نزلة العزاء [ راية يا مولاي ]
للشاعـر: السيد زيد الفحام
-
ليالي استشهاد الإمام الكاظم (ع)
ليلة ٢٣ رجب ١٤٤٧ هـ
العتبة الكاظمية المقدسة - بغداد
💠telegram
https://telegram.me/m7bebasim

شامخ كالجبل ما دورت لبده
يا سيد علي والعايل اترده
جربنه الدول ما شفنه قائد حيد
منو مثلك رفض امريكا وتصدّه
اسرائيل تاخذ عالدول خاوات
كلها ستسلمت للكافر اتعبده
بس انت الوحيد وربعك الابطال
رجّفت النتن وگّفته عد حده
ما گدروا عليك انت الردت مولاي
تستشهد مثل جدك علي ابعهده


سيد زيد الفحام

مصاب امير المؤمنين عليه السلام

راح ابونه الغالي راح من اذه الدنيا استراح
قبّلت وجهه وحضنته. وبيدي يا زينب دفنته
راح ابونه. راح ابونه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
راح الچان خيمه ونگعد بفيّه
راح وراحت ايامه ولياليّه
اخوج آنه الحسن كل حيل ما بيّه
دفنته وجيتچ ابچي وروحي مچويّه
يختي يا زينب تعاي. ابچي عالوالد معاي
بالنعش هيبتنه شلته وبيدي يا زينب دفنته
راح ابونه. راح ابونه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ابو تراب اندفن هالليله بترابه
يزينب راح ابونه وما شفه صوابه
ابو الأيتام حيدر يصعب غيابه
واجب مو دمع دم نبچي لمصابه
راح ابو الگلب الحنين. ما يجي زيدي الونين
جرحه ما يشفه عرفته. وبيدي يا زينب دفنته
راح ابونه. راح ابونه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
سمعت زينب وصاحت يضي عيني
اريد لگبر ابوي وياك ودّيني
البيت بلا علي موحش يأذّيني
يريت الموت ياخذ عمري وسنيني
يالحسن ياخويه آه. راح اموت بلا هواه
بالگبر ياخويه عفته. وبيدي يا زينب دفنته
راح ابونه. راح ابونه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ما تنفع دموعي ولا لطم راسي
هدم حيلي المصاب وضاعت انفاسي
قاسي هواي جرح المرتضى قاسي
أخذني لگبره خويه وارحم حساسي
يالحسن ما بية روح. عالگبر الطم ونوح
ما يرد للدنيا وكته. وبيدي يا زينب دفنته
راح ابونه. راح ابونه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
اخاف عليج يختي يگلهه ما اگدر
تموتين عله گبره والألم يكثر
يزينب يختي هيدي كلبج اتفطّر
من كثر البواچي حالج اتغيّر
تحمّلي يمّ الحجاب. هذا مو آخر مصاب
بويه يا حيدر ندبته. وبيدي يا زينب دفنته
راح ابونه. راح ابونه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
شلون اصبر يخويه واحمل آلامه
راح المرتضى وما تمم صيامه
اجانه العيد خويه وظلّت ايتامه
من ينشد عليها وراحت ايامه
خويه بغياب الأمير. منهو ينشد عالفقير
جرح الابراسه عصبته. وبيدي يا زينب دفنته
راح ابونه. راح ابونه

سيد زيد الفحام
_________

ميمر // ولاية امير المؤمنين عليه السلام

لوما علي وذوالفقّار. لا عابد ولا معبد

لوما علي وسيف النصر ذوالفقّار
من يكدر يرد ويصدّ الكفار
رادوا يقتلون الرسول المختار
لكن علي سيف الله. يكطع الجف التمتد


لوما علي دين الله ما شاع ودام
جا عمرو ابن ود فاز وقضى عله الاسلام
محد برز بس حيدر تحده وگام
بس حيدر يسل السيف موج الحرب من يشتد

أسأل بدر وسأل أحد والأحزاب
يحمي النبي منهو الوگف يفني رگاب
ومنهو التسمّه بالحرب داحي الباب
ومرحب بطل من لاواه. لوما علي يتمرّد


ضربة علي لعمرو بن اود ما تنقاس
وصّفها طه المصطفى رفعة راس
افضل وأعظم من عمل كل الناس
بحيدر ثبت ساس الدين. لا يوگع ولا ينهد


هيج الزلم بالحرب مو زلم افرار
من كثر ما يهجم علي عله الاشرار
سمّاه رسول الله بحديثه الكرار
كلما يندبه وينخاه. يفزعله ما يتردد

لهاي المواقف ربك اختاره يكون
بعد النبي هوه الخليفه عله الكون
والمايبايع علي لاشك ملعون
باب الجنان المفتوح. بوجه اليبغضه ينسد


احنه بأمر الله ونبي ملتزمين
بس بعلي وبحب علي متمسكين
عدنه الولاية هيه من أصل الدين
عدنه الروايات هواي. عدنه الحديث المسند

سيد زيد الفحام
________

امير المؤمنين علي عليه السلام

ارحم حالنه وحال اليتامه
گول ان شالله تكوم بسلامه
.............

جيت اسأل يبويه عليك. جرحك ياعلي شلونه
شگال شسولف الجرّاح. لمّن شافه بعيونه
يبچون الحسن وحسين. ليش وما يضمدونه
اذا جرحك سهل چا ليش. وجهك منخطف لونه

وليش الكون متغيّر نضامه
گول ان شالله تكوم بسلامه
.............

طمّن گلبي وحچي وياي وفتح عينك بعيني
ياريت العمـر ينــــدار. ونّطي لعمرك سنيني
لتگول اخــر الكلمات. هاي البينك وبينـي
گول ان شالله اتعافه. وبأيـدج تگوّمينـي

يالدوم عله وجهك ابتسامه
گول ان شالله تكوم بسلامه
.............

هاي ايتامك عله الباب. انهض يا علي ليهه
تبچي وتنحـب ابّابك. تنتظـرك يواليهه
اطفال ويتامه زغار. من غيرك يراعيهه
لتيتّمها يابوحسين والعيد اگبل عليهه

لا تكسر گلب بيك اهتمامه
گول ان شالله تكوم بسلامه
.............

شد جرحك يبويه وگوم. تمم ياعلي صيامك
لا تفجعنه يابوحسين لا تختمهن ايامك
شاهد حالة اولادك. بويه وشوف ايتامك
كلها تصيح يا كرار. انهض ومسح آلامك

لتگول العمر گرّب ختامه
گول ان شالله تكوم بسلامه
.............

آني الدلّلتهه هواي. زينب ياعلي يمك
لا تتركني اترجّاك لا ينزف بعد دمك
اگعد والجرح داويه خل نتشرف نخدمك
يالنورك يشع بالكون. ياگبر اللذي يضمك

لتگول الفجر اخر علامه
گول ان شالله تكوم بسلامه
.............
آخـر كلمه وي زينب. حاچاها بدموع العين
هيّن جرحي ومصابي صبري يگلها لا تبچين
باجر بالطفوف هناك. اعظم فاجعه تشوفين
گبالچ ينگطع راسه. ويتگطع اخوج حسين

ودّعها علي وسمعت كلامه
گول ان شالله تكوم بسلامه

سيد زيد الفحام
__

https://youtu.be/vQPEc3ZNDIU?si=VBbPO-P0AOnpZzG0

لو هلي عافوني

الرادود مصطفى السوداني
الشاعر سيد زيد الفحام

فاجعة هدم قبور البقيع ليس لها إلا الامام المهدي عليه السلام

گلبك نار. يمته الثار
تبني گبور. للأطهار
..........

چم ثار اليطلبك دين. ما تنهض يبوصالح
گلبك ها كثر يحمل. مصايب والحچي الجارح
وآخر فاجعه البيهه. اعتداء عله النبي واضح
من هدمو مراقدكم. بعد ما ينفع اتسامح

سلّ السيف. وخذ الحيف
منّ اعداك. يا مغوار
.........

يالمهدي الحسن مظلوم هدمو بالحقد گبره
هدمو مرقد السجاد. والباقر بلا حضره
ومرقد جعفر الصادق. طاح وما محو امره
لاشك حاضر وتعرف. من هدمهن بكفره

لا بُنيان. لا عنوان
لا تقدير. لا زوار
........

يايوم البقيع يصير. مثل طف كربله انشوفه
منارات وصحن عالي. بيوم العاشر انطوفه
من طف كربله الزوار. تجي مشايه ملهوفه
ننظر للبقيع اينور. مثل النجف والكوفه

بيك اتعود. يالموعود
تزهي ردود. بالانوار
........

من باب الحسن لحسين. طريق الجنه يتعبّد
مواكب ننصب ورايات. بسم المهدي نتوحّد
نوصل للبقيع هناك. ابّاب الزهره نتحشّد
وتتلگّـانه يالمهدي. وينور بوجهك الغرقد

نشوف گبور. كلها تنور
لهل البيت. اقدس دار
........

ننتظرك يراعي الثار. ندعي بكل صلاه تظهر
ثار الزهره ينتظرك. وثار حسين ابو الأكبر
گطعوا راسه يالموعود. داسو صدره وتكسّر
يمته انشوفك بسيفك لِبِن المصطفى تثئر

يطلب ديَن. ثار حسين
لا تنساه. بيدك صار

سيد زيد الفحام
_________

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------