antzokian

“Nai malabarista”-k Txina, India edo Afrika bezalako lekuetatik sorpresa ugari dakar. Zaldibiako Udalak antolatuta.


ABENDUAK 31: Ume jolasak

16:30ean Plazan. Eguraldi txarra bada, Restin.

Zaldibiko Gazte Asanbladak antolatuta.


URTARRILAK 3: Marrazki tailerra

11:00etan Kimuenen

Ausa Gaztelu Guraso Elkarteak antolatuta. Bertan egongo da materiala eta ondoren lanak erakusgai jarriko dira. Haurrak arduradunarekin etorri behar dira.


URTARRILAK 4: Kimikarin tailerrak

Antzokian

11:00etatik 13:00etara LH 1,2, 3 eta 4 mailakoentzat.

15:30etik 17:30era LH 5 eta 6. mailakoentzat.

DATOZEN EGUNETAN, ALDAKETAK ATEZ-ATEKO ZERBITZUAN
Dakizuen bezala, hondakinen bilketako langileek urteko egun guztietan egiten dute lan abenduaren 24ko eta 31ko gauetan izan ezik. Aurten igandez egokitu dira, Zaldibian ontzi arinak ateratzeko egunean, alegia. Herritarrei bilketa egunak ez kentzeko, ontzi arinen bilketa egun bat aurreratuko da. Hau da, abenduaren 23an eta 30ean atera behar dira ontzi horiak eta 24 eta 31 goizean zehar jasoko dira. Barkatu eragozpenak.
https://zaldibia.eus/eu/datozen-egunetan-aldaketak-atez-ateko-zerbitzuan

Zaldibiako Udala

HONDAKIN ISURIAK OLALDEKO PARKEAN

Etxeko hondakinak Olalde parkean barreiatuta agertu dira azken egunetan. Udalak hainbat neurri jarri ditu martxan eta zentzuz jokatzeko deia zabaltzen du.

• Sasieta Mankomunitatean eta haren bidez Ertzaintzan gertaeraren espedientea abiarazi da.
• Datozen egunetan errepika daitezkeen isurketen jarraipen zorrotza egingo da.
• Zentzuz eta elkarbizitzaz jokatzeko deia egitearekin batera, ondorioen berri zabaldu zaie herritarrei albiste honen bidez.

https://zaldibia.eus/eu/hondakin-isuriak-olaldeko-parkean-1

OSOKO BILKURAKO KRONIKA

Abenduaren 28an, hileko azken ostegunarekin burutu zen 2023ko azken osoko bilkura. Jarraian landutako puntuak eta hartutako erabakiak.

https://zaldibia.eus/eu/osoko-bilkurako-kronika

ZALDIBIAKO UDALA

2024RAKO UDAL AURREKONTUA ETA ASMO NAGUSIAK
Abenduko Osoko Bilkuran behin-behineko onarpena eman zitzaien 2024rako udal aurrekontuei, EH Bilduren aldeko bozkekin eta EAJ-PNVren aurkakoekin. Guztira 2.366.081,83€ko aurrekontua da. Urtarrilaren 23an, asteartea, azalpen saio irekia egingo da 18:30ean Herri Aretoan. Jarraian xehetasunak.
https://zaldibia.eus/eu/2024rako-udal-aurrekontua-eta-asmo-nagusiak

Zaldibiako Udala

EGUTEGIAK DAKARRENA: URTARRILA
Herriko eragileek eta udalak antolatutako ekintza ugari izango dira urtarrilean. Jarraian guztien bilduma.
https://zaldibia.eus/eu/egutegiak-dakarrena-urtarrila

Zaldibiako Udala

KORRIKA BATZORDEA ANTOLATZEKO BILERA, URTARRILAREN 19AN
Aurten KORRIKA martxoaren 14tik 24ra ospatuko da Euskal Herri osoan zehar. Ekimenaren prestakuntzarako Zaldibiako Korrika batzordea sortuko da eta bertan parte hartzera gonbidatzen zaituztegu. Lehen saioa urtarrilak 19, ostirala, 17:00etan Karreane kultur etxean.
https://zaldibia.eus/eu/korrika-batzordea-antolatzeko-bilera-urtarrilaren-19an

Zaldibiako Udala

BIZKARSORO FILMAREN EMANALDIA, IGANDEAN
Ahozko lekukotzetan eta idatzitako testuetan oinarritutako XX. mendeko fikziozko bost istoriok osatzen dute Josu Martinezek zuzendutako filma. Igandean, hilak 21, arratsaldeko 17:30ean ikusgai izango da Karreaneko ganbaran.
https://zaldibia.eus/eu/bizkarsoro-filmaren-emanaldia-igandean

Zaldibiako Udala

GOIERRIKO PRODUKTUEN BIZIOLA SASKIA, ERRAMUN IZAGIRRERENTZAT
Zaldibiako Udalak urtero banatzen du etxez etxe herriarekin zerikusia duten argazkiekin osatutako egutegia. Aurten, egutegirako argazkiren bat bidali duten herritarren artean Biziolako otarrea zozkatu da eta Erramun Izagirreri egokitu zaio. On egin!
https://zaldibia.eus/eu/goierriko-produktuen-biziola-saskia-erramun-izagirrerentzat

Zaldibiako Udala

URTE BERRIAN, IBILBIDEA AMAITU
Zaldibiako Udalera ibilbide luzeko bi langileren agurra ekarri du urte berriak. Karmen Laguardia Garmendia eta Lurdes Arteaga Mendizabal aurre-jubilatu dira.
https://zaldibia.eus/eu/urte-berrian-ibilbidea-amaitu

Zaldibiako Udala

GOGORATU: gaur 5etan Karreanen!