هوسات في ولادة الإمام المهدي المنتظر عجل ألله فرجه الشريف


يوم ١٥ شعبــــــــــــان مولد قائم العتره
مولد صاحب الثارات كل الشيعه تنتظره
ثار حسين أبو السجاد ثار الطاهرة الزهره
(( فرحت بالمولد ثاراته ))
__

ليلة فرحة ليلة عيد خل تفرح جميع الناس
مهدينه انولد هاليوم راعي الغيره والنوماس
يشبه عمّه بالميدان ماخذ شمرت العباس
(( عباس الثاني يوصفونه ))
___

من يوم المهد لليوم عنده السيف والرايه
سرّ المرتضى الكرار عنده ويعرف الآيه
انّطه حچايه مهدي الآل يظهر گد لحچايه
(( يظهر شايل سيف ورايه ))
___

وينه الگال ما يظهر خل يتراجع احسلّه
من يظهر بعد ميفيد توبه ومغفره گلّه
لو يشرد لراضي الصين سيف المهدي يوصلّه
(( يحكمها الدنيا بچفّينه ))

سيد زيد الفحام
_______________________________

موال في مولد الإمام محمد بن الحسن المهدي عليه السلام

من هل علينه واجه جاب الفرح شعبان
نور الإمام المنتظـر بخمسطعش شعبان
ضـوّاها ارض وسمـه نور الولـي شعبان
مـولـد المهـدي المنتظر باقة ورد وديت
للمهـدي ولعتـرة علـي مـنّ الزغـر وديت
يظهـر وشـوفن هيبتـه ياهالخلگ وديت
نصيـن گلبـي موشعب صـارن اله شعبان

خادم الإمام المهدي عليه السلام
سيد زيد الفحام

https://youtu.be/_avoIlYEJw0
شوق اللقاء
اداء الرادود محمد القرغولي
كلمـــــات سيد زيــد الفحامـ

https://youtu.be/tVnCyAJmIbM
يامحبـوبـي
اداء الرواديد
علي الحاجي
عيسى الحاجي
محمد الحاجي
كلمات
سيد زيد الفحام

( آنه الحشد )

آنه الحشد والراية تعله بأيدي
شايل عزم يوم المعارك عيدي
وگفاتي عالساتر حلت
والراية بچفوفي علت
عدواني من ناري بچت. من صرفنت ذرعاني

داعش سحگته بكل شبر
لمن اجه بهيئة شمر
لاگيته بچفوف الخدر. وتبهذل السفياني

.............

بالفتوى فزعت كل هلي وخواني
عاشت يمينك سيد السستاني
يمربي للعازه زلم
اولادك احنه والنعم
ذلينه داعش ونهزم. لمن گلت هزموها

بيك انتصر هذا البلد
حررته ونطيته حشد
واحدهم تشوفه اسد وحچايتك سمعوها
............

عاش المنهدس مايموت براسي
قائد حسيني وبالنهج عباسي
ضحّه بدمائه للوطن
ماينسه وگفاته الزمن
وگفاته عالساتر حچن. والماگدر ضم راسه

آ يابومهدي غيرتك
تستر شرفنه دفعتك
ندمانه كلها اللامتك. وعاش اليحامي لناسه

سيد زيد الفحام
__________________________

الى سيدتي ومولاتي حبيبة الحسين عليه السلام
السيدة رقية عليها السلام في ذكرى ولادتها

هدية السماء

بالتهاني وبالولاية الحيدريه
نشارك حسين الفرح هاي المسيه
من كثر ما حب ابواليمه الاله
الله راد يفرّح حسين بهديه
انولدت بداره وفرح بيها الحسين
طفلة لكن تشبه الزهره الزچيه
شالها بچفينه فرحان الامام
وضحكت بوجهه الحبيبه الفاطميه
يالتناشد منهي هيه راح اگول
فرح گلب حسين بالطفله رقيه

صلوات. اللهم صلِّ على محمد وال محمد

سيد زيد الفحام

https://youtu.be/UpALkA97rcc

هدية السماء

ولادة السيدة رقية عليها السلام
اداء الرادود الكبير ملا جليل الكربلائي
كلمات سيد زيد الفحام
ايران _ اصفهان
شعبان الخير ١٤٤١هـ

موال في ولادة الامام الحسن عليه السلام

حيّــاك ياسيّــدي انت بصفـاتـك حسن
وارث علوم النبي ومن والدينك حِسِن
نبضات گلبي الك بسمك نبضهن حسن
ميلادك اجمل فرح شعشع علينه ورد
من فاطمه ومن علي هالليله غصنك ورد
سوينه محفل الك طشينه ياس و. ورد
سماك الله بحكمته انت الامام الــ حسن

سيد زيد الفحام
____________________________

مولد الامام الحسن عليه السلام

بالحسن وعيونه. هايم ومجنونه
حار القلم بوصافه. هنياله كلمن شافه
هايم ومجنونه
.................

ليلة النص من شهر رمضان ضوت
بمولد اول سبط والافراح حلّت
ليلة بيها الروح والاملاك نزلت
بمولد المجتبه للزهراء هنّت
نزلوا يبشروها. بالحسن هنّوها
خاسر حياته العافه. هنياله كلمن شافه
هايم ومجنونه
.................

هذا اول سبط من عترة محمد
من زغر سني عشگته الله يشهد
آنه مجنون الحسن وبحبه منشد
بمولده الّليله فرح بالروح ورّد
عايش بوجداني آدمي سوّاني
من رحمته وألطافه. هنياله كلمن شافه
هايم ومجنونه
.................

عايش بعالم خيالي وماتركته
بالگلب مو بالعيون ينور شفته
غالي مولاي الحسن بالروح شلته
اشعر براحة ضميري من عشگته
لو تهت يهديني اعطش ويرويني
مايظلم بأنصافه. هنياله كلمن شافه
هايم ومجنونه
.................

جيت اهنّي حيدر وامه الزچيه
بالحسن بحر الكرم هاي المسيه
للحسن باقة ورد شايل بديه
جيت اقدّم روحي لعيونه هديه
اسمك عله لساني يا امامي الثاني
وحي الله حتماً طافه هنياله كلمن شافه
هايم ومجنونه
.................

بليلة المولد اجدد عهدي ويّاه
ابقه خادم للحسن كل عمري والله
انسه روحي ودنيتي ومااگدر انساه
عالحسن ما دوّرت يلگيني ولگاه
افتخر حبّيته بالگلب ضمّيته
عطر الورد بشفافه. هنياله كلمن شافه
هايم ومجنونه

سيد زيد الفحام
__________________________

رسالة اعتذار للامام الحسن عليه السلام

الك ساعي البريد اتعنّه يامولاي

بدروب العشگ شايل رسالتنه

رسالة اعتذار وبيها شوگ هواي

رسالة مطرّزه بحبنه ومودتنه

كتبنالك عطاشى وردنه منك ماي

اروينه بحنانك وسگي لهفتنه

صحيح مقصرين ونعترفلك هاي

لچن وسط الگلب تنبض محبّتنه

شمس تچوي طبعنه وطبعك انت فياي

اجينه بمـولــدك نعلنــها توبتنــه

دخيلك يالحسن سامحنه وانت الهاي

نحبك سيـدي وقبل هـديّتنـــــــه

جبنالك ورود وبالگلب چم داي

شفاء نريد منك تشفي علّتنه

وبعد تشفع نريدك وانت صاحب راي

وحبك يالحسن اصبح وسيلتنه

سيد زيد الفحام
________________________

هوسات لمولد الإمام الحسن المجتبى عليه السلام


بفجر خامس عشر من شهر رمضان
انولد نور الحسن وستبشر القرآن
فرحت فاطمة وزدهرت الأكوان
( وستبشر حيدر من شافه )



اجه لبنته النبي لمن سمع بيها
تعنّه لدارها ورايد يهنيها
وستبشر فرح لمن وصل ليها
( من شاهد اوّل اولاده )



شال الحسن بيده المصطفه وناغاه
بأمر الله الحسن طه النبي سماه
تشهّد بالشهاده ابمهده من حاچاه
( بچفوف الهادي يشع نوره )



من وجه الحسن وجه البدر خجلان
تسطع من جبينه غُرّة الإيمان
جمال الشايله ماشاله اي انسان
( ضل صافن يوسف من شافه )



منبع للكرم والجود عنوانه
الليله بمولده الأملاك فرحانه
لعيون الحسن چم عين سهرانه
( يامحله السهرة ابميلاده )



ابميلاد الحسن يامحله لمّتنه
نهنّي الزهره والكرار غايتنه
ابفرحتهم حيينه اليوم فرحتنه
( وورود المولد جبناها )

خادم الإمام الحسن المجتبى عليه السلام
سيد زيد الفحام
____________________________

قصيده لعيد الغدير

يوم الغديـر اليوم وقّعنه
بس للوصي الكرار بايعنه
موروثه من طه
كلمة وحچيناهه
بس للوصي الكرار بايعنه
........

تحچي الروايه وعدنه مصدرها
بثمنطعش ذوالحجه نـذكــــرها
لمّـن رفــع طه النبـي بيــــده
ايــد الوصي الكـــرار كــــــررها

( مَن كنتُ مولاه علي مولاهُ )
( هــذا اللــذي انـبـئــي اللهُ )
بالـذّر سمعناهه
كلمة وحچيناهه
بس للوصي الكرار بايعنه
........

مـنّ الله نـزلـت آيـة العـالي
عالمصطفه وبالموقف الحالي
معنـــــاها انصب منبر لحيدر
ونصّب علي من بعدك الوالي

كل الصحابه الحاضره تشوفه
شال ايد ابوالحسنين بچفوفه
ما ننسه معناهه
كلمة وحچيناهه
بس للوصي الكرار بايعنه
........

صـار اختيــــار الخالق الأكبر
دون الصحابه كلها بس حيدر
غصبــاً عله المايقبل ويبغض
حيـدر ولينـــه يبقه للمحشـر

موتوا بحقدكم يالتعادونه
حيدر امير وما تـنـزلـونه
ياما كتبنـــــاهه
كلمة وحچيناهه
بس للوصي الكرار بايعنه
........

احنه الأجينه الليله يم بابه
شيعة عـلي الكــرار وحبابه
جبنه الورود انهنّي ونبـايع
نسجـد شُكـر للباري بعتـابه

ننصب محــافـل نعلن البيعه
بعد النبي بس حيدر انطيعه
من حقنه نتباهه
كلمة وحچيناهه
بس للوصي الكرار بايعنه
........

بيعة شـرف للـوالي بيعتنه
بيوم الغدير الفرحه فرحتنه
وقّعنه بالـدم حيـدر الوالي
تنصيبـه فرحه اليـوم لمّتنه

شيعة علي الكرار مسروره
والبهجة والافراح منشوره
بالـدم طبعناهه
كلمة وحچيناهه
بس للوصي الكرار بايعنه

#سيد_زيد_الفحام
4/8/2020
_____________________________

يالساكن بوجداني علي ياعلي
يا اوّل بلا ثاني علي ياعلي
................

يالماعرفنه اسـرارك
رب العرش مختارك
ياحيـدر ومـن نوره
ظلت تشـع انوارك

بَلّـغ نبيـنــا الغالي
من بعده انت الوالي
من بين كل اصحابه
انت المقامك عالي

بحبك كمل ايماني علي ياعلي
يا اوّل بلا ثاني علي ياعلي
................

بايعتـك وحبيتك
يابالحسن واليتك
بعيد الغدير الليله
مو وردة گلبي انطيتك

ايدك رفعها الهادي
هـذا الأميـر ينادي
ربنا العليم اختاره
يكمل طريق ارشادي

عشگك عشگ ربّاني. علي ياعلي
يا اوّل بلا ثاني علي ياعلي
................

عدوانك يحسدونك
ياحيـدر يبغضونك
غصباً عليهــم عالي
تبقى واسمهم دونك

مو رابع انت الأوّل
والهادي بيك تمثّل
غيرك ابـد منبايع
انت الأمير الأمثل

اسمك يظل عنواني. علي ياعلي
يا اوّل بلا ثاني علي ياعلي
................

يالحبّك مكفّيني
ما بينك ومابيني
عهد العشگ ياحيدر
ماعفته طول سنيني

بايعتك وما عوفك
مو عيني گلبي يشوفك
لوما اجيك بجسمي
يوميه گلبي يطوفك

طول الوكت ترعاني. علي ياعلي
يا اوّل بلا ثاني علي ياعلي

سيد زيد الفحام
٤-٨-٢٠٢٠
_________________________

هوسات لعيد الغدير 2020

الله رادك ياعـلي تكون الأميـر
لأن يعلم انت بس تغني الفقيـر
وبالحكم مثل النبي بالحق تسير

( ونطاك الكون وتكوينه )
______

انت مارايدها الله الدزها ليك
انزل عله المصطفه آياته بيك
اُمر طه يبلّـغ ويرفـع اديك

( من بعده ينصبك والينه )
_______

عله اعناد اهل السقيفه المبغضين
انت ياحيـدر اميــر المؤمنيــــن
انبايعك كل عـام يانفس الأميـــن

(ونجدد كل عام البيعه )

سيد زيد الفحام
_____________________________

https://youtu.be/H5MhYAyUdR4

قصيدة // اول كــرامـاتـك
اداء الرادود ميثم الكعبي
كلمات سيد زيد الفحام

في ولادة رسول الله محمد صلى الله عليه وآله

صلوا على مُحمّد وآلهِ الاطهار. وآلهِ الاطهار
.....................

هالليله ميلاد الرسول الهادي
اشرق علينه وبتهج كل وادي
نور الخليقه سيّد الاسيادي
واجب علينه الليله بسمه انادي

الأحـمَـدْ المـؤيّـد ومَنجمُ الاسرار. ومَنجمُ الاسرار
صلوا على مُحمّد وآلهِ الاطهار. وآلهِ الاطهار
.....................

وجه الرسول تشعشع بانواره
اشرف بشر رب المعالي ختاره
شمس الهداية اشرقت من داره
ميـلاده للأكـــوان احله بشاره

في خُلقهِ تَفرّد. ومتازَ عالاخيار ومتازَ عالأخيار
صلوا على مُحمّد وآلهِ الاطهار. وآلهِ الاطهار
.....................

ربّ الجلاله ابدع بتكوينه
شعّ بجماله والأمل بجبينه
شرّف خصاله حتى ينشر دينه
اسمه مُحمّد هالأسم يهدينه

لولاهُ ليسَ يُعبد الخالقُ الجبار. الخالقُ الجبار
صلوا على مُحمّد وآلهِ الاطهار. وآلهِ الاطهار
.....................

بمـولـد نبينا نـفـرح ونتباها
شموع الولاده بمولده علگناها
يحله الفرح هالليله ليلة طه
ليلة حبيب الباري عشنه اوياها

مَن ذا سواهُ يُحمَد في جنّةِ الابرار في جنّةِ الابرار
صلوا على مُحمّد وآلهِ الاطهار. وآلهِ الاطهار
.....................

انقذنه من عصر الجهل والعتمه
نوّرنه بنوار العلم والرحمه
سوّانه بالإسلام افضل امه
باخلاقه ساد عله الارض وبعلمه

يُرضيهِ مَن تَودّد لعترةِ المختار. لعترةِ المختار
صلوا على مُحمّد وآلهِ الاطهار. وآلهِ الاطهار

سيد زيد الفحام
____________________________________

ولادة رسول الله محمد صلى الله عليه وآله

لساني وگلبي ردد
مُحمَّد يا مُحمّد
تهانينه
يهادينه
مُحمَّد يا مُحمّد
....................

بزغ وجهك جماله. على الدنيا تلاله
شغف گلبي بكماله. يبوالزهره حبيبي

نبي ابمهدك هدايه. يمحبوب السجايه
الك نور ودرايه. يمحبوبي وطبيبي

مُحَمَّد يارسول الله وحبيبه
عجيبه خُلقك ونورك عجيبه
كرم طيب وسماحه
علم نور وفصاحه
الك جينه
يهادينه
مُحمَّد يا مُحمّد
....................

حبيب الله مُحمَّد احبك والله يشهد
الك حبي تجدّد. يبو خلاق العظيمه

لگت گلبي السعاده الك يعلن وداده
فرحت بهالولاده. يبو چفوف الرحيمه

على وجهك يبوالزهره ابتسامه
نشرت الرحمه والحب والسلامه
صفات الله صفاتك
ابد ماكو بغلاتك
امانينه
يهادينه
مُحمَّد يا مُحمّد
....................

صحت هالليله هيه الولاده الاحمديه
نسيمك هب عليه. شرح صدري بعطوره

يغالي بكلشي انته. الك گلبي وهبته
مثل عمري ملكته. يمن تعرف شعوره

نبينا آمنت بيك وتبعتك
شرف كل الشرف اشعر خدمتك
احب آلك وحبك
ضوه الاسلام گلبك
عشگ بينه
يهادينه
مُحمَّد يا مُحمّد
....................

ينبع الخير كلّه. عليك الباري صلّه
فقط حبك اجِلّه. ملك روحي وكياني

شعلت شموعي عشره. وبخورك فاح عطره
ردت مـولاي نـظــره. احط بيها ضماني

دخيلك سيدي انت الوسيله
احبك واليحبك تنتخيله
اليحب آلك تحبّه
وغداً تغفرله ذنبه
تگر عينه
يهادينه
مُحمَّد يا مُحمّد

سيد زيد الفحام
________________________________

رسول الله مُحَمَّد
.......................

مثل گلبك فلا شايف يطش ويهدي حنّيه
گلب ابيض ولا مره حقَد لو شال منّيّه
تحب الخير للناس
رؤوف وكلّك حساس
ينور وتاج عالرس
رسول الله مُحَمَّد
.......................

عجيبه گلبك شكبره وسع للناس يحويها
تأذيك شكثر چانت تحبها وماتأذّيها
شكثر عندك سماحه
اليجيك يشوف راحه
تحب حچي الصراحه
رسول الله مُحَمَّد
.......................

تواضع شايل ورحمه فلا شايلها انسان
عظيم بخلقك العالي يمدحك بيها قرآن
نشرت بحبك الدين
بسيط تشوفك العين
ابو كل المساكين
رسول الله مُحَمَّد

#سيد_زيد_الفحام
___________________________________

لولادة الامام جعفر الصادق عليه السلام

هالليله فرحتنه. بسادس أئمّتنه
نفرح سويه. نفرح سويه
.................

هالليله ميلاد الامام الصادق ونوره
سادس أئمّتنه انولد والشيعه مسروره
ننصب محافل للفرح نتوجّه انزوره
سُبحانه خالق مَنظَره ابهه واجل صوره

مانعرف اسراره والخالق اختاره
يصبح وصيه. يصبح وصيه
..................

لرض المدينه الطاهره نبعث تهانينه
للصادق الليله الفرح يادنيا مَر بينه
يشبه مُحمَّد بالوصف وارث عناوينه
بعلمه وكلامه ومنهجه للجنّه يهدينه

يافرحة انصاره. من شعّت انواره
ضوّه البريه. ضوّه البريه
..................

من جعفر الصادق شرف مذهبنه يتصدّر
أسس مدارس للعلم طول الزمن تُذكر
من طه علمه وحكمته ومن الوصي حيدر
هالليله خل ننسه الحزن ضيف الفرح جعفر

خل نجتمع لجله. ونسولف بفضله
يالجعفريه. يالجعفريه
....................

احبابه احنا وشيعته تجمّعنه بالمحفل
نهنّي الامام ابمولده انصاره نتسَجَّل
بالصادق وجاهه سوه للباري نتوسَّل
يغفر ذنبنه وننسعد بالجنه من نرحَل

گلناها چم مرّه. ما نترك العتره
ولِد الزچيه ولِد الزچيه
..................

نبعث تهاني امن الگلب للمهدي هالليله
يعجّل ظهوره ونلتقي ياربي ندعيله
ظلم النواصب والالم عن شيعته يزيله
مهدينه نقسم لو ظهر مشايه نمشيله

من يرفع الرايه. نوگفله وفايه
اول مسيه اول مسيه

سيد زيد الفحام
____________________________________

https://youtu.be/NU13w55Y5fY
سادس أئمّتنة
ملا علي البديري
كلمات سيد زيد الفحام