UDAL ADIERAZPENAK, INDARKERIA MATXISTAREN AURKAKO NAZIOARTEKO EGUNA DELA-ETA

Indarkeria Matxistaren aurkako Nazioarteko Eguna da gaur eta Zaldibiako Udalak ondorengo adierazpenak plazaratu ditu.

https://zaldibia.eus/eu/udal-adierazpenak-indarkeria-matxistaren-aurkako-nazioarteko-eguna-dela-eta

Iluntzeko 20:00etan Mugimendu Feministak deitutako elkarretaratzea egingo da plazan eta bertara batu da Udala ere. Herritarrei parte hartzeko deia egin die.

ZALDIBIAKO UDALA

Ekintzaz beteta dator astea

Euskaraldia azken txanpan sartzera doan honetan, ekintza ugari izango da Zaldibian larunbatera bitarte. Gurekin izango dira Asisko Urmeneta, Lorea Agirre, Idurre Eskisabel, Gaizka Aranguren eta Kuxkuxtu txaranga, besteak beste.

Animatu eta parte hartu antolatu diren ekintzetan! Jarraian duzue informazio guztia:

https://zaldibia.eus/eu/ostiralean-hasiko-da-euskaraldia-egitarau-betearekin

Zure platerean hasten da mundua

Lardizabal Herri Eskolaren eta Zaldibiako Udalaren eskutik, “Zure platerean hasten da mundua” proiektua herritarrei zabalduko zaie. Eskolako LH 1, 2 eta 3 mailetako ikasleek unitate didaktikoa landuko dute aste honetan, eta asteazkenean, azaroaren 30ean, dokumentala herritar guztientzat ikusgai izango da, 18:30ean udaletxeko herri aretoan.

https://zaldibia.eus/eu/zure-platerean-hasten-da-mundua

Auzo konpostgune berriak eraikiko dira herrigunean, 100 famili baino gehiagok eman dute izena

Aurreko astean bizilagunekin egindako bileren ondoren hasi dira martxan beste bi auzo konpostgune eraikitzeko lanak. Lehena, Artxanberri kalean (Estankoren atze aldean) eta bigarrena, Olaldeko parkeko sarreran (Ibai-Ondo etxeen atzealdean).

Bestalde, gaur inauguratu dute eskolako konpostagailua bertako ikasleek udaleko eta Sasieta mankomunitateko ordezkariekin batera.

Hemen informazio osoa: https://zaldibia.eus/eu/auzo-konpostgune-berriak-eraikiko-dira-herrigunean-100-famili-baino-gehiagok-eman-dute-izena-1


Abenduaren 6an Udal zerbitzuak zabalik

Bihar, abenduaren 6a, udaletxea eta Karreane kultur etxea zabalik izango dira ohiko ordutegian.

ZALDIBIAKO UDALA

Sortze bidezko hobarietan oinarrituriko hondakin tasa indarrean sartuko da urtarrilean

Hamar urte dira, Zaldibiako Udala pausoak ematen ari dela hondakinen kudeaketa arduratsu bat egiteko. Hamar urte dira, hondakinak bereizteko eta biltzeko atez ateko bilketa sistema abian jarri genuenetik. Bide berean beste pauso bat emateko ordua heldu da. Hondakinak hobekien kudeatzen dituenari hobariak edo bonifikazioak eskaintzera goaz.

Informazioa: https://zaldibia.eus/eu/sortze-bidezko-hobarietan-oinarrituriko-hondakin-tasa-indarrean-sartuko-da-urtarrilean

ZALDIBIAKO UDALA

Udal Herri Batzarra astelehenean, aurrekontuak hizpide

Urtero bezala, Herri Batzarrerako deialdia egin du Udalak, 2023ko erronkak eta aurrekontua azaldu eta Iritzi-ekarpenak jasotzeko. Astelehenean, hilak 19, izango da batzarra, 18:30etan Udaletxeko Herri Aretoan. Euskaraz ez dakitenentzat aldibereko itzulpen zerbitzua egongo da.

https://zaldibia.eus/eu/udal-herri-batzarra-astelehenean-aurrekontuak-hizpide

ZALDIBIAKO UDALA

2022ko neguko oporrak Zaldibian

Neguko oporretan ere izango da zer egin eta zer gozatu herrian. Hainbat ekintza antolatu dira haur, gazte zein helduentzat.

Jarraian ikus dezakezu agendaren zati bat: https://zaldibia.eus/eu/2022ko-neguko-oporrak-zaldibian-1

Parte hartu!

ZALDIBIAKO UDALA

Artxanberriko konpostgunea ostiralean jarriko da martxan

Bihar, abenduaren 23an jarriko da martxan Artxanberrin - Estanko atzean eraikitako konpostgunea. Herritar ugarik izena emana du bertan konposta egiten hasteko eta bi hitzordu jarri dira azalpenak eta giltza jasotzeko: goizean 10:30ean eta arratsaldean 16:00etan, Artxanberriko konpostgunean bertan.

Izena emanda dauden herritarrei, beraz, bi hitzorduetakoren batean bertaratzeko deia egiten diegu.

https://zaldibia.eus/eu/artxanberriko-konpostgunea-ostiralean-jarriko-da-martxan


Hondakin bilketa zerbitzuan aldaketarik ez datozen egunetan

Jaiegunak tarteko aldaketak egon izan dira hondakinen bilketa zerbitzuan beste urte batzuetan, baina aurtengoan jaiegunak asteburuan egokitzen direnez, EZ DA INOLAKO ALDAKETARIK IZANGO BILKETA EGUTEGIAN.

https://zaldibia.eus/eu/hondakin-bilketa-zerbitzuan-aldaketarik-ez-datozen-egunetan

ZALDIBIAKO UDALA

Herriko Kultur eta Kirol taldeen urte amaierako bilera

Herriko kultur eta kirol taldeen bilkura egin zen pasa den astean, aurtengoan bigarrenez. 16 herritar eta udal ordezkari-teknikariak elkartu ziren, herriko 15 eragile ezberdinen ordezkaritzapean.

2022ko urtearen balantzeaz gain, 2023rako erronkak izan zituzten hizpide, baita udal diru-laguntzak eta herriko taldeen osasunari buruzko ariketa bat ere.

Jarraian informazio osoa: https://zaldibia.eus/eu/herriko-kultur-eta-kirol-taldeen-urte-amaierako-bilera


Ez-Ohiko Osoko Bilkura deialdia astearterako

Bilkura bihar, abenduaren 27an izango da iluntzeko 19:00etan udaletxeko areto nagusian.

Jarraian duzue bertan aztertuko diren gaien zerrenda: https://zaldibia.eus/eu/ez-ohiko-osoko-bilkura-deialdia-astearterako

ZALDIBIAKO UDALA

HASTEAR DA NEGUKO OPORRETAKO PROGRAMAZIOA

Aste honetan bi jarduera egongo dira:

• BIHAR, ABENDUAK 27, asteartea, goizeko 11:30ean Antzokian: IPURBELTZ Zozoak Beleari ikuskizuna, adin guztientzat aniztasun istorio bat. Imajinazio Nai taldearen eskutik.

• ABENDUAK 28, asteazkena, GOZOGINTZA TAILERRAK Zubi-Buru Elkartean, Asti-Goxoko Eider eta Susiren eskutik.
o 16:00etan: HAURRENTZAT, gailetazko trikuak egiteko tailerra. (LH 3tik beherakoak helduren batek lagunduta etorriko dira)
o 18:00etan: HELDUENTZAT, Kiwi tarta eta Mazapanak
Oraindik badago lekua, eman izena hemen: https://zaldibia.eus/eu/2022ko-neguko-oporrak-zaldibian-1

ZALDIBIAKO UDALA

Ez-Ohiko osoko bilkurako kronika

Abenduaren 27arekin ospatu zen abenduko ez-ohiko osoko bilkura. Landutako gaien artean zeuden langileen ordainsari-igoera, 2023ko aurrekontuak, herri bideen inbentarioaren hasierako onarpena eta 2023 egutegi fiskala eta udal egutegia.

Informazio osoa jarraian: https://zaldibia.eus/eu/ez-ohiko-osoko-bilkurako-kronika-1

ZALDIBIAKO UDALA

TRASTE ZAHARREN EGUTEGIA 2023

HILABETEKO 1. eta 3. ASTELEHENetan SOILIK atera daitezke traste zaharrak eta gaueko 21:00etatik aurrera.

Hemen duzue informazioa eta 2023ko egutegi osoa erantsirik: https://zaldibia.eus/eu/bolumen-handiko-traste-zaharren-bilketa-13

ZALDIBIAKO UDALA

URTEZARRA DELA ETA OHARRAK ETA IBILGAILUENTZAT BIDE MOZKETAK

Geroz eta ohitura zabalduagoa da urte berriaren hasiera suziri eta su artifizialez ospatzea. Ohar honen bidez, hauekin ARDURAZ JOKATZEA ESKATU NAHI DIEGU HERRITARREI, ez-beharrak ekiditeko dagozkion neurriak hartzea gogoraraziz. Gainera, bereziki eskatu nahi dugu ETXABEREAK ETA GANADUA GERTU DEN LEKUETAN SU-FESTAK EKIDITEKO.

Bestetik, abenduaren 30, 31 eta urtarrilaren 1ean, OSTIRALA, LARUNBATA ETA IGANDEA, urte amaiera dela eta ibilgailuen joan etorrian eragingo duten hainbat neurri hartuko direla jakinarazten dugu.

https://zaldibia.eus/eu/urtezarra-dela-eta-oharrak-eta-ibilgailuentzat-bide-mozketak

ZALDIBIAKO UDALAREN AURREKONTUAK 2023 URTERAKO

Abenduaren 19an Herri Batzarrean azaldu eta abenduaren 27an osoko bilkuran behin-behinean onartu ondoren, jendaurreko epea pasa ondoren indarrean sartuko dira 2023ko aurrekontuak. Jarraian ikusgai dituzu ezaugarri orokorrak eta sarrera eta gastuen diru-partidak lerroz lerro.

https://zaldibia.eus/eu/zaldibiako-udalaren-aurrekontuak-2023-urterako

ZALDIBIAKO UDALA