LGTBI+ Fobiaren Aurkako Nazioarteko Eguna

Gaur, maiatzak 17, ospatzen den LGTBI+ Fobiaren Aurkako Nazioarteko eguna ekarri nahi dugu gogora. Erantzukizun indibiduala hartzen ez dugun bitartean, LGTBI+ FOBIAk gure eguneroko bizitzan praktika sozial normalizatua izaten jarraituko du. Zaldibia herri bizigarria izatea nahi dugu, non bakoitzak bere sexualitatea askatasunez bizi ahal izango duen.

https://zaldibia.eus/eu/lgtbi-fobiaren-aurkako-nazioarteko-eguna

Zaldibiako Udala

Plazako dantza ikastaroa gazte eta helduentzat

Deialdiari erantzunez talde polita osatu da BIHAR hasiko den ikastarorako. Izena emateko epea irekita dago oraindik, beraz garaiz zaudete ikastarora batzeko!

Hemen informazioa eta izena emateko aukera. Karreane Kultur Etxean ere bai.

https://zaldibia.eus/eu/orria/plazako-dantza-ikastaroa-gazte-eta-helduentzat

ANIMATU!

Igandean, Kultur Aniztasunaren Nazioarteko Eguna

Igande honetan, maiatzak 21, ospatzen da Kultur Aniztasunaren Mundu Eguna. Gure herrian elkarbizitzen eta nahasten diren kultura ezberdinetako herritarrek Zaldibiari ematen dioten aberastasunaren garrantzia azpimarratzeko eguna, beraz. Jatorri ezberdinak ditugu zaldibitarrok, aniztasuna gure kultura eta herri nortasunaren bidaide dugu.

https://zaldibia.eus/eu/igandean-kultur-aniztasunaren-nazioarteko-eguna

Zaldibiako Udala

Badatoz udaberriko zaintza ibilbideak

Ez, ez dira ibilbide soilak izango. Zaintza Demokratizatzeko bidearen baitan eta hainbat herritarren, eragileren, udalaren eta Emagin Elkartearen eskutik antolatu dira eta zaintzaren baitako gaiak jorratuko dira, mahai inguruan eta herrian zehar ibilaldia eginez. Jarraitu irakurtzen.

https://zaldibia.eus/eu/badatoz-udaberriko-zaintza-ibilbideak

Zaldibiako Udala

Gogoratu: GAUR 17:00etan plazan elkartuta “Amatasunak, gurasotasunak eta beste ahaidetasunak” hausnartu eta ezagutzeko aukera

17:00etan (Ez)Amatasunak ikuspegi feministatik, kokapena
17:15ean Atsolorra proiektuaren aurkezpena. Parean Elkartea.
18:00ean Kafea: Hausnarketa taldeka
18:30etik-20:00etara Herrian zehar ibilbidea, herritarren hitzartzeekin eta merienda
• Kultur etxean: Gurasotasun, amatasun transnazionalak.
• Etxepe batean: Zaintza familian (lan banaketa, ardura banaketa, baimenak, aiton-amonen lana…)
• Eskolan, Askotariko familia ereduak.
• Plazan: Zaintza komunitatean (herri hezitzailea, sareak...)
Ixteko: Zer egin Zaldibin komunitateak haurren zaintza babes dezan?

https://zaldibia.eus/eu/badatoz-udaberriko-zaintza-ibilbideak


Trafiko oharra: Maiatzak 27, larunbata

2023ko maiatzaren 27an, larunbata, ZALDIBIAKO MENDI LASTERKETA kirol froga ospatuko da Zaldibian. Hau dela eta ibilgailuen joan etorrian eragingo duten hainbat neurri hartuko direla jakinarazten dugu.

https://zaldibia.eus/eu/trafiko-oharra-maiatzak-27-larunbata

Zaldibiako Udala

Helduentzako patin ikastaroa Zaldibian

Ekaineko asteazken guztietan, 7an hasita, izango da arratsaldeko 18:30etik 19:30era, Resti Pilotalekuan. Irakasle lanetan Unai Matxain eta Aitor Vacas arituko dira. Izen-ematea kultur etxean edo jarraian duzuen formularioa betez egin daiteke. Oharra: 15€-ko ordainketa ikastaroko lehen egunean egin behar da, ez kultur etxean.

https://zaldibia.eus/eu/helduentzako-patin-ikastaroa-zaldibian

Zaldibiako Udala

"Zahartzearen aztarnak" zikloko hirugarren eta azken hitzaldia, asteazken honetan

Maiatzaren 31n, asteazkenean, sendagairik onena omen den Estimulazioaren inguruan arituko da Matia Goxarako Maribi Lopez hizlaria. Dementzietan espezializatutako Gizarte Hezitzailea da Maribi Lopez. Hitzaldia udaletxeko Herri Aretoan izango da, 17:30etik 19:00etara.

https://zaldibia.eus/eu/zahartzearen-aztarnak-zikloko-hirugarren-eta-azken-hitzaldia-asteazken-honetan

Zaldibiako Udala

UDABERRIKO LEHENENGO ZAINTZA IBILBIDEAREN KRONIKA ETA BIGARRENERAKO GONBITA

2021eko udazkenean, Berdintasun lan-arlotik Emagin elkartearekin elkarlanean “Zaintzaren demokratizazioa” dinamika jarri genuen martxan. Honen baitan antolatu ditugu Udaberriko zaintza ibilbideak, eta jarraian irakur ditzakezue lehenengo ibilaldiaren kronika eta bigarrenerako gonbita.

https://zaldibia.eus/eu/amatasunak-gurasotasunak-eta-beste-ahaidetasunak

Zaldibiako Udala

TRAFIKO OHARRA: EKAINAK 2, OSTIRALA

Ostiralean, Irristaka Zaldibiako Patinaje taldeak antolatutako II. Patin Topaketa dela eta, Ibilgailuen JOAN ETORRIA ETENGO DA Santa Fe eta Artxanberri kaleetan. Hemen duzue informazio guztia.

https://zaldibia.eus/eu/trafiko-oharra-ekainak-2-ostirala-2

Zaldibiako Udala

Gogoratu, gaur arratsaldean, 17:30ean hasita II. Patin topaketa izango dugula herrian.

Bihar, larunbata, Udaberriko Zaintzen bigarren Ibilbidea:
NOLAKO ZAHARTZAROA NAHI DUGU?

10:00 Emagin Elkartearen kokapena, udaletxeko Herri Aretoan.
10:15 Mahai ingurua. Kontxi Lopez (gizarte langilea eta zaintzailea) eta Nekane Berriotxoa (ONEKA Euskal herriko emakume pentsiodunen elkartea)
11:30 Kafea eta hausnarketa
12:30 Ibilbidea
Udaletxean, #Adinekoen zaintza.
Osasun etxean, #Norberaren zaintzarako gakoak.
Etxepean, #Bakardadea Ariketa. Testigantzak eta datuak
Ixteko: Beti Gazten Mari Luz Estebanen #Andrezaharren manifestua-ren irakurraldi kolektiboa

ASTEAZKENEAN, ZALDIBIAKO IRAKURLE TALDEAREN SOLASALDIA AIORA JAKA ITZULTZAILEAREKIN

Juliana Léveillé-Trudel Qhebectarraren NIRLIIT lan arrakastatsua hainbat hizkuntzatara itzulia izan da eta Aiora Jaka donostiarrak ekarri du euskarara. Liburuaren inguruko solasaldia ekainaren 7an izango da, Olaldeko parkean 19:00etan (eguraldi txarra balitz, Karreaneko ganbaran). Solasaldiaren ondoren, mokadutxoak jarriko dio azken puntua saioari.

https://zaldibia.org/ZapiakBat/albisteak/nirliit-da-udaberriko-irakurgaia

Zaldibiako Udala

Nazioarteko arkitektura lantegia ekainaren 12tik 23ra Zaldibian

Ertzetik erdira prozesuak beste jauzi bat emango du. Partehartzearen bidez jasotako ideia asmo eta proposamenen gorpuztea eta plazaratzeko fasean hain zuzen. Ekainaren 12tik 23ra Zaldibian izango ditugu berriro arkitektura ikasleak eta ekainaren 23an arratsaldeko 17:00etan aurkeztuko dituzte proposamenak.

https://zaldibia.eus/eu/nazioarteko-arkitektura-lantegia-ekainaren-12tik-23ra-zaldibian

Zaldibiako Udala

Alamartxo gauko egitaraua

Ekainaren 23an bueltan izango dugu Alamartxoa eta udako solstizioa ospatzeko festa. Egitaraua prest dugu: berritasun gisa, aurreratzen dizuegu Ein Go taldearen eskutik erromeriaz gozatzeko aukera izango dugula. Azken urteetan bezala, plazan afaltzeko mahai eta aulkien eskaerak nola egin datorren astean plazaratuko dugu.

https://zaldibia.eus/eu/alamartxo-gaua-egitaraua

Zaldibiako Udala

GORPUTZAREN ETA ETXEAREN ZAINTZA EKOLOGIKOKO IKASTAROA

Aurten ere etxeko egunerokotasunean erabiltzen ditugun zenbait produktu modu ekologikoan egiten ikasiko dugu Aiora Urbieta Eizagirrerekin. Bi tailerrez osaturiko ikastaro honek ekainaren 16an, ostiralean, izango du lehenengoa: 16:30etik 18:30era bitartean Zubi-Buru elkartean. Bertan olio erabiliarekin xaboia egiten ikasiko dugu. Ekainaren 15erako eman behar da izena, 10€ ordainduta. Informazio osoa, jarraian.

https://zaldibia.eus/eu/gorputzaren-eta-etxearen-zaintza-ekologikoko-ikastaroa-3

Zaldibiako Udala

UDALBATZA BERRIAREN OSAKETA EKITALDIA EKAINAREN 17AN

Larunbatean eguerdiko 12:00etan burutuko da Zaldibiako Udalbatza berriaren osaketa. Herritarrei gonbitea luzatzen diegu, ekitaldian eta ondoren egingo den mokadutxoan parte har dezaten.

https://zaldibia.eus/eu/udalbatza-berriaren-osaketa-ekitaldia-ekainaren-17an

Zaldibiako Udala

ARETO ETA BALIABIDEEN ATARIAREN AURKEZPENA

Ostiralean arratsaldeko 18:30ean, Zaldibiako areto eta baliabideen kudeaketarako sortu den ataria aurkeztuko da udaletxeko pleno Aretoan. Atari berri honen bidez, ordenagailutik nahiz mugikorretik erreserbatu ahalko dira herrian ditugun areto eta baliabideak. Aurkezpenaren iraupena 30 minutu ingurukoa izango da eta herritar eta herriko eragileetako ordezkariei bertaratzeko gonbitea egiten dizuegu.

https://zaldibia.eus/eu/areto-eta-baliabideen-atariaren-aurkezpena

Zaldibiako Udala