Shaxmat qirolichasi Yudit Polgar O‘zbekistonda

👉 @zakovat 👈

Shaxmat boʻyicha "Zakovat-Gambit" turniri final bosqichi davom etmoqda!

Turnir dasturida belgilangani kabi kunning birinchi yarmida shaxmat yulduzlari Yudit Polgar va Vishvanatan Anand ishtirokchilar bilan master-klass oʻtkazishadi.

Shundan soʻng FIDE reytingiga koʻra ajratilgan 5 guruhda final musobaqalari davom etadi.

Turnirning final bosqichini onlayn tarzda kuzatib borish uchun quyidagi havola orqali oʻting:
https://youtu.be/JxBiKrtUDd4

Kommentatorlar:
♟ Xalqaro grossmeyster - Murtas Kajgaleev
♟ Xalqaro grossmeyster - Nafisa Muminova

👉 @zakovat 👈

14-15 avgust kunlari boʻlib oʻtgan shaxmat boʻyicha "Zakovat-Gambit" turniri sovrindorlari aniqlandi!

A Guruh
🥇 Nodirbek Abdusattorov - 50 mln soʻm
🥈 Rustam Qosimjonov - 30 mln soʻm
🥉 Shamsiddin Vohidov - 20 mln soʻm

B Guruh
🥇 Azamat Daurimbetov - 50 mln soʻm
🥈 Tair Vahidov - 30 mln soʻm
🥉 Nikita Xoroshev - 20 mln soʻm

Eng yaxshi ayol ishtirokchi Gulruhbegim Tohirjanova - 20 mln soʻm

C Guruh
🥇 Muhiddin Madaminov - 50 mln soʻm
🥈 Humoyun Bekmurodov - 30 mln soʻm
🥉 Almas Rahmatullayev - 20 mln soʻm

Eng yaxshi ayol ishtirokchi Bahora Abdusattorova - 20 mln soʻm

D guruhi
🥇 Bahrom Bahrillayev - 50 mln soʻm
🥈 Asrorbek Omonov - 30 mln soʻm
🥉 Sarvarbek Olimjonov - 20 mln soʻm

Eng yaxshi ayol ishtirokchi Afruza Hamdamova - 20 mln soʻm

E guruhi
🥇 Hondamir Elmirzayev - 50 mln soʻm
🥈 Abdurahmon Abdunazarov - 30 mln soʻm
🥉 Sherali Ravshanov - 20 mln soʻm

Eng yaxshi ayol ishtirokchi Kamola Nurmatova - 20 mln soʻm

Eng yoshi ulugʻ qatnashchi uchun maxsus sovrin sohibi
Vladimir Vladimirov (71yosh) - 20 mln soʻm

Eng yosh qatnashchiga maxsus sovrin sohibi
Oriyat Obidjonov (7yosh) - 10 mln soʻm

Мана, «Zakovat-Gambit» йирик турнири ҳам ниҳоясига етди. Унда бизнинг иқтидорли шахматчиларимиз сайёранинг энг кучли ўйинчилари билан беллашишди.

Турнир салоҳияти шуни кўрсатдики, вақт ўтиши билан у шахмат оламининг энг катта ҳодисаларидан бирига айлана олади ва унда иштирок этиш, ҳатто, энг юқори даражадаги ўйинчилар учун ҳам шараф бўлади.

___

Вот и завершился грандиозный турнир «Zakovat-Gambit», на котором наши талантливые шахматисты сразились с сильнейшими игроками планеты.

Его потенциал показал, что со временем этот турнир может стать крупнейшим событием шахматного мира, и принять в нём участие будет честью для игроков даже самого высокого уровня.

"Zakovat" klubi rahbariga Turon Fanlar Akademiyasining akademigi ilmiy unvoni berildi!

O‘zbekistonda fuqarolarning ilmiy salohiyatini rivojlanishiga qo‘shgan hissasi va o‘ziga xos ilmiy maktab yarata olgani uchun, "Mehnat shuhrati" ordeni sohibi Abdurasul Abdullayev Respublikamiz mustaqilligining 30 yilligi bayrami arafasida Turon Fanlar Akademiyasining akademigi sharafli nomiga sazovor bo‘ldi.

Ushbu yuksak mukofot kuni kecha tabarruk 63 yoshni qarshi olgan ustozimiz tavallud ayyomlariga munosib tuhfa bo‘ldi.

Turon Fanlar Akademiyasi akademigi unvoni o‘z sohasida yuksak natijalarga erishgan Markaziy Osiyo davlatlarining mashhur fuqarolariga beriladi.

Televideniya sohasida 40 yil, “Zakovat” loyihasiga 20 yildan ortiq umrini bag‘ishlagan ustoz A.Abdullayevni barcha klub a’zolari, “Zakovat” ko‘rsatuvi muhlislari nomidan samimiy tabriklaymiz. U kishiga sog‘liq-salomatlik, oilaviy-baxt, klub faoliyatini olib borishlarida hormay-tolmay yana uzoq yillar bosh bo‘lishlarini tilab qolamiz.

Шавкат Мирзиёев даврида матбуотнинг “тили чиқди”. Албатта осон бўлмади, осон бўлмаяпти ва осон бўлмайди ҳам. Тўғри гап туққанинга ёқмаганидан кейин бегонага ёқармиди. Лекин тўғри гапсиз ёлғон кўпаяди. Ёлғончилар кўпаяди. Ривожланиш бўлмайди, хато кўпаяди, файз-барака қочади.

Президентликка номзод Шавкат Мирзиёев томонидан келгусида ҳам холис матбуот қўллаб-қувватланиши, доим ҳимоя қилиниши таькидланди. Шахсан мен учун бу жуда қувонарли. Мен албатта Шавкат Мирзиёевга овоз бераман ва барча блогер ва журналистларни бизнинг қадримизга етаётган инсонга овоз беришга чақираман.

#ИнсонҚадриУчун

❗️Diqqat, diqqat!

Hurmatli bilimdonlar!

“Zakovat” intellektual klubi Breyn-ring musobaqasi Final bosqichi oʻyinlariga oz qoldi!

Vaʼda qilinganidek, hududiy musobaqalarda omadli ishtirok etib, hal qiluvchi bosqichga yoʻl olgan bilimdonlar uchun final va super-final o’yinlari oktabr oyining birinchi yarmida Buxoro viloyatida bo’lib o’tadi. Tez orada turnir jadvali, joyi va boshqa shartlari haqida qoʻshimcha maʼlum qilamiz.

Eslatib oʻtamiz, “Zakovat” intellektual klubi Breyn-ring musobaqasida har bir hudud uchun sovrin jamg’armasi 130 million so’mni tashkil etadi. Final o’yinlari o’tkaziladigan 11 ta hudud bilimdonlari uchun 1 mlrd 430 mln so’m sovrin jamgʻarmasi oʻz egalariga topshiriladi.

Gʻoliblarni quyidagi miqdordagi mukofotlar kutmoqda:

1-o‘rin: 100 mln so‘m
2-o‘rin: 20 mln so‘m
3-o‘rin: 10 mln so‘m

Bizni kuzatishda davom eting.
👉 @zakovat 👈

Шахсий фикрим☝️

Билмадим, бу қачондан бошланган, лекин 1990-2000 йиллар давомида барча вилоят мактаблари ўқитувчилари, ўқувчилари йилига камида 4 ой вақтини пахта даласида ўтказган. Кузги, баҳорги ва ёзги таътилларни қўшиб ҳисобласа, яна тахминан плюс-минус 4 ойни чиқариб ташлаймиз. Мактаблар сони 10 мингга яқин, ўқувчилар эса бир неча миллион. Университет ва коллежлар, уларнинг ўқувчилари сони – алоҳида масала. Демак, 10 мингта мактабдаги миллионлаб ўқувчилар фақат 4 ой ўқитилган.

Бир йилда атиги 4 ойгина!😡😡😡

Агар фарзандингиз бир ҳафта мактабга бормаса, ўзингизни қўйишга жой тополмайсиз. Яқин йилларгача эса 8 ой деярли ўқимаган ёшларимиз.

Албатта, бундай давлат ва миллат бой бўлармиди😡😡😡

Ёшлигидан вақтини далада ўтказган ёшлар на коллежда ҳунар ўрганди ва на мактабда билим олди. Хуллас, бунинг таъсири ҳали анча билинади. Бунга тайёр бўлишимиз керак.

Ҳозир ўқитувчи ва ўқувчилар далада эмас, мактабда. (Оқни оқ, қорани қора дейиш керак).

Хулоса қилиб айтмоқчиманки, агар таълим соҳасида ҳеч қандай ўзгариш бўлмаган тақдирда ҳам, ҳозир болаларимиз 4 ой эмас, 8 ой ўқиётгани ҳисобига ҳам зарурий минимум билимни олиши аниқ.

Хожибой Тожибоев:
- Ким ўтирибди тўрда?
- Ўқитувчилар.
- Ўқитувчилааарр? Чиқаааарр уларни, тракторчиларни ўтказинглар ўрнига.

PS: Ўқитувчилар қадрланиши ва билим трендда бўлиши шарт. Ривожланишнинг бошқа йўли йўқ.

Ўқитувчи эмас, таълим эмас, тракторчи трендда бўлганидан кейин натижа ҳам шунга яраша бўлади-де энди, оғайни. Дод десанг ҳам, вой-дод десанг ҳам, гап шу! Так что, изоҳларда ортиқча гапингни қўй болам!

#билимнитинмайбосболам
#ўзимнитотойBOSSболам

Президент чарчайдими? Чарчаса, нимадан куч олади?

Кортежда кетяпмиз. Президент кортежида. Иккита “Спринтер” тўла журналист, репортёр, оператор, блогер. Орқада ўтирибман.
- Азиза, нима бор?
- Ҳалиги узумчи амакининг уйидан олинган нон бор.
- Узатинг.
Олдиндаги ҳамкасбларим нонни олади. Ўзаро муҳокама бошланади: “...синдирибди-а узум етиштиришни. Яна бу ҳали Олтиариқмас, Қўштепадаги уй. Узумнинг орасида битта чиригани йўқ. Бозорда нечпул экан-а шу бир бош узум?”

Ҳозиргина президент кириб чиққан хонадон ҳақида нимадир қоралаш учун телефонимни ёнимдан қидираман. Топилмайди. 8 кглик рюкзагимни очаман. Ноутбук, 2 та планшет, ҳар хил зарядкалар... Минералка, колбаса, печеньелар ва яна бир дунё ашқол-дашқоллар ҳам рюзкакдан чиқади. Оббо, телефоним қани?
Нариги спринтерда қолдирибман.

Иш кўплигидан тушликка вақт қизғонилади. Тамадди қилиш учун нима қўлимизга тушса, сумкаларга солиб оламиз. Президент одатда тушлик қилмайди. Сайлов кампаниясидан аввал ҳам ташрифларда юриб, бирор марта тушликка алоҳида соат ажратилганини кўрмаганман. Давлат раҳбари “одамлар кутиб қолади, мен иш билан келганман” деб кўпроқ жойга бориш, кўпроқ одам билан суҳбатлашишга ҳаракат қилишини биламан. Бир кунда 5-8 тагача объектга борилишига гувоҳман. Бир объект вилоятнинг у боғида бўлса, иккинчиси у тоғида жойлашган. Шунчаки ҳеч иш қилмасанг ҳам йўлнинг ўзи одамни тўкиб қўяди. Баланд пошна туфлилар билан хайрлашиб бўлганмиз. Ҳамкасблар ёппасига кроссовкага ўтиб олганмиз.

Бу одатий манзара. Президент ортидан юрганда, югуриб ҳам етолмайсан. Дақиқалар ғаниматлиги учун шошганда гоҳ у машина, гоҳ бу машинага чиқиб қоламиз.

Кортеж ҳар хил йўлдан юради. Кечагина асфальтланганидан ҳам, ўйдим-чуқуридан ҳам. Чанг кўчалар, лой кўчалардан ҳам. “Асфальт янги экан” дейман ойнадан қараб. Президент буниям гапиргани эсга тушади: “Нега мен биров йиллаб йўқлаб бормаган жойларни танлайман? Президент келса, одамларга ҳеч бўлмаса, йўл келади. Президент пастга тушса, шу баҳона ҳамма “каттаконлар” ҳам қишлоққа келади. Мен буларни биламан, алдашнинг ҳожати йўқ, пала-партиш эмас, сифатли йўл қуринглар” .

Одатда президент кортеждан ёки вертолётдан тушгач, дарҳол ўзи кузатган теварак ҳақида гапиради. Масалан, бир гал Тошкент вилояти устидан вертолётда учиб ўтиб “катта ерлар қақраб ётибди, одамларнинг катта томорқалари бўм-бўш, чўп cуқса ҳам унадиган жойку, экин экса оиласига фойдаку” деб куйинганди. Ўтган ҳафта эса биз журналистларга Бўзатовнинг дарахтларини учини кўрсатиб, “Бўзатовда тупроқ cоз, дарахтларининг илдизи тозалигини теракнинг барглари тўкилса ҳам энг учи яшил бўлиб турганидан билса бўлади, кўрдиларми” деди. Кеча эса пахта кластерида бўлиб, яна журналистларга кўп армонини очиқ айтди:

- Мени жуда қийнаган бу пахта. 100 йил манфаат олиб келмаган шу пахта билан яшадик. Халқимиз пахтани деб алданди. Давлат буюртмасини бекор қилиб, хусусийга берганимиз сабаби ҳам шу. Фермер манфаат бўлса пахта эксин, бўлмаса ўзига фойда келтирадиган, иқтисодга фойда бўладиган бошқа экин билан шуғуллансин. Ҳеч қандай тўсиқ йўқ ҳозир. 1997 йилда Исроилга пахта етиштиришни ўрганиш учун бориб кўрганман. Пахтани теради-ю зум ўтмай чигитини мой қилади, компьютер тола-ип қилади. Ҳозир гаплашганим- “Нетафим” компаниясини ўша вақтдаёқ ўзимизга олиб келмоқчи бўлганман. Булар камида 70 центнергача пахта етиштирарди. Аммо бу компания давлат буюртмаси билан ишламасди-да. Бизнинг техникалар ишлатилгач, очиқда ётишини кўриб, cувдан умуман нотўғри фойдаланганимизни кўриб, “бўлмайди” деб ортига қараб кетишган. Мана ҳозир шу компания ёрдамида кластернинг ўзи пахтани томчилаб суғоряпти, шу шлангнинг нуқтасидан ҳар бир кўчатга калийси, минерали ҳам тушиб, сувни увол қилмасдан Фарғонанинг чўл зонасида 10 центнер ҳам пахта чиқмайдиган ерида 45 центргача ҳосил оладиган қилди. Пахта хомашёмас, тайёр маҳcулот бўлиб фойдага киради. Қилса бўлар эканку!

Хорижлик мутахассис ҳам президентнинг гапини тасдиқлайди. Бу ерда пахтани бўлиқ қилиб етиштирилганини “this is a fantastic result” дейди.
(давоми пастда)
@qurbonova_a

(боши юқорида)

Мен, умрида пахта териб кўрмаган Қурбонова, эслайман: 1 кг пахта учун минг марта эгилиб-энкайиш кераклигини Шукур Холмирзаевда ўқигандим, пахтани деб ариқларда шўр сув ва пестицидлар оқиб, пахтани деб авлод, таълим ва Орол майиб бўлганини биламан. Бу эшитган гапларим фақат. Пахта ҳақидаги гапларни азобини чекканлар яхшироқ ёзади ва тушунади...

Ҳали ҳаммаси зўр бўлиб кетмаганини ҳам президент ҳам айтади. Фермерларнинг ҳаммаси ҳам кластер деган дунё учун оддий тизим, биз учун алламбало билан тил топишганича йўқ, кластер ва фермерлар ўртада ихтилофлар чиқиб туришини ўзим ҳам ўқиб қоламан. Пахта ислоҳоти ҳали охирига етмаган, дейди президент. “Илм олиб кирмагунимча, қишлоқ хўжалигига бозор иқтисодиётини олиб кирмагунимча тинчимайман”, деб қўяди орада.

Ҳув ўша февралда Наманганга келганда президентдан атай сўраб олгандим: “илтимос, журналистлар билан тез-тез мулоқот қилиб турсангиз”... Президент ўшандан бери ваъдасида турибди, ҳар ташрифда вақт ажратади. Кайфиятимиз, нималарни кўрганимизни сўрайди, у ёки бу ишдан мақсадини тушунтиради. Биз журналистлар ҳам қизиқ манёврларни ўрганиб олганмиз. Ҳаммамиз алоҳида тарқалмай, бир жойга жам бўлиб олсак, раҳбар бефарқ ўтиб кетмайди: “ўўў команда шу ердаку” деб албатта тўхтайди ва камида 15 дақиқа суҳбатлашади. Шундай пайтларда ҳар сафар ўзим ичимда айтаман: “қилса бўлар эканку!”

Чунки, “Президент Пули” (аккредитациядан ўтган турли ОАВ вакиллари гуруҳи)даги журналист бўлиб ҳам 1 чақирим наридан туриб ёки хонага киргазиб юборилган ҳолатда давлат раҳбари айтган гапларни эшитмай эфирга материал тайёрлаган пайтларимиз бўлган. Яъни, журналистлар бундай масофада ва мулоқотда аввал ҳеч қачон ишламаган. Очиғи, президент мулоқот қилаётганда тв журналистлари лавҳаси учун стендапини ёзиши ҳам фантастика эди. Ёзишга уяламан, аммо шундай бўлгани рост. Ҳозир эса энг зўр ракурсни танлаш-каналлар ўртасида рақобат. Атрофдагиларнинг “президент ишлаяптими, журналист ҳам ўз вазифасини бажариб юрибди-да” деган қарашларига етиб келганимиз учун минг шукр.

Ҳа-я кортежда кетаётгандик. “Севимли”нинг мухбири Жаҳонгир Олимов илтимос қилиб қолади: “Ўртоқлар, 2 дақиқа тинчлик бўлиб турса, наговоримни ёзиб олсам”. Қий-чувимиз тинади, “Спринтер” силкина-силкина аэропорт томонга шошилади. Жаҳонгир эфир учун телефонда ўз овозини ёзишни бошлайди: “Шавкат Мирзиёев 28 cентябрнинг ўзида Фарғона вилоятига сафарини якунлаб, Андижон вилоятига жўнаб кетди. Жаҳонгир Олимов, Санжар Шермуҳаммадов, “Замон” дастури учун”. “Ва бир гуруҳ жим ўтириб турган журналистлар” дейман чарчаган бўлса-да машинанинг ўзида лавҳасини монтаж, мақоласини таҳрир қилиб кетаётган ҳамкасбларимга кулгу улашиб))

Шавкат Мирзиёев учиб кетади. “Фарғонанинг ўзида минг киши билан учрашди-ёв, қандоқ чарчамас экан” дейман ичимда.

Ҳа-я, журналист Гулноза Ҳусанова кеча президентдан шуни сўраб олди: “Шавкат Миромонович, 2 ҳафтадан бери сизга ҳамроҳ бўлиб юрибмиз. Ҳаммамизда шу савол: президент ҳам чарчайдими? Чарчаган пайтларингизда нимадан куч оласиз?”
Жавоб қандай бўлди, дейсизми?
Видеода кўринг.

@qurbonova_a