😨Шымкентте 20 млн теңгенің алтынын ұрлағандар ұсталды

Полиция пәтер ұрлығымен айналысқан 5 адамды ұстады. Олар тұрақты тұрде ұрлықпен айналысқан. Көбіне үйдің терезесі арқылы кіріп, бөтеннің мүлкін қолды қылып жүрген.

Бір ай ішінде онға жуық үй тоналған. Келтірілген шығынның жалпы сомасы шамамен 20 миллион теңге.

Бағалы бұйымдар иесіне қайтарылды.

Күдіктілер уақытша ұстау изоляторына қамалды.

👉🏻 Бізге жазыл | zakon.kz

Еуроодақ ресейлік мұнайға, банктерге жаңа санкциялар салуға келісті

Кремльді әлсіретіп, Украинадағы соғысты тоқтатуға күш салу мақсатында Еуропалық Одақ Ресейдің энергетика және қаржы секторларына бағытталған санкциялардың жаңа кезеңін енгізуге келісті.

Бүгін Брюссельдегі елшілер мақұлдаған санкциялар 22 банкке, Ресейдің тікелей инвестиция қорымен және оның еншілес компанияларымен транзакцияларға тыйым салады. Сондай-ақ келешекте ашылуы жоспарланған «Солтүстік ағын» су асты газ құбырын пайдалануға тыйым салады.

ЕО ресейлік мұнайдың барреліне 60 долларлық шекті нарықтық бағадан 15% төмен болатын динамикалық механизмге айналдырады. Жаңа шек барреліне 47,60 доллар деңгейінде белгіленеді.

👉🏻 Бізге жазыл | zakon.kz

😨🏔15 метрлік жардан құлаған жасөспірімді тікұшақпен эвакуациялады

Алматы тауларындағы “Үш ағайынды” шыңына екі серігімен шыққан 17 жастағы жасөспірім бағыттан адасып кеткен. Кейін жартастан құлап, есінен танып қалған.

Төтенше жағдай туралы дабыл 17 шілде күні сағат 16:50-де түскен. 5 адамнан тұратын экипаж 21:46-да зардап шегушінің жанына жетті.

Иығы, шынтағы мен жамбас сүйегі сынған, омыртқасына зақым келген болуы мүмкін деген болжаммен тасымалдауға тікұшақ тартылды.

Оқиға орнына ТЖМ-ның Медициналық апаттар орталығының бригадасы келіп, көмек көрсетті. Бала Алматы қалалық №1 балалар ауруханасына жеткізілді.

👉🏻 Бізге жазыл | zakon.kz

✍🏻 Мемлекет басшысы жаңа Салық кодексіне және «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» Заңға қол қойды

Салық кодексі салықтық әкімшілендіруді жаппай жеңілдетуді көздейді. Атап айтқанда, салық есептілігінің көлемі 30 пайызға қысқарады, салықтардың саны 20 пайызға азаяды, жеңілдіктер мен алымдар оңтайландырылады. Елеулі өзгерістер корпоративтік және жеке табыс салықтарынан бастап инвестицияларды ынталандыру және салық жүктемесін қайта бөлу секілді барлық негізгі бағытты қамтиды.

Қосылған құн салығының (ҚҚС) жаңа базалық мөлшерлемесі 16 пайыз болып бекітілді. Дәрі-дәрмек пен медициналық қызметтерге төмендетілген ҚҚС мөлшерлемесі белгіленді: 2026 жылдан – 5 пайыз, 2027 жылдан – 10 пайыз.

Бұл ретте Тегін медициналық көмектің кепілдік берілген көлемі (ТМККК) мен Міндетті әлеуметтік медициналық сақтандыру (МӘМС) аясындағы қызметтер, Үкімет айқындайтын тізбе бойынша орфандық және әлеуметтік мәні бар ауруларды емдеу, сондай-ақ баспа түріндегі кітап шығару, археологиялық жұмыс жүргізу қызметтері ҚҚС-тан босатылады.

Мерзімді баспа басылымдарды өткізу бойынша 10 пайыз деңгейінде төмендетілген ҚҚС мөлшерлемесі белгіленеді. ҚҚС бойынша міндетті есепке қою үшін айналымның төменгі шегі 10 мың айлық есептік көрсеткішке (40 миллион теңге) дейін төмендетіледі.

Бірыңғай зейнетақы жинақтаушы қорынан (БЗЖҚ) төленетін зейнетақы төлемдері жеке табыс салығынан (ЖТС) босатылады. Пайдаланылу мерзімі 10 жылдан жоғары автомобильдер үшін көлік құралы салығы төмендетілді. Мүгедектігі бар адамдарға әлеуметтік салықтық шегерімдер 882-ден 5000 АЕК-ке дейін ұлғайтылды.

Салықтардың саны азайды: бірыңғай жер салығы қысқартылды, жеке төлемақылар бойынша мөлшерлемелер мен алымдардың саны кемітілді.

Арнаулы салық режимдері оңтайландырылды. Енді олар үш жағдайда қолданылады: өзін-өзі жұмыспен қамтығандар үшін, оңайлатылған декларация негізінде және шаруа қожалықтары үшін.

Өзін-өзі жұмыспен қамтығандар төлемдерді мобильдік қосымша арқылы есептеп, төлей алады.

👉🏻 Бізге жазыл | zakon.kz

Корпоративтік табыс салығы 20 пайыз деңгейінде сақталады

Алайда сараланған салықтық мөлшерлеме енгізіледі.

Атап айтқанда, банктер мен ойын бизнесі үшін – 25 пайыз. Әлеуметтік сала ұйымдары үшін 2026 жылы 5 пайыз мөлшерінде белгіленіп, 2027 жылы 10 пайызға дейін ұлғаяды.

Қор нарығын ынталандыру үшін биржалық құнды қағаздарға төленетін дивиденттерге салық жеңілдіктері сол күйі сақталады. «Бәйтерек» холдингі шығарған құнды қағаздардан түсетін кіріс 2031 жылға дейін КТС-тен босатылады.

Жеке табыс салығының (ЖТС) прогрессивті мөлшерлемесі енгізіледі. Жылдық жалпы табысы 8500 айлық есептік көрсеткіштен асатын азаматтарға 15 пайыз салық мөлшерлемесі қолданылады. Сол сияқты дивиденттері мен табыс көлемі жылына 230 мың АЕК-тен асатын кәсіпкерлер осындай мөлшерде салық төлейді. Ал фермерлердің осы межеден асатын табысына бұрыннан сақталған 70 пайыз жеңілдікті есепке ала отырып, 4,5 пайыз салық салынады.

Кодекстің мәтіні баспасөзде жарияланады.

👉🏻 Бізге жазыл | zakon.kz

Экс-дипломат Сәкен Мамаш 6 жылға сотталды

Үкім бүгін Астана қаласының қылмыстық істер жөніндегі ауданаралық сотында оқылды.

– Қылмыстық-процестік кодекстің 387–390, 393, 395–398, 401–402-і баптарын басшылыққа ала отырып, сот Мамаш Сәкен Тәшкенбайұлын Қылмыстық кодекстің 110-бабы 2-бөлігі 1) тармағында көзделген қылмыс жасағаны үшін кінәлі деп танып, оған 6 жыл мерзімге бас бостандығынан айыру жазасын тағайындады, – деді судья Артур Абдыханов.

👉🏻 Бізге жазыл | zakon.kz

Бұл кек алу емес, бұл әділдік

Сот үкімі оқылғаннан кейін Карина Мамаш журналистердің сұрақтарына жауап берді.

Сөз арасында ол жұбайынан он жыл бойы қорлық көргенін және бұған түбі жаза алатынын ескерткенде, Сәкен Мамаш күліп сенбегенін айтты. Сондықтан бұл кек алу емес, әділ жаза деп санайды.

Ол адвокаттары мен қолдау білдірген қазақстандық әйелдерге алғыс білдірді. Ешкім ешқашан зорлық-зомбылыққа төзбеуі керек деп сөзін түйіндеді.

📌Ал осы уақытта айыпталушы тараптың өкілі, Сәкен Мамаштың ағасы ешқандай дәлел жоқ екенін және үкімді теріс көретінін айтты. Сондықтан олар апелляциялық шағым түсірмек.

👉🏻 Бізге жазыл | zakon.kz

💸Қыдыруға 10 млн, ақ алтынға 3 млн: анасы мен қызы қылмыстық ақшаны қалай жұмсады

Мемлекеттік айыптаушы Мәдина Оразалина Ғайни Алашбаеваның телефонындағы жазбаларды сотта оқып берді.

2022 жылдың 1 желтоқсанында Перизат Қайрат 10 миллион теңгемен селфи сурет жасап, анасына жіберген. Бұл ерекше балаларға арналған оңалту орталығына берілуге тиісті қаражат еді.

Сондай-ақ Ғайни Алашбаеваның iPhone ұялы телефонындағы "Заметки" қосымшасында 37 000 000 теңгеге шығындарды былай бөліпті:

"5 000 000 – тіс емдеу;
10 000 000 – Түркияға барып емделіп келу;
3 000 000 – БАД-ы алып ішу;
10 000 000 – қыдыру;
3 000 000 – фэн шуй;
10 000 000 – базцы оқу;
2 000 000 – оффлайн бару, қыдыру сол уақыттарда;
3 000 000 – киім алу;
3 000 000 – білезік, ақ алтын, бриллиант". 

👉🏻 Бізге жазыл | zakon.kz

Гастролер ұрылар ұсталды

Астаналық полиция бөлімшесіне 15 шілдеде пәтер ұрлығы туралы арыз түсті. Үй иелері жоқтығын пайдаланған ұры терезені сындырып, пәтерден ақша мен зергерлік бұйымдарды қолды еткен.

Криминалдық полиция ізін суытпай күдіктелерді ұстады. Олар – ұрлықты кәсіпке айналдырып, бұрын сотты болған Қостанай облысының екі тұрғыны.

Ұрланған заттардың барлығы тәркіленіп, ұсталғандар қамауға алынды.

👉🏻 Бізге жазыл | zakon.kz

😳 Астанада «Биг Шанхай» базарындағы өртті сөндіру кезінде 3 құтқарушы жарақат алған

Бұл туралы Төтенше жағдайлар департаменті басшысының орынбасары Қанат Алтынбеков айтты.

«Сыртқы қабырғалардың температурасы 800 градустан асқан. Ішінде не болғанын елестетіңіз. Құрылымдардың опырылуы және өртті сөндіру барысында 3 қызметкеріміз зардап шекті. Олардың біреуі бас жарақатын алып, ауруханаға жатқызылды», – деді ол.

Өртті сөндіруге 165 адам, 62 техника жұмылдыруға тура келген.

Қазіргі таңда арнайы штаб құрылып, шығынға ұшыраған кәсіпкерлерге қолдау көрсету жағы қарастырылып жатыр.

Тhreads / akhmetali_aziz

👉🏻 Бізге жазыл | zakon.kz

🥺 Шабуылға ұшырап, зардап шеккен Қостанай ауруханасының дәрігері Астанаға жеткізілді

Ол саниавиация бортымен Ұлттық шұғыл медицинаны үйлестіру орталығына әкелінді.

Дәрігер реанимацияға келесі диагноздармен емдеуге жатқызылды: мидың ауыр дәрежедегі соғылуы, миға жіті қан құйылу, бас сүйегінің жабық сынуы.

👉🏻 Бізге жазыл | zakon.kz

😨 Қарағандыда медбикеге шабуылдаған ер адам психикалық-неврологиялық орталыққа жатқызылды

Бұл туралы Қарағанды облыстық Полиция департаментінің ресми өкілі Бақытжан Құдияров мәлім етті.

42 жастағы күдіктінің үстінен қылмыстық іс қозғалды.

Ол медбикенің қызметтік бөлмеге кіргізбегеніне ашуланып, осындай әрекетке барған. Медбикені таяқтың астына алып, бөлменің астан-кестеңін шығарған.

Оқиғаның мән-жайы анықталып жатыр.

👉🏻 Бізге жазыл | zakon.kz

🌊 Пәкістанда су тасқынынан қаза тапқандар саны 170 адамға жетті

Толассыз жауыннан соңғы 24 сағат ішінде Пенджаб аймағында 54 адамды су ағызып әкеткен.

Су тасқыны басталғалы 85 бала көз жұмған.

Пәкістан билігі қатты жауын жалғасатынын мәлімдеп, халықты сақ болуға шақырды.

👉🏻 Бізге жазыл | zakon.kz

Астанада құрылыс алаңында кран аударылып, жұмысшы қаза тапты

«Абырой» тұрғын үй кешені аумағында қатты жел салдарынан кран аударылып қалды. Құрылыс BI Group компаниясына тиесілі.

Компания өкілдерінің айтуынша, кран техникалық жағынан дұрыс күйде болған және жұмыс басталғанға дейін міндетті тексеруден өткен.

Ал Төтенше жағдай қызметтерінің дауыл туралы ескертуі оқиға болғаннан кейін ғана келді, дейді бұл тарап.

Бұдан бөлек BI Group құрылыс компаниясы қаза болған адамның отбасына жан-жақты көмек көрсетілетінін атап өтті.

👉🏻 Бізге жазыл | zakon.kz

🤼‍♀️Жәмилә Бақбергенова ел қоржынына күміс медаль салды

Мажарстан астанасы Будапештте халықаралық турнир өтіп жатыр.

Әйелдер күресінен әлем чемпионатының төрт дүркін жүлдегері Жәмилә Бақбергенова (72 келі) бұл жолы да жеңіс тұғырынан көріне білді.

🥈Қазақ палуаны ақтық сайыста үндістандық Харшита Харшитаға жол беріп, күмісті еншіледі. 

🥉Ал Нилуфар Райымова (57 келі) қолаға қол жеткізді.

👉🏻 Бізге жазыл | zakon.kz

🫀Дәрігерлер 3 жастағы бүлдіршіннің жүрегіне ота жасады

Сирек кездесетін туа біткен жүрек ақауы бар баланың жүрегіне жоғары технологиялық операция жасалды.

Негізгі диагнозы – үлкен тамырлардың түзетілген транспозициясы. Отаны Ұлттық ғылыми медицина орталығының білікті дәрігерлері өткізді.

Бірінші кезең 9 айлығында өкпе артериясын байлау операциясы болды. Бұл миокардты алдағы жүйелі жүктемеге дайындауға мүмкіндік берді.

Ал күні кеше кардиохирургиялық топ түбегейлі түзетуді – қос камералы кардиостимуляторды бір уақытта имплантациялау арқылы Double Switch операциясын өткізді.

Күрделі ота шамамен 6 сағатқа созылды, оның ішінде қолқаны қысу уақыты екі сағатқа созылды.

👉🏻 Бізге жазыл | zakon.kz

🤱🏻Еуропада туу көрсеткіші төмендеп барады

Еуропа халқын сақтау үшін бір отбасында кемі екі баладан болуы керек. Алайда ерлі-зайыптылардың көбі балалы болудан қашады.

Euronews агенттігінің жазуы бойынша, 2024 жылғы көрсеткіш соңғы он жылдағы ең нашар көрсеткіштердің бірі.

Еуропадағы туу көрсеткіші ең төмен ел – Германия. Мұнда халық санын сырттан келген мигранттар ғана түсірмей ұстап тұр.

Бұрын туу саны жоғары болған Францияда да бұл көрсеткіш төмен құлдилап барады. Өткен жылы коэфицент 1,62 болды. Бұл Бірінші дүниежүзілік соғыс аяқталғаннан бергі ең төменгі көрсеткіш.

👉🏻 Бізге жазыл | zakon.kz

Қостанайда дәрігерді соққыға жыққан бұзақы қамалды

Облыстық прокуратура күдіктінің екі ай мерзімге қамауға алынғанын хабарлады. Бұзақы ҚР Қылмыстық-процестік кодексінің 128-бабы бойынша ұсталды.

📌Еске салайық, қабылдау бөлімінде күтіп отырған науқас хирургті аяусыз соққыға жықты.

Дәрігер миға жіті қан құйылу, бас сүйегінің жабық сынуы диагнозымен
реанимацияға жатқызылды.

🔺Қоғамды дүр сілкіндірген бұл оқиға медицина қызметкерлерінің қауіпсіздігін күшейту үшін шұғыл шаралар қабылдау керек екенін тағы бір ескертті.

👉🏻 Бізге жазыл | zakon.kz

🏆Қазақстандық оқушылар әлемдік IMO-2025 олимпиадасында 6 медаль еншіледі

Аустралияда математикадан өткен халықаралық олимпиадада қазақстандық оқушылар 4 күміс және 2 қола медаль жеңіп алды.

Олимпиадаға 112 елден 650-ге жуық жас математик қатысты. Солардың ішінде үздіктер қатарынан көрінген жеңімпаздарымыз:

🥈II орын – Мирон Юркевич, Haileybury Almaty мектебінің оқушысы;
🥈II орын – Амирлан Аманжолов, Haileybury Almaty мектебінің оқушысы;
🥈II орын – Марғұлан Шарел, Spectrum International School мектебінің оқушысы;
🥈II орын – Амир Сахипов, РФММ мектебінің оқушысы;
🥉III орын – Ерасыл Алтынбек, Nurorda мектебінің;
🥉III орын – Ерқанат Кеншілік, Ақтөбе облысындағы «Білім-инновация» лицей-интернатының оқушысы.

👉🏻 Бізге жазыл | zakon.kz

😍Универсиададан ел қоржынына 2 медаль түсті

Германияда ХХХІІ Дүниежүзілік жазғы Универсиада өтіп жатыр.

Көркем гимнастикадан таспамен өнер көрсетуден Айбота Ертайқызы қола медаль алды.

Ал таеквондодан Дамир Шуленов жартылай финалда қытайлық спортшыға есе жіберіп, ол да қола медаль еншіледі.

👉🏻 Бізге жазыл | zakon.kz