Kanpora sartzen antzezlanerako sarrerak salgai gaurtik

Datorren ostiralean, martxoak 17, gaueko 22:30ean izango da antzezlana Herri Antzokian. Aitziber Garmendiak zuzendutako lana taularatuko dute Xabin Fernandez eta Intza Alkainek.

Sarrerak GAUR jarriko dira salgai Karreanen, 17:00etatik aurrera.

https://zaldibia.eus/eu/kanpora-sartzen-antzezlana-zaldibian


ZALDIBIAKO UDALA

Biharko Rallya dela eta

Mezu honen bidez gogorarazi nahi dugu bihar izango dela Goierri Rallysprint-a eta jarraian aurkituko dituzue trafiko mozketari dagozkion oharrak.

https://zaldibia.eus/eu/trafiko-oharra-martxoak-18-larunbata

Era berean, jakinarazten dugu ekimen honek herrian eta herritarrengan sortzen dituen eraginak direla eta, gaia lantzeko proposamena aurkeztuko duela datorren astean Udalak.

ZALDIBIAKO UDALA

LARUNBATEAN, HERRIRA ETORRI BERRIEI ONGI-ETORRIA

Goizeko 11:00etan hasiko da Ongi-Etorria udaletxean. Azken hilabeteetan herrian erroldatu diren guztiak dira gonbidatuak, eta udalak eta herriko eragileek ongi-etorria egingo diete.

https://zaldibia.eus/eu/larunbatean-herrira-etorri-berriei-ongi-etorria


UDAL IBILGAILU BERRIA KALEAN DA

Udaleko kale-langileen lan-taldeak beste ibilgailu bat du eguneroko lanei aurre egiteko. Ibilgailua %100 elektrikoa da, bi plazako kabina du, txoko guztietara iristeko moduko tamaina eta atzealdean material edo gaiak eramateko espazioa, igo eta jaitsierako plataformarekin.

https://zaldibia.eus/eu/udal-ibilgailu-berria-kalean-da

ZALDIBIAKO UDALA

ERAKUSTALDIA ETA KONPOSTA BANAKETA HURRENGO OSTIRALEAN

Martxoaren 31n, ostiral goizean, Lardizabal herri eskolako ikasleentzako konposta galbahetik iragazteko erakustaldi irekia egingo da, eta arratsaldeko 16:00etatik aurrera herrian egindako konposta banatuko da plazan auzo konpost-guneetako erabiltzaileen artean.

Etxeko sukaldean organikoa kudeatzeko kubo txiki zulogabeak jaso eta auzo konpostgunean izena emateko aukera ere egongo da.

https://zaldibia.eus/eu/erakustaldia-eta-konposta-banaketa-hurrengo-ostiralean

Trafiko Oharra: Dantzari Txikien Eguna igandean

Iztueta Dantza Taldeak antolatutako XXXI. Dantzari Txikien Eguna dela eta, ibilgailuen JOAN ETORRIA ETENGO DA ondoren zehaztutako egun, ordu eta eremuan.

https://zaldibia.eus/eu/trafiko-oharra-dantzari-txikien-eguna-igandean

ZALDIBIAKO UDALA

Udal tasak ordaintzeko dirulaguntza deialdia: 2023ko deialdia

Zaldibiako Udalak udal tasa eta prezio publikoak ordaintzeko laguntzak aurkezteko 2023ko deialdia aurkeztu du. Laguntza hauen bidez etxerako ur-hornidura eta estolderia eta etxeko hondakin bilketa eta kudeaketa ordaindu ahalko dira. Epea deialdi hau plazaratzen denetik 2023ko abenduaren 30 artekoa izango da.

https://zaldibia.eus/eu/udal-tasak-ordaintzeko-dirulaguntza-deialdia-2023ko-deialdia

ZALDIBIAKO UDALA

ATEAK IREKI proiektua

Uda honetan Ipar Ameriketako 16-25 urteko euskal jatorria duten gazteak etorriko dira Goierrira. Bertako eta Estatu Batuetako euskal komunitateko familien eta gazteen arteko harremanak sortzea du helburu, besteak beste. Goierriko 53 familia behar dira gazteak etxean hartzeko.

Jarraian informazio osoa: https://zaldibia.eus/eu/ateak-ireki-proiektua


Mendi irteera eta zuhaitz landaketa Enirio-Aralarko Mankomunitatean

Apirilaren 2an, igandea, ibilaldia eta zuhaitz landaketa bat egiteko deia zabaldu du Enirio-Aralar Mankomunitateak, Ganbotxiki eta Uzkuiti artean. Goizeko 8:00etan Ataungo San Martingo plazan jarri dute elkargunea eta antolatzaileek eskertuko dute joateko asmoa duenak aurrez jakinaraztea.

Informazio osoa jarraian: https://zaldibia.eus/eu/mendi-irteera-eta-zuhaitz-landaketa-enirio-aralarko-mankomunitatean

Ongi etorri Zaldibira!, etorri berriei herri-harrera

Larunbatean egin zen azken hilabeteetan Zaldibira etorritako herritar berriei ongi etorria emateko saioa. Itsasondotik, Kolonbiatik, Bilbotik edota amaren sabeletik herrira etorri zaizkigun kide berriak ditugu gure artean eta herri-harrera martxan da etorri berriei esku bat bota eta herritarren arteko saretzea bultzatzeko.

Hemen larunbateko kronika eta irudi sorta: https://zaldibia.eus/eu/ongi-etorri-zaldibira-etorri-berriei-herri-harrera


UEMAn 101: batzarra eta ospakizun ekitaldia udalerri euskaldunontzat

Lau udal berriekin, 101 udal izatera iritsi da UEMA, eta ekitaldia egin zen larunbatean Azpeitian, udalerri euskaldunen garrantzia nabarmentzeko eta herri honek euskarari eusteko egindako bidea omentzeko. Bertan izan ziren Zaldibiako Udaleko ordezkariak ere.

Ekitaldiko informazio osoa hemen: https://zaldibia.eus/eu/ueman-101-batzarra-eta-ospakizun-ekitaldia-udalerri-euskaldunontzat


ZALDIBIAKO UDALA

Datorren asteartean amaituko da Bide Publikoen inbentarioari alegazioak jartzeko epea

Asteartean, apirilak 4, amaituko da Zaldibiako Bide Publikoen inbentarioaren hasierako dokumentuari alegazioak jartzeko 2 hilabeteko epea.

Udaleko harreran edo egoitza elektronikoan aurkeztu behar dira alegazioak eta laguntza behar duenak bertan hartu behar du hitzordua idazkariarekin biltzeko.

https://zaldibia.eus/eu/datorren-asteartean-amaituko-da-bide-publikoen-inbentarioari-alegazioak-jartzeko-epea

Zaldibia-Gaintzako Idazkari-Kontu hartzaile lanpostua hutsik geratu da

Ia 14 urtez Zaldibia-Gaintzako idazkari-kontu hartzaile lanpostua bete duen langileak uko egin zion lehengo astean lanpostuari, beste udalerri bateko postua hartzeko. Hori dela eta, Foru Aldundiak epe motzean argitaratuko du Zaldibia-Gaintzako lanpostua betetzeko deialdia.

Jarraian informazio gehiago: https://zaldibia.eus/eu/zaldibia-gaintzako-idazkaritza-lanpostua-hutsik-geratu-da

ZALDIBIAKO UDALA

2023ko Udako jarduerak

Aurtengo udako oporretan ere Udako jarduerak antolatuko dira Zaldibian, uztailaren 3tik 21era.

Alde batetik, 2 urtetik 12 urtera bitarteko haurrei zuzenduak, eta bestetik, DBH1, DBH2 eta DBH3ko gaztetxoei zuzenduak.

Baterako zein besterako izen-ematea zabalik dago apirilaren 19ra arte.

Albistearen barruan duzue informazio guztia: https://zaldibia.eus/eu/2023ko-udako-jarduerak

ZALDIBIAKO UDALA

IRITZI BILKETA: GOIERRI RALLYSPRINTA

Hainbat izan dira urtez urte lasterketa honen harira denetariko iritziak helarazi dituzten herritarrak, aurten bereziki.

Hau honela izanda, eta ekitaldi honek duen eragin maila eta eremua kontuan hartuta, IRITZI JASOTZE ARIKETA FORMALA burutzea erabaki dugu.

Jarraian informazio osoa eta parte hartzeko moduak: https://zaldibia.eus/eu/iritzi-bilketa-goierri-rallysprinta-1

ZALDIBIAKO UDALA

Errenta aitorpena eta Osasun-arreta, EUSKARAZ

Urtero bezala Zaldibiako Udalak eta UEMAk herritarrei dei egiten die gaur hasi den Errenta Aitorpen kanpainan euskararen aldeko hautua egiteko. Osakidetzan ere, osasun arretarako hizkuntza hautua egin daiteke. Euskaraz badakizu, hautatu euskara!

https://zaldibia.eus/eu/errenta-aitorpena-eta-osasun-arreta-euskaraz-1


Bi asteotan jai egunetan bakarrik itxiko dira udal zerbitzuak

Zaldibiako Udala eta Udal Liburutegia ostegunetik astelehenera itxiko dira (bihar barne) eta gainerako egunetan ohiko ordutegia izango dute.

https://zaldibia.eus/eu/bi-asteotan-jai-egunetan-bakarrik-itxiko-dira-udal-zerbitzuak

ZALDIBIAKO UDALA

Saturdiko festa apirilaren 10ean

Aberri egunaren ajearekin batera ospatuko da Saturdi auzoko festa. Hemen duzue egitaraua eta aurreratzen dizuegu egitarau mardula prestatu dutela urteroko usadioari jarraituz.

https://zaldibia.eus/eu/saturdiko-festa-apirilaren-10ean

SATURDI AUZOKO FESTA BATZORDEA - ZALDIBIAKO UDALA

ABERRI EGUNA ospatzeko deialdia

Apirilaren 9an ospatuko den Aberri Egunean parte hartzeko deia luzatu du Zaldibiako Udalak eta etxeetako balkoi eta leihoetan Ikurriñak zintzilikatzeko eskatzen die herritarrei.

https://zaldibia.eus/eu/aberri-eguna-ospatzeko-deialdia-2


Gipuzkoako bizikleta bideen Lurralde Arloko Planaren Berrikuspena abiatu du Foru Aldundiak

Mugikortasun Sailak 2013an onartutako Gipuzkoako Bizikleta Bideen Plana berrikusteko prozesua hasi du, Planaren 8 urteko indarraldia amaitu dela adieraziz. Bistan denez, ordea, Planean jasotako sare osoa ez da gauzatu, bertan jasoa baitzen Zaldibia-Ordizia bide-gorria ere.

Berrikuspen honen baitako Partaidetza Planaren baitan, apirilaren 18rako bilera bat antolatu dute erakunde publikoei eta gaiarekin lotura duten eragileei zuzendua, eta esan beharrik ez da Zaldibiako Udaleko ordezkari eta teknikariak bertan izango direla, gaiari jarraipen estua egin eta Zaldibia-Ordizia bide-gorria nahiz Goierriko bizikleta sarea osatzea exijitzeko eta sustatzeko.

Bestetik, herritarrentzat online inkesta bat ireki dute, apirilaren 1etik 30era bitarte bete ahal izango dena.

Jarraitu irakurtzen: https://zaldibia.eus/eu/gipuzkoako-bizikleta-bideen-lurralde-arloko-planaren-berrikuspena-abiatu-du-foru-aldundiak

ZALDIBIAKO UDALA

Kultur eta Kirol taldeentzat 2023ko diru-laguntza deialdia zabalik

Maiatzaren 23ra arte, zabalik izango da herriko Kultur eta Kirol taldeen urteroko udal diru-laguntza deialdia. 2023. urtean zehar Zaldibiako irabazi asmorik gabeko kultur eta kirol erakundeei beraien proiektuen eta urteko programen garapena finantzatzen laguntzea izaten da helburua.

Jarraian dituzue laguntzen oinarriak, eskaerak aurkezteko epea eta gainontzeko informazioa:

https://zaldibia.eus/eu/kultur-eta-kirol-taldeentzat-2023ko-diru-laguntza-deialdia-zabalik

ZALDIBIAKO UDALA

Udalak Mugikortasun Planaren lanketa esleitu dio RAZ bulegoari

2023ko erronketako bat da Mugikortasun Plana landu eta idaztea eta lehen pausoa eman da RAZ, Tresna digitalak eta hiri berrikuntza kooperatiba txikiari lan hori egikaritzeko ardura emanez. Mugikortasunari lotutako oinarrizko gaiak aztertzeaz gain, bereziki landuko dira Santa Fe kalea eta Zaldibia-Ordizia bide-gorria. Prestaketa lanen ondoren, herritarrekin lantzeko saioak ere izango dira.

Jarraitu irakurtzen hemen: https://zaldibia.eus/eu/udalak-mugikortasun-planaren-lanketa-esleitu-dio-raz-bulegoari


Abian da Oporrak Bakean programa, haur sahararrak udan etxean hartzeko

300 haurrentzako harrera-familien bila ari dira, ‘Uda bateko besarkada’ lelopean. Programan parte hartu nahi dutenek apirilaren 25era arte dute izena emateko epea.

Informazio osoa hemen: https://zaldibia.eus/eu/abian-da-oporrak-bakean-programa-haur-sahararrak-udan-etxean-hartzeko

ZALDIBIAKO UDALA

IRITZI BILKETAREN EMAITZAK: Goierri Rallysprinta

2023ko martxoaren 30etik apirilaren 5 arte IRITZI BILKETA ARIKETA FORMALA antolatu zuen Zaldibiako Udalak. ZALDIBITAR BAT, IRITZI BAT irizpidea jarraituz, herrian erroldatuta egon eta 16 urte edo gehiago dituztenek izan dute iritzia emateko aukera.

Hemen duzue bertan jasotako emaitzen txostena: https://zaldibia.eus/eu/iritzi-bilketaren-emaitzak-goierri-rallysprinta

ZALDIBIAKO UDALA

Elbira dokumentala apirilaren 26an

Apirilaren 26an, arratsaldeko 19:00etan Elbira Zipitriari buruzko dokumentala emango da udaletxeko Herri Aretoan.

Ikastolen sortzaile eta euskarazko hezkuntzaren aitzindari, Gipuzkoak XX. mendean izandako erreferente handienetakoa da Zipitria, frankismoaren urte gogorrenetan euskararen eta euskal nortasunaren sugarra bizirik mantendu eta belaunaldi berriei transmititzea lortu zuena.

https://zaldibia.eus/eu/elbira-dokumentala-apirilaren-26an

Aralarko larreen irekiera festa

Maiatzaren 1ean, astelehenarekin, eguerdiko 12etan burutuko da artalde eta azienden mendiratzea. Artisauak, kantaldia, erakusketa eta herri kirolak ere izango dira Larraitzen, besteak beste.

https://zaldibia.eus/eu/aralarko-larreen-irekiera-festa

ZALDIBIAKO UDALA

"ZAHARTZEAREN AZTARNAK" hitzaldien zikloa maiatzean

Gaur hasiko da hiru hitzaldiko sorta eta “Gaueko atsedenaldia” izango da gaia. Udaletxeko Herri Aretoan izango da, 17:30etik 19:00etara.

Beste bi hitzaldiak: maiatzaren 17an “Denborak eragindako aldaketak” eta maiatzaren 31n “Estimulazioa sendagairik onena”, hauek ere leku eta ordu berean.

Hizlaria Maribi Lopez izango da, Matia-Goxarakoa, dementzietan espezializatutako Gizarte Hezitzailea.

https://zaldibia.eus/eu/zahartzearen-aztarnak-hitzaldien-zikloa-maiatzean

ZALDIBIAKO UDALA

Zaldibiako musika eskolan 2023/2024 ikasturterako ikasle berriek izena emateko epea zabalik

https://zaldibia.eus/eu/zaldibiako-musika-eskolan-20232024-ikasturterako-ikasle-berriek-izena-emateko-epea-zabalik

Zaldibiako Udala Oinherri Herri Hezitzaileen Sarera bazkidetu da

https://zaldibia.eus/eu/zaldibiako-udala-oinherri-herri-hezitzaileen-sarera-bazkidetu-da

Ohiko Osoko Bilkurako kronika

https://zaldibia.eus/eu/ohiko-osoko-bilkurako-kronika-3

ZALDIBIAKO UDALA