ZALDIBIAKO BIDE PUBLIKOEN INBENTARIOAREN HASIERAKO ONARPENA

Abenduaren 27ko osoko bilkuran hasierako onarpena eman zitzaion Zaldibiako Bide Publikoen inbentarioari. Datozen egunetan Aldizkari Ofizialetan argitaratzen denetik 2 hilabeteko epea irekiko da inbentarioaren kontsultarako, baita zalantza eta alegazioak aurkezteko ere.

Udaletxeko harrera nagusian eta jarraian aurkituko duzun loturan dago eskuragai dokumentazio osoa:

https://zaldibia.eus/eu/orria/zaldibiako-bide-publikoen-inbentarioaren-hasierako-onarpena

ZALDIBIAKO UDALA

IBAI-ONDOKO KONPOSTGUNEA BIHAR JARRIKO DA MARTXAN

EGUNA: urtarrilaren 12a, OSTEGUNA
ORDUA: 18:30ean
LEKUA: Ibai-Ondo atzealdeko konpostgunean
ZER EGINGO DA: Udal langileak Ibai-Ondon konposta egiteko izena emanda dauden herritarrei azalpenak eman, zalantzak argitu eta giltzak banatuko dizkie. Oraindik izenik eman ez, baina deialdira etortzen diren herritarrek ere azalpenak jasoko dituzte eta izena emateko bideak zeintzuk diren adieraziko zaie.

https://zaldibia.eus/eu/ibai-ondoko-konpostgunea-ostegunean-jarriko-da-martxan

ZALDIBIAKO UDALA

ZALDIBIAKO UDAL ERAIKIN ETA ARGITERIA PUBLIKOAREN ENERGIA AUDITORETZAREN AURKEZPENA

Urtarrilaren 19an, osteguna, arratsaldeko 18:30ean Herri Aretoan Nazertek-eko Joseba Agudoren eskutik Zaldibiako Udal eraikinetan eta argiteria publikoaren inguruan egindako energia auditoretza aurkeztuko da.

Bertan egoera zertan dugun eta aurrera begira egin beharreko hobekuntzak zein norabidetan joan beharko diren aurkeztuko dira.

Eguna: URRIAK 19 OSTEGUNA
Ordua: 18:30ean
Lekua: Udaletxeko HERRI ARETOAN

Aurkezpena euskaraz izango da. Euskara ez dakitenentzat itzulpena egongo da.

https://zaldibia.eus/eu/zaldibiako-udal-eraikin-eta-argiteria-publikoaren-energia-auditoretzaren-aurkezpena

ZALDIBIAKO UDALA

ELUR IRAGARPENEN AURREAN, KONTUAN IZATEKO JARRAIBIDEAK

Negu giroa etorri zaigun honetan, elur iragarpenak daude datozen egunetarako. Momentuko iragarpenek 200 metro ingurutik gora kokatzen dute elur-maila, nahiz eta tokian toki beherago ere iritsi daitekeen.

Une aproposa, beraz, urteroko jarraibideak gogorarazteko. Jarraian aurkituko dituzue:

https://zaldibia.eus/eu/elur-iragarpenen-aurrean-kontuan-izateko-jarraibideak

ZALDIBIAKO UDALA

ZALDIBIAKO ERROTEN ONDAREAREN INGURUAN URRATS BERRIAK AURTEN

Iaz burututako ekintzei jarraipena emango zaie aurten ere. Urtean bi alditan Kanpaingo Errota martxan jarri eta ate irekiak antolatuko dira. Lehena maiatzean izango da, Gipuzkoako Erroten Eguna ekimena**rekin **bigarrenez bat egingo delarik.

Gainera, ikus-entzunezko bat ekoitziko da ordurako Labrit Ondarea taldearen laguntzarekin, herriko erroten ibilbidea eta historia jasoz. Lanketa honen oinarria auzolana izanik, orain artean inplikatutako herritarrekin lan saioa egingo da GAUR, 16:30ean Karreane Kultur Etxean eta bertan izango dira Labrit Ondarekoak ere.

Gaurko saiorako deialdia irekita dago aurtengo ekimenak ezagutu eta bere ekarpena egiteko prest dauden herritar guztientzat.

https://zaldibia.eus/eu/zaldibiako-erroten-ondarearen-inguruan-urrats-berriak-aurten

ZALDIBIAKO UDALA

KIMUENE KULTURGUNEKO ARETO BERRIA: LASTER MARTXAN

Ispilua eta sarraila jartzea falta da nagusiki, eta datorren astean espero da lan hauek egitea. Hortik aurrera martxan izango da Gereziondo izena hartu duen aretoa.

Hemen aretoari eta erabilerei buruzko informazioa: https://zaldibia.eus/eu/kimuene-kulturguneko-areto-berria-laster-martxan


OHIKO OSOKO BILKURA DEIALDIA ASTELEHENERAKO

Datorren astelehenean, urtarrilaren 30ean, izango da bilkura iluntzeko 18:30ean Udaletxeko areto nagusian.

https://zaldibia.eus/eu/ohiko-osoko-bilkura-deialdia-astelehenerako-1


SANTA FE KALEAN KONPONKETA LANAK DATORREN ASTETIK AURRERA

Santa Fe kalean ibilgailuek erabiltzen duten errepideko hainbat puntutan, zoruaren konponketa lanak egingo dira datorren astetik aurrera.

https://zaldibia.eus/eu/santa-fe-kalean-konponketa-lanak-datorren-astetik-aurrera


TXURRO POSTUA DATOZEN EGUNETARAKO

Aurreko urteetan ere gurean izan dugu txurreria postua negu partean. Gaurtik hasi eta otsailaren 12ra arte postua jartzeko baimena eman da. Estanko atzealdean, Artxanberrirako bidean dagoen eremuan kokatuko da.

ZALDIBIAKO UDALA

HASI DIRA SANTA FE KALEKO BIDE-KONPONKETA LANAK

Atzo goizean hasi ziren pasa den astean iragarritako konponketa lanak. Udaletxe parean ekin diote eta kalean gora hainbat puntutan egingo dira hobekuntzak. Lanek irauten duten bitartean trafikoan aldaketak izango dira eta autobusak Arresenen utzi eta hartuko ditu bidaiariak.

https://zaldibia.eus/eu/hasi-dira-santa-fe-kaleko-bide-konponketa-lanak

2023KO EGUTEGI FISKALA ETA EGUN BALIOGABEAK

Urtero bezala, zehaztu da aurtengo egutegi fiskala, baita egun ez-baliodunen egutegia ere. Jarraian duzu informazio osoa.

https://zaldibia.eus/eu/2023ko-egutegi-fiskala

ZALDIBIAKO UDALA

ZALDIBIAKO BIDE PUBLIKOEN INBENTARIOAREN KONTSULTA-ALEGAZIO ALDIA HASI DA

2022ko abenduaren 27ko osoko bilkuran hasierako onarpena eman zitzaion Zaldibiako Bide Publikoen inbentarioari. Gipuzkoako Aldizkari Ofizialetan argitaratu da iragarkia eta apirilaren 4ra arteko epea dago inbentarioaren kontsultarako, baita zalantza eta alegazioak aurkezteko ere. Udaletxeko harrera nagusian eta jarraian aurkituko duzun loturan dago eskuragai dokumentazio osoa.

Teknikariekin aurrez aurreko hitzordua izateko txanda ere hartu daiteke Udalean. Hemen informazio osoa:

https://zaldibia.eus/eu/zaldibiako-bide-publikoen-inbentarioaren-kontsulta-alegazio-aldia-hasi-da


HERRI-HARRERA ANTOLATZEKO FORMAKUNTZA

Zaldibiako Udala “Harrera protokolo integrala” proiektuan murgilduta dago, helburua Zaldibiara bizitzera datozen herritarrei ahalik eta harrera egokiena egin eta herritarren arteko saretzean eragitea izanik.

Proiektuaren baitan, herriko elkarte eta eragileei formakuntza aukera eskainiko zaie, baita gaian bereziki interesa duten herritar norbanakoei ere. Jarraian informazio osoa eta izena emateko aukera:

https://zaldibia.eus/eu/herri-harrera-antolatzeko-formakuntza


OHIKO OSOKO BILKURAKO KRONIKA

2023ko urtarrilaren 30ean burutu zen ohiko osoko bilkuran hainbat gai landu eta onartu ziren. 2023. urterako udal langileen soldata igoera, Zaldibia-Gaintza udalerrien artean idazkari-kontuhartzaile lanpostuari eusteko elkartearen estatutuak eta Euskararen aurkako eraso judizialen aurkako mozioa, guztiak aho batez onartuak.

Informazio osoa hemen: https://zaldibia.eus/eu/ohiko-osoko-bilkurako-kronika-2

ZALDIBIAKO UDALA

HAUR ETA GAZTETXOENTZAT PUZGARRIAK OTSAILAREN 20an

Otsailaren 20an, inauteri astelehena, puzgarriak izango dira goiz eta arratsaldez herriko haur eta gaztetxoen gozamenerako, eguraldi ona bada plazan, eta bestela Resti Frontoian.

Ordutegia: 10:00etatik 13:30era eta 16:00etatik 19:00etara.

https://zaldibia.eus/eu/haur-eta-gaztetxoentzat-puzgarriak-otsailaren-20an

ZALDIBIAKO UDALA

KZ guneko ikastaroak 2023ko martxoa, apirila eta maiatzean

Zaldibiako KZ gunean ondorengo ikastaroak antolatu dira 2023ko martxoa, apirila eta maiatzean. Saio hauetan parte hartzeko izena eman behar da Karreane Kultur Etxean, 943 160 338 telefonora deituz edo albiste honetan duzun izen emate taula beteaz.

https://zaldibia.eus/eu/kz-guneko-ikastaroak-2023ko-martxoa-apirila-eta-maiatzean

ZALDIBIAKO UDALA

Trafiko oharra: GAUR OSTIRALA Santa Fe KALEA ITXIKO DA ibilgailuentzat

Iñauterien ospakizun jaia dela eta 2023ko otsailaren 17an, ostirala, ibilgailuen JOAN ETORRIA ETENGO DA Santa Fe kaleko 21etik 45era, eguerdiko 14:00etan hasi eta iluntzeko 21:00ak arte.

Autobusak Arrese inguruko geltokira iritsiko dira eta bertatik aterako dira ordu tarte horretan.

Informazioa: https://zaldibia.eus/eu/trafiko-oharra-gaur-ostirala-santa-fe-kalea-itxiko-da

ZALDIBIAKO UDALA

UTOPIA KONKRETUEN LABORATEGIA: Zaldibin, otsailaren 23tik 26ra

Espazio sorkuntza auzolanez egiteko proiektuaren baitan, ikasturte honetan bigarrenez izango ditugu gurean Innsbruckeko arkitektura fakultateko ikasleak, baita oraingoan Donostiako fakultatekoak ere. Azaroan ekarri zituzten utopiak zehaztera datoz herritarrekin elkarlanean.

Norbanako edo lagun-taldeei, eragile, kolektibo zein elkarte ezberdinei erakusketara joateko deia egiten diegu. Ahal bezain beste hausnarketa eta ideia bildu nahi dira, honekin, ekainera bitartean plazaren diseinua zehaztu ahal izateko.

NOLA HARTU ERAKUSKETARAKO TXANDA?

- Otsailaren 17an, ostirala, arratsaldean plazan egongo da txanda hartzeko aukera.
- Web lotura baten bidez online izena emateko aukera ere eskainiko da.

Informazio osoa hemen: https://zaldibia.org/EspazioSorkuntza/albisteak/utopia-konkretuen-laborategia-zaldibin-otsailaren-23tik-26ra

2019-2023 LEGEALDIKO LABURPEN-LIBURUA BANATZEN HASI GARA ETXEZ ETXE.

Azken lau urtetan udalgintzaren begiradatik jasotakoa bildu nahi izan dugu bilduma honetan. Batez ere, egin dena eta egiten ari garena jaso da, baina aurrera begira gizarte, herri eta udal bezala datozkigun erronkei ere aipamena egin zaie liburuxkan. Aste honetan etxe guztietara iritsi asmo dugu.

Banaketa amaitzean plazaratuko dugu bilduma www.zaldibia.eus atarian, bertan zintzilikatuko dugu gaztelerara itzulitako bertsioa ere. Gaztelerazko bertsioa paperean behar duenak Udalean izango du eskuragarri.

Info: https://zaldibia.eus/eu/zaldibia-2019-2023-legealdiaren-laburpen-bilduma-etxez-etxe-banatzen-hasi-gara

ZALDIBIAKO UDALA

Bihar hasiko da Utopia Konkretuen Laborategia

Badator, badator... bihar hasi eta igandera arte zabalik izango da utopia konkretuen laborategia. Herritarrak eta arkitektura ikasleak elkarlanean plazaren diseinuan urrats berri bat emanez, utopiak lurrari lotuz.

Sartu albistean eta hartu zure txanda!

https://zaldibia.org/EspazioSorkuntza/albisteak/bihar-hasiko-da-utopia-konkretuen-laborategia

2023ko martxoa bete-betea dator, hemen duzue ikuskizunen agenda

Irakurle taldea, Herri kirolen jaialdia, martxoaren 8ko aldarria, Ttipi-ttapa morea, antzerkia, rallya, Zaldibiara etorri berriei ongi etorria, X. Osinberde bertso-sariketa, XXXI. Dantzari txikien eguna, elikadurari buruzko ikastaroa... egitarau betea izanagatik ziur izango dela hemen jasotzea falta denik ere.

Jarraian duzue informazio osoa eta "Elikadura: bere garrantzia zahartzean" ikastaroan izena emateko aukera.

https://zaldibia.eus/eu/2023ko-martxoa-bete-betea-dator-hemen-duzue-ikuskizunen-agenda-1

Zaldibiako 2019-2023 legealdiaren laburpen-bilduma plazaratu dugu

Zaldibiako Udalak 2019-2023 legealdiko laburpen-bilduma jasotzen duen liburuxka osatu du. Azken lau urtetan udalgintzaren begiradatik jasotakoa bildu nahi izan dugu.

Hemen duzue bildumaren bertsio digitala eta gaztelerazko itzulpena.

https://zaldibia.eus/qr/2019-2023

ZALDIBIAKO UDALA

FARMAZIA INGURUAN ETA IBARRAZPIN AUZO-KONPOSTGUNEAK JARTZEKO EGOKITZE LANAK HASI DIRA

Farmazia inguruko berdegunean eta Ibarrazpikoan kokatuko dira hurrengo bi konpostgune komunitarioak. Horrekin batera, Ibarrazpira menditik datozen urak behar bezala bideratzea galarazten duen hautsitako hodi bat aldatuko da.

Lan hauekin, Artxanberriko konpostgunean pilatutako ekarpena zabaldu eta orekatu nahi da. Gune hauen inguruan bizi diren bizilagunei konpostguneko erabilera erraztu eta gerturatu nahi diegu.

Gune hauek martxan jartzean, gertuen kokaturiko bizilagunei gune aldaketa proposatuko diegu, kasuan kasu.

INFO: https://zaldibia.eus/eu/farmazia-inguruan-eta-ibarrazpin-konpostguneak-jartzeko-egokitze-lanak-hasi-dira

ZALDIBIAKO UDALA

MARTXOAK 8: ZAINTZEN DUEN HERRIA HELBURU

Asteleheneko osoko bilkuran jarraian duzuen adierazpena onartu zuen udalbatzak, EH Bilduko ordezkarien aldeko bozkekin eta EAJ-PNVko ordezkarien abstentzioarekin.

Konpromisoak hartzeaz gainera, biharko eta larunbateko ekimenetan parte hartzeko deia egiten da bertan. Bihar eguerdiko 12:00etan elkarretaratzea egingo da plazan.

https://zaldibia.eus/eu/martxoak-8-zaintzen-duen-herria-helburu

ZALDIBIAKO UDALA