2023KO NEKAZAL MAKINERIAREN IKUSKAPEN TEKNIKOA

Azaroaren 16ra bitarte, Goierriko hainbat puntutan ikuskapen unitate mobila egongo da bertako zein inguruetako baserritarrentzat, eta traktore edo nekazal lan-tresnei IAT (Ibilgailuen Azterketa Teknikoa - ITV) pasatzeko aukera eskainiko du.

Zaldibiakoa Goizaneko aparkalekuan izango da azaroaren 16an. Txanda hartzeko, 943 62 63 00 telefonora deitu behar da (Irungo IAT).

Jarraian informazio guztia: https://zaldibia.eus/eu/2023ko-nekazal-makineriaren-ikuskapen-teknikoa

ZALDIBIAKO UDALA

EGUTEGIAK DAKARRENA: IRAILA
Herriko eragileek eta udalak antolatutako ekintza ugari izango dira irailean. Jarraian guztien bilduma.

https://zaldibia.eus/eu/egutegiak-dakarrena-iraila

UDAKO JARDUEREI ERREPASOA, ARGAZKITAN
Uztailaren 3an hasi eta 21era arte iraun zuten jarduerek, eta jarraian dituzue ikusgai haur zein gaztetxoi bertan ateratako argazki guztiak.

https://zaldibia.eus/eu/udako-jarduerei-errepasoa-argazkitan

Zaldibiako Udala

GOGORATU: bihar, asteazkena, herriko jaien diseinu eta antolakuntzarako hirugarren eta azken saioa, 19:00etan udaletxe azpiko herri aretoan.

Egitaraua itxi, eraso sexisten aurreko protokoloa eta festak auzolan bihurtzeko eredua azaldu eta talde argazkia aterako da.

Jarraian duzu informazio guztia, eta festetako ekintzaren batean lagundu nahi izan ezkero, bete beharreko formularioa:

https://zaldibia.eus/eu/festen-antolakuntzako-azken-bilera-hilaren-13an

Zaldibiako Udala

BADATOR JUBILATUEN ASTEA
Irailaren 17an, igande honetan hasi eta 22ra bitarte, hainbat ekintza izango dira Zaldibian, Beti Gazte elkarteak antolatuta. Jarraian guztiak ikusgai.
https://zaldibia.eus/eu/badator-jubilatuen-astea

NEGOZIO TXIKIEN ALDEKO “KAIXO GOIERRI!” KANPAINA AURKEZTU DA
Eskualdeko merkataritza eta herritarrak kontzientziatzea du helburu Bidari lantaldearen kanpainak. Zaldibiako Udalak ere, bertako komertzio txikia bultzatzeko poltsa berrerabilgarriak eta bestelako sariak izango dituen kanpaina abiatuko du festen ondorenean.
https://zaldibia.eus/eu/negozio-txikien-aldeko-kaixo-goierri-kanpaina-aurkeztu-da

Zaldibiako Udala

UDAL HERRI BATZARRA OSTEGUNEAN

Herri Batzarrerako deialdia egin du Udalak, legegintzaldi berriko asmoen berri eman eta iritzi-ekarpenak jasotzeko. Ostegunean, hilak 21, izango da batzarra, 19:00etan Udaletxeko Herri Aretoan. Euskaraz ez dakitenentzat aldibereko itzulpen zerbitzua egongo da.

https://zaldibia.eus/eu/udal-herri-batzarra-ostegunean-2

Zaldibiako Udala

ARIKETA FISIKOA ETA OSASUNA 2023-2024
Aurtengo ikasturtean ere bada ariketa fisikoa egiteko aukerarik Zaldibian. Udalak edota eragileek antolatuta, jarraian dituzuen bi irudietan ikus daitekeen bezala. Informazio osoa esteka honetan eta Karreane Kultur Etxean. Aukera gehiago ere aztertzen ari gara, eskertuko da herritarren ekarpenak helaraztea.

https://zaldibia.eus/eu/ariketa-fisikoa-eta-osasuna-2023-2024

MATRIKULATU ZALDIBIAN, ZABALDU EUSKARAREN KOLOREAK
2023-2024 ikasturtean euskara ikasteko matrikulazio epea zabalik da. Zaldibiako Udalak eta UEMAk elkarlanean, euskara ez dakiten herritarrei berau ikasteko gonbitea egiten die, baita ikasketa hori herrian bertan egitekoa ere. Jarraitu irakurtzen.

https://zaldibia.eus/eu/matrikulatu-zaldibian-zabaldu-euskararen-koloreak

Zaldibiako Udala

GARBITZAILE LANPOSTURAKO DEIALDIA

Lanbidek sustatuta Toki ekintzetarako 2023ko Lanbideren dirulaguntza deialdiaren baitan, Zaldibiako Udalak 8 hilabetez pertsona bat kontratatuko du garbitzaile lanetarako. Irakurri baldintzak jarraian.

https://zaldibia.eus/eu/garbitzaile-lanposturako-deialdia-2

Zaldibiako Udala

IRRINTZI IKASTAROA
Irailaren 29an, irrintzi ikastaroa Aske talde feministak antolatuta. Amaia Garcia Uriondo gidari, 18:30ean Kimuene kulturgunean. Izen-ematea udaletxean edo kultur etxean, 5 euroan. Oharra: Parte-hartzaile bakoitzak esterilla, arropa erosoa eta ur botila eraman beharko ditu.

https://zaldibia.eus/eu/irrintzi-ikastaroa-amaia-garcia-uriondoren-eskutik

EGOKITZAPEN LANAK GAINTZARA JOATEKO BIDEGURUTZEAN
Ordiziatik Zaldibiara bidean, GI-2133 eta GI-3371 errepideen arteko elkargunea hobetuko du Gipuzkoako Foru Aldundiak, 103.770 euroan esleitu diren lanekin. Bidea zabaldu, zoru-pakete berria jarri eta itxaroteko errei bat egingo da, segurtasuna handituz. Lanekin datorren astean hasi eta lau astez luzatuko dira.

https://zaldibia.eus/eu/egokitzapen-lanak-gaintzara-joateko-bidegurutzean

Zaldibiako Udala

UDALBILTZAKO ORDEZKARITZA BERRITUA MARTXAN DA
Ostiralean burutu zen udalbiltzaren batzar nagusia eta legealdi berrian ardura hartuko duen ordezkaritza izendatu zen. Haritz Alberdi Getariako alkatea izango da lehendakari berria eta Ioritz Berra Zaldibiako alkatea Batzorde Eragileko kide izango da.
https://zaldibia.eus/eu/udalbiltzako-ordezkaritza-berritua-martxan-da

ETXEZ ETXEKO ARRETA ZERBITZUKO LANPOSTU DEIALDIA IREKITA
Zaldibiako Udalak 6 hilabetez pertsona bat kontratatuko du egunean 5 orduko lanaldiarekin etxez etxeko arreta zerbitzurako. Irakurri jarraian baldintzak.
https://zaldibia.eus/eu/etxez-etxeko-arreta-zerbitzuko-lanpostu-deialdia-irekita

Zaldibiako Udala

IGANDEAN, HERRIRA ETORRI BERRIEI ONGI-ETORRIA
Goizeko 11:00etan hasiko da Ongi-Etorria udaletxean. Azken hilabeteetan herrian erroldatu diren guztiak dira gonbidatuak, eta udalak eta herriko eragileek ongi-etorria egingo diete.

https://zaldibia.eus/eu/igandean-herrira-etorri-berriei-ongi-etorria

Zaldibiako Udala

ZALDIBIKO FESTAK 2023 EGITARAUA
Mondeju usainarekin batera ate joka ditugu Zaldibiko festak. Urriak 5, 6, 7, 8 eta 14an ospatuko dira eta hemen duzue azken hilabeteetan herriko eragileekin batera egositako egitarau zabala. Etxe guztietara banatu den euskarriaren bertsio digitala duzue hau.

https://zaldibia.eus/eu/zaldibiko-festak-2023-egitaraua

Zaldibiako Udala

HERRIA SARETZEKO, EMAN IZENA
Irekita dago lau-urteko berrirako izen ematea herriko gaien inguruko lanketa egiteko. Antolaketa berria jarri da martxan ohiko batzordeen ordez. Udal herri batzarrean zehatzago azaldu zen informazioa, jarraian ere aurki dezakezuena.

https://zaldibia.eus/eu/herria-saretzeko-eman-izena

Zaldibiako Udala

BIHAR, ASTEARTEA, KUADRILLA EGUNEKO BAZKARIRAKO TXARTELAK HARTZEKO AZKEN EGUNA

Urriaren 14a gerturatzen ari da, eta bihar arte egongo dira eskuragarri bazkarirako txartelak herriko tabernetan. Ikasle eta langabetuentzat Beti gazten, Illatin, Joxepanen eta Arresen dituzue eskuragarri. Landunentzat, ordea, Illatin eta Joxepanen bakarrik.

https://zaldibia.eus/eu/bihar-asteartea-kuadrilla-eguneko-bazkarirako-txartelak-hartzeko-azken-eguna

Zaldibiako Udala

PEOI-GARBITZAILEAREN HAUTAKETARAKO PROZESUAREN EMAITZAK

Irailaren 20an jakinarazi genuen Zaldibiako Udalak 8 hilabetez pertsona bat kontratatuko zuela peoi-garbitzaile lanetarako. Lanbidek sustatuta egin da, Toki ekintzetarako 2023ko Lanbideren dirulaguntza deialdiaren baitan. Behin izen-emate epea pasata eta bakarkako elkarrizketak eginda, jarraian ikus ditzakezue emaitzak.

https://zaldibia.eus/eu/peoi-garbitzailearen-hautaketarako-prozesuaren-emaitzak

Zaldibiako Udala

MAGMA MÍA BAKARRIZKETA
Urriaren 20an, ostirala, Beatriz Egizabalen bakarrizketaz gozatu ahal izango dugu, 22:00etan Karreanen. Zaldibiako udalak Aske talde feministarekin antolatua, patriarkatuak egunerokotasunean gure bizitzak nola zeharkatzen dituen azaltzen du gogoeta eta barreak eraginez. Sarrerak, udaletxean eta kultur etxean (5€). Egunean bertan ere bai, saioa hasi baino lehenxeago.

https://zaldibia.eus/eu/magma-mia-bakarrizketa-1

Zaldibiako Udala

GAUR KUADRILLEN EGUNA

Festetako azken eguna dugu gaurkoa. Poniak daude orain Olaldeko parkean eta eguerdian kuadrillen kalejira txarangarekin.


https://zaldibia.eus/eu/zaldibiko-festak-2023-egitaraua