UDALBATZA BERRIAREN OSAKETA EKITALDIA EKAINAREN 17AN

Larunbatean eguerdiko 12:00etan burutuko da Zaldibiako Udalbatza berriaren osaketa. Herritarrei gonbitea luzatzen diegu, ekitaldian eta ondoren egingo den mokadutxoan parte har dezaten.

https://zaldibia.eus/eu/udalbatza-berriaren-osaketa-ekitaldia-ekainaren-17an

Zaldibiako Udala

ARETO ETA BALIABIDEEN ATARIAREN AURKEZPENA

Ostiralean arratsaldeko 18:30ean, Zaldibiako areto eta baliabideen kudeaketarako sortu den ataria aurkeztuko da udaletxeko pleno Aretoan. Atari berri honen bidez, ordenagailutik nahiz mugikorretik erreserbatu ahalko dira herrian ditugun areto eta baliabideak. Aurkezpenaren iraupena 30 minutu ingurukoa izango da eta herritar eta herriko eragileetako ordezkariei bertaratzeko gonbitea egiten dizuegu.

https://zaldibia.eus/eu/areto-eta-baliabideen-atariaren-aurkezpena

Zaldibiako Udala

ARROPA GARBIGARRI ETA LEUNGARRIA EGITEKO IKASTAROA

Ekainaren 22an, ostegunean, Aiora Urbietak gidaturiko bigarren tailerra izango dugu. Lehenengoan xaboiak egiten ikasi bagenuen, bigarrenean arropa garbigarri eta leungarriak egiten ikasiko dugu. Zubi-Buru elkartean izango da, arratsaldeko 16:30etik 18:30era. Izena ekainaren 21erako eman behar da, 10€ ordainduta. Informazio guztia jarraian edo kultur etxean (943160338).

https://zaldibia.eus/eu/arropa-garbigarri-eta-leungarria-egiteko-ikastaroa

Zaldibiako Udala

Alamartxoa 2023: antolakuntza oharrak

Jarraian dituzue alamartxo eguneko antolaketari begirako oharrak: mahai-aulkien erreserbak eta banaketa, egitarauko ekintzak eta trafiko oharra.

https://zaldibia.eus/eu/alamartxoa-2023-antolakuntza-oharrak

ZALDIBIAKO UDALA

ERTZETIK ERDIRA – Utopiaren azken Dantza!

Prozesu amaiera eta diseinu aurkezpena
Zaldibian, Ostirala Ekainaren 23an – arratsaldeko 17:00etan!

-------------------------
Arkitektura ikasleen mezua:

Kaixo lagun,

2021ean hasi genuen ibilbidea lehen hitzaldi batekin… orain, eta hilabete sorta baten ondoren, iritsi gara Zaldibiako plaza izango denaren diseinuaren helmugara.

Denera nazioarteko 70 arkitektura ikasletik gora barne bildu dituen proiektu hau, parte hartze prozesu luze bezain oparo baten ondoren bere amaierara iritsi da beraz.

Bidelagun izan ditugu esparru ezberdinetako aditu zein teknikari ugari, baita udal langile, lantegi eta babesle sorta on bat. Asko eztabaidatu, ikasi eta hausnartu dugu… baita lan ordu asko eskaini ere!... baina beti nabaritu eta sentitu izan dugu herritar zein bidelagunen babesa eta konpromezua, auzolanez espazio sorkuntzak festa, algara, dantza eta irria ere behar dituelako!

Hasiera hasieratik nahi izan genuen Zaldibiako plaza izango denaren diseinua egun berezi batean aurkeztu, eta hala izango da. Bihar, Ekainaren 23an, arratsaldeko 17:00etan , Alamartxo gauaren atarian, herriko plaza osoan erakusketa zabal bat antolatu dugu, herritarrekin eta bide honetan gurekin jardun dutenekin emaitza partekatzeko ilusioz.

Idatzi honen bitartez prozesua gertutik eta urrutitik jarraitu duten guztiak gonbidatu nahi ditugu, esperientzia ezin hobea izan den hau, arkitektura, espazio sorkuntza, utopiak ikerketa eta auzolana batu dituen istorio hau zuekin partekatzeko.

Espaziogintzan, espazio sorkuntzan, herrigintzan zein arkitekturan jarduten duten herritar, aditu, teknikari, irakasle eta abar guztiei ere gonbitea luzatu nahi diegu, azken hilabeteetan gerturatzea lortu ez dutenei ere azken aukera eskainiz.

Animatu, urte oso batez nazioarteko ikasle multzo batek, auzolanez eta saretze bat oinarri izanik, Euskal Herriko plaza baten diseinuaren emaitza ikustera!

Zuekin, elkarrekin ospatzeko, eztabaidatzeko gogoz, bihar ikusiko garelakoan, agurtzen gara!

Ertzetik Erdira, Innsbruck arkitektura unibertsitateko Ikasle Taldea!!

-------------------------
Ikasleen ahotik izango direnez aurkezpenak, aldi-bereko itzulpena egingo da euskarara, horretarako Telegram kanala erabiliz. Beraz, ahal duzuenok Telegram deskargatuta eta aurikularrak eskuan dituzuela etorri.

Gogoratu musika eskolako ikasleek **GAUR** eskainiko dutela ikasturte amaierako kontzertua.

**ORDUA:** 18:30ean
**NON:** Plazan

Zinegoak LGTBIQ+ jaialdiko hainbat lan proiektatuko dira Zaldibian

Zinema eta arte eszenikoen bidez sexu-aniztasunaren inguruko sentsibilizazioa helburu duen jaialdiak 20 urte bete ditu aurten. Ekainaren 28an hainbat lan ikusi ahal izango dira Zaldibian, arratsaldeko 19:00etan Karreane kultur etxeko ganbaran.

https://zaldibia.eus/eu/zinegoak-lgtbiq-jaialdiko-hainbat-lan-proiektatuko-dira-zaldibian

Zaldibiako Udala

HERRIKO JAIAK 2023: EKARPENAK JASOTZEA ETA LEHEN BILERARAKO DEIA

Urria oraindik aparte bada ere, ohi bezala udako oporren aurretik lanak aurreratzea komeni izaten denez, herriko festen antolaketarako deia egin du udalak UZTAILAREN 5erako. Bitartean ekarpen eta ideiak jaso nahi dira, xehetasunak jarraian.

https://zaldibia.eus/eu/herriko-jaiak-2023-ekarpenak-jasotzea-eta-lehen-bilerarako-deia

Zaldibiako Udala

Gogoratu: gaur, 19:00etan Karreane kultur etxeko ganbaran, Zinegoak LGTBIQ+ jaialdiko hainbat lan proiektatuko dira. Animatu!

TRAFIKO OHARRAK ASTEBURURAKO


Asteburu honetan Gazte Festak eta Frantziako Tourra direla eta, trafikoan eragina izango duten hainbat moldaketa izango dira. Xehetasunak jarraian:


https://zaldibia.eus/eu/trafiko-oharrak-astebururako


Zaldibiako Udala

EGUTEGIAK DAKARRENA: UZTAILA

Herriko eragileek eta udalak antolatutako ekintza ugari izango dira uztailean. Jarraian guztien bilduma.

https://zaldibia.eus/eu/egutegiak-dakarrena-uztaila

Zaldibiako Udala

**Udako ordutegia udaletxean eta kultur etxean**
Udaletxea 08:30etik 15:30era zabalduko da irailaren 15era bitarte. Karreane kultur etxea, ordea, 09:00etatik 15:00etara zabalduko da uztailean, eta abuztuan itxita egongo da.

GOGORATU: bihar, asteazkena, herriko jaien diseinu eta antzolakuntzarako lehen saioa 18:30ean Antzokian. Zatoz!
Ekintzak eta txupinazo jaurtitzaileak proposatzeko aukera ere badago, hemen 👇

https://zaldibia.eus/eu/herriko-jaiak-2023-ekarpenak-jasotzea-eta-lehen-bilerarako-deia

Ur zerbitzuan gorabeherak

Goroskindegiko ur biltegiko buiak izan duen matxura dela eta, biltegia hustu da eta ur gabezia somatu da hainbat etxetan. Matxura konponduta dago, eta biltegia urez betetzen ari da. Baliteke bete bitartean oraindik etxeren batzutan ura falta izatea edo presio baxuagoa izatea.
Barkatu eragozpenak.
Zaldibiako Udala.

UEMA: “Nahikoa da! Gu euskaraz gara!”

UEMAko hautetsiek agerraldi jendetsua egin zuten ostiralean, Espainiako Auzitegi Konstituzionalak udal legearen aurka emandako epaiaren harira: udalei euskara hutsez funtzionatzeko bidea ezeztatu die. Bertan izan zen Ioritz Berra Zaldibiako alkatea, beste 125 alkate eta hautetsirekin batera.

https://zaldibia.eus/eu/uema-nahikoa-da-gu-euskaraz-gara

Zaldibiako Udala

Zaldibiako hondakin bilketa eta hobari sistema eredugarria Europar Batzordearentzat

Europako Batzordeak ohartarazpena egin dio Espaniari hondakinen birziklapen baxua eta zabortegietara isurtzen duen hondakin kopuru handia aintzat hartuta, 2025 eta 2035erako ezarrita dauden helburuetatik urrun daudelako. Bertan, Zaldibiako hondakin bilketa sistema, eta bere hobariak praktika on gisa aipatu ditu.

https://zaldibia.eus/eu/zaldibiako-hondakin-bilketa-eta-hobari-sistema-eredugarria-europar-batzordearentzat

Zaldibiako Udala

Herriko jaiak 2023: bigarren bilerarako deia

Aurreko astean egin zen lehen bilera eta hainbat gai finkatu ziren jada: festa egunak zeintzuk izango diren, festa gunearen antolaketa orokorra zein izango den eta egitarauaren lehen zirriborroa ere osatu zen. Bigarren bileran, egitarauan sakonduko da, uda aurretik lotzea komeni diren ekintzak zehazteko, bereziki musika taldeena.

https://zaldibia.eus/eu/herriko-jaiak-2023-bigarren-bilerarako-deia

Zaldibiako Udala

GOGORATU: bihar, asteazkena, 18:30ean, herriko jaien diseinu eta antolaketarako bigarren bilera udaletxeko Herri aretoan.

https://zaldibia.eus/eu/herriko-jaiak-2023-bigarren-bilerarako-deia

Zaldibiako Udala

Gaur, osteguna, Ohiko Osoko Bilkura udaletxeko batzar aretoan. Jarraian, bertan aztertuko diren gaien zerrenda. Gogoratu bilkurak publikoak direla eta edozeinek duela bertaratzeko aukera.

https://zaldibia.eus/eu/ohiko-osoko-bilkura-deialdia-ostegunerako-2

Bestalde, ikusgai daude larunbatean ospatu zen Txamarretxeko festako hainbat argazki eta bideo.

https://www.flickr.com/photos/zaldibia/albums/72177720309906154

Zaldibiako Udala