UDABERRIKO LEHENENGO ZAINTZA IBILBIDEAREN KRONIKA ETA BIGARRENERAKO GONBITA

2021eko udazkenean, Berdintasun lan-arlotik Emagin elkartearekin elkarlanean “Zaintzaren demokratizazioa” dinamika jarri genuen martxan. Honen baitan antolatu ditugu Udaberriko zaintza ibilbideak, eta jarraian irakur ditzakezue lehenengo ibilaldiaren kronika eta bigarrenerako gonbita.

https://zaldibia.eus/eu/amatasunak-gurasotasunak-eta-beste-ahaidetasunak

Zaldibiako Udala

TRAFIKO OHARRA: EKAINAK 2, OSTIRALA

Ostiralean, Irristaka Zaldibiako Patinaje taldeak antolatutako II. Patin Topaketa dela eta, Ibilgailuen JOAN ETORRIA ETENGO DA Santa Fe eta Artxanberri kaleetan. Hemen duzue informazio guztia.

https://zaldibia.eus/eu/trafiko-oharra-ekainak-2-ostirala-2

Zaldibiako Udala

Gogoratu, gaur arratsaldean, 17:30ean hasita II. Patin topaketa izango dugula herrian.

Bihar, larunbata, Udaberriko Zaintzen bigarren Ibilbidea:
NOLAKO ZAHARTZAROA NAHI DUGU?

10:00 Emagin Elkartearen kokapena, udaletxeko Herri Aretoan.
10:15 Mahai ingurua. Kontxi Lopez (gizarte langilea eta zaintzailea) eta Nekane Berriotxoa (ONEKA Euskal herriko emakume pentsiodunen elkartea)
11:30 Kafea eta hausnarketa
12:30 Ibilbidea
Udaletxean, #Adinekoen zaintza.
Osasun etxean, #Norberaren zaintzarako gakoak.
Etxepean, #Bakardadea Ariketa. Testigantzak eta datuak
Ixteko: Beti Gazten Mari Luz Estebanen #Andrezaharren manifestua-ren irakurraldi kolektiboa

ASTEAZKENEAN, ZALDIBIAKO IRAKURLE TALDEAREN SOLASALDIA AIORA JAKA ITZULTZAILEAREKIN

Juliana Léveillé-Trudel Qhebectarraren NIRLIIT lan arrakastatsua hainbat hizkuntzatara itzulia izan da eta Aiora Jaka donostiarrak ekarri du euskarara. Liburuaren inguruko solasaldia ekainaren 7an izango da, Olaldeko parkean 19:00etan (eguraldi txarra balitz, Karreaneko ganbaran). Solasaldiaren ondoren, mokadutxoak jarriko dio azken puntua saioari.

https://zaldibia.org/ZapiakBat/albisteak/nirliit-da-udaberriko-irakurgaia

Zaldibiako Udala

Nazioarteko arkitektura lantegia ekainaren 12tik 23ra Zaldibian

Ertzetik erdira prozesuak beste jauzi bat emango du. Partehartzearen bidez jasotako ideia asmo eta proposamenen gorpuztea eta plazaratzeko fasean hain zuzen. Ekainaren 12tik 23ra Zaldibian izango ditugu berriro arkitektura ikasleak eta ekainaren 23an arratsaldeko 17:00etan aurkeztuko dituzte proposamenak.

https://zaldibia.eus/eu/nazioarteko-arkitektura-lantegia-ekainaren-12tik-23ra-zaldibian

Zaldibiako Udala

Alamartxo gauko egitaraua

Ekainaren 23an bueltan izango dugu Alamartxoa eta udako solstizioa ospatzeko festa. Egitaraua prest dugu: berritasun gisa, aurreratzen dizuegu Ein Go taldearen eskutik erromeriaz gozatzeko aukera izango dugula. Azken urteetan bezala, plazan afaltzeko mahai eta aulkien eskaerak nola egin datorren astean plazaratuko dugu.

https://zaldibia.eus/eu/alamartxo-gaua-egitaraua

Zaldibiako Udala

GORPUTZAREN ETA ETXEAREN ZAINTZA EKOLOGIKOKO IKASTAROA

Aurten ere etxeko egunerokotasunean erabiltzen ditugun zenbait produktu modu ekologikoan egiten ikasiko dugu Aiora Urbieta Eizagirrerekin. Bi tailerrez osaturiko ikastaro honek ekainaren 16an, ostiralean, izango du lehenengoa: 16:30etik 18:30era bitartean Zubi-Buru elkartean. Bertan olio erabiliarekin xaboia egiten ikasiko dugu. Ekainaren 15erako eman behar da izena, 10€ ordainduta. Informazio osoa, jarraian.

https://zaldibia.eus/eu/gorputzaren-eta-etxearen-zaintza-ekologikoko-ikastaroa-3

Zaldibiako Udala

UDALBATZA BERRIAREN OSAKETA EKITALDIA EKAINAREN 17AN

Larunbatean eguerdiko 12:00etan burutuko da Zaldibiako Udalbatza berriaren osaketa. Herritarrei gonbitea luzatzen diegu, ekitaldian eta ondoren egingo den mokadutxoan parte har dezaten.

https://zaldibia.eus/eu/udalbatza-berriaren-osaketa-ekitaldia-ekainaren-17an

Zaldibiako Udala

ARETO ETA BALIABIDEEN ATARIAREN AURKEZPENA

Ostiralean arratsaldeko 18:30ean, Zaldibiako areto eta baliabideen kudeaketarako sortu den ataria aurkeztuko da udaletxeko pleno Aretoan. Atari berri honen bidez, ordenagailutik nahiz mugikorretik erreserbatu ahalko dira herrian ditugun areto eta baliabideak. Aurkezpenaren iraupena 30 minutu ingurukoa izango da eta herritar eta herriko eragileetako ordezkariei bertaratzeko gonbitea egiten dizuegu.

https://zaldibia.eus/eu/areto-eta-baliabideen-atariaren-aurkezpena

Zaldibiako Udala

ARROPA GARBIGARRI ETA LEUNGARRIA EGITEKO IKASTAROA

Ekainaren 22an, ostegunean, Aiora Urbietak gidaturiko bigarren tailerra izango dugu. Lehenengoan xaboiak egiten ikasi bagenuen, bigarrenean arropa garbigarri eta leungarriak egiten ikasiko dugu. Zubi-Buru elkartean izango da, arratsaldeko 16:30etik 18:30era. Izena ekainaren 21erako eman behar da, 10€ ordainduta. Informazio guztia jarraian edo kultur etxean (943160338).

https://zaldibia.eus/eu/arropa-garbigarri-eta-leungarria-egiteko-ikastaroa

Zaldibiako Udala

Alamartxoa 2023: antolakuntza oharrak

Jarraian dituzue alamartxo eguneko antolaketari begirako oharrak: mahai-aulkien erreserbak eta banaketa, egitarauko ekintzak eta trafiko oharra.

https://zaldibia.eus/eu/alamartxoa-2023-antolakuntza-oharrak

ZALDIBIAKO UDALA

ERTZETIK ERDIRA – Utopiaren azken Dantza!

Prozesu amaiera eta diseinu aurkezpena
Zaldibian, Ostirala Ekainaren 23an – arratsaldeko 17:00etan!

-------------------------
Arkitektura ikasleen mezua:

Kaixo lagun,

2021ean hasi genuen ibilbidea lehen hitzaldi batekin… orain, eta hilabete sorta baten ondoren, iritsi gara Zaldibiako plaza izango denaren diseinuaren helmugara.

Denera nazioarteko 70 arkitektura ikasletik gora barne bildu dituen proiektu hau, parte hartze prozesu luze bezain oparo baten ondoren bere amaierara iritsi da beraz.

Bidelagun izan ditugu esparru ezberdinetako aditu zein teknikari ugari, baita udal langile, lantegi eta babesle sorta on bat. Asko eztabaidatu, ikasi eta hausnartu dugu… baita lan ordu asko eskaini ere!... baina beti nabaritu eta sentitu izan dugu herritar zein bidelagunen babesa eta konpromezua, auzolanez espazio sorkuntzak festa, algara, dantza eta irria ere behar dituelako!

Hasiera hasieratik nahi izan genuen Zaldibiako plaza izango denaren diseinua egun berezi batean aurkeztu, eta hala izango da. Bihar, Ekainaren 23an, arratsaldeko 17:00etan , Alamartxo gauaren atarian, herriko plaza osoan erakusketa zabal bat antolatu dugu, herritarrekin eta bide honetan gurekin jardun dutenekin emaitza partekatzeko ilusioz.

Idatzi honen bitartez prozesua gertutik eta urrutitik jarraitu duten guztiak gonbidatu nahi ditugu, esperientzia ezin hobea izan den hau, arkitektura, espazio sorkuntza, utopiak ikerketa eta auzolana batu dituen istorio hau zuekin partekatzeko.

Espaziogintzan, espazio sorkuntzan, herrigintzan zein arkitekturan jarduten duten herritar, aditu, teknikari, irakasle eta abar guztiei ere gonbitea luzatu nahi diegu, azken hilabeteetan gerturatzea lortu ez dutenei ere azken aukera eskainiz.

Animatu, urte oso batez nazioarteko ikasle multzo batek, auzolanez eta saretze bat oinarri izanik, Euskal Herriko plaza baten diseinuaren emaitza ikustera!

Zuekin, elkarrekin ospatzeko, eztabaidatzeko gogoz, bihar ikusiko garelakoan, agurtzen gara!

Ertzetik Erdira, Innsbruck arkitektura unibertsitateko Ikasle Taldea!!

-------------------------
Ikasleen ahotik izango direnez aurkezpenak, aldi-bereko itzulpena egingo da euskarara, horretarako Telegram kanala erabiliz. Beraz, ahal duzuenok Telegram deskargatuta eta aurikularrak eskuan dituzuela etorri.

Gogoratu musika eskolako ikasleek **GAUR** eskainiko dutela ikasturte amaierako kontzertua.

**ORDUA:** 18:30ean
**NON:** Plazan

Zinegoak LGTBIQ+ jaialdiko hainbat lan proiektatuko dira Zaldibian

Zinema eta arte eszenikoen bidez sexu-aniztasunaren inguruko sentsibilizazioa helburu duen jaialdiak 20 urte bete ditu aurten. Ekainaren 28an hainbat lan ikusi ahal izango dira Zaldibian, arratsaldeko 19:00etan Karreane kultur etxeko ganbaran.

https://zaldibia.eus/eu/zinegoak-lgtbiq-jaialdiko-hainbat-lan-proiektatuko-dira-zaldibian

Zaldibiako Udala

HERRIKO JAIAK 2023: EKARPENAK JASOTZEA ETA LEHEN BILERARAKO DEIA

Urria oraindik aparte bada ere, ohi bezala udako oporren aurretik lanak aurreratzea komeni izaten denez, herriko festen antolaketarako deia egin du udalak UZTAILAREN 5erako. Bitartean ekarpen eta ideiak jaso nahi dira, xehetasunak jarraian.

https://zaldibia.eus/eu/herriko-jaiak-2023-ekarpenak-jasotzea-eta-lehen-bilerarako-deia

Zaldibiako Udala

Gogoratu: gaur, 19:00etan Karreane kultur etxeko ganbaran, Zinegoak LGTBIQ+ jaialdiko hainbat lan proiektatuko dira. Animatu!

TRAFIKO OHARRAK ASTEBURURAKO


Asteburu honetan Gazte Festak eta Frantziako Tourra direla eta, trafikoan eragina izango duten hainbat moldaketa izango dira. Xehetasunak jarraian:


https://zaldibia.eus/eu/trafiko-oharrak-astebururako


Zaldibiako Udala