HASTEAR DA NEGUKO OPORRETAKO PROGRAMAZIOA

Aste honetan bi jarduera egongo dira:

• BIHAR, ABENDUAK 27, asteartea, goizeko 11:30ean Antzokian: IPURBELTZ Zozoak Beleari ikuskizuna, adin guztientzat aniztasun istorio bat. Imajinazio Nai taldearen eskutik.

• ABENDUAK 28, asteazkena, GOZOGINTZA TAILERRAK Zubi-Buru Elkartean, Asti-Goxoko Eider eta Susiren eskutik.
o 16:00etan: HAURRENTZAT, gailetazko trikuak egiteko tailerra. (LH 3tik beherakoak helduren batek lagunduta etorriko dira)
o 18:00etan: HELDUENTZAT, Kiwi tarta eta Mazapanak
Oraindik badago lekua, eman izena hemen: https://zaldibia.eus/eu/2022ko-neguko-oporrak-zaldibian-1

ZALDIBIAKO UDALA

Ez-Ohiko osoko bilkurako kronika

Abenduaren 27arekin ospatu zen abenduko ez-ohiko osoko bilkura. Landutako gaien artean zeuden langileen ordainsari-igoera, 2023ko aurrekontuak, herri bideen inbentarioaren hasierako onarpena eta 2023 egutegi fiskala eta udal egutegia.

Informazio osoa jarraian: https://zaldibia.eus/eu/ez-ohiko-osoko-bilkurako-kronika-1

ZALDIBIAKO UDALA

TRASTE ZAHARREN EGUTEGIA 2023

HILABETEKO 1. eta 3. ASTELEHENetan SOILIK atera daitezke traste zaharrak eta gaueko 21:00etatik aurrera.

Hemen duzue informazioa eta 2023ko egutegi osoa erantsirik: https://zaldibia.eus/eu/bolumen-handiko-traste-zaharren-bilketa-13

ZALDIBIAKO UDALA

URTEZARRA DELA ETA OHARRAK ETA IBILGAILUENTZAT BIDE MOZKETAK

Geroz eta ohitura zabalduagoa da urte berriaren hasiera suziri eta su artifizialez ospatzea. Ohar honen bidez, hauekin ARDURAZ JOKATZEA ESKATU NAHI DIEGU HERRITARREI, ez-beharrak ekiditeko dagozkion neurriak hartzea gogoraraziz. Gainera, bereziki eskatu nahi dugu ETXABEREAK ETA GANADUA GERTU DEN LEKUETAN SU-FESTAK EKIDITEKO.

Bestetik, abenduaren 30, 31 eta urtarrilaren 1ean, OSTIRALA, LARUNBATA ETA IGANDEA, urte amaiera dela eta ibilgailuen joan etorrian eragingo duten hainbat neurri hartuko direla jakinarazten dugu.

https://zaldibia.eus/eu/urtezarra-dela-eta-oharrak-eta-ibilgailuentzat-bide-mozketak

ZALDIBIAKO UDALAREN AURREKONTUAK 2023 URTERAKO

Abenduaren 19an Herri Batzarrean azaldu eta abenduaren 27an osoko bilkuran behin-behinean onartu ondoren, jendaurreko epea pasa ondoren indarrean sartuko dira 2023ko aurrekontuak. Jarraian ikusgai dituzu ezaugarri orokorrak eta sarrera eta gastuen diru-partidak lerroz lerro.

https://zaldibia.eus/eu/zaldibiako-udalaren-aurrekontuak-2023-urterako

ZALDIBIAKO UDALA

NEGUKO OPORRAK: ASTE HONETAKO EKINTZAK

URTARRILAK 3, asteartea, BUBBLE BALLS jarduera Resti frontoian. Ordutegia:

11:00etatik 13:00etara LHko ikasleak
16:00etatik 18:00etara DBHko ikasleak

URTARRILAK 4, asteazkena, 11:00etatik aurrera Kimueneko areto berrian:  MARRAZKI TAILERRA. Ondoren lanak erakusgai jarriko dira bertan. Tailerra Ausa Gaztelu Guraso Elkarteak antolatu du.

URTARRILAK 5, osteguna, 11:00etatik 13:00etara TXATXILIPURDI elkartearen eskutik tailerrak:

0-5 jolas-gunea: 5 urte arteko haurrentzat, Kimuenen (txiki-txikienak helduekin sartu ahal izango dira).

Makedo tailerrak: LH 1 eta LH2 mailako haurrentzat, Antzokian.

Zirko tailerra: LH 3 mailatik LH 6 mailara arteko haurrentzat Resti Pilotalekuan.

https://zaldibia.eus/eu/2022ko-neguko-oporrak-zaldibian-1

Zatoz eta gozatu!

ZALDIBIAKO BIDE PUBLIKOEN INBENTARIOAREN HASIERAKO ONARPENA

Abenduaren 27ko osoko bilkuran hasierako onarpena eman zitzaion Zaldibiako Bide Publikoen inbentarioari. Datozen egunetan Aldizkari Ofizialetan argitaratzen denetik 2 hilabeteko epea irekiko da inbentarioaren kontsultarako, baita zalantza eta alegazioak aurkezteko ere.

Udaletxeko harrera nagusian eta jarraian aurkituko duzun loturan dago eskuragai dokumentazio osoa:

https://zaldibia.eus/eu/orria/zaldibiako-bide-publikoen-inbentarioaren-hasierako-onarpena

ZALDIBIAKO UDALA

IBAI-ONDOKO KONPOSTGUNEA BIHAR JARRIKO DA MARTXAN

EGUNA: urtarrilaren 12a, OSTEGUNA
ORDUA: 18:30ean
LEKUA: Ibai-Ondo atzealdeko konpostgunean
ZER EGINGO DA: Udal langileak Ibai-Ondon konposta egiteko izena emanda dauden herritarrei azalpenak eman, zalantzak argitu eta giltzak banatuko dizkie. Oraindik izenik eman ez, baina deialdira etortzen diren herritarrek ere azalpenak jasoko dituzte eta izena emateko bideak zeintzuk diren adieraziko zaie.

https://zaldibia.eus/eu/ibai-ondoko-konpostgunea-ostegunean-jarriko-da-martxan

ZALDIBIAKO UDALA

ZALDIBIAKO UDAL ERAIKIN ETA ARGITERIA PUBLIKOAREN ENERGIA AUDITORETZAREN AURKEZPENA

Urtarrilaren 19an, osteguna, arratsaldeko 18:30ean Herri Aretoan Nazertek-eko Joseba Agudoren eskutik Zaldibiako Udal eraikinetan eta argiteria publikoaren inguruan egindako energia auditoretza aurkeztuko da.

Bertan egoera zertan dugun eta aurrera begira egin beharreko hobekuntzak zein norabidetan joan beharko diren aurkeztuko dira.

Eguna: URRIAK 19 OSTEGUNA
Ordua: 18:30ean
Lekua: Udaletxeko HERRI ARETOAN

Aurkezpena euskaraz izango da. Euskara ez dakitenentzat itzulpena egongo da.

https://zaldibia.eus/eu/zaldibiako-udal-eraikin-eta-argiteria-publikoaren-energia-auditoretzaren-aurkezpena

ZALDIBIAKO UDALA

ELUR IRAGARPENEN AURREAN, KONTUAN IZATEKO JARRAIBIDEAK

Negu giroa etorri zaigun honetan, elur iragarpenak daude datozen egunetarako. Momentuko iragarpenek 200 metro ingurutik gora kokatzen dute elur-maila, nahiz eta tokian toki beherago ere iritsi daitekeen.

Une aproposa, beraz, urteroko jarraibideak gogorarazteko. Jarraian aurkituko dituzue:

https://zaldibia.eus/eu/elur-iragarpenen-aurrean-kontuan-izateko-jarraibideak

ZALDIBIAKO UDALA

ZALDIBIAKO ERROTEN ONDAREAREN INGURUAN URRATS BERRIAK AURTEN

Iaz burututako ekintzei jarraipena emango zaie aurten ere. Urtean bi alditan Kanpaingo Errota martxan jarri eta ate irekiak antolatuko dira. Lehena maiatzean izango da, Gipuzkoako Erroten Eguna ekimena**rekin **bigarrenez bat egingo delarik.

Gainera, ikus-entzunezko bat ekoitziko da ordurako Labrit Ondarea taldearen laguntzarekin, herriko erroten ibilbidea eta historia jasoz. Lanketa honen oinarria auzolana izanik, orain artean inplikatutako herritarrekin lan saioa egingo da GAUR, 16:30ean Karreane Kultur Etxean eta bertan izango dira Labrit Ondarekoak ere.

Gaurko saiorako deialdia irekita dago aurtengo ekimenak ezagutu eta bere ekarpena egiteko prest dauden herritar guztientzat.

https://zaldibia.eus/eu/zaldibiako-erroten-ondarearen-inguruan-urrats-berriak-aurten

ZALDIBIAKO UDALA

KIMUENE KULTURGUNEKO ARETO BERRIA: LASTER MARTXAN

Ispilua eta sarraila jartzea falta da nagusiki, eta datorren astean espero da lan hauek egitea. Hortik aurrera martxan izango da Gereziondo izena hartu duen aretoa.

Hemen aretoari eta erabilerei buruzko informazioa: https://zaldibia.eus/eu/kimuene-kulturguneko-areto-berria-laster-martxan


OHIKO OSOKO BILKURA DEIALDIA ASTELEHENERAKO

Datorren astelehenean, urtarrilaren 30ean, izango da bilkura iluntzeko 18:30ean Udaletxeko areto nagusian.

https://zaldibia.eus/eu/ohiko-osoko-bilkura-deialdia-astelehenerako-1


SANTA FE KALEAN KONPONKETA LANAK DATORREN ASTETIK AURRERA

Santa Fe kalean ibilgailuek erabiltzen duten errepideko hainbat puntutan, zoruaren konponketa lanak egingo dira datorren astetik aurrera.

https://zaldibia.eus/eu/santa-fe-kalean-konponketa-lanak-datorren-astetik-aurrera


TXURRO POSTUA DATOZEN EGUNETARAKO

Aurreko urteetan ere gurean izan dugu txurreria postua negu partean. Gaurtik hasi eta otsailaren 12ra arte postua jartzeko baimena eman da. Estanko atzealdean, Artxanberrirako bidean dagoen eremuan kokatuko da.

ZALDIBIAKO UDALA

HASI DIRA SANTA FE KALEKO BIDE-KONPONKETA LANAK

Atzo goizean hasi ziren pasa den astean iragarritako konponketa lanak. Udaletxe parean ekin diote eta kalean gora hainbat puntutan egingo dira hobekuntzak. Lanek irauten duten bitartean trafikoan aldaketak izango dira eta autobusak Arresenen utzi eta hartuko ditu bidaiariak.

https://zaldibia.eus/eu/hasi-dira-santa-fe-kaleko-bide-konponketa-lanak

2023KO EGUTEGI FISKALA ETA EGUN BALIOGABEAK

Urtero bezala, zehaztu da aurtengo egutegi fiskala, baita egun ez-baliodunen egutegia ere. Jarraian duzu informazio osoa.

https://zaldibia.eus/eu/2023ko-egutegi-fiskala

ZALDIBIAKO UDALA

ZALDIBIAKO BIDE PUBLIKOEN INBENTARIOAREN KONTSULTA-ALEGAZIO ALDIA HASI DA

2022ko abenduaren 27ko osoko bilkuran hasierako onarpena eman zitzaion Zaldibiako Bide Publikoen inbentarioari. Gipuzkoako Aldizkari Ofizialetan argitaratu da iragarkia eta apirilaren 4ra arteko epea dago inbentarioaren kontsultarako, baita zalantza eta alegazioak aurkezteko ere. Udaletxeko harrera nagusian eta jarraian aurkituko duzun loturan dago eskuragai dokumentazio osoa.

Teknikariekin aurrez aurreko hitzordua izateko txanda ere hartu daiteke Udalean. Hemen informazio osoa:

https://zaldibia.eus/eu/zaldibiako-bide-publikoen-inbentarioaren-kontsulta-alegazio-aldia-hasi-da


HERRI-HARRERA ANTOLATZEKO FORMAKUNTZA

Zaldibiako Udala “Harrera protokolo integrala” proiektuan murgilduta dago, helburua Zaldibiara bizitzera datozen herritarrei ahalik eta harrera egokiena egin eta herritarren arteko saretzean eragitea izanik.

Proiektuaren baitan, herriko elkarte eta eragileei formakuntza aukera eskainiko zaie, baita gaian bereziki interesa duten herritar norbanakoei ere. Jarraian informazio osoa eta izena emateko aukera:

https://zaldibia.eus/eu/herri-harrera-antolatzeko-formakuntza


OHIKO OSOKO BILKURAKO KRONIKA

2023ko urtarrilaren 30ean burutu zen ohiko osoko bilkuran hainbat gai landu eta onartu ziren. 2023. urterako udal langileen soldata igoera, Zaldibia-Gaintza udalerrien artean idazkari-kontuhartzaile lanpostuari eusteko elkartearen estatutuak eta Euskararen aurkako eraso judizialen aurkako mozioa, guztiak aho batez onartuak.

Informazio osoa hemen: https://zaldibia.eus/eu/ohiko-osoko-bilkurako-kronika-2

ZALDIBIAKO UDALA

HAUR ETA GAZTETXOENTZAT PUZGARRIAK OTSAILAREN 20an

Otsailaren 20an, inauteri astelehena, puzgarriak izango dira goiz eta arratsaldez herriko haur eta gaztetxoen gozamenerako, eguraldi ona bada plazan, eta bestela Resti Frontoian.

Ordutegia: 10:00etatik 13:30era eta 16:00etatik 19:00etara.

https://zaldibia.eus/eu/haur-eta-gaztetxoentzat-puzgarriak-otsailaren-20an

ZALDIBIAKO UDALA

KZ guneko ikastaroak 2023ko martxoa, apirila eta maiatzean

Zaldibiako KZ gunean ondorengo ikastaroak antolatu dira 2023ko martxoa, apirila eta maiatzean. Saio hauetan parte hartzeko izena eman behar da Karreane Kultur Etxean, 943 160 338 telefonora deituz edo albiste honetan duzun izen emate taula beteaz.

https://zaldibia.eus/eu/kz-guneko-ikastaroak-2023ko-martxoa-apirila-eta-maiatzean

ZALDIBIAKO UDALA