OLDARRALDIAREN AURREAN, EUSKARAREKIN BAT, EUSKARAZ BAT

Azaroaren 4an, larunbata, arratsaldeko 17:00etan Bilboko Euskaldunatik abiatuta manifestazioa izango da Euskalgintzaren Kontseiluak deituta. Manifestazioa euskararen normalizazioaren kontrako oldarraldiaren testuinguruan kokatzen da.

Autobusa Zaldibiako plazatik abiatuko da 15:00etan eta manifestazioa amaitzean itzuliko da.

Pertsonako 5€an izango da joan-etorria eta adin txikikoek dohainik izango dute. Denek izena eman behar dute Kultur Etxean edo jarraian ageri den loturan. Ordainketa autobusean bertan egingo da.

https://zaldibia.org/zaldibiatb/albisteak/oldarraldiaren-aurrean-euskararekin-bat-euskaraz-bat

FESTEN BALORAZIO SAIOA AZAROAREN 3AN

Azaroaren 3arekin, ostirala, egingo da festen balorazio saio irekia, 18:00etan udaletxe azpiko aretoan. Herritarrak eta herriko eragileak daude gonbidatuta eta jarraian dituzue bertan landuko diren gaiak. Animatu!

https://zaldibia.eus/eu/festen-balorazio-saioa-azaroaren-3an

Zaldibiako Udala

2024KO EGUTEGIRAKO ARGAZKIEN ESKAERA
Zaldibiako Udalak urtero argitaratzen du etxez etxe banatzen duen egutegia. Aurten ere, herriarekin zerikusia duten argazkiak bildu nahi ditu. Beraz, zuen argazkiren bat egutegian argitaratzea nahi bazenute, kultur etxera eraman edo emailez bidali kulturetxea@zaldibia.eus helbidera azaroaren 17a, ostirala, baino lehen.

https://zaldibia.eus/eu/2024ko-egutegirako-argazkien-eskaera

ALDI BATERAKO PEOI-BALIOANITZAREN HAUTAKETARAKO PROZESUAREN EMAITZAK
Duela bi aste jakinarazi genuen Zaldibiako Udalak, Lanbidek sustatuta, aldi baterako pertsona bat kontratatuko zuela peoi-balioanitz lanetarako. Izen-ematea eta bakarkako elkarrizketak eginda, jarraian dituzue prozesuaren emaitzak.

https://zaldibia.eus/eu/aldi-baterako-peoi-balioanitzaren-hautaketarako-prozesuaren-emaitzak

Zaldibiako Udala

OLDARRALDIAREN AURREAN, EUSKARAREKIN BAT, EUSKARAZ BAT

Larunbat arratsaldean Bilbon egingo den manifestaziorako egun gutxi falta dira.

Zaldibitarrak ere bertan izango gara. Ikusi bideoa:

https://peertube.eus/w/2AtPTSNZe6bSHYfoYPv3wn

Autobusean izena emateko jo Kultur Etxera edo helbide honetara:

https://www.zaldibia.org/zaldibiatb/albisteak/oldarraldiaren-aurrean-euskararekin-bat-euskaraz-bat

Energia fakturak irakurtzen ikasteko hitzaldia
Azaroaren 9an, ostegunean, "Goiener" Energia berriztagarrien sorkuntza eta kontsumo kooperatibako kideek energia fakturak ondo ulertzen erakutsiko digute. Arratsaldeko 17:30ean izango da, udaletxe azpiko herri aretoan.
https://zaldibia.eus/eu/energia-fakturak-irakurtzen-ikasteko-hitzaldia

Ines Osinagarekin hitzak, musika eta tertulia
Azaroaren 9an, ostegunean, Zaldibiako herri antzokian izango dugu arrasateko musikari eta plazandrea, arratsaldeko 19:00etan. Aukera paregabea "zaintzadairaultza" emanaldia gertutik ezagutzeko. Sarrerak 5€-an eskura daitezke Karreane kultur etxean, edo egunean bertan antzokian, saioa hasi baino lehentxeago.
https://zaldibia.eus/eu/ines-osinagarekin-hitzak-musika-eta-tertulia

Zaldibiako Udala

‘Oldarraldiaren aurrean, euskararekin bat’ UEMAren adierazpena onartu da osoko bilkuran

Azken hilabete eta asteetan Udal Legearen inguruan izandako epaiak salatu dituzte, “euskararen ofizialtasuna bera ere zalantzan jartzen” dutelakoan. EH Bilduren eta EAJren aldeko botoekin, aho batez onartu da adierazpena.

https://zaldibia.eus/eu/oldarraldiaren-aurrean-euskararekin-bat-uemaren-adierazpena-onartu-da-osoko-bilkuran

Zaldibiako Udala

Bestalde, gogoratu gaur dela festen balorazio bilera, 18:00etan udaletxeko herri aretoan. Animatu!

EGUTEGIAK DAKARRENA: AZAROA
Herriko eragileek eta udalak antolatutako ekintza ugari izango dira azaroan. Jarraian guztien bilduma.

https://zaldibia.eus/eu/egutegiak-dakarrena-azaroa

Zaldibiako Udala

Gogoratu: bihar, osteguna...

- 17:30ean udaletxeko herri aretoan, Energia fakturak irakurtzen ikasteko hitzaldia
"Goiener" Energia berriztagarrien sorkuntza eta kontsumo kooperatibako kideek energia fakturak ondo ulertzen erakutsiko digute. Ondo legoke norbere gasaren eta argiaren fakturak eramatea, paperean garbiago ikusteko.
https://zaldibia.eus/eu/energia-fakturak-irakurtzen-ikasteko-hitzaldia

- 19:00etan Herri antzokian, Ines Osinagarekin hitzak, musika eta tertulia
Sarrerak 5€-an Karreane kultur etxean, edo antzokian saioa hasi baino lehentxeago.
https://zaldibia.eus/eu/ines-osinagarekin-hitzak-musika-eta-tertulia

2023ko festak: balorazioa
Azaroaren 3an egin zen festetako balorazio irekia: egitarauko ekintzak, zeharkako gaiak, jai egutegia. Jarraian udalaren balorazioa eta festa egunei buruzko iritzi bilketako emaitzak ikusgai.

https://zaldibia.eus/eu/2023ko-festak-balorazioa

Zaldibiako Udala

Antzerki tailerrak haur, gaztetxo eta helduentzat
Aurreko urteetako ibilbideari jarraituz, aurten ere Antzerki Tailerra antolatu da LHko 4-5-6 mailetako haurrentzat, DBHko gaztetxoentzat eta helduentzat. Jarraian informazio osoa.

https://zaldibia.eus/eu/antzerki-tailerrak-haur-gaztetxo-eta-helduentzat

Zaldibiako Udala

Martxan da “Zaldibian, zaintza erdigunean” inkesta
Zaintzaren inguruko inkesta jarri da martxan Zaldibiako Udaleko “Komunitatea eta zaintza" arlotik. Herritar guztiei dei egiten zaizue anonimoa den inkesta hau betetzera, azaroaren 19ra arteko epean. Jarraian aurki dezakezue informazioa eta inkesta betetzeko lotura.

https://zaldibia.eus/eu/martxan-da-zaldibian-zaintza-erdigunean-inkesta

Zaldibiako Udala

Martxan da "Egin nirekin ere euskaraz!" kanpaina
Sustraiak beste herrialdeetan izan arren gurean errotu diren hainbat euskaldunen eskariz abiatu da kanpaina, hasiera batean gainerako herritarrek euskara ukatzen dietela sumatuta. Euskarak kolore asko dituela eta azalaren kolorea askotarikoa izan arren herritar horiek guztiak euskaldunak direla gogorarazi nahi da UEMAK abiatutako kanpainan.

https://zaldibia.eus/eu/martxan-da-egin-nirekin-ere-euskaraz-kanpaina

Zaldibiako Udala

"Herri ametsa elkarrekin marrazten" saioa igandean Txatxilipurdik gidatuta
Zaldibia Herri Hezitzaile izateko lanean dihardugu azken urteetan eta pauso berriak emango dira datozen hilabeteetan. Oinherri sareko kide den Txatxilipurdi Elkartearen bidelaguntzarekin, igande honetan egingo da hiru saioetan lehena, 17:30ean udaletxeko herri aretoan. Herriaren balio hezitzailean sinesten duten eragile eta norbanako guztientzat da gonbidapena.

https://zaldibia.eus/eu/herri-ametsa-elkarrekin-marrazten-saioa-igandean-txatxilipurdik-gidatuta

Zaldibiako Udala

KAFE-KAPSULAK BIRZIKLATZEKO EDUKIONTZIA JARRI DA
Aurrerantzean kafe-kapsulak bereizita birziklatu ahal izango dira Zaldibian ere. Mediku-etxearen aurrealdean jarri da edukiontzia arropa, pilak eta olioa biltzeko edukiontzien ondoan. Edozein kafe-kapsula mota bota daiteke bertara eta bere horretan utzi behar dira, hustu gabe: berdin plastikozkoak, aluminiozkoak zein konpostagarriak.

https://zaldibia.eus/eu/kafe-kapsulak-birziklatzeko-edukiontzia-jarri-da-1

Zaldibiako Udala

Gitarra jotzen ikasteko plaza bat libre
Abendutik ekainera bitarte musika eskolan gitarra klaseak jasotzeko plaza bat libre dago, 16 urte edo gehiagokoentzat. Klaseak astearteetan izango dira 16:30etik 17:00etara, hilean 55,84€ ordainduta. Interesatuek kultur-etxean eman behar dute izena azaroaren 23a baino lehen (943160338 / 676531079). Herritar bat baino gehiago interesatuko balitz, aukeraketa zozketaz egingo da.

https://zaldibia.eus/eu/gitarra-jotzen-ikasteko-plaza-bat-libre

Zaldibiako Udala