UDAL HERRI BATZARRA OSTEGUNEAN

Herri Batzarrerako deialdia egin du Udalak, legegintzaldi berriko asmoen berri eman eta iritzi-ekarpenak jasotzeko. Ostegunean, hilak 21, izango da batzarra, 19:00etan Udaletxeko Herri Aretoan. Euskaraz ez dakitenentzat aldibereko itzulpen zerbitzua egongo da.

https://zaldibia.eus/eu/udal-herri-batzarra-ostegunean-2

Zaldibiako Udala

ARIKETA FISIKOA ETA OSASUNA 2023-2024
Aurtengo ikasturtean ere bada ariketa fisikoa egiteko aukerarik Zaldibian. Udalak edota eragileek antolatuta, jarraian dituzuen bi irudietan ikus daitekeen bezala. Informazio osoa esteka honetan eta Karreane Kultur Etxean. Aukera gehiago ere aztertzen ari gara, eskertuko da herritarren ekarpenak helaraztea.

https://zaldibia.eus/eu/ariketa-fisikoa-eta-osasuna-2023-2024

MATRIKULATU ZALDIBIAN, ZABALDU EUSKARAREN KOLOREAK
2023-2024 ikasturtean euskara ikasteko matrikulazio epea zabalik da. Zaldibiako Udalak eta UEMAk elkarlanean, euskara ez dakiten herritarrei berau ikasteko gonbitea egiten die, baita ikasketa hori herrian bertan egitekoa ere. Jarraitu irakurtzen.

https://zaldibia.eus/eu/matrikulatu-zaldibian-zabaldu-euskararen-koloreak

Zaldibiako Udala

GARBITZAILE LANPOSTURAKO DEIALDIA

Lanbidek sustatuta Toki ekintzetarako 2023ko Lanbideren dirulaguntza deialdiaren baitan, Zaldibiako Udalak 8 hilabetez pertsona bat kontratatuko du garbitzaile lanetarako. Irakurri baldintzak jarraian.

https://zaldibia.eus/eu/garbitzaile-lanposturako-deialdia-2

Zaldibiako Udala

IRRINTZI IKASTAROA
Irailaren 29an, irrintzi ikastaroa Aske talde feministak antolatuta. Amaia Garcia Uriondo gidari, 18:30ean Kimuene kulturgunean. Izen-ematea udaletxean edo kultur etxean, 5 euroan. Oharra: Parte-hartzaile bakoitzak esterilla, arropa erosoa eta ur botila eraman beharko ditu.

https://zaldibia.eus/eu/irrintzi-ikastaroa-amaia-garcia-uriondoren-eskutik

EGOKITZAPEN LANAK GAINTZARA JOATEKO BIDEGURUTZEAN
Ordiziatik Zaldibiara bidean, GI-2133 eta GI-3371 errepideen arteko elkargunea hobetuko du Gipuzkoako Foru Aldundiak, 103.770 euroan esleitu diren lanekin. Bidea zabaldu, zoru-pakete berria jarri eta itxaroteko errei bat egingo da, segurtasuna handituz. Lanekin datorren astean hasi eta lau astez luzatuko dira.

https://zaldibia.eus/eu/egokitzapen-lanak-gaintzara-joateko-bidegurutzean

Zaldibiako Udala

UDALBILTZAKO ORDEZKARITZA BERRITUA MARTXAN DA
Ostiralean burutu zen udalbiltzaren batzar nagusia eta legealdi berrian ardura hartuko duen ordezkaritza izendatu zen. Haritz Alberdi Getariako alkatea izango da lehendakari berria eta Ioritz Berra Zaldibiako alkatea Batzorde Eragileko kide izango da.
https://zaldibia.eus/eu/udalbiltzako-ordezkaritza-berritua-martxan-da

ETXEZ ETXEKO ARRETA ZERBITZUKO LANPOSTU DEIALDIA IREKITA
Zaldibiako Udalak 6 hilabetez pertsona bat kontratatuko du egunean 5 orduko lanaldiarekin etxez etxeko arreta zerbitzurako. Irakurri jarraian baldintzak.
https://zaldibia.eus/eu/etxez-etxeko-arreta-zerbitzuko-lanpostu-deialdia-irekita

Zaldibiako Udala

IGANDEAN, HERRIRA ETORRI BERRIEI ONGI-ETORRIA
Goizeko 11:00etan hasiko da Ongi-Etorria udaletxean. Azken hilabeteetan herrian erroldatu diren guztiak dira gonbidatuak, eta udalak eta herriko eragileek ongi-etorria egingo diete.

https://zaldibia.eus/eu/igandean-herrira-etorri-berriei-ongi-etorria

Zaldibiako Udala

ZALDIBIKO FESTAK 2023 EGITARAUA
Mondeju usainarekin batera ate joka ditugu Zaldibiko festak. Urriak 5, 6, 7, 8 eta 14an ospatuko dira eta hemen duzue azken hilabeteetan herriko eragileekin batera egositako egitarau zabala. Etxe guztietara banatu den euskarriaren bertsio digitala duzue hau.

https://zaldibia.eus/eu/zaldibiko-festak-2023-egitaraua

Zaldibiako Udala

HERRIA SARETZEKO, EMAN IZENA
Irekita dago lau-urteko berrirako izen ematea herriko gaien inguruko lanketa egiteko. Antolaketa berria jarri da martxan ohiko batzordeen ordez. Udal herri batzarrean zehatzago azaldu zen informazioa, jarraian ere aurki dezakezuena.

https://zaldibia.eus/eu/herria-saretzeko-eman-izena

Zaldibiako Udala

BIHAR, ASTEARTEA, KUADRILLA EGUNEKO BAZKARIRAKO TXARTELAK HARTZEKO AZKEN EGUNA

Urriaren 14a gerturatzen ari da, eta bihar arte egongo dira eskuragarri bazkarirako txartelak herriko tabernetan. Ikasle eta langabetuentzat Beti gazten, Illatin, Joxepanen eta Arresen dituzue eskuragarri. Landunentzat, ordea, Illatin eta Joxepanen bakarrik.

https://zaldibia.eus/eu/bihar-asteartea-kuadrilla-eguneko-bazkarirako-txartelak-hartzeko-azken-eguna

Zaldibiako Udala

PEOI-GARBITZAILEAREN HAUTAKETARAKO PROZESUAREN EMAITZAK

Irailaren 20an jakinarazi genuen Zaldibiako Udalak 8 hilabetez pertsona bat kontratatuko zuela peoi-garbitzaile lanetarako. Lanbidek sustatuta egin da, Toki ekintzetarako 2023ko Lanbideren dirulaguntza deialdiaren baitan. Behin izen-emate epea pasata eta bakarkako elkarrizketak eginda, jarraian ikus ditzakezue emaitzak.

https://zaldibia.eus/eu/peoi-garbitzailearen-hautaketarako-prozesuaren-emaitzak

Zaldibiako Udala

MAGMA MÍA BAKARRIZKETA
Urriaren 20an, ostirala, Beatriz Egizabalen bakarrizketaz gozatu ahal izango dugu, 22:00etan Karreanen. Zaldibiako udalak Aske talde feministarekin antolatua, patriarkatuak egunerokotasunean gure bizitzak nola zeharkatzen dituen azaltzen du gogoeta eta barreak eraginez. Sarrerak, udaletxean eta kultur etxean (5€). Egunean bertan ere bai, saioa hasi baino lehenxeago.

https://zaldibia.eus/eu/magma-mia-bakarrizketa-1

Zaldibiako Udala

GAUR KUADRILLEN EGUNA

Festetako azken eguna dugu gaurkoa. Poniak daude orain Olaldeko parkean eta eguerdian kuadrillen kalejira txarangarekin.


https://zaldibia.eus/eu/zaldibiko-festak-2023-egitaraua

IRITZI BILKETA: FESTA EGUNAK
Festa batzordean gaia landu ondoren, iritzi bilketa egitea erabaki da hemendik aurrerako festen egutegiaren harira. Ostiralera arteko epea dago galdera honi erantzuteko: ados al zaude hemendik aurrera herriko festak urriko lehen ostegunean hastearekin? Festa batzordearen urri amaierako balorazio saioan herritarren iritziak eskuan izanik dagokion erabakia hartu ahal izateko, iritzia ematera animatzen zaitugu. Jarraian azalpenak eta parte hartzeko moduak.

https://zaldibia.eus/eu/iritzi-bilketa-festa-egunak

Zaldibiako Udala

PEOI BALIOANITZAREN ALDI BATERAKO ORDEZKAPENA EGITEKO DEIALDIA
Lanbidek sustatuta, Zaldibiako Udalak aldi baterako pertsona bat kontratatuko du peoi balioanitz posturako. Irakurri baldintzak jarraian.

https://zaldibia.eus/eu/peoi-balioanitzaren-aldi-baterako-ordezkapena-egiteko-deialdia

Zaldibiako Udala

EGUTEGIAK DAKARRENA: URRIA
Herriko festak amaitu badira ere, herriko eragileek eta udalak antolatutako hainbat ekintza izango dira oraindik urrian. Jarraian guztien bilduma.

https://zaldibia.eus/eu/egutegiak-dakarrena-urria

BIHAR, OSTIRALA, FESTA EGUNEN INGURUAN IRITZIA EMATEKO AZKEN EGUNA
Hauxe da galdera: ados al zaude hemendik aurrera herriko festak urriko lehen ostegunean hastearekin? Kultur etxean, udaletxean edo hurrengo esteka honetan eman daiteke iritzia:

https://zaldibia.eus/eu/iritzi-bilketa-festa-egunak

Zaldibiako Udala

GOGORATU: GAUR GAUEAN, "MAGMA MIA" BAKARRIZKETA
Beatriz Egizabalen bakarrizketaz gozatu ahal izango dugu, 22:00etan Karreaneko ganbaran. Zaldibiako udalak Aske talde feministarekin antolatua, patriarkatuak egunerokotasunean gure bizitzak nola zeharkatzen dituen azaltzen du gogoeta eta barreak eraginez. Sarrerak kultur etxean (5€), bai arratsaldean eta baita saioa hasi baino lehenxeago ere.

https://zaldibia.eus/eu/magma-mia-bakarrizketa-1

Zaldibiako Udala

HERRIKO PLAZAREN DISEINUA: PROZESUAREN ITXIERA HITZALDIA ETA EMAITZEN AURKEZPENA

BIHAR, asteartea, egingo da "Ertzetik Erdira: espazioen produkzioa auzolanean" ibilbidearen itxierako hitzaldia, 18:30ean udaletxeko Herri Aretoan. Bi urteotan egin denaren kontakizuna izango da, bai plazan egindakoaz, baita Innsbruckeko fakultatean landutakoaz ere.

Emaitzak ere aurkeztuko dira eta hurrengo pausoetan jarriko da begirada.

https://zaldibia.org/EspazioSorkuntza/albisteak/herriko-plazaren-diseinua-prozesuaren-itxiera-hitzaldia-eta-emaitzen-aurkezpena

Zatoz!