اكو احد بالبووت گلبلياها محاضرة فيزياء وان هذه عاصفة شمسية وتوهجات وليس شفق قطبي
اگول شوف وتوّنس يا قاتل الملذات والمتعة ياللي منكد على نفسك وعلينا يا برج العذراء

حاسة نفسي دخلت مسلسل يوفوريا بالغلط والبنت كاسي حتجي تتبچبچ
رو؟ وين واز ذيس؟

او تحسه بروجيكتر السما ابو ١٥ الف اللي تشغله تالي الليل من تريد تنام

احب من الولد يحط اهتمام ويبذل جهد بعد ما يشوف حساب البنية العاجبته ويلگاها مهتمة بشي معين ويروح يتعلمه وينشر على الستوري نفس هالشغلات عود يعني نفس الافكار والاهتمامات وخُلقنا لبعض يا تؤام روحي وفلذة الكبد
يااااه غريب الحُبّ مين فاهمه

هذا اللي مخلص المادة ويجي ينشر ميمز عن الفاينل لو الزمه الا اشبعه كتل

شلون اتخيل نفسي من اسولف بالقناة

جسدك نحيل، اعصابك تلفانة وما بيك حيل تنطي اي ردة فعل، ضعفان، هالاتك واصلة لحنچك من السهر والقلق، حلگك جاف لان اخر مرة شربت بيها مي چان بسحور ٢٩ رمضان، جسمك يرجف من ٤ كوب گهوة و٧ كوب چاي شاربه لهذا اليوم وواگف بالمطبخ صافن على الملزمة الدمعة بعينك كل اللي تريده صمونة تسد بيها جوعك لان حتى ماعندك الرفاهية لو الوقت ان تسوي اكل طبيعي مثل الناس وتاكل
هذا مو تعليم اكاديمي، هذه فترة تعذيب نفسي وعقاب

الايباد والسماعات ديخلص شحنها بسرعة، الصلاة دا تفوتك، اهلك مدتشوفهم، اذا تصفن على الحايط خمس دقايق تبچي او تنهار من الضحك الهستيري، ما تتذكر شوكت اخر مرة فتحت شباك الغرفة، شرايط البندول نايت والبراسيتول والبونستان والنگزيوم مطشرة بالغرفة، اوراق ملخصات مشگگة لان حيوانك الاليف قرر يتعشى بيهن فجأة، قلم جاف من چنت رابع ابتدائي بعده يشتغل مشمور بالزاوية تستخدمه شوية وتذبه، طگع كوابة الگهوة والچاي على الميز والگاع وملابسك حتى

عمومًا الكورتادو اختراع لطيف وسعره مناسب مقارنةً بكميته انصح اي احد يروح لكافيه مرة لخ يطلبه ويا كرواسون او سيناپون🎀

هاي الوادم لا حاچيه وياها لا عندهم رقمي لا مروا عليه بمنهج منين ديشوفون ستوريات التليگرام
الحلو ديحطولي لايك والله خجلوني

تتوريال كيف تجلط ٢٠٠ طالب بدقيقتين
نزللهم السعيات بليلة الامتحان

محد مسؤول عن هالشي غيرك فماكو داعي اظل الوم فلان وعلان والصدفة الكونية والذات الالهية وكل هالاشياء اللي حواليا علمود اعلگ سوء تنظيمي
اني اللي سويت هيچي بنفسي
واني اللي حساعد نفسي واگوم
دعواتكم

هذا اللي ينزل ملف اسئلة والحلول خطأ وهذا اللي ينزل ملف اسئلة بلا حلول الهي يا رب تتشكو فبطنكو
اما اللي ميدز الاسئلة علمود نراجع عليها فهذا دعوة خالصة من القلب له🥰

هسه منين اجيبلي عنكبوت يمشي على الايپاد والاقلام والمحاضرات؟

قصة العنكبوت مايعرفها الا المخضرمين ويايه

بالصيدلة كل واحد بينا ( حسب ظني ) عنده دواء معين حيكون هالدواء هو اول دواء تعرف عليه بشكل دراسي بهالكلية وانبهر بيه بعدها عينك ما تشوف الا النور وسيل من الادوية اجت وراها
المهم، اول دوا جان بالنسبة اليه هو ال phenobarbital 🩷

كيف ترسّب ٣ الاف طالب ب٣ ساعات

الاسئلة كلمة مقرفة قليلة بحقها وكلش مو زينة واريد ابچي بس ماعندي دموع

لا جديات الاسئلة كلش كلش كلش صعبة واني مو من نوع الطلاب اللي يذبها براس الاسئلة او الدكاترة اذا هو مقصر
بس الاسئلة كلش صعبة

ماكو داعي تنتظرون عيد الاضحى حبايب، اليوم جبناه بالاسئلة

مثل كل سنة
الخامس والثاني واگعين بيها
الرابع يطلعون منها سالمين
والثالث مادة يعذبوهم بيها ومادة لا